نورۇزلۇق تىلەكلەر

ئەسسىالامۇ ئەلەيكۇم ھۆرمەتلىك يۇرتداشلار؛
  رەھبەرلەر ، ئەزىز مېھمانلار ،يولداشلار، دوستلار؛
     مەن بۈگۈن سىزلەر بىلەن بىرگە قۇتلۇق نەۋرۇز مەركىسىگە ئىشتىراك قىلغىنىمدىن ئىنتايىن خۇرسەنمەن.
  ھەممىڭىزلارنىڭ نەۋرۇز مەركىسىگە مۇبارەك بولسۇن!
نەۋرۇز بايرىمى باھار بايرىمى . ئۇ  يىراق قەدىمكى زامانلاردىن بۇيان ئەجدادلىرىمىزدىن باشلىنىپ ، خەلقىمىز ئارسىدا ئوخشىمىغان ئۇسۇلدا ئىزچىل داۋاملىشىپ كېلىۋاتقان ئەنئەنىۋىي بايرامدۇر .
نەۋرۇز يالغۇز دېھقان – چارۋىچىلارنىڭ بايرىمى بولۇپلا قالماستىن ، كەڭ ئۇمۇمىي خەلقنىڭ بايرىمى.
21  - ئەسىرنىڭ ئالدىنقى 20 يىلى ئېلىمىزنىڭ سوتسىيالىستىك زامانىۋىلاشتۇرۇش قۇرۇلۇشىنىڭ مۇھىم ئىستراتېگىيەلىك پۇرسەت مەزگىلى،دۆلىتىمىز مەدەنىيەت ئىشلىرىنىڭ جۇش ئۇۇرپ راۋاجلىنىشى ئارقىسىدا ھەممە گۈللەر تەكشى ئېچىلىش ، ھەممە ئېقىملار بەس – بەستەسايراش ، ئاز سانلىق مىللەتلەرنىڭ مەدەنىيەت ئىشلىرىنى تەرەققىي قىلدۇرۇش، غەيرى مەدەنىيەتلەرنى ساقلاپ قىلىش، مەدەنىيەتنىڭ كۆپ خىللىقىنى ساقلاش ۋە تەرەققىي قىلدۇرۇش چاقىرىقىغا بويىچە بۇ مىللىي بايرام دۆلىتىمىزنىڭ ھەر قايسى جايلىرىدا  كەڭ قانات يايدۇرۇلۇپ ، شىنجاڭنىڭ جەنۇب ۋە شىمالىدا نورۇز بايرىمىغا تەنتەنە قىلىدىغان  تۈرلۈك پائالىيەتلەر ھەر خىل شەكىلدە  كەڭ قانات يايدۇرۇلدى . مەدەنىيەت مىراسلىرىمىزدىن بىرى بولغان 12 مۇقام ، پارتىيە  - ھۆكۈمەتنىڭ قوللاپ قۇۋۋەتلىشى ئارقىسىدا دۇنيا غەيرى ماددى - مەدەنىيەت مىراسلىرى قاتاردىن ئورۇن ئېلىپ ، جۇڭخۇا مىللەتلىرنىڭ ئورتاق بايلىقى بولۇپ ، بىزگە تېخىمۇ كۆپ، تېخىمۇ ياخشى تارىخىي مىراسلىرىمىزنى ساقلاپ قىلىش ئىمكانىيىتىنى يارىتىپ بەردى . نەۋرۇزدىن ئىبارەت بۇ ئېسىل ئەنئەنىۋىي مەرىكىمىزگە ياخشى ۋارىسلىق قىلىپ ، ئۇنى مول مەزمونلۇق  مەنىۋىي مەدەنىيىتىمىزنىڭ تەركىبى قىسمىغا  ئايلاندۇرۇشقا ئىمكانىيەت يارىتىلدى.  جۈملىدىن رايونىمىز گۇچۇڭ ناھىيەسىدىمۇ  پارتىيە ، ھۆكۈمەت، ئاممىنىڭ ھەمكارلىقى بىلەن بۈگۈن بۇ سورۇنغا جەم بولۇپ ئولتۇرۇپتىمىز! بۇ پائالىيەتنى ئېلىمىزنىڭ مەدەنىيەت ئىشلىرى ۋە مەدەنىيەت كەسپىنىڭ دۆلەت ئىچى ۋە خەلقئارادىكى رىقابەت كۈچىنى ئۆزلۈكسىز ئاشۇرۇشتىكى ، ۋەتەن خەلقنى سۆيىدىغان ،ئىناق جەمئىيەت بەرپا قىلىشتىكى كۆزنەككە ئايلاندۇرايلى!
يولداشلار ، دوستلار! سىلەرنىڭ يېڭى يىلدا تېنىڭلارنىڭ سالامەت ، ئائىلەڭلارنىڭ بەختلىك خىزمىتىڭلارنىڭ نەتىجىلىك بولىشىنى، تىجارىتىڭلارنىڭ روناق تېپىشىنى ، دېھقان – چارۋىچىلارنىڭ يېڭى يىلدا جاسارىتىڭلارنى ئۇرغۇتۇپ ، تۇرمۇشىڭلارنى باي – باياشات قىلىشقا تىرىشىشىڭلارنى، جەمئىيەتنىڭ مۇقىم بولۇپ ، قېرىنداشلىرىمىزنىڭ ئىجىل – ئىناقلىق ئىچىدە ئۇزۇن ئۆمۈر كۆرىشىنى تىلەيمەن!
   ئاخىرىدا يۇرتداشلارنىڭ تېنىنىڭ سالامەت ، خىزمەتلىرىنىڭ ئۇتۇقلۇق ، تۇرمۇشىنىڭ بەخىتلىك بولىشىنى تىلەيمەن .
( ناھىيە رەھبەرلىرىنىڭ سۆزى )

