تەۋپىق مۇنبىرى - Powered by phpwind

(ھېكايە)

ئىيون ئايلىرى. پىژغىرىم ئىسىق جاندىن ئۆتەتتى،ۋىلايەتلىك باھالاش ئۆمكى كېلدىكەن ، دېگەن گەپ تارقالغىلى بىرەر ئايچە بولۇپ قالغان بولسمۇ ، قاچان كېلدىغانلىقى توغۇرلۇق تېخىچە ئېنق خەۋەر يوق ئىدى. شۇنداق بولشىغا قارىماي ئارام ئېلىش كۈنلىرىمىز ئوقۇغۇچى داۋامىنى تولۇقلاش ۋە خىزمەتلەردىكى كەم تەرەپلەرنى تولدۇرۇش بىلەن ئۆتىۋاتاتتى.

مەكتەپ ئىچدىكى جىدديلىك بىر پەسلەپ،بىر ئۆرلەپ تۇراتتى.مەكتەپ رەھبەرلىك قاتلىمدىكى يولداشلارمۇ ئوقۇتقۇچىلارغا تاپىلايدىغان تاپىلاقلارنى ھەر كۈنى تاپىلاپ زېرىكپمۇ كەتكەن ئىدى.ئوقۇتقۇچىلارمۇ ئوقۇغۇچىلار ئالدىدا ئاللا قاچان ‹‹ياغلىق قاپاق››ۋە‹‹ياغاچ قازان››لارغا ئايلنىپ بولغان ئىدۇق.

ھەر كۈنى كەچتە يېڭى-يېڭى بىلدۈرگۈلەر كېلىپ تۇراتتى،

-ئەتە چوقۇم كېلىدۇ.ھەممەيلەن بۈگۈن كەچ سائەت توققۇزغىچە كەسپى خىزمەتلەرنى قىلايلى. كەچتە يوقلىما بار. ھېچكىمنىڭ سەۋەپسىز كىتىشكە رۇخسەت يوق...

بۇ بۇيرۇقنى ئاڭلىغان ھەر بىر ئوقۇتقۇچىنىڭ قويۇق چېچى تىك تۇرۇپ كېتەتتى.شۇنداقتىمۇ نە ئىلاج.سەككىز سائەت ئىشلەپ ھارغان،ئاچقان ئوقۇتقۇچىلار تېخىچە يانمىغان نەمقېتىش ئىسسىقتا ئېغىر قەدەملىرنى سۆرەپ،سالپايغان ھالدا ئىشخانىلارغا سولنىشقا مەجبۇر بولدى...

بۇ ۋاقىتتىكى كەيپىيات،ۋىجدانىنىڭ غېرىبسىنىشى ، سىقىلشىنى قانداقمۇ ئىپادىلگىلى بولسۇن ! ..

بۈگۈن باھالاش ئۆمكى كېلېدىغان كۈن.ھەممەيلەن پاتپاراق.تازىلىق،تازىلىق،يەنە تازىلىق توغرىسىدىكى رادىئو ئۇزۇلى ئۇقتۇرۇشى قاق سەھەردىلا قۇلاقنى يارغىلى تۇردى.

نەمقېتىش ئىسىق ھېلىتەن باشلانغان،ئۇ پۈتۈن بەدەننى چىرماپ ،ئەتىراپنى ئوراپ ئالماقتا . ھەممە ياق نەمقېتشيۇ،لېكىن ھېچ يەردە بىر تېمىمۇ سۇ يوق. ئادەمنى بىئارام قىلدىغان بۇخىل موھىتنىڭ باھالاش ئۆمكىگە ناچار تەسىر بېرىشدىن ئەنسىرەش ھەمىمىزنىلا چارچىتىۋەتكەن.تىنجىق موھىت،ۋاراڭ-چۇرۇڭسىز مەكتەپ.سۇلغۇن چىرايلار،نەمقېتىش دىمىققا بەرداشلىق بېرىشكە مەجبۇر.

