تەۋپىق مۇنبىرى - Powered by phpwind

ئاتا-ئانىلار يىغىنىدا سۆزلىنىدىغان سۆز تېكىستى

ھۆرمەتلىك ئاتا – ئانىلار ، ياخشىمۇسىلەر :

ئالدى بىلەن مۇشۇنداق ئالدىراش بىر پەيتتە ۋاقىت چىقىرىپ مەكتىپىمىزنىڭ بۇ ئوقۇش يىللىق ئاتا-ئانىلار يىغىنىغا قاتنىشىپ بەرگىنىڭلەرگە چىن دىلىمدىن رەھمەت ئېيتىمەن .

بۇ قېتىملىق ئاتا-ئانىلار يىغىنىنىڭ مەقسىدى : ئاتا-ئانىلار بىلەن سىنىپ مەسئۇللىرى ۋە دەرس ئوقۇتقۇچىلىرىنىڭ ئالاقىلىشىشنى بىۋاستە سورۇنغا ئىگە قىلىش ، ئوقۇغۇچىنىڭ مەكتەپ ۋە ئائىلىدىكى ئەھۋاللىرى ئۈستىدە پىكىر ئالماشتۇرۇش (ئىگىلەنگەن ئەھۋاللار ئارقىلىق ئاتا –ئانىلار ، سىنىپ مەسئۇلى ۋە يېتەكچى ئوقۇتقۇچىلار ئوقۇغۇچىلارغا بولغان تۇنۇشىنى ئۆستۈرۈپ يېتەكچىلىك ئۇسۇلىنى ۋاقتىدا ياخشىلاش ۋە مۇكەممەللەشتۈرۈش) ، ئاتا –ئانىلارنىڭ مەلتىپىمىزنىڭ ئومۇمىي ئەھۋالىغا قارىتا بەرگەن تەكلىپ – پىكىرلىرىدىن پايدىلىنىپ ، پايدىلىق ئوقۇتۇش شارائىتى ھازىرلاپ ئوقۇتۇش سۈپىتىنى يەنىمۇ ئىلگىرىلىگەن ھالدا يۇقىرى كۆتۈرۈشكە تۈرتكە بولۇش ، ئاتا- ئانىلارنىڭ مەكتىپىمىزنىڭ خىزمىتىگە سىرتتىن ئاكتىپ ماسلىشىپ ، بالىلارنىڭ ساغلام ئۆسۈشى ، كۆڭۈلدىكىدەك ئالىي مەكتەپكە قۇبۇل قىلىنىشى ئۈچۈن ئورتاق تىرىشىشتىن ئىبارەت .

مەن تۆۋەندە بىر قانچە نۇقتا بۇيىچە پىكىرلىرىمنى بايان قىلىپ ئۆتىمەن :

1.سىنىپىمىزنىڭ ئاساسىي ئەھۋالى :

1)سىنىپ مەسئۇلى ۋە دەرس ئوقۇتقۇچىلىرى :

سىنىپ مەسئۇلى : X ، X ئوقۇتقۇچىسى

X مۇئەللىم : X ، X ئوقۇتقۇچىسى

…

….

يۇقىرىقى ئوقۇتقۇچىلار كۆپ يىل ئالىي مەكتەپ ئومۇمىي تەكرارىغا يېتەكچىلىك قىلىش تارىخىغا ئىگە بولۇپ تەجرىبىسى مول .

2)سىنىپىمىزدا جەمئىي X ئوقۇغۇچى بار ، بۇنىڭ ئىچىدە ئۇغۇللار X ئوغۇل ، X قىز .X نەپەر ئوقۇغۇچى .

ساۋاقداشلار يىغىلىپ بۇ سىنىپ كوللىكتىپىنى قۇرۇپ چىققاندا سىنىپ ھەيئەتلىرى گۇرۇپپىسىنى تەشكىل قىلدۇق ، سىنىپ باشلىقى : X ، ئۆگىنىش ھەيئىتى X ، تۇرمۇش ھەيئىتى X ، تەنتەربىيە ھەيئىتى X ، ئىتتىپاق ياچىيكا شۇجىسى : X، ھەر قايسى ياتاقلاردا ياتاق باشلىقلىرى بار ، ياتاقتا خىزمەت ئىشلەۋاتقان ساۋاقداشلاردىن .... لار بار .

ياتاق باشلىقلىرى : ...

