| ayhenim926 |
2012-09-01 19:09 |
ئەدەپ-ئەخلاقتىن تەۋسىيلەر
◆ئىنساننىڭ قەدىر-قىممىتى مەيلى ئۇ ئىنسان ياخشى ئەمەلنى ئاز قىلسۇن ياكى كۆپ قىلسۇن،گۈزەل ئەمەلىيىتىگە باغلىق.
◆زاماننىڭ ھاتەملىرى سانىلىدىغان ئەرلەر موھتاجلارنىڭ ھاجىتىنى راۋا قىلغان،دەردمەنلەرنىڭ دەردىگە يەتكەن،بىناۋالارنىڭ كوڭلىنى ئالغان،ھەق سۆزنى ئېيتقان كىشىلەرنى ھىمايە قىلالىغان ئەرلەردۇر.
◆توغرا سۆزگە ئىشەنمەي خاتا سۆزگە ئىشىنىپ،ئوزلىرىنىڭ ئىشەنچىىنى پۈتۈنلەي يوقاتقان مىللەت ئەھۋالىنىڭ ياخشىلىشىدىن ئۈمۈد كۈتۈش قىيىن.
◆كىشىلەرنى ھۆرمەت قىل،سەن باشقىلارنى ھۆرمەت قىلساڭلا،ئاندىن باشقىلاردىن ھۆرمەت كۆرەلەيسەن.
◆بىلىڭلاركى،بۇ زامان غەپلەت ۋە بىپەرۋالىقنىڭ زامانىسى ئەمەس،ئويغىنىش ۋە سەزگۈرلۈكنىڭ زامانىسىدۇر.جاھىللىق ۋەنادانلىق دەۋرى ئەمەس،ئىلىم مەرىپەت دەۋرىدۇر.سۇسلۇق ۋە بىكارچىلىق ۋاقتى ئەمەس،تىرىشىش ۋە غەيرەت ئجتىھات ۋاقتىدۇر.
◆گۈل شۇنچە باراقسان خۇش پۇراق ئېچىلغان بولسىمۇ،ئاخىر توزۇپ چېچىلىشتىن خالىي قالمىدى.ئادەمنىڭ ئۆمرى شۇ گۈلنىڭ ئېچىلىشىدىن توزۇغانچىلىك ۋاقىتتۇر،مۇشۇنچىلىك ۋاقىتنى غەنىيمەت بىلمەي،كۆڭۇللەرنى ئورۇنسىز رەشىك-ھەسەت زەردابلىرى بىلەن ئۇپرىتىشتىن بىزگە نېمە پايدا بار؟؟؟
◆ئەي،ئالىي مەرتىۋە ئىگىلىرى،ئالىيلىق بىلەن مەغرۇرلانماڭلار.كالا بىلەن چۆرگىلىدىغان بۇ دۇنيا قانۇنىيەتسىز ئەمەس.
◆مىللەتنىڭ خار ۋە زەبۇن بولمىقىغا بىرى،بىلىمسىزلىك ۋە نادانلىق،يەنەبىرى تەپرىقىچىىلىق ۋە ئختىلاپ سەۋەپتۇر.
◆ئەگەر كۆزۈڭ باشقىلارنىڭ ئەيىبىنى كۆرسەتسە،سەن ئۇ كۆزۈڭگە <باشقىلارنىڭمۇ كۆزى بار>دېگىن.ئەگەر ئەقىل ئىگىسى بولساڭ،باشقىلارنى ئەيىبلىمەيتتىڭ.ئەگەر ئۆزۈڭدىكى ئەيىبنى كۆرەلىسەڭ،بۇ ئەيىبىڭ بىلەن جىم بولاتتىڭ.
◆بىر مىللەتتە ئۇلۇغ ئتتىپاقلىققا يېتەكلىگۈچى مەنىۋى رەھبەر بولمىسا،بۇ قوۋم كىشىلىرىنىڭ چېچىلغىنى چېچىلغان.(ئەدەپ-ئەخلاختىن تەۋسىيلەردىن) |
|
