| kaqur | 2012-04-16 00:11 |
رەڭدارلىققا كۈلكە خۇرۇچلىرىنى قاتايلىچۇلىققىنە ئۇستازلارغا تولغان مۇنبەردە ئامال بار ئۆزۈمنى يىغىپ، يەنە يىغىپ يۈرگەن ئىدىم... بۈگۈن ئاران دېگۈدەك تەۋپىق ئۇستازنىڭ بىر جۈملە گېپىنىڭ ياردىمىدىن «يوچۇق ئىزدەپ» تەۋپىقكە بىرمۇنچە رەڭدار بېزەكلەرنى ئەكىرىۋالدىم. تەۋپىق ئاكام يوللىغان چاقچاقتىنمۇ بۇ يەرگە ئەسلىدىنلا كۈلكە خۇرۇچلىرىنىڭ كېرەك، ناھايىتى كېرەك ئىكەنلىكىنى ھېس قىلدىم... توۋا خۇدايىم ئەتە ئىمتىھان دەۋاتسا بۇ يەردە خۇرچ قاتىمەن دەپ يۈرگىنىنى بۇ قىزنىڭ ئاشپازدەك... بوپتۇلا، مۇشۇ تېمىنى يوللاپ بولۇپلا دەرس قارىغىلى ھۇررا.... يوللىۋەتمىسەم كۆڭلۈم ئارامىغا چۈشمەيدۇ... ئەمسە قۇلاقنى دىڭ تۇتۇڭ، مەن يۇمۇرۇمنى باشلاپ كەتتىم..  (مۇئەللىم، ئۇستاز دېسەم چاقچاق ئەمەس ئىككى ئېغىز گەپنىمۇ قاملاشتۇرالمايدىكەنمەن. شۇڭا.... ئاكا، ئاچا بويىچە مېڭىۋەردۇققۇ) بىر كۈنى تەۋپىق ئاكام بانكىغا كىرىپ بانكا خادىمىغا: ياخشىمۇسىز خانقىز. بۇ كارتىدىكى ھەممە پۇلنى چىقىرىپ بېرىڭ. بانكا خادىمى كۆنۈكقۇ - ھە ئەمدى بۇنداق ئىشلارغا، بىردەمدىلا كارتىدىكى ھەممە ھېساباتنى چىقىرىپ تەۋپىق ئاكامنىڭ قولىغا تۇتقۇزۇپتۇ. ئويلىمىغان يەردىن بەش مىنۇت ئۆتە - ئۆتمەيلا يەنە مۇنداق ئىش يۈز بېرىپتۇ. تەۋپىق ئاكام: ياخشىمۇسىز خانقىز. بۇ پۇللارنى بانكىغا قويىمەن.... بانكا خادىمى: ۋىيى، بايا تېخى مۇشۇ كارتىدىن پۇل ئالغان ئىدىڭىزغۇ؟ تەۋپىق ئاكام: ھەئە! ئۆزۈمنىڭ پۇلۇمنى ساناپ باقساممۇ بولمامدىكەن؟! ئۆز قان ھەدەم بىر كۈنى كۆكسانغۇن ئاكامدىن سوراپتۇ: _ كۆكسانغۇن، بۇ يىل نەچچىگە كىردىڭىز؟ _ ئوتتۇز بەشكە. _ ۋۇي، ئۈچ يىل ئالدىدىلا مۇشۇنداق دەۋاتمامتىڭىز؟ _ ئوغۇل بالا دېگەن گېپىدە تۇرىدۇ. كېچە... ئاقگۈل ھەدەم ئاپىسىغا يىغلاپ تېلفۇن قىپتۇ: _ ئاپا، ئۇ تېخىچە قايتىپ كەلمىدى. چوقۇم سىرتقا قاراپ قالغان گەپ... _ ۋۇي بالام... ئېغىزىڭنى ئۈشۈتمىسەڭچۇ. بەلكىم ماشىنا سوقۇۋەتكەندۇ... ئاتىللا ئاكام دوختۇردىن سوراپتۇ: _ ھۆرمەتلىك دوختۇر، مەن قانداق قىلسام 100 ياشقا كىرىمەن؟ _ بىرىنچىدىن ھاراق ئىچىشنى تاشلاڭ. _ ئەزەلدىن ھاراق ئىچمەيمەن. _ ئىككىنچىدىن ئاياللارغا قاش ئاتماڭ. _ توۋا دەڭا دوختۇر، ئۇنداق ئىشنى ھەرگىز قىلمايمەن. _ ئۈچىنچىدىن گۆشنى ئاز يەڭ. _ مەن دەل گۆشسىز تاماق يەيدىغىنى. _ ھوي، ئۇنداقتا بۇنچە ئۇزۇن ياشاپ نېمە قىلىسىز؟ تۇنيۇقۇق ئاكامنىڭ كىچىك چاغلىرى، ئاپىسى ئۇنى ئاشخانىدىن مانتا ئەكىلىشكە بۇيرۇپتۇ. ئاشخانا خوجايىنى تازا تازىلىققا دىققەت قىلمايدىغان كىشىمۇ، مانتىنى گېزىتكە ئوراپلا بېرىپتۇ. (بەلكىم ئۇ چاغلاردا ھازىرقىدەك مەخسۇس يېمەكلىك يالتىراق سۇلياۋلىرى بولمىسا كېرەك) تۇنيۇقۇق ئاكام: ھامما، مۇئەللىم بىزگە يېمەكلىكلەرنى گېزىتكە ئوراش سالامەتلىككە زىيانلىق دېگەن ئىدى. ئاشخانا خوجايىنى: ھېچنىمە بولمايدۇ بالام. بۇ دېگەن «ساغلاملىق گېزىتى» بىر كۈنى ئىككى ماشىنا سوقۇلۇپ كېتىپتۇ دەڭلار (دىققەت: بىر ماشىنا تىكەن ئاكامنىڭ - ھە) شۇنىڭ بىلەن شوپۇرلار قاتناش ساقچىسىنىڭ كېلىپ بۇ ئىشنى بىر تەرەپ قىلىشىنى كۈتۈپ تۇرۇپتۇ. شۇ ئارىلىقتا تىكەن ئاكام بىر ساندۇق پىۋىنى يەنە بىرىگە سۇنۇپ: - كەل، بۇنى ئىچىپ تىنىچلىنىۋالغىن،- دەپتۇ. سەن ئىچمەمسەن؟ - دەپتۇ يەنە بىرسى بىر قانچە يۇتۇم ئىچكەندىن كېيىن تىكەن ئاكامغا. تىكەن ئاكام: مەن ساقچى كېلىپ قېنىمنى تەكشۈرۈپ بولغاندىن كېيىن ئىچەي. |
|
