بايراق ئاستىدا سۆزلەنگەن سۆز

مەكتەپتە تۈرلۈك ئىھتىياج تۈپەيلى ھەر بىر ئوقۇتقۇچى بايراق ئاستىدا، مەخسۇس تىمىلىق سىنىپ يىغىنلىرىدا ياكى شۇنۇڭغا ئوخشاش تۈرلۈك سورۇنلاردا ئوقۇغۇچىلارغا نۇتۇق، لىكسىيە سۆزلەشكە توغرا كىلىدۇ، شۇڭا ئوقۇتقۇچىلارنىڭ بۇ جەھەتتىكى يۈكىنى يەڭگىللىتىش مەخسىدىدە بۇ تىمىنى يوللىدىم، بۇ نۇتۇقنى ئەتراپلىق تەييارلانغان، تىلى راۋان، پىشقان نۇتۇق دەپ قارىمايمەن، بىراق لازىم بولغانلار ئۆز ئەمىلىيىتىگە بىرلەشتۈرۈپ مۇۋاپىق ئۆزگەرتىپ ئىشلىتىپ مەنپەئەتلەنسە ئەمگىگىم بىكارغا كەتمىگەن بولاتتى.

قىممەتلىك پۇرسەتنى چىڭ تۇتۇپ، مىننەتدارلىق تۇيغۇسىنى ھەرىكەتلەندۈرگۈچ كۈچكە ئايلاندۇرۇپ، قېتىرقىنىپ ئۆگىنىپ، يىڭى ئوقۇش يىلىدا تىخىمۇ ياخشى نەتىجىلىرنى قولعا كەلتۈرەيلى

(بايراق ئاستىدا سۆزلەنگەن سۆز)

