| tursun | 2012-02-29 18:09 |
10 بوۋاقنىڭ جەسىتى يول بويىغا تاشلىۋېتىلگەن2-ئاينىڭ 28-كۈنى ،تازىلىق ئىشچىسى دېجوۋ سەنبا يولىدىكى كۆۋرۈك بويىدا ئونغا يېقىن بوۋاقنىڭ جەسىتىنى بايقىغان ، بەزىلىرى يول ئۈستىگە تاشلىۋېتىلگەن .4بوۋاقنىڭ جەسىتى <داۋالاشتىكى كېرەكسىز تاشلاندۇق ، يۇقۇملۇق تاشلاندۇق >دېگەن خەتلەر بېسىلغان خالتىنىڭ ئىچىگە سېلىنغان بولۇپ ، شەھەر ئاھالىسىنىڭ ئېيتىشىچە ، تاشلىۋېتىلگەن بوۋاقنىڭ سانى 10 غا يېقىن كېلىدىكەن .دېجۇ شەھەرلىك سەھىيە ئىدارىسى بۇ ئىشنى تەكشۈرۈشكە كىرىشكەنلىكىنى ، جامائەت خەۋپسىزلىك ئىدارىسىمۇ بۇ ئىشنى بىر تەرەپ قىلىۋاتقانلىقى ، ۋەقەنىڭ تەپسىلاتى داۋاملىق خەۋەر قىلىنىدىغانلىقىنى بىلدۈردى .دېجۇ 2-ئاينىڭ 28-كۈنىدىكى خەۋىرى ، 28-فېۋرال چۈشتىن بۇرۇن ،دېجۇ سەنبا يولى پېنخې كۆۋرۈكىنىڭ جەنۇبى شەرق تەرىپىدە ئونغا يېقىن بوۋاقنىڭ جەسىتى بايقالغان ،بەزىلىرى ھەتتا يول بويىغا تاشلىۋېتىلگەن. ساقچى ئىدارىسىنىڭ خەلق ساقچىلىرى ۋە ياخشى نىيەتلىك كىشىلەر ئەھۋالنى كۆرگەندىن كېيىن ھەر تەرەپكە چېچىلىپ كەتكەن بوۋاق جەسەتلىرىنى بىر يەرگە يىغقان كۆمۈپ قويغان . دېجۇ شەھەرلىك سەھىيە ئىدارىسىنىڭ خىزمەتچىلىرى ،بۇ ئىشنى ئىچكىرىلەپ تەكشۈرۈشكە كىرىشكەنلىكىنى ،ۋەقەنىڭ تەپسىلاتىنى خەۋەر قىلىدىغانلىقىنى ئېيتتى . 28-فېۋرال چۈشتىن بۇرۇن 8دىن 30 مىنۇت ئۆتكەندە ،مۇخبىر نەق مەيدانغا يېتىپ بارغاندا سەنبا يولىدىكى كۆۋرۈكنىڭ ئىككى تەرىپىگە كىشىلەر توپلىشىپ قالغان ئىدى. تازىلىق ئىشچىسى :<سەھەر سائەت 7 بولغاندا ،مەن پىيادىلەر يولىدا بىر نەرسىنىڭ تۇرغانلىقىنى كۆردۈم ، مەن تېخى بىرەر كىچىك ھايۋان ئوخشايدۇ دەپ ،يېقىن كېلىپ قارىسام ئەسلى بىر ئۆلۈك بوۋاق ئىكەن .شۇنىڭ بىلەن ئۆلۈك بوۋاق يول ئۈستىدە تۇرسا بولمىغۇدەك دەپ ،يول بويىدىكى ئازگالغا ئاپىرىپ قويدۇم.دەسلەپتە مەن تېخى بىرلا بوۋاق ئوخشايدۇ دەپتىمەن ،لېكىن كېيىن يەنە بىر قانچە بوۋاق جەسىتىنىڭ ھەر يەردە چېچىلىپ ياتقانلىقىنى بايقىدىم .> دېدى . مۇخبىر نەق مەيداندىكى بوۋاقلارنىڭ سانىنى تەخمىنى ستاتىستىكا قىلغاندا ،كۆۋرۈك ئۈستىدىن تارتىپ ئازگالغىچە جەمئىي 3ئورۇندا بوۋاق جەسىتى بايقالغان بولۇپ، ئازگالدا سىرتىغا <داۋالاشتىكى كېرەكسىز تاشلاندۇق ، يۇقۇملۇق تاشلاندۇق > دېگەن خەت يېزىلغان، ئۇنىڭدىن باشقا (21 - نومۇر جاڭ خې ) خېتىدىكى قەغەز چاپلانغان ئاق لاتا خالتىنى ، يېنىدا يەنە بىر سېرىق سۇلياۋ خالتىمۇ بارلىقىنى كۆرگەن.سېرىق سۇلياۋ خالتىنىڭ ئىچىدە قارا خالتا بولۇپ ،ئۇنىڭ ئىچىدە يېتىلىپ شەكىلگە كەلگەن 4 بوۋاق جەسىتى قاچىلانغان ئىكەن. بۇ ۋاقىتتا ، كۆك مامۇق چاپان كىيگەن بىر ئايال گۈرجەك ئېلىپ خەلق ساقچىلىرى بىلەن بوۋاقلارنى كۆمۈۋاتقان بولۇپ ، بۇ ئايال تاشلىۋېتىلگەن بوۋاقلارنىڭ جەسىتىنى كۆرۈپ ئىنتايىن غەزەپلەنگەن ھالدا :<مەيلى قانداقلا بولۇشىدىن قەتئىي نەزەر بوۋاق جەسىتىنى بۇنداق بىر تەرەپ قىلسا بولمايدۇ>دېدى. مۇخبىر دېجۇ شەھەرلىك مەلۇم دوختۇرخانىنىڭ تۇغۇت بۆلۈمىدىكى بىر دوختۇرنى زىيارەت قىلدى . دوختۇر مۇنداق دەپ تونۇشتۇرغان :< ئالدىنقى ئەسىرنىڭ 80-90-يىللىرىدا ،ئائىلە ئەزالىرى سېسترالارنىڭ قولىغا ئازراق پۇل بەرسە ،سېسترالار بوۋاقلارنى شەھەر سىرتىغا ئېلىپ چىقىپ تاشلىۋېتىدىغان ئەھۋاللار بار ئىدى ،لېكىن ھازىر بوۋاقنىڭ ئۆلۈپ كېتىش نىسبىتى بىر قەدەر تۆۋەن ، بۇنداق ئەھۋاللار كۆرۈلسە كۆيدۈرۈش ئارقىلىق بىر تەرەپ قىلىناتتى. لېكىن ھەر قايسى دوختۇرخانىلارنىڭ بىر تەرەپ قىلىش ئۇسۇلى ئوخشىمايدۇ .> كېيىن مۇخبىر سەھىيە ئىدارىسى بىلەن ئالاقىلاشقان ،خىزمەتچى خادىمنىڭ ئېيتىشىچە ، سەھىيە ئىدارىسى ،جامائەت خەۋپسىزلىك تارماقلىرى بۇ ئىشنى تەكشۈرۈشكە كىرىشكەن. ئىگىلىنىشىچە ،دېجۇ شەھىرى بوۋاقلار جەسىتىنى بىر تەرەپ قىلىش توغرىسىدا تېخىچە بىرەر چارە قوللانمىغان. ۋەقەنىڭ تەپسىلاتى داۋاملىق خەۋەر قىلىنىدۇ. |
|