3)سىنىپىمىزنىڭ ئومۇمىي ئەھۋالى ئومۇمىي جەھەتتىن ياخشى ، ساۋاقداشلار ئوم – ئىناق ، ئۆگىنىش پائالىيىتى مەكتەپنىڭ ۋە سىنىپنىڭ قائىدە بەلگىلىمىرىگە ئۇيغۇن ھالدا قانات يايدۇرۇلغان ، ساۋاقداشلار بۇ مەكتەپكە كەلگەندىن بۇيان مەكتەپنىڭ ئۆگىنىش ،تۇرمۇش ، ياتاق ، تاماق مۇھىتىغا ئاساسەن كۆنۈپ كەتتى ، ئوقۇغۇچىلاردا مەكتەپنىڭ قائىدە تۈزۈملىرىگە خىلاپ چوڭ ئىشلار يۈز بەرمىدى . ئوقۇغۇچىلار ھەر مىنۇت ۋاقىتنى قولدىن بەرمەي ئۆگىنىشكە ، ئالىي مەكتەپ ئىمتىھان تەكرارىغا پۇختا تەييارلىق قىلىشقا تىرىشتى . قىسقىغىنە بىر چارەكلىك ئوقۇتۇش ئەمەلىيىتى ۋە ئوقۇغۇچىلارنى ئۆگىنىش تەجرىبىسىدىن قارىغاندا ئوقۇغۇچىلار ئاز بولمىغان نەتىجىلەرگە ئىگە بولدى ...

2.نەتىجە ئەھۋالى

بۇ قېتىمقى چارەكلىك ئىمتىھاننىڭ نەتىجىسىدىن قارىغاندا ...قاتارلىق ساۋاقداشلارنىڭ نەتىجىسى سىنىپ بۇيىچە ئوننىڭ ئىچىدە ، بولتۇرقى ئالىي مەكتەپلەرگە ئوقۇغۇچى قۇبۇل قىلىش بىرىنچى تۈركۈم نومۇر چېكىگە يەتكەن . ئوقۇغۇچىدىن X نەپەر ئوقۇغۇچىنىڭ نومۇرى بولتۇرقى ئالىي مەكتەپلەرگە ئوقۇغۇچى قۇبۇل قىلىش ئىككىنچى تۈركۈم نومۇر چېكىگە يەتكەن . ماتېماتىكىدا بولتۇرقى ئالىي مەكتەپ ئىمتىھانى نومۇر چېكىگە يەتكەنلەرنىڭ سانى X .

3.كۆرۈلگەن بىر قىسىم مەسىلىلەر :

1)بىر قىسىم ئوقۇغۇچىلارنىڭ ئاساسىي ئاجىز ، ئاساسىي بىلىملەرنى پۇختا ئۆزلەشتۈرمىگەن ، ئادەتتە تەكرار قىلغاندا ۋاقىتنى ئىلمىي ئورۇنلاشتۇرۇپ ، ئەستايىدىللىق بىلەن ئۆگىنىش قىلالمايدۇ .

2) بىر قىسىم ساۋاقداشلارنىڭ ئۆگىنىش پۇزىتسىيىسى توغرا ئەمەس ، بولۇپمۇ ماتېماتىكا خەنزۇ تىلى دەرسلىرىگە تۇتقان پۇزىتسىيىسى ياخشى ئەمەس .

3) بەزى ساۋاقداشلار دەرسخانىدا ئاكتىپ پىكىر قىلالمايدۇ ، بىلسىمۇ سۆزلەشكە جۇرئىتى يوق .

4) بىر قىسىم ئوقۇغۇچىلاردا دىققىتىنى چاچىدىغان نەرسىلەر ساقلانغان ، مەسىلەن : تېلېفۇن ...

5) بىر قىسىم ساۋاقداشلاردا تاماكا چېكىش ئادىتى باركەن ، تەربىيىنى ماسلاشتۇرۇپ ياخشى ھەمكارلاشساق .

ئاتا – ئانىلارغا تەكلىپ :

1. پەرزەنتلەرنىڭ مەكتەپتىكى تۇرمۇشىغا ئالاھىدە كۆڭۈل بۆلسەڭلار ، ئوقۇش پۈتتۈرۈش ئالدىدا ئۇلار سىلەرنىڭ ھەر تەرەپتىن قوللىشىڭلارغا مۇھتاج . ئىقتىسادىي جەھەتتىن بەك قىسىۋەتمەي ، بەك ھەشەمەتخور قىلىۋەتمەي ، تۇرمۇشىغا ۋە باشقا ئۇششاق – چۈششەلىرىگە چۈشلۇق ئىقتىسادىنى ئەۋەتىپ بەرسەڭلارلا كۇپايە .