ھۆرمەتلىك ئوقۇتقۇچى يولداشلار، سۆيۈملۈك ئوقۇعۇچىلار: ئەتىگەنلىكىڭلار خەيىرلىك بولسۇن.
2011- 2012- ئوقۇش يىلى 1- ماۋسۇملۇق خىزمەتلەر ئومومى يۈزلۈك باشلاندى، ئالدىنقى بىر مەزگىللىك ئەھۋالدىن قارىعاندا، يىڭى ئوقۇش ماۋسۇمىعا بارلىق ئوقۇتقۇچىلار ۋە مۇتلەق كۆپ ساندىكى ئوقۇعۇچىلار تولۇق ئىددىيىۋى تەييارلىق بىلەن كىرىپ كەلگەن بولۇپ، بۇ ئەھۋال ئادەمنى تولىمۇ خۇرسەن قىلىدۇ.
يىڭى ئوقۇش ماۋسۇمى باشلانعاندىن كىيىن بارلىق ئوقۇعۇچىلارنىڭ سالاھىيىتىدە تۈپتىن ئۆزگىرىش بولدى، يەنى ئالدىنقى ماۋسۇمدىكى باشلانعۇچ مەكتەپ ئوقۇعۇچىلىرى ئەمدى تولۇقسىز ئوتتۇر مەكتەپ ئوقۇعۇچىلىرى بولدى، ئالدىنقى ماۋسۇمدا تولۇقسىز ئوتتۇر مەكتەپنى پۈتتۈرگەن ئوقۇعۇچىلار ئەمدى تولۇق ئوتتۇرا مەكتەپ ئوقۇعۇچىسى بولدى، باشقا ئوقۇعۇچىلارمۇ ئالدىنقى ماۋسۇمدىكىگە قارىعاندا ياش ۋە ئوقۇش تارىخى جەھەتلەردە بىر قەدەم ئىلگىرلەپ، سالاھىيىتىدىمۇ ماھىيەتلىك ئۆزگۈرىش بولدى. قەدىرلىك ئوقۇعۇچىلار: سىلەرنىڭ سالاھىيىتىڭلەردىكى بۇ ئۆزگۈرۈشلەر سىلەرنىڭ ئەقىل- پاراسەت ۋە ئەدەپ- ئەخلاق جەھەتلەردىمۇ بىرقەدەم ئالعا باسقانلىقىڭلاردىن دىرەك بىرىدۇ، بىر ئادەمگە نىسبەتەن ئەقىل- پاراسەت ۋە ئەدەپ- ئەخلاق جەھەتلەردە ئەتراپلىق يىتىلىش ئىنتايى مۇھىم، ب د ت مائارىپ، پەن، مەدەنىيەت تەشكىلاتى نەشر قىلغان «ياشاشنى ئۆگىنىۋېلىش» دېگەن كىتابتا: «كەلگۈسىدىكى ساۋاتسىزلار خەت تونۇمايدىغان كىشىلەرنى ئەمەس، بەلكى ئۆگىنىشتە نىشانى بولمىغان كىشىلەرنى كۆرسىتىدۇ، ئەخلاق تۇيعۇسى يوق كىشىلەر جىنايەتنىڭ مەنبەسىدۇر» دەيدىغان بىر جۈملە سۆز بار. بۇ سۆز بىزگە ئۆگىنىشكە ئەھمىيەت بېرىپلا قالماي، توغرا ئۆگىنىش ئۇسۇلى يەنى «قانداق ئۆگىنىش»نى ئىگىلەشكە ئەھمىيەت بېرىش ۋە ئۆزىمىزنى ئەخلاقى جەھەتتىن تەربىيىلەشكىمۇ ئالاھىدە ئەھمىيەت بىرىشىمىز كىرەكلىكىدىن بېشارەت بېرىدۇ.
بىز دۇنيانى ئۆزگەرتەلمەسلىكىمىز مۇمكىن، ئەمما تەربىيىلىنىش ئارقىلىق ئۆزىمىزنى ئۆزگەرتەلەيمىز. ئۆزىمىزنى ئۆزگەرتىش ئارقىلىق ئەتراپىمىزدىكىلەرگە تەسىر كۆرسىتەلەيمىز. ئەتراپىدىكىلەرگە تەسىر كۆرسىتىش- ھەر بىر ئادەمنىڭ ئۆز ماۋجۇتلىقىنى ئىپادىلىشىنىڭ ئالدىنقى شەرتى ۋە ئاخىرقى ئىنتىلىشى.