3-سائەتلىك دەرسكىمۇ قوڭغىراق نەمقېتىش سىگىنال بەردى. لېكىن باھالاشنىڭ قارسىمۇ يوق.بىراق قۇلاقتىن كۆرە مېڭگە بەكرەك تەسىر قىلدىغان ‹‹كۆرسەتمىلەر››نىڭ ئايغى ئۈزۈلمىدى.

-بۈگۈن چۈشلۈك ئارام ئېلىش بولمايدۇ.باھالاش ئۆمكى سائەت بىردە كېلدۇ.شۇڭا ھەرقايسى ئوقۇتۇش گوروپپىلىردىكى ئوقۇتقۇچىلار ۋە تولۇق يللىقلارنىڭ ئۇقۇغۇچىللىرى چۈشلۈك تاماقنى باھالاش ئۆمكى كەتكەندىن كېيىن يىيىشى كېرەك.

مەكتەپ رەھبەرلىك قاتلىمدىكىلەرنىڭ شۇنچە ھەيۋەتلىك رادىئو-كانايلارغا ئىشەنمەي،ئىشخانمۇ ئىشخانا قاتىراپ يۈرۈپ يەتكۈزگەن يېڭى خەۋەرلىرىگە قارىتا ھېچكىم ھېچنىمە دەممىدى.

ھەممە ياقنى سۈرلۈك جىم-جېتلىق باسقان ، ھەتتا سىرىتتا ئۇچۇپ يۈرگەن چىۋىنمۇ كۆرۈنمەيتى.

ھەممە جاي چاك-چاك يېرىلغان.لەۋلىرىمىزدە گەز، ئاچلىق ھەممىلا جاينى قاپلىغان.

بۇخىل ئاچلىققا يوشۇرۇنغان چۈشنىكسىز تۇيغۇ كۆزلەردىن تارىغان.

-ھەرقايسى سىنىپلارنىڭ سىنىپ مۇدىرلىرى ئۆز سىنپىغا كىرىپ باھالاش ئۆمكى كەتكۈچە چىقماي دەرىس ئۆتۈپ تۇرۇش كېرەك.كىمدە كىم ئوقۇغۇچىلارنى سىرتقا چىقىردىكەن،مەسئۇلىيتىگە ئۆزى مەسئۇل...

دەرسىم بولمىسىمۇ بۇيرۇققا بىنائەن سىنىپقا كىردىم.43 دانە سولاشقان ياپىراق.نەمقېتىش دىمىقتا سالپايغان،43 جۈپ سىرلىق كۆز،نىملەرنىدۇر پىچىرلاشقان.تىل نەھاجەت دىل تۇتاشقاندا...

ۋاقىت ئۆمىلگەندەكلا ئاستا ئۆتمەكتە.سائەت بىردىنمۇ ئاشتى.ھەممە ياق ئېغىر سۈكۈتتە،ۋىژ-ۋىژ ئىسىق ھالسىزلاندۇرماقتا،توۋا،ئىسىق تازا كۈچەيگەندى خۇددى يەرتېگىدىن چىققاندەك بىرخىل مۇدىھىش ئاۋاز چىقىرىدىكىنا . سەزگۈلىرىمگە ئىشەنمەي قايتا قۇلاق سالدىم...

... سائەت ئىككىمۇ بولدى.يەنىلا ئېغىر جىم-جىتلىق. كۈپ-كۈندۈز، يوپيورۇقيۇ، گۆرۈستاننىڭ مودىھىش كىچىسىدەكلا ۋەھىملىك. ۋاقىت قىممىتىنى يوقاتقان...

تۇيۇقسىز خىيالى كۆلەڭگۈدەكلا بىر ئىلمي بۆلۈم ئەزاسى كىرىپ كەلدى.سائەت ئۈچ يېرىم بولغان ئىدى.

ئەمدىلا ئېغىز ئاچاي دېيشىمگە،ئۇنىڭ يەرتېگىدىن چىققاندەك گىڭشىغان ئاۋازى ئاڭلاندى:

-سەل تەخىر قىلڭلار،ئۇلار جىددى تەكشۈرۋاتىدۇ.چۈشلۈك غىزا ۋاقتى سەل ئۇزراپ كېتىپ قالدى.شۇڭا تەكشۈرۈش سەل كېچىكتى،ھازىرلا تۈگەيدۇ.بىز قوڭغىراق چالمىغۇچە سىرىتقا چىقماڭلار...