ئەل قەلبىدىن ئورۇن ئالغان  ساخاۋەتچىلەر

        ئەل سۆيگەننى ، ئەلمۇ سۆيىدۇ . ئەل تەرىپىدىن تەرىپلىنىپ، كېلىنىۋاتقان كىشلىرىمىز ئاز ئەمەس .    ناھىيەمىزدىمۇ  يۇرتىمىزنىڭ  گۈللىنىشى ،تەرەققىياتى ئۈچۈن زور توھپىلەرنى قوشۇپ  كېلىۋاتقان كارخانىچىلار  ،يەككە ىجارەتچىلەر  كۈندىن كۈنگە كۆپىيىپ ، تىللاردا داستان بولغۇدەك ياخشى ئىشلارنى قىلىۋاتىدۇ . ئۇلار ناھىيەمىزنىڭ تۈرلۈك ساھەلىرى بويىچە خەيرى – ساخاۋەت   ئېلىپ بېرىپ ، ئاجىزلارغا يۆلەك ، نامراتلارغا غەمگۈزار بولىۋاتىدۇ . ئۇلار ساخاۋەتلىك ، سېخى ئالقانلىرىنى كەڭرى ئېچىپ ،  خەلقىمىز ئارىسىدا ئۆزلىرىنىڭ نۇرلۇق گۈزەل ئوبرازىنى نامايەن قىلىپ كېلىۋاتىدۇ .
ھازىر ناھىيەمىزدە رويخەتكە ئالدۇرغان  ئۇيغۇر  كارخانا – شېركەتلىرى   16 گە يەتتى .  ئالتۇن كۆۋرۈك كانچىلىق شىركىت ، ئەلى تۇردى ھاجى  دېھقانچىلىق مەيدانى،ئالماس ئۆي مۈلۈك شىركىتى، ئالماس كانچىلىق شىركىتى ،ۋەلى كانچىلىق شىركىتى ، مىننەن شىركىتى ، رۈيلىن شىركىتى ، يادىكار شىركىتى ، كېرەم ھاجى  شىركىتى ، رابىيە شىركىتى ، جىندى شىركىتى ، چاڭشىڭ شىركىتى ، غالىپ كۆمۈر مەھسۇلاتلىرى شىركىتى ، پۇلات كانچىلىق شىركىتى ، موۋشياڭ شىركىتى ، ئەلى كانچىلىق شىركىتى قاتارلىق كارخانىلار ئۆز كارخانىلىرىنى داۋاملىق تەرەققىي قىلدۇرۇش بىلەن بىرگە خەيرى – ساخاۋەت ئىشلىرى بىلەنمۇ   شۇغۇللانماقتا  .  بۇنىڭ ئىچىدە  ئائىلىسىنىڭ ئېغىر يۈكى ، ئانا بولۇشنىڭ ئۇلۇغ مەجبۇرىيىتىنى ئۆتەش بىلەن بىرگە تىرىشىپ كارخانا قۇرغان  ، جەمئىيەت رىقابىتىگە دادىل جەڭ ئېلان قىلغان ئايال كارخانىچىلاردىن رابىيە خانىمنىمۇ ئالاھىدە تىلغا ئالماي تۇرالمايمىز . ئۇلار تىجارىتى روناق تاپقاندا يۇرتداشلىرىنى ، قېرىنداشلىرىنى ئۇنتۇپ قالمىدى .  