ئىپارخان

رىۋايەت قىلىنىشىچە، ئىپارخان لاتاپەتلىك ئۇيغۇر قىزى بولۇپ، دادىسى ۋە قېرىنداشلىرى جەڭدە خىزمەت كۆرسەتكەنلىكتىن خان ئۆزى تاللاپ ئۇنى ئوردىغا ئەكىرگەن. خاننىڭ يۈكسەك ھۆرمىتىگە سازاۋەر بولغان بولسىمۇ ئەمما ئۇنىڭ قەلبى ھامان ئۆزى تۇغۇلۇپ ئۆسكەن قەشقەرگە تەلپۈنگەن. يۇرتىنى زارىقىپ سېغىنغان؛ خان ئوردىسىدا نازۇنېمەتلەر ئېشىپ-تېشىپ تۇرسىمۇ، يۇرتىنىڭ جىگدىسىنى سېغىنغان. خان ئىپارخاننىڭ نەچچە مىڭ چاقىرىم يىراقلىقتىكى يۇرتىدىن جىگدە ئەكەلدۈرۈپ بەرگەن. ئىپارخان يەنە ھىدلىق جىگدە چېچىكىنى سېغىنغاندا خان ئۇنىڭغا ئىچ ئاغرىتىپ ئامالسىز ئۇنى يۇرتىغا ئەۋەتكەن. يول بەك يىراق بولغاچقا، 100 نەچچە ئادەم تەختىراۋاننى كۆتۈرۈپ قەدىمىي يىپەك يولىنى بويلاپ ئۈچ يېرىم يىلدا ئىپارخاننى قەشقەرگە ئېلىپ كەلگەن (ئىپارخان بەختكە قارشى يولدا قازا قىلغان). ئۇيغۇرلار ئىپارخاننى تولىمۇ قەدىرلىگەچكە، ئۇنى ئۆز نەسەبلىرىنىڭ قەبرىستانلىقىغا دەپنە قىلغان. كېيىنكىلەر ئۇنىڭ مەقبەرىسىگە بېرىپ تاۋاپ قىلىدىغان بولغان. مانا بۇ قەشقەر خەلقى ئارىسىدا ئەۋلادتىن ئەۋلادقا تارقىلىپ كېلىۋاتقان ئىپارخان ھەققىدىكى رىۋايەتتۇر.
Q &@~
تارىخىي مەنبەلەردە قەيت قىلىنىشىچە، ئىپارخان چيەنلۇڭ خاننىڭ بانۇسى بولۇپ، ئۇنىڭ بەدىنىدىن گۈپۈلدەپ جىگدە ھىدى پۇراپ تۇرغاچقا، «ئىپارخان»دەپ ئاتالغان ھەم ئۇ ئۇيغۇر بولغاچقا تولىمۇ ھۆرمەتلەنگەن. پادىشاھ چيەنلۇڭ ئىپارخاننىڭ ئىسلامىيەتچە تۇرمۇش ئۆرپ-ئادەتلىرىگە ۋە دىنىي ئېتىقادىغا ھۆرمەت قىلىپ ئۇنىڭغا مەخسۇس مۇسۇلمان ئاشپەز ۋە كېنىزەكلەرنى سەپلەپ بەرگەن، ئىپارخاننىڭ ئۆزى ياقتۇرىدىغان ئۇيغۇرچە كىيىم-كېچەكلەرنى كىيىشىگە ئىجازەت قىلغان. ئىپارخان خان ئوردىسىدا توپتوغرا 28 يىل ھايات كەچۈرۈپ ۋاپات بولغاندىن كېيىن، زۇنخۇادىكى شەرقىي قەبرىستانلىققا دەپنە قىلىنغان. قەشقەردىكى ئىپارخان مەقبەرىسى ئەمەلىيەتتە ئوتتۇرا ئاسىيادىن دىن تارقىتىش ئۈچۈن قەشقەرگە كەلگەن ئاپاق خوجا يۈسۈپ ئۈچۈن سېلىنغان قەبرىستانلىقتۇر. بۇ قەبرىستانلىق 1640-يىللىرى بىنا قىلىنغان بولۇپ، ئەسلىدە يۈسۈپ خوجا مازىرى دەپ ئاتالغان. يۈسۈپنىڭ ئوغلى ئاپاق خوجا ئۆلگەندىن كېيىن ئۇمۇ مۇشۇ يەرگە دەپنە قىلىنغان، ئۇنىڭ سىياسىي جەھەتتىكى نوپۇزى ۋە دىنىي ئورنى ئاتىسىدىن يۇقىرى بولغاچقا، بارا-بارا ئاپاق خوجا مازىرى دەپ ئاتالغان. چىڭ سۇلالىسىنىڭ ئاخىرلىرىدا تارقالغان ئىپارخان ھەققىدىكى رىۋايەتلەرگە ئاساسەن بۇ قەبرىستانلىق ئىپارخان مەقبەرىسى دەپمۇ ئاتالغان.

