تەۋپىق مۇنبىرى - Powered by phpwind

تەكراردا قايسى ماتىريالنى ئىشلىتىۋاتسىز؟

تولۇق 3-يىللىقتىكىلەر ئالىي مەكتەپ تەكرارى جەريانىدا ئىشلىتىدىغان تەقلىدىي ئىمتىھان سوئاللىرى توپلىمىنى تاللاشمۇ ، تەكرارنىڭ قانداق ئېلىپ بېرىلىشىغا تەسىر كۆرسىتىدىغان مۇھىم ئامىللارنىڭ بىرسىكەن . ھەممىلا ماتىريالنى ئوقۇغۇچىلارغا ئىشلىتىپ بولغىلى بولمايدۇ ، ئۇنىڭ ئۈستىگە بىر سوئاللار توپلىمىنى ئېلىپ بولۇپ ، ئۇنى ئىشلەتمەي تاشلاپ قويۇش ئوقۇغۇچىلارغا نىسبەتەن ئىقتىسادىي جەھەتتىن زىيان ئېلىپ كېلىدۇ .
     قانداق ماتىريال ياخشى ماتىريال بولۇپ ھېسابلىنىدۇ ؟
مېنىڭچە ، سوئاللار شەكلى ۋە مەزمۇنى جەھەتتىن ئالىي مەكتەپ ئىمتاھان سوئالىغا ئەڭ زور دەرىجىدە يېقىنلاشقان ، خاتالىقلاردىن ئامالنىڭ بېرىچە ساقلانغان ياكى خاتالىق بىر نۇسخا سوئالدا 2-3تىن ئېشىپ كەتمىـگەن ، سوئاللاردا ئىجادىيلىق ، كۆپخىللىق بولغان ، قىيىنلىق دەرىجىسى مۇۋاپىق تەڭشەلگەن ، ئەمما قىيىنلىققا يېتىشنى مۇجىمەللىك ئارقىلىق ئەمەلگە ئاشۇرۇپ قويمىغان ، ئوقۇپ -چۈشىنىش سوئالى ۋە ماقالە ئۈچۈن بېرىلگەن ماتىرياللار يېڭىچە بولغان ، سوئاللارنىڭ قاپلىنىش دارئىرسى مۇۋاپىق ، ھەر بىر نۇسخا سوئال ئارقىلىق دەرسلىك كىتابلاردىكى مۇھىم ۋە قىيىن نۇقتىلار بىرەر قۇر ئەسلىتىپ ئۆتۈلگەن ، دەرلىكتىكى ئالىي مەكتەپ ئىمتىھان ئىزاھاتىدا كۆرسىتىلگەن دائىرىدىكى مەزمۇنلار ئاساسەن نەزەرگە ئېلىنىپ سوئال ئىشلەنگەن ، دەرسلىك ئىچى ، سىرتىدىكى مەزمۇنلار ئىمتاھان سوئاللىرىدا مۇۋاپىق كىرىشتۈرۈلگەن ،
ئوقۇغۇچىلارنىڭ تەكرارىغا بەلگىلىك يۆلىنىش ۋە نىشان كۆرسىتىپ بېرەلەيدىغان ، ئوقۇغۇچىلار سەل قاراپ قالىدىغان بەزى ئىنچىكە نۇقتىلارغىمۇ ئېتىبار بىلەن قارالغان سوئال قىسقىسى ، ئالىي مەكتەپ ئىتىھانىدا ئۆتۈلۈپ بولغان ۋە ياكى بىرەر قۇر تەكرار قىلىنىپ بولغان مەزمۇنلارنى قايتا پىششىقلاشتا كۆۋرۈكلۈك ، ۋاستىلىق رولىنى ياخشى ئۆتىيەلەيدىغان سوئاللار توپلىمى ياخشى توپلام ، ياخشى ماتىريال بولۇپ ھېسابلىنىدۇ .
      بىزدە ھازىر بىر قىسىم تىرىشچان ، ئىزدىنىشچان ، ئۆزىنىڭ نۇرغۇن ۋاقتىنى ئالىي مەكتەپ ئىمتىھانىدا ئوقۇغۇچىلارنىڭ ياخشى نەتىجە ئېلىشىغا تۈرتكىلىك رول ئويناشقا سەرپ قىلىۋاتقان بىر قىسىم ئوقۇتقۇچىلار ئىشلىگەن ماتىرياللار بار .
       ھەر بىرىمىز ئۆزىمىز ئىشلىتىۋاتقان ماتىرياللارنىڭ ئالاھىدىلىكىنى ئېيتىپ باقساق ، يەنە بىر يۈرۈش ماتىريالنى قانداق تاللاش مەسىلىسدە قىينالماسمىزمىكىن دېگەن ئۈمىدتە بۇ تېمىنى يوللىدىم .
      بىز ھازىر كۈرەش بارات ئۆزباش تۈزگەن ، ئەركىن ئىباريىم تۈزدۈرۈپ تارقاتقان « ئۆگەن »نامىدىكى 20نۇسخا سوئالدىن تەركىب تاپقان سوئاللار توپلىمىنى ئىشلىتىۋاتىمىز ، سوئاللار توپلىمىنىڭ ئەڭ بېشىغا تۆۋەندىكىدەك مەزمۇنلار كىرگۈزۈلگەنكەن :
قىسقىچە نەزىريەۋىي مەزمۇنلار ، مۇھىم تېكستلەرنىڭ ئۇچۇر نۇقتىلىرى،ماقال-تەمسىللەر ، مارجان سۆزلەر ، ئىبرەتلىك پارچىلار ، ئۈلگىلىك ماقالىلەر ، ماقالە يېزىقچىلىقىدا پايدىلىنىدىغان تەۋسىيەلىك تېمىلار ، ئاتالغۇلارغا ئىزاھات .
      بۇ مەزمۇنلارنى ئاۋات ناھىيەلىك 3-ئوتتۇرا مەكتەپتىن    ئاتىكەم ئەھەت ئىشلىگەنىكەن .