2. پەرزەنتلەرنىڭ تېلېفۇن ئىشلىتىشىنى مەكتەپكە ماسلىشىپ تۇسۇپ بەرسەڭلار ، چۈنكى ئوقۇغۇچىلاردا تېلېفۇن ئارقىلىق تورغا چىقىپ دىققىتىنى چېچىۋىتىدىغان ئەھۋال ئېغىر ، بۇنىڭ سەلبىي تەسىرىنى ھەرگىزمۇ تۆۋەن مۆلچەرلىگىلى بولمايدۇ . ياتاقتا ياتىدىغان ئوقۇغۇچىلار كۈندۇزى سەككىز سائەتلىك تەكرار دەرسىنى ئاڭلاپ ، ياخشى ئارام ئالماي كېچىدە تېلېفۇندا يەنە نەچچە سائەت تورغا چىقسا ئۇنىڭ ئوقۇغۇچىلارنىڭ ئۆگىنىش ۋە تۇرمۇشىغا قانچىلىك زىيانلىق تەسىرى بولىدۇ ؟ !

3. پەرزەنتلەرگە كۆيۈنۈش كېرەككى ، ھەرگىزمۇ ئۇلارنى تار يولدا قىستاپ ، ئۇلارغا ئورۇنسىز تەنبىھ بېرىشكە بولمايدۇ ، ئۇلار بىلەن سەمىمىي سۆھبەتلىشىپ ئۇلارنى ئىچ – ئىچىدىن قايىل قىلىش كېرەك ، ئەگەر سىلەرنىڭ قاتتىق ۋاستەڭلار ئۇلارنىڭ ئىدىيىسىدىن ئۆتمىسە ، ئۇلارغا نىسبەتەن بۇ خىل تەربىيىنىڭ رولى بولمايدۇ . ئۇلارنىڭ سالامەتلىكى ، ئۆگىنىش ئەھۋالى توغرىسىدا غەمخۇرلۇق قىلىش زۆرۈرىيىتى بار .

4. ئۇلارنىڭ كىشىلىك ھاياتقا تۇتىدىغان پوزىتسىيىسىگە ، ئۆگىنىش ئادىتىگە قاتتىق تەلەپ قويۇش كېرەك ، ئەركىلىتىپ يامان ئادەتلەندۈرۈشكە بولمايدۇ . ئائىلىدە ئىمكانقەدەر قانداق ياشاشنى ، قانداق ئىقتىساد قىلىشنى ، جاپاغا قانداق كۆنۈشنى ، قېيىنچىلىقتىن قانداق ئۆتۈشنى ئۆگىتىڭ ، ھەممە نەرسىسىنى ئۇلارنىڭ تەلىپى بۇيىچە تەق قىلىپ بېرىشتىن ساقلىنىڭ . بۇ ئۇلارنىڭ ھاياتىغا بەك چوڭ تەسىر كۆرسىتىدۇ .

5. پەرزەنتلەرگە قانۇن – ئىنتىزاملارغا ئاڭلىق رىئايە قىلىش تەربىيىسىنى ئۆگىتىڭ ، باشباشتاق بولۇپ قېلىشتىن ، سىزنىڭ بەلگىلىك چەكلىمە دائىرىڭىزدىن ھالقىپ چىقىپ كېتىشىگە ئىمكانقەدەر يول قويماڭ .

6. ئۇلار بىرەر قىيىن مەسلىگە دۈچ كەلگەندە ئۇلارنى كۆپرەك ئىلھاملاندۇرۇڭ ، ھەممە ئىشىغا چات كىرىۋالماڭ ياكى ئارىلىشىپ ئۆزىڭىز ھەل قىلىپ كەتمەڭ ، قىيىنچىلىقتىن ، ئۆتكەلدىن ئۆتىۋالغۇچە ئۇلارنىڭ ئىلگىرىلەش ئەھۋالىنى ، مەسلىنى ھەل قىلىش ئۇسۇلىنى سۈرۈشتۈرۈپ تۇرۇڭ .

7. پەرزەنتلەرنىڭ بىكار ۋاقتىنى نېمىگە سەرپ قىلىۋاتقانلىقىدىن خەۋەردار بولۇپ تۇرۇڭ ، ئۇنىڭ ئارىلىشىدىغان ئادەملىرى بىلەن دوست بولۇڭ .

8. سىنىپ مەسئۇلىغا ، دەرس ئوقۇتقۇچىلىرىغا دائىم تېلېفۇن قىلىپ تۇرۇڭ ، بالىڭىزنىڭ ئەھۋالىنىلا سۈرۈشتۈرۈپ قالماستىن ئوقۇتقۇچىنىڭ سالامەتلىكى ، خىزمەت ئۇتۇقلىرى ھەققىدە پىكىر ئالماشتۇرۇپ تۇرۇڭ ، مۇشۇنداق قىلغاندا سىنىپ مەسئۇلى ۋە دەرس ئوقۇتقۇچىلىرى بىلەن بىمالال سۆھبەتلىشەلەيسىز .

مەنبە : كۆكسانغۇن