قەشقەر شەھىرىنىڭ شەرقىدىن بەش كىلومېتىر يىراقلىقتىكى قوغان دەپ ئاتىلىدىغان قەدىمىي يۇرتتا ئىسلام ئۇسلۇبىدىكى ئىمارەت – ئىپارخان مەقبەرىسى قەد كۆتۈرۈپ تۇرىدۇ.
شىنجاڭنىڭ ئىسلام مەقبەرە قۇرۇلۇشى ئۆزگىچە ئالاھىدىلىكلەرگە ئىگە. قەبرە ئۈستىگە سىرتى چاسا، ئىچى يۇمۇلاق گۈمبەز ياسالغاندىن باشقا، ئەتراپقا مەسچىت ۋە ئائىلە-تاۋابىئاتلار قەبرىستانلىقى بىنا قىلىنىپ مۇكەممەل ھالەتتىكى ئىمارەتلەر توپى شەكىللەندۈرۈلگەن. ئىپارخان مەقبەرىسى تۆت بۆلەكتىن تەركىب تاپقان بولۇپ، ھويلىنىڭ غەربىدە ھېيت ۋە جۈمە نامازلىرى ئوقۇلىدىغان چوڭ مەسچىت، ئوتتۇرىسىدا گۈمبەز شەكىللىك مەدرىس، ئۇنىڭ يېنىدا كىچىك مەسچىت، كىچىك مەسچىتنىڭ ئارقىسىدا ئېگىز گۈمبەز بار. سىرتى چاسا، ئىچى يۇمۇلاق بۇ چوڭ گۈمبەزنىڭ ئۇلىنىڭ كەڭلىكى 40 مېتىرچە بولۇپ، تۆت بۇرجىكىنىڭ ھەربىرىگە تامغا پاتۇرۇپ يۇمۇلاق تۈۋرۈك قويۇلغان. ھەربىر تۈۋرۈكنىڭ ئۈستىگە يەنە يېرىم ئاي شەكلى چىقىرىلىپ ناھايىتى سىپتا، نەپىس ئەزان مۇنارى ياسالغان. گۈمبەز ئۆگزىسىنىڭ دىئامېتىرى17 مېتىر كېلىدۇ. ئۆگزىنىڭ چوققىسىغا كارناي شەكىللىك كىچىك راۋاق ياسالغان بولۇپ، ئۈستىگە ئالتۇندىن ھەل بېرىلگەن ھىلال ئاي ئورنىتىلغان. ئېيتىشلارغا قارىغاندا، ئىلگىرى ھىلال ئايغا 50 سەر ئالتۇن ئىشلىتىلگەن بولۇپ، ئۇنى مىنگونىڭ دەسلەپكى يىللىرى قەشقەرنى سورىغان ماشاۋۋۇ ئوغرىلىۋالغان. كېيىنكىلەر ھىلال ئاينى ئامالسىز مىستىن قايتا ياساپ قويغان.

گۈمبەزنىڭ تام-تورۇسلىرىغا يېشىل چاقچۇق چاپلانغان، ھېكمەتلىك سۆزلەر پۈتۈلگەن سېرىق، كۆك فار-فۇر خىشلارمۇ ئارىلاشتۇرۇلۇپ، گۈل-نەقىشلەر چىقىرىلغان. يوغان زالغا ئادەمنىڭ بېلىگە كەلگۈدەك سۇپا ياسالغان بولۇپ، ئۈستىگە ئاپاق خوجا ۋە ئۇنىڭ ئەۋلادلىرىدىن 72 ئادەمنىڭ قەبرىسى قاتۇرۇلغان. رىۋايەتتىكى ئىپارخاننىڭ قەبرىسى سۇپىنىڭ شەرقىي شىمال بۇرجىكىدە بولۇپ، باشقا قەبرىلەردىن پەرقلەنمىسىمۇ، ئەمما كىشىنى ئالاھىدە جەلپ قىلىپ تۇرىدۇ. ئىپارخان مەقبەرىسىدىن يۇقىرى ماھارەتلىك ئۇيغۇر مىمارچىلىق ھۈنەر-سەنئىتىنى كۆرۈۋالغىلى بولىدۇ.