نەتىجە ھامان ئۆز ئەمگەكلىرىمىزدىن كېلىدۇ. ھېچبىر ئىنسان ئىنتىلىش بىلەنلا نىشانعا يىتەلمەيدۇ. غەم-قايغۇ بىلەن بەختسىزلىكنى كەتكۈزەلمەيدۇ. ئۆزىنىڭ ئادىمىيلىك نىشانى ئۈچۈن پىشانىسىدىن تامچىلىدىغان ئاچچىق تەر- باشقىلارنىڭ ھېسداشلىقى ۋە ئۆزىنىڭ ئاتالمىش تەتۈر پىشانىسى ئۈچۈن قايغۇرۇپ تۆككەن ياشتىن تاتلىق ئەلۋەتتە. ئەنە ئاشۇ ھالال تەرنىڭ مېۋىسى ھەر قانداق مېۋىدىن شېرىن ۋە بەرىكەتلىك.
مۇتەپەككۇرلار «بىر ئادەم قانداق يولنى تاللىسا، شۇنداق ئادەم بولىدۇ»، «تەرەققىي قىلىش، ئۆسۈپ يېتىلىشنىڭ ئەڭ كۈچلۈك پىرىنسىپى ئادەمنىڭ تاللىشىدا» دەپ قارىغان. بۇنىڭ سەۋەبى ئادەمنىڭ ھايات يولى سانسىزلىغان تاللاشلاردىن تەركىب تاپىدۇ، ھەم تاللاش نەتىجىسىگە قاراپ ھايات يولى بەلگىلىنىدۇ. تەقدىر تەلەي بولماستىن، بەلكى بىر خىل تاللاشتۇر. بىز تەقدىرنىڭ ئورۇنلاشتۇرۇشىنى كۈتۈپ تۇرماستىن، تىرىشچانلىقىمىزغا تايىنىپ ئۇنى يارىتىشىمىز زۆرۈر، ئىنسان ھاياتىدىكى بارلىق تاللاشلار ئىچىدە ئېنىق نىشان(غايە)نى تاللاش بىلەن ئۈمىدۋار، تىرىشچان، قەيسەر بولۇشتىن ئىبارەت ئاكتىپ روھىي ھالەتنى تاللاش ئىنتايىن مۇھىم. ئادەمنىڭ روھىي ھالىتى قانچىكى ئاكتىپ بولسا، ئۇنىڭ ئىش- ھەرىكىتىمۇ شۇنچە ئاكتىپ بولىدۇ- دە، تاللانغان نىشانغا شۇنچە تېز يېقىنلىشىدۇ. دېمەك، تۇرمۇشقا نىسبەتەن روھىي ھالەت ۋە پوزىتسىيە پۈتكۈل ھايات مۇساپىسىنىڭ قانداق بولۇشىغا ھەل قىلغۇچ تەسىر كۆرسىتىدۇ. كىشىلىك ھايات يولىنى تاللاش شەخسنىڭ ئۆزىنى يېڭى ھاياتقا ئىگە قىلىش جەريانىدۇر. ئادەم ئۆز تەقدىرىنى ئالدىن بىلەلمىسىمۇ، لېكىن ۋاقىتتىن پايدىلىنىپ ئۆزىنىڭ ھەر بىر كۈنلۈك ئىش- ھەرىكىتىنى باشقۇرالايدۇ. مۇشۇنداق پىلانلىق باشقۇرۇلغان ۋاقىتنىڭ ئومۇمىي يىغىندىسى بىر ئادەمنىڭ تەقدىرىنى يارىتىدۇ.
ئنساننىڭ ھاياتى چەكلىك بىراق، ئۇ يەنە چەكسىز قىممەت يارىتىپ مەنىۋى جەھەتتە ئەسىردىن- ئەسىرگە نامى يادلىنىپ ئالەمشۇمۇل قەدىر -قىممەتنىڭ خوجىسى بۇلالىشى تامامەن مۈمكىن.
