|
•مەززەئى لۇتفى ئىلاھىدۇر دىيارى كاشىغەر، •ئىشىق ئېلىنىڭ قىبلىگاھىدۇر مازارى كاشىغەر. •ئىشىق ئۇلپەت چەشمەسىدىن دەردۇ مېھنەت جۇش ئېتەر، •تۇپراغى ھەسرەت بىلەن بىتكەن ھېسارى كاشىغەر. •دىلرەبالەر باغرىنى لەئلى بەدەخشان ئەيلىگەي، •بىر نىگاھى غەمزەسىدىن گۈلئۇزارى كاشىغەر. •ئابى روكنابات، گۈلگەشتى موسەللا سەھىل ئېرور، •خۇلدىدىن ئەفزۇن تۈمەنمىڭ لالەزارى كاشىغەر. •ئەيىش ئېلىگە خارىدىن كەلگەي گۈلى ئىشرەت ئېسى، چۈن سۇلايمان دۆلەتىدۇر خارى-زارى كاشىغەر. •ئود ئەنبەر تۇپراغىدۇر، ئابى كەۋسەردۇر سۈيى، •دۇررى-مارجان تاشلارىدۇر كۇھسارى كاشىغەر. •يا پەرى، يا ھۆرى يا باغى ئېرەم ياد ئەيلىمەس، •شەھرىنى ئۇنتار بولۇر ھەر كىم دۇچارى كاشىغەر. •ھوشمەندۇ، دەردمەندۇ، مەرد زەندۇلەب چۇقەند، •نار خەندان، سىب رەنا ھەر نە بارى كاشىغەر. •كاشىغەر شەھرىن بىلىڭ گۇمنامنىڭ يايلاغىدۇر، •دىلكۇشا، ئىشرەت پەزا ھەر سەبزارى كاشىغەر |