(خەنزۇچە »يىپەك يولى« ژۇرنىلىنىڭ 1999-يىل 6-سانىدىن ئۆمەرجان ھەسەن بوزقىر قىسقارتىپ تەرجىمە قىلدى)

جۇڭگۇ مىللەتلىرى ژۇرنىلى 2004 – يىللىق 1- سانىدىن

gulhan

2012-07-23 15:09

تۇلۇمۇ ئەھمىيەتلىك ماتىريال يوللاپسىز. ئەجرىڭىزگە كۆپ رەھمەت، ئىنى.

دىمەك، مەن بۇماتىريالدىن شۇنى چوڭقۇر چۈشەندىمكى دىننىي ئىتقادىنى ئۇنۇتمىغان ،ئۆز مىللى خاسلىقىنى يۇقاتمىغان ئىپارخان شۇ خاسلىقلىرى بىلەن تۇنۇلۇپتىكەن.ئەتۋارلىنىپتىكەن. لىكىن بۈگۈنكى كۈندە بىز ئاياللار نىمە بولۇپ كەتتۇق_ ھە!؟....
ئۆز خاسلىقى ھەر بىر ئىنساننى جۇلالاندۇرۇپ تۇرىدىغان نۇر ئەمەسمىدى....

sebure

2012-07-23 21:45

تەۋپىق ئەپەندىمگە كۆپ رەھمەت،ئەھمىيەتلىك ماتېرىيال يوللاپسىز،ھارمىغايسىز،قارىغاندا ئىپارخانغا ئائىت ئاغزاكى ماتېرىياللارنىڭ سانىمۇ خىلى بار ئوخشايدۇ،ئوقۇتقۇچىمىز ئىلھام توختى (مەركىزىي مىللەتلەرئۇنۋېرسىتېتى)نىڭ دېيىشچە ئىپارخان ئىزچىل بانۇلىققا كۆنمىگەن ،لېكىن ۋاپات بولغان جايى توغرا ئەسكەرتىلىپتۇ،قەشقەرخەلقىگە نىسبەتەن ئاپئاق خوجا مازىرىدىن ئىبارەت بۇ مۇناپىقنىڭ مازىرى ئىپارخان مازىرى دەپمۇ ئاتىلىپ تاھازىرغىچە قەشقەر خەلق ئارىسىدا ئومۇملىشىپ كەتتى،مۇشۇ ھەقتىكى ماتېرىياللار تېخىمۇ ئېنىقلىنىپ بۇ ناملار ھەقتە تولۇق مەلۇماتقا ئېرىشسەك ياخشى بولاتتى............

ozqan	2012-07-29 01:25
كاللىمىزدا چىگىش تۇرغان بەزى مەسىلىلەرگە جاۋاب چىقىدىغان تېمىكەن بۇ ، ئەجرىڭىزگە رەخمەت ...

albuyuk

2012-09-06 22:54

بۇ بىر ياخشى تىما بۇپتۇ ئەمما ئىپارخان ھەققىدىكى تارىخ تۇغرا يېزىلماپتۇ يەنى دادىسى ۋە قېرىنداشلىرى جەڭدە خىزمەت كۆرسەتكەنلىكتىن خان ئۆزى تاللاپ ئۇنى ئوردىغا ئەكىرگەن بۇلماستىن بەلكى يۇلدىشى ۋەھشى مانجۇ چىرىكلىرى بىلەن ئىلىپ بىرلعان بىر قىتىملىق قۇزعىلاڭدا ئۇرۇشتا باتۇرلۇق بىلەن شەھىت بۇلۇپ ئىپارحان قاتارلىق بىر قىسىم ئۇيعۇر قىرىنداشلىرىمىز ئەسىرگە چۇشۇپ بىيجىڭ حان ئۇردىسىعا مەجبۇريى ئىلىپ بىرلعانلقى سىر ئەمەس ، مەن تۇرداشلارعا مۇشۇ ھەقتىكى تارىنى يۇللاپ حەۋەردار قىلاي

ماھىنۇر	2012-11-04 18:45
ئپارخان ھەققىدە چوڭقۇر چۇشەنچىگە ئگە بولدۇم .رەخمەت سىزگە .