ئوقۇغۇچىلار كىشىلىك ھايات مۇساپىسىدە توغرا تاللاشنى ئەمەلگە ئاشۇرۇپ، ئۆزىنىڭ ئارزۇ- ئارمانلىرىنى ئەڭ ئۈنۈملۈك ئەمەلگە ئاشۇرۇش ئۈچۈن ھازىردىن باشلاپ پەن- مەدەنىيەت بىلىملىرى بىلەن ئۆزىنى قۇراللاندۇرۇپ، ئۆزىنى كۈچەيتىپ، ئوقۇغۇچىلار قائىدىسى، كۈندىلىك ھەركەت ئۆلچىمىگە تولۇق رىئايە قىلىپ، ۋەتەنگە، خەلققە نەپ يەتكۈزىدىغان ياراملىق ئادەملەردىن بولۇپ چىقىش ئىرادىسىنى تۇرغۇزىشى كىرەك. ئوقۇغۇچىلار قانۇنغا رىئايە قىلىپ، مەكتەپتە ئۈنۈملۈك ئۈگىنىشنى بىلىدىغان ياخشى ئوقۇغۇچى، ئائىلىدە ئەدەپ- قائىدىلىك ياخشى پەرزەنىت، جەمئىيەتتە ئىجتىمائى تەرتىپكە ئاڭلىق رىئايە قىلىدىغان ياخشى ئۆسمۈر بولۇپ يىتىلىشى لازىم.
ئادىمىيلىكتىكى مۇھىم ھالقا ئەدەب-ئەخلاقدۇر. ئىنسانلار قەدىمدىن تارتىپلا ئاجايىپ بىلىملىك ۋە قابىلىيەت ئىگىسى بولغانلىقى ئۈچۈن ئەمەس، بەلكى كاتتا ئەخلاق ئىگىسى بولغانلىقى ئۈچۈن ھۆرمەتلىنىپ كەلگەن. بۇنىڭدىن، ئىنسانلارنىڭ مەنىۋىيەت گۈزەللىكىگە نەقەدەر ئېتىبار بىلەن قارايدىغانلىقىنى كۆرۈۋالغىلى بولىدۇ. ھەقىقىي بەخت- مەنىۋىيەتتىن ۋە گۈزەل مەنىۋىيەت كونتروللىقىدىكى ماددىيەتتىن كېلىدۇ. ئەدەب- ئەخلاق ئىنسانلارغا بىر ئۆمۈر ھەمراھ بولىدىغان ئاجايىپ خىسلەتلىك مەنىۋى قورال بولۇپ، ئۇ ئادىمىلىكنىڭ نېگىزى، ئاساسى بولۇشى كېرەك.
مەكتىپىمىز پارتىيە- ھۆكۈمەتنىڭ غەمخورلۇقى ۋە مەكتىپىمىزدىكى كەڭ ئوقۇتقۇچى- ئوقۇغۇچىلارنىڭ تىرىشچانلىقى ئاستىدا ھازىرقىدەك كۆركەم، ئازادە ئوقۇتۇش شارائىتى ۋە گۈزەل ئوقۇتۇش مۇھىتىغا ئىگە بولدى. بۇنداق ئەۋزەل مۇھىت، ياخشى شارائىتنى ئويلىغىنىمىزدا، مەكتىپىمىزدىن پەخىرلەنمەي تۇرالمايمىز. ھالبۇكى، زور كۆپ ساندىكى ئوقۇغۇچىلار مۇشۇنداق ئەۋزەل مۇھىت، ياخشى شارائىتنى قەدىرلەپ، پارتىيە ھۆكۈمەتنىڭ، ئاتا- ئانىلىرىنىڭ ئۆزلىرىدىن كۈتكەن ئۈمىدىنى ھەرۋاقىت ئىسىدىن چىقارماي تىرىشىپ ئوقۇۋاتقان بولسىمۇ، لېكىن بىر قىسىم ئوقۇغۇچىلار ئەكىسچە، مەكتەپ مۇھىتىغا، كوللېكتىپنىڭ مال- مۈلىكىگە، ھەم مەكتەپنىڭ نورمال ئوقۇ- ئوقۇتۇش تەرتىپىگە ئېغىر دەرىجىدە بۇزغۇنچىلىق قىلىپ كېلىۋاتىدۇ.
مەكتىپىمىزنىڭ ئوقۇتۇش بىناسى ۋە باشقا قۇرۇلۇشلىرى پۈتۈپ ئىشقا كىرىشتۈرۈلگىلى ئەمدى ئىككى يىل بولغان بولسىمۇ، لېكىن بىنانىڭ تاملىرى، كارىدور ھەم سىنىپلاردىكى ئېلىكتىر ئەسلىھەلىرى، كۆرسەتكۈچ چىراقلار، ئىشىك- دېرىزىلەرنىڭ ئەينەكلىرى بولۇپمۇ ئوقۇعۇچىلار ئاشخانىسىنىڭ تام سۇۋاقلىرى بىر قىسىم ئوقۇغۇچىلار تەرىپىدىن بۇزۇپ چېقىلدى. ئاپئاق تاملار قالايمىقان جىجالدى. بىر