قىيىنچىلىقى بار ئوقۇغۇچىلارغا ياردەم بېرىش ، ئېغىر كېسەل بولۇپ قىلىپ، داۋالىنىشقا قۇربى يەتمىگەن كىشلەرگە ياردەم بېرىش ، ئومۇمىي خەلقنىڭ تەن ساغلاملىقىنى ياخشىلاش ، كىشىلەرنىڭ مەنىۋىي تۇرمۇشىنى ياخشىلاش قاتارلىق ساخاۋەتلىك ئىشلارنى روياپقا چىقىرىپ ئەل – ئاۋام قەلبىدىن چوڭقۇر ئورۇن ئالدى .
     خەيرى – ساخاۋەت ئىشلىرىدا ئالتۇن كۆۋرۈك شېركىتى،ئالماس شېركىتى، ۋەلى شېركىتى ، كېرەم ھاجى شېركىتى،  رۇيلىن شېركىتى  قاتارلىق ئورۇنلارنىڭ كۆرسەتكەن ھىممىتى ئالاھىدە بولدى.
     ناھىيەمىزدىكى ئۇيغۇر كارخانىچىلارنىڭ  ھازىرغىچە خەيرى - ساخاۋەت ئىشلىرىغا ئاجراتقان پۇلى ئۈچ مىليون يۈەندىن ئېشىپ كەتتى. بۇ بىر ناھىيە ئۈچۈن ئېيتقاندا ، خېلى كۆپ سەرمايە ھېسابلىنىدۇ ، ئەلۋەتتە .
     بۈگۈنكى نوۋرۇز مۇناسىۋىتى بىلەن بۇ شېركەتلەرگە تەشەككۈر بىلدۈرۈمىز . ئۇلارنىڭ خەيرى – ساخاۋەت ئىشلىرىنى ئەلا بىلىپ ، جەمئىيەتتىكى ھەر ساھە كىشىلىرىگە كۆرسەتكەن ھىممەتلىرىگە مىننەتدارلىق بىلدۈرىمىز ، رەھمەت سىزلەرگە !
( شېركەت دىروكتور ياردەمچىسى ۋە پىشقەدەم مائارىپچى ئادىل ئىسمايىل مۇئەللىم  )

نورۇزنامە
نورۇز بايرىمى  قەدىمىي ۋە ئەنئەنىۋى بايرام بولۇپ ، دۇنيادىكى نۇرغۇن مىللەتلەر نورۇز كۈنىنى يېڭى يىلنىڭ باشلىنىش كۈنى دەپ تونۇپ ، بايرام قىلىپ بېكىتكەن.  بۇ بايرام،ئوتتۇرا ئاسىيىدىكى مىللەتلەرنىڭ ئورتاق بايرىمى.

tawpek	2014-03-20 19:35
ياخشى تەبرىكلەركەن. b L]erYm OKP9CLg9 ناھىينىڭ چوڭراق نۇرۇزلىرىدا جانلىق پايدىلانسا بوغۇدەك. ? B E6 :gB[O>'

查看完整版本: [-- نورۇزلۇق تىلەكلەر --] [-- top --]

Powered by phpwind v8.7 Code ©2003-2011 phpwind
Gzip enabled