قالغان گىڭ-گىڭلار قۇلقىمغا كىرمىدى،پەقەت بىر ئوقۇغۇچىنىڭ « مۇئەللىم قورسىقىم ئاغرىپ كېتىۋاتىدۇ...» دېگەن يىلنىش ساداسىنى ئاڭلاپلا ئۇنىڭ يېنىغا باردىم.ئۇنىڭ چىرايى تاتىرىپ كەتكەن ئىدى.

-چىداپ تۇرۇڭ ئۇكام،ھازىرلا تۈگەيدۇ...قالغان گەپلەر قۇلىقىمغا كىرمىدى

مېڭەم ۋىڭىلداپ كەتتى.‹‹سىرىتقا چىقىپ كىرىڭ››دەپلا بالنى يۆلىدىم.يەنە بىر ساۋاقدىشى بىللە ئېلىپ ماڭدى .

كۈن نۇرى كۆرۈنمەيتى،بىراق ئەتىراپتىن ھور كۆتۈرۈلگەندەك،تۇتۇق تۇمان سېنىپنى قاپلىغان.جۈپ-جۈپ مۇڭلۇق كۆزلەرنى يوشۇرۇپ ئالغاندى.

نۆلىنچى سائەتلىك دەرىسكە(مەكتىبىمىزدە ئاشخانىنىڭ كىچىك بولىشى سەۋەبىدىن تولۇق يىللىقلاردىكى ئوقۇغۇچىلارنىڭ دەرىسى تولۇقسىزدىكى ئوقۇغۇچىلارنىڭ دەرىسىدىن بىر سائەت بۇرۇن باشلىناتتى ) كېچكىپ قالماسلىق ئۈچۈن چالا-پۇلا ناشتا قىلىپلا كەلگەن سەبلىرىم ئالدىدا تىلسىز ئىدىم.ئېغىر گۈناھ-سەۋەنلىك ئۆتكۈزۋاتاتتىم ،تەكرار،تەكرار ئۆتكۈزۋاتاتتىم .روھىم سۇنغان،ئىرادەم ئىگىلگەن،ۋىجدان سورىقى ئالدىدا جاۋاپسىز ئىدىم.

ۋاقىت سۇئال –جاۋاپسىز ئوتمەكتە .

خوشنا بىنادىن كۆتۈرۈلگەن ۋاراڭ-چۇرۇڭدىن كۆرە يېراقتىن كېلىۋاتقان - يەرتېگىدىن ئاڭلىنۋاتقاندەك ئەنسىز سىگنال ئاۋازى بەكرەك دېقىقىتىمنى تارىتتى ،ۋاقىت سىتىرىلكىسى تۆت يېرىمىنى كۆرسەتكەن ،ھېچنىمىدە ئۆزگىرىش يوق...

سىرىتقا چىقتىم،باھالاش ئۆمكى شەرىق تەرەپتىكى بىنادىن ھەيۋەت بىلەن دەرۋازا تەرەپكە قاراپ ماڭغانىدى، ئۇلارنىڭ قەدىمىي تېخى ئۇزارمايلا مەكتەپ ئىچى جانسىز ھەرىكەتكە كەلدى...

ھاجەتخانا يولى تار كېلىۋاتاتتى.ھەتتاكى بىرقىسىم ئوقۇتقۇچىلارمۇ يۈگۈرۈپ دېگۈدەك تار يولغا ئۆزنى ئاتقانىدى...

تۆت قەۋەتلىك بىنادىن كۆتۈرۈلگەن ۋاراڭ-چۇرۇڭ،ئەنسىزچىلىكىنى يىراقتىن ۋۇقۇيتۇپ سىگىنال بېرىپ،ئەمدىلا دەرۋازا ئالدىدىن چىققان، باھالاش ئۆمكىگە پەرۋامۇ قىلماستىن كېرىپ كېلۋاتقان جىددي قۇتقۇزۇش ماشىنىسنىڭ ئاۋازى بېسىپ كەتكەن ئىدى...

مەنبە: ئۆز ئىجادىيەت

قاينام