قىسىم ئوقۇغۇچىلاردا مەكتەپ تازىلىق تۈزۈمىگە رىئايە قىلماي، پاكىز تازىلانغان ئورۇنلارغا ھەرخىل مېۋە شۆپۈكلىرى، يېمەكلىك قالدۇقلىرى ۋە سۇلىياۋ خالتىلارنى قلايمىقان تاشلاپ، مەكتەپ قورۇسى ۋە ئوقۇتۇش بىناسىنىڭ تازىلىقىغا ئېغىر تەسىر يەتكۈزۈدىعان، ئوقۇتۇش بىناسىنىڭ ئەتراپىدىكى گۈللۈك، چىملىقلاردا ئولتۇرۇپ ۋە دەسسەپ، گۈل- گىياھلارنى ۋەيران قىلىۋىتىدىعان. ئاشخانا ۋە باشقا ئورۇنلارغا ئاشقان تاماقلارنى قالايمىقان تۆكىدىغان، ئاشخانا، ياتاق، ھاجەتخانىنىڭ تاملىرىغا تىپىپ، پۇتىنىڭ ئىزىنى چىقىرىپ قويىدىغان، كارىدۇر ئىچىدە يۈگۈرۈپ ئويناپ باشقىلارنى سوقىۋىتىدىغان، يۇقىرى ئاۋازدا پاراڭلىشىپ، ئالا- تاغىل توۋلاپ باشقىلارنىڭ ئۆگىنىش، خىزمەت ۋە ئارام ئېلىشىغا دەخلى يەتكۈزىدىغان بىر قىسىم ئەخلاقسىز قىلمىشلار يەنىلا ساقلىنىپ قىلىۋاتىدۇ.
يۇقىرقى قىلمىشلارنىڭ ھەممىسى مەكتىپىمىزنىڭ نورمال ئوقۇ- ئوقۇتۇش تەرتىپىگە، جەمىيەتتىكى ئوبرازىعا، ھەر بىرىمىزنىڭ ئىززەت- ھۆرمىتىگە ئېغىر تەسىر يەتكۈزىدىغان، جىددى تۈزىتىش ۋە ھەل قىلىشقا تېگىشلىك مۇھىم مەسىلە بولۇپ ھېسابلىنىدۇ.
بىز مۇشۇ مەكتەپتە ئوقۇۋاتقان ئىكەنمىز، مەكتەپ خۇددى بىزنىڭ ئىللىق ئائىلىمىزگە ئوخشايدۇ. مەكتەپنى ئىلگىرىكى ۋە ھازىرقى ئوقۇتقۇچى- ئوقۇغۇچىلار ئورتاق قۇرۇپ، مۇشۇ ھالەتكە كەلتۈرگەن. شۇڭا ھەر بىرىمىز مەكتىۋىمىزنىڭ شان شەرىپىنى كۆز- قارچۇعىمىزنى قوعدىعاندەك قوعدىشىمىز لازىم.
كاللىمىزنى سىلكىپ سەگەكلىك بىلەن ئويلىنىدىغان بولساق، مەكتەپ يەنە بىزنى تۇغۇپ ئۆستۈرۈپ قاتارغا قوشقان مېھرىبان ئانىمىزغا ئوخشايدۇ. ئۆز ئائىلىسىنى، ئۆز ئانىسىنى قوغداش - ھەرقانداق بىر ئىنساننىڭ ئەڭ ئالىي بۇرچى. شۇنداقلا ئەڭ ئېسىل ۋەتەنپەرۋەرلىك روھى. بىزنىڭ مەكتەپنى قوغدىغانلىقىمىز، ئۆز نۆۋىتىدە ۋەتەننى قوغدىغانلىق بولىدۇ. شۇڭا، بارلىق ساۋاقداشلارنىڭ مەكتەپنى قىزغىن سۆيۈپ، مەكتەپنىڭ مال- مۈلۈكلىرىنى ئاسرىشىنى؛ قىممەتلىك ۋاقتىنى ئەرزىمەس يامان ئىشلارغا سەرپ قىلماي، تىرىشىپ ئۆگىنىپ، ياراملىق ئەۋلادلاردىن بولۇپ چىقىشىنى ئۈمىد قىلىمەن!
ئاخىرىدا بارلىق ئوقۇتقۇچىلارنىڭ كىلىش ئالدىدا تۇرعان ئوقۇتقۇچىلار بايرىمىنى ئالدىن تەبرىكلەيمەن. ئوقۇتقۇچىلار بايرىمىڭلارغا مۇبارەك بولسۇن.