danix

2012-11-05 17:33

     ئىپارخان  « يۇرتۇمدا يۇپۇرمىقى كۆمۈشتىن ، مېۋىسى ئالتۇندىن بولغان بىر خىل دەرگى بار . شۇنى ھىدلىغۇم كەلدى » دېگەن سۆز بىلەن يۇرتىغا بولغان سېغىنىشىنى ئىپادىلىگەن . بۇ سۆزنى ئاڭلىغان چيەنلوڭ ئىپارخاننىڭ يۇرتىدىكى شۇ دەرەخنى خانبالىققا كۆچۈرۈپ كېلىش توغرىسىدا پەرمان چۈشەرگەن .
   بۇنىڭ بىلەن «جىگدە يېغىلىقى>>دىن ئىبارەت قوزغۇلاڭ يۈز بەرگەن .
<< جىگدە يېغىلىقى >> ئۇچتۇرپاندا يۈز بەرگەن . بۇ بايانلارغا ئاساسلانغاندا ئىپارخان ئۇچتۇرپانلىققۇ دەيمەن .
يەنى بەزى تارىخىي ماتىرىياللاردا « ئىپارخاننىڭ ئاتا - بوۋىلىرى سەئىدىيە خانلىقىنىڭ ئەمىرلىرىدىن بولۇپ ، ئاپاق غۇجا تەرىپىدىن ئۇچقا سۈرگۈن  قىلىنغان >> دېيىلگەن .

جۇلالە	2012-11-06 00:00
رەھمەت!ئپارخان ھەققىدە چوڭقۇر چۇشەنچىگە ئگە بولدۇم .

ئاچچىقگۈل

2013-06-24 20:05

مەن بۇ شەخسكە قىزىقىمەن. ئۇنىڭ تاكى خان ئوردىسىغا تۇتقۇن قىلىنىپ بارغىچە بولغان كەچمىشى ماتېرىياللاردا ئاساسەن بىردەك بولسىمۇ،ئۇنىڭدىن كېيىنكى ھاياتى،ئۆلۈمى توغرىسىدىكى كەچمىشى ھەرخىل نۇقتىلاردىن يېزىلغان ئىكەن. مېنىڭچە،ئىسلام ئەقىدىسى ئەڭ كۈچلۈك بولغان چوڭ جەمەت قوينىدا تۇغۇلغان،تەربىيە ئالغان،نىكاھ كۆرگەن،يەنى بىرقەدەر پىشقان بىر ئايالنىڭ مەنچىڭ ئوردىسىدىكى ھاياتى ھەققىدە ئېچىلمىغان سىرلار يەنە بار بولۇشى مۇمكىن. خان ئوردىلىرىدا مەڭگۇ ئېچىلمايدىغان سىرلار بۇرۇنمۇ،ھازىرمۇ ناھايىتى كۆپ .

چېچەك

2013-09-14 23:08

بۇ مەلۇماتلارنىڭ قايسىسى راستۇ؟مەن «ئۇچتۇرپاندا مانجۇ چېرىكلىرىنىڭ زالىملىقىغا قارشى بىر قېتىملىق قوزغىلاڭدا يولدىشى باتۇرلارچە قۇربان بولغاندىن كېيىن ئىپارخانغا بىر مانجۇ ئەمەلدارىنىڭ كۆزى چۈشۈپ،ئۇنى خانغا سوۋغا قىلىش ئۈچۈن بېيجىڭدىكى خان ئوردىسىغا مەجبۇرىي ئېلىپ بېرىلغان.»دەپ ئاڭلىغان ئىدىم.

ئاچچىقگۈل

2013-09-15 06:04

引用第9楼چېچەك于2013-09-14 23:08发表的 :بۇ مەلۇماتلارنىڭ قايسىسى راستۇ؟مەن «ئۇچتۇرپاندا مانجۇ چېرىكلىرىنىڭ زالىملىقىغا قارشى بىر قېتىملىق قوزغىلاڭدا يولدىشى باتۇرلارچە قۇربان بولغاندىن كېيىن ئىپارخانغا بىر مانجۇ ئەمەلدارىنىڭ كۆزى چۈشۈپ،ئۇنى خانغا سوۋغا قىلىش ئۈچۈن بېيجىڭدىكى خان ئوردىسىغا مەجبۇرىي ئېلىپ بېرىلغان.»دەپ ئاڭلىغان ئىدىم.

پاراسەت

2014-01-10 15:55

بەزىدە ھاراقكەش،پاھىشۋاز،تەققى-تۇرقى يېرىم يالىڭاچ قىزلارنى كۆرسەم ھۆرمىتىم قوزغىلىپ قالىدۇ.نېمىشقا دېگەندە ،ئۇلار ئەتەي شۇنداق قىلىپ باشقىلارنى يىرگەندۈرۈپ،قۇسقىسىنى كەلتۈرۈپ،ئۇلارنى ئاگاھلاندۇرۇۋاتامدىكىن دەيمەن؟

ھاتەھاتەم	2014-03-11 12:52
ئپارخان ھەققىدە چوڭقۇر چۇشەنچىگە ئگە بولدۇم .رەخمەت سىزگە