| tursun |
2012-10-31 16:25 |
«تۆت نەرسە»نى بىلىپ قويۇڭ جۇما...
«تۆت نەرسە»نى بىلىپ قويۇڭ جۇما...
يوللىغۇچى: تۇرسۇن ھۆسەيىن
1-)مۇنداق تۆت نەرسە كۆڭۇلدىكى ئارزۇنى ئەمەلگە ئاشۇرىدۇ؛ئۇلار: غەيرەت،شىجائەت،ئىرادە،ھىممەت.
2-)تەدبىرلىكنىڭ تۆت بەلگىسى:باشقا چۈشكەن كۈلپەتنى سەۋر-تاقەت ۋە تەدبىر بىلەن يىڭىش،ئىسراپچىلىققا يول
قويماسلىق،دوستلارنىڭ نەسىھەت ۋە مەسلىھەتلىرىگە قۇلاق سىلىش، پۇرسەتنى قولدىن بەرمەسلىك.
3-)مۇنداق تۆت نەرسە پۇشايمان بىلەن نەتىجىلىنىدۇ:قولدىن كەلمەيدىغان ئىشقا ئۇرۇنۇش،ھورۇنلۇق،ئالدىراڭغۇلۇق،دوستلارنىڭ نەسىھەت ۋە مەسلىھەتىگە كىرمەسلىك.
4-)مۇنداق تۆت نەرسىدىن ئكزىنى تارتىش كىرەك:قەھر-غەزەپتىن،ماختانچاقلىقتىن،ئىچى تارلىقتىن،تەمەخورلۇقتىن.
5-)مۇنداق تۆت نەرسە مۇنۇ كىشىلەردە بولمايدۇ:يالغانچىدا-ئادالەت،بىخىلدا-سائادەت،ھەسەتخوردا-راھەت،
ئۇرۇشقاقتا-شەرمىي-ھايا.
6-)مۇنداق تۆت نەرسە گۇمران بولۇشنىڭ بەلگىسى:ئاداۋەت،ھەسەتخورلۇق،غەيۋەت،خىيانەت.
7-)مۇنداق تۆت نەرسە ئادەمنىڭ ئابرويىنى تۆكىدۇ:خوشامەتچىلىك،ئاچ كۆزلۈك،سىر ساقلىيالماسلىق،چىچىلاڭغۇلۇق.
8-)مۇنداق تۆت نەرسە-مۇنداق تۆت نەرسە بىلەن ئاخىرلىشىدۇ:يالغانچىلىق-رەسۋالىق بىلەن،غەزەپ-پۇشايمان بىلەن،قوپال سۆز-كۆڭۈلسىزلىك بىلەن،ھورۇنلۇق-خارۇزارلىق بىلەن ئاخىرلىشىدۇ......!
مەنبە:«تارىم غۇنچىلىرى»ژورنىلىنىڭ2011-يىللىق 11-سانىدىن ئىلىندى. |
|