سۆزۈم تۈگىدى، كۆپچىلىككە رەھمەت!
- يىلى - ئاينىڭ - كۈنى

yaxar	2011-10-10 12:59
تىما مەزمۇنى بۇ سەھىپىگە ماس كەلمىگەن بولسا مۇۋاپىق سەھىپىگە يۆتكەپ قويغايسىلەر.

tawpek

2011-10-10 14:04

دەل ماس كەپتۇ، ھەقىقەتەن ئۆزگىچە بىر ئىجادىيەت بوپتۇ.

ئوقوش باشلاش مۇراسىمىدا سۆزلەنگەنمۇ قانداق.

مۇشۇنداق سۆزلەردە قۇرۇق سىياسەتۋازلىق قىلىپ بالىلارنىڭ ئىنتىزامىنى تەشكىللىيەلمەي مەكتەپ مۇدىرلىرى ئوقوغۇچىلارنى ئورونلىرىدىن تۇرغۇزۇپ ، نەچچە مىڭ بالىلارنىڭ ئالدىدا ئۆزىنى كۈلكىگە قويوپلا يۈرىيدۇ.

مۇشۇنداق ھىكمەتلەرگە تويونغان ، مەكتەپنىڭ ئەمەلى ئەھۋالىغا ماس ، نەخ گەپلەر بولسا ئۈنۈملۈك بولوپلا قالماي ئوقوغۇچىلار قىزىقسا، چۈشەنسە، ئىنتىزام تەشكىللەشنىڭمۇ زۆرۆرىيتى يوق دەپ قارايمەن.

بىزدە 2 يىل بولدى ئوقوش باشلاش مۇراسىمىمۇ ئاچالمايۋاتقىلى.

ماھى	2011-10-10 19:03
بەك ئەتراپلىق تەييارلانغان بايراق ئاستىداسۆزلەنگەن سۆزكەن.ئەجرىڭىزگە رەھمەت.

ziba

2011-10-10 22:09

مەزمۇنىغۇ ياخشىكەن ،بىراق سەل ئۇزۇنمۇ قانداق ؟ بىزنىڭ مەكتەپتە بايراق ئاستىدىكى سۆز جىق بولوپ قالسا بايراق چىقىرىشقا قاتناشقان
ئوقۇتقۇچىلار كوتۇلداپ كىتىدۇ . بىز قانچە سوغوق بولۇپ كەتسىمۇ ، ئوقۇغۇچىلار سوغۇقتىن جاق-جاق تىترەپ كەتسىمۇ ،<<تولۇپ تاشقان قىزغىنلىق >> بىلەن بايراق چىقىرىش مۇراسىمىنى تالادا ئۆتكۈزىمىز .بىلمىدىم ،سىلەرمۇ شۇنداقمۇ؟

koksangun	2011-10-11 00:13
12 - ئايدىن باشلاپ سىنىپلاردا ئۆتكۈزىلىدۇ ، بايراقدارلارلا خادا ئاستىدا . ئىمتىھاننىڭ ئالدىراش مەزگىلىدە بىر مەزگىل توختاپ تۇرىدۇ .

yaxar

2011-10-11 00:31

كۆك سانغۇن ئەپەندى: سىلەرنىڭ مەكتەپنىڭ بايراق چىقىرىش تۈزۈمىنى باشقا مەكتەپلەرمۇ ئۆرنەك قىلساق بولغىدەك، بىز ھازىرغىچە قىش- ياز دىمەي ھەر دۈشەنبە كۈنى (تەتىل ۋە باشقا دەم ئىلىش كۈنلىرىدىن باشقا ۋاقىتلاردا) مەكتەپ بويىچە مەيداندا چىقىرىپ كىلىۋاتىمىز.

ozqan

2011-10-11 00:46

بايراق چىقىرىشنىڭ پايدىسى ئىچىدە سىلەر ئاڭلىمىغان بىر پايدىسىنى ئېيتىپ بەرسەم ماڭا رەخمەت دەڭلار، جۇمۇ .
بايراق چىقارغاندا ئاسماندا لەپپىلدەۋاتقان قىزىل بايراققا قاراپ تۇرۇش ئوقۇتقۇچىلاردىكى كەسپىي كېسەللىك بولغان بويۇن ئۇمۇرتقا كېسىلىگە پايدىلىق ئىكەن .

