| tursun |
2012-05-29 16:07 |
زىمىن ۋە ئىنسان
زىمىن ۋە ئىنسان
شىئىر
ئاپتورى:تۇرسۇن ھۇسەيىن
پادىشاھ بوپ يارالغانلارمۇ تۇرالمايدۇ زىمىندىن ئارتۇق،
ئەگەر شۇنداق نىيەتتە بولسا قىلار زىمىن پۇشماننى تارتۇق.
تەبىئەت ھەم زىمىن ئىجادى-ئىنسان دىگەن ئالىي مەخلۇقات،
ئۇنىڭ بىلەن ھەمسىرداش ئىنسان ھاياتلىقتىن قازىنار ئۇتۇق.
تەبىئەت ھەم زىمىن خىسلىتى-ئىنسان ئۇچۇن شىپالىق دورا،
چۇشەنمىسەڭ بۇنى ئەي نادان،ئەجداتلاردىن ئىرىنمەي سورا.
«بىلمىگەننى سوراپ چۇشىنىش-ئەجداتلاردىن قالغان مىزاندۇر،
سورىمىساڭ جىنىڭغا زامىن،شاختىكى شۇ پىشمىغان-غورا.»
ئىنسان ئەقلى-زىمىننىڭ ئەقلى،زىمىن ئاڭا بەرگەن بەرىكەت،
شۇڭا ئىنسان ھىچ توختىماستىن بارالايدۇ نىشانغا پەقەت.
تەبىئەت ھەم زىمىن ئانىنى خارلىساق بىز بولىمىز خاراپ،
ھەتتا ئىنسان يۇرىكى بىر كۇن توختاپ قالار،قىلالماس ھەرىكەت!
مەنبە:ئوز ئىجادىيىتىم |
|