20نۇسخا سوئالنى كۈرەش بارات ئشىلىگەن بولۇپ بۇ سوئاللارنىڭ قىيىنلىق دەرىجىسى مۇۋاپىق ، خاتالىق كۆپ بولمىغان سوئال بولۇپ ، بىز بۇ سوئالنى ئشلىتىپ خېلى ياخشى ئۈنۈم ھاسىل قىلىۋاتىمىز .
يەنە بىر نۇسخا سوئال توپلىمىنى سېتىۋېلىشىمىز كېرەك ، تورداشلارنىڭمۇ بۇ ھەقتىكى ئۇچۇرلاردىن بىزنى خەۋەردار قىلىشنى ئۈمىد قىلىمەن .

ئۆزقاننىڭ تەكرار ئۈچۈن تەقلىدىي سۇئاللارنى ھاۋالە قىلغىنىدىن تولىمۇ خۇرسەند بولدۇم ، بىزنىڭمۇ ئالىي مەكتەپ ئىمتىھانى تەقلىدىي سۇئاللارنى ئىشلىتىدىغان ۋاقتىمىز كەلدى ، شۇڭا بۇ ئۇچۇر ماڭا بەكمۇ قىممەتلىك تۇيۇلدى ، بىز ھەر يىلى تەكراردا پايدىلىنىۋاتقان سۇئاللىر توپلاملىرىدا ئۇ بۇ مەسىلىلەر دائىم ئۇچراپ ، بىزنى ئوقۇغۇچىلار ئالدىدا ئۇڭايسىز ئەھۋالغا چۈشۈرۈپ قويىدىغان ۋاقىتلىرى بولۇپ تۇرغان ، شۇڭا بىز تەبىئىي ھالدا بىر قەدەر مۇكەممەل بولغان تەقلىدىي سۇئالغا بولغان ئېھتىياجىمىز ئېشىپ بېرىۋاتىدۇ . قايسى كىتاب شىركىتىنىڭ سۇئاللىرى ياخشى بولمىسا ، ئۇلارنىڭ سۇئاللىرىنى قايتا زاكاس قىلماي ياخشىلىرىنى تاللاشقا ئەھمىيەت بېرىش ماھىيەتتە ئوقۇغۇچىلارغا غەمخورلۇق قىلغانلىق ، ئۇلارنىڭ ئىستىقبالى ئۈچۈن باش قاتۇرغانلىق بولۇپ ھېسابلىنىدۇ . ئوقۇتقۇچىلارغا شۇنى تەكلىپ قىلغۇم كېلىۋاتىدۇ ، شىركەتلەرنىڭ ئىلانى ، پەۋقۇلئادە ياخشى مۇئامىلىسىگە ۋە باشقا قىزىقتۇرغۇچ خاراكتېرىدىكى نەرىسىلىرىنىلا كۆرمەي سۈپەتكە ئەھمىيەت بېرىشىنى ، بۇ سۇئاللارنىڭ ئوقۇغۇچىلارنىڭ قابىلىيىتىنى يېتىلدۈرۈشىگە ھەقىقىي يېتەكچىلىك قىلالايدىغان تەرىپىگە كۆپ كۆز يۈگۈرۈتۈشىنى سەمىمىي ئۈمىد قىلىمەن .چۈنكى بىز يېتەكلەۋاتقان بالىلار مىللەتنىڭ كەلگۈسى ئۈمىدلىرىدۇر ...
ئۆزقان تەۋسىيە قىلغان كۈرەش بارات ئۆزباش تۈزگەن ، ئەركىن ئىبرايىم تۈزدۈرۈپ تارقاتقان « ئۆگەن » نامىدىكى 20 نۇسخا سوئالدىن تەركىب تاپقان سوئاللار توپلىمى ھەقىقەتەن ئەتراپلىق تۈزۈلگەم ماتېرىيال ئىكەن . مەنمۇ تەۋسىيە قىلىشنى ئويلىشىپ تۇرغان ئىدىم . ئۆزقانغا كۆپ رەھمەت !!!