查看完整版本: [-- ھەرىكەتچان ئومۇرتقا --]

تەۋپىق مۇنبىرى -> ئىپىك ئەسەرلەر -> ھەرىكەتچان ئومۇرتقا [打印本页] 登录 -> 注册 -> 回复主题 -> 发表主题

danix 2012-03-31 14:09

ھەرىكەتچان ئومۇرتقا

                                                   ھەرىكەتچان ئومۇرتقا                                                       Tbv/wJ  
                                                       (مېكرو ھېكايە) ^_v[QV  
                                                 مۇھەممەت مەتنىياز دانىش   Vclr)}5  
      ئۇ مېنىڭ 14 يىللىق ساۋاقدىشىم ھەم رەھبىرىم . ئۇ ئۆزىنى ماختىتىش ئۈچۈن بولسا كېرەك ، مېنى ئۆزى بارغان سورۇنلارغا دائىم دېگۈدەك بىللە ئېلىپ بارىدۇ .    بىر كۈنى ئۇ مېنى بىر سورۇنغا ئېلىپ باردى . ئۇ ساھىپخاننىڭ        باشلىشى بىلەن بىر خانىنىڭ ئىشىكىدىن كىردى - دە ، بۇ خانىدا ئولتۇرغانلارغا بىر قۇر قارىۋەتكەندىن  كېيىن          قەددىنى تىك تۇتۇپ ، سەل گېدەيگەندەك ھالدا ، سالاملىشىپ قول ئۇزاتقانلار بىلەن بىر قولىنى يانچۇقىدىن            چىقارماي ، بىر قولىنىڭ ئۇچىدىلا  كۆرۈشۈپ ، سالام بەرگەنلەرگىمۇ سالام بەرمەي ھەم ئۇلارنىڭ چىرايىغىمۇ تۈزۈتكىنە قارىماي دېگۈدەك ساھىبخان كۆرسەتكەن تۆرىگە كېلىپ ، گېدىيىپ ئولتۇردى . باشقىلارنىڭ تېنچلىق سوراشلىرىغا      ئېرەنسىزلىك بىلەن " ياخشى " ، " ياخشىغۇ " دەپ قىسقىلا جاۋاپ بەردى .  ساھىپخان بەلكىم بۇ خانىدا              ئولتۇرغانلارنىڭ بۇ ساۋاقدىشىمنىڭ لايىقىدا ئەمەسلىكىنى ھېس قىلغان بولسا كېرەك ، بىزنى يەنى بىر خانىغا باشلاپ   ماڭدى . ساۋاغدىشىم ئۇ خانىنىڭ ئىشىكىدىن كىرىپ ، ئادىتى بويىچە ئولتۇرغانلارغا بىر قۇر قاراشقا باشلىدى .        ئۇنىڭ كۆزى تۆرىگە چۈشىشى بىلەن، ئۇنىڭ بايامقى خانىدا تىكلەنگەن ۋە گىدەيگەن قەددى شۇنداق تېزلىكتە       يادەك ئېگىلىشكە باشلىدى - دە ، ئۆزىدىن تېنچلىق - ئامانلىق سورىغانلارنىڭ ئاۋازىنى خۇددى ئاڭلىمىغاندەك ،   ئۇلارنىڭ ئۆزى تەرەپكە سۇنۇلغان قوللىرىنى كۆرمىگەندەك ، كۆزىنى تۆردىن ئۈزمىگەن ھالدا تۆرىگە يېقىن كېلىپ ، تۆرىدىكى مېھماننىڭ ئۇنىڭغا سۇنۇلغان قولىنى  ئىككى قولى بىلەن مەھكەم سىقىپ ،  تېنچ - ئامانلىقىنى سورىمىغان نەۋرە - چەۋرە تۇغقانلىرىنىمۇ قويمىدى. ساھىپخان ئۇنىڭ بۇنداق ئۇزاق ئامانلىق سوراشلىرىنىڭ تۆرىدىكى مېھمانغا خۇشياقمايۋاتقانلىقىنى ھېس قىلغان بولسا كېرەك ، ئۇنىغا بىر ئورۇننى كۆرسىتىپ ئولتۇرىۋىلىشقا تەكلىپ قىلدى . ئۇ    تۆرىدىكى مېھماننىڭ يېنىدا ئولتۇرغانلارغا ئېچى تارلىق قىلغاندەك قاراپ قويۇپ ، تۆرىدىكى مېھماندىن ئۈچ          ئادەمدىن كېيىنكى ئورۇنغا كېلىپ ئولتۇردى ۋە ساھىپخاننىڭ قولىدىكى چەينەكنى ئېلىپ ، چاپىنىنىڭ پەشلىرىنىڭ   تەخسىلەردىكى سەيلەرگە چېلىشىپ قېلىشى بىلەن كارى بولمىغان ھالدا يادەك ئېگىلىپ تۆرىدىكى مېھمانغا چاي      قۇيدى . مەن بۇلارنى كۆرۈپ ، ئۇنىڭ ئىنتايىن ئەۋرىشىم ، ئىنتايىن ھەرىكەتچان ئومۇرتقىسىغا ھەيران قالدىم .

tawpek 2012-04-01 04:24
مەرھابا دانىش، ناھايتى ياخشى يىزىپسىز، D'b#,a;V  
H6K`\8/SeN  
مۇنبىرىمىزدە بۇخىل ژانىر ئۈزلۈپ قالغىلى خىلى بوپ قالغانتى، بۇ بوشلۇقنى تولدۇرۇپ تەۋپىقداشلارنىڭ مەنىۋىيتىنى بىيىتىپ تۇرىشىڭىزغا تىلەكداشمىز.


查看完整版本: [-- ھەرىكەتچان ئومۇرتقا --] [-- top --]


Powered by phpwind v8.7 Code ©2003-2011 phpwind
Gzip enabled