ئەسلى گەپكە كەلسەك ، بۇ نۇتۇق ھەقىقەتەنمۇ ياخشى يېزىلىپتۇ . ئەمەلىي ھەم جانلىقكەن .

ماھى	2011-10-11 01:06
بىزنىڭ مەكتەپتىمۇ قىش-ياز دېمەي،تالادا چىقىرىمىز. =R.9"7~2x كۆكسانغۇن مۇئەللىمنىڭ مەكتىۋى ياخشى ئىكەن ھە؟ i 8Xz قىسقىسى،بۇ نوتۇق بەك ياخشى يېزىلىپتۇ.

tawpek

2011-10-11 15:29

ئاللا  ما  گەپلەرنى.

سىلەرنىڭ مەكتەپنىڭ ۋەتەنپەرۋەرلىك تەربىيسى ياخشى ئىشلەنمەيۋىتىپتۇ ئەمەسمۇ.  ھەپتىدە بىر، سىنىپتا  چىقارغان بايراقمۇ بايراقمۇ.

سىلەرگە مەن دىسەم: باش جايلاردا قانداقكىن بىلمىدىم لىكىن بىزنىڭ ناھيىدىكى مەكتەپلەردە ھەر كۈنى ئەتىگەن ، يەنى ئوقوتوش ئىلىپلا بىرىلىدىكەن كۈن ئاتلاتماي بايراق چىقىرىمىز، ئوقوتقۇچى ئوقوغۇچىلار قەسەم بىرىمىز ھەم ئوقوتقۇچى ئوقوغۇچىلار ئىنقىلابى ناخشا ئوقويمىز.  ئوقوتقۇچىلار ئالدىدا ئوقوغۇچىلار كەينىمىزدە تىزىلىدۇ. 15  مىنۇت شۇ تەرىقىدە ئۆتىدۇ، يوقلامنىمۇ شۇ   پۇرسەتتە قاراپ قىلىۋالىدۇ.

بىز مۇشۇنداق كۈندە قەسەم بىرىپ <<شان-شەرەپلىك ئوقوتقۇچى بىز >>نى ئوقوپ روھىمىزنى ئۇرغىتىپ خىزمەتلەرنى جۇشقۇن ھالدا باشلاپ كىتىمىز.

بايراق ئاستىدا سۆزلەشكە كەلسەك، مەكتەپ مۇدىرلىرى تەكشۈرۈش كىلىدۇ دىسە چىداپ ئويغىنىپ بەش يۇلتۇزلۇق بايراقنى تونوشتۇرىدۇ. ئۇنىڭ بىرسى تەرپىدىن  ئاۋازغا ئىلىنغان نۇسخىسى بار، پۈتۈن ناھيىدە ئۇنى قويوپ بىرىدۇ.

پەرىق نىمانچە چوڭ.

ozqan

2011-10-11 20:38

بىز بايراقنى ھەر دۈشەنبە كۈنى مەكتەپ مەيدانىدا چىقىرىمىز ، قىشتا كارىدۇردا چىقىرىمىز .
ھەر كۈنى سىنىپلاردا ئەتىگەنلىك ئوقۇش ۋاقتىدىلا سىنىپتا چىقىرىدۇ . ئەتىگەنلىك ئوقۇشقا كىرگەن ئوقۇتقۇچىدىن باشقىلار ئۆز ئشى بىلەن بولىدۇ . پەقەت دۈشەنبە كۈنىدە يوقلىما قىلىنىپ بايراق چىقىرىلىدۇ .

ماھى	2011-10-11 23:37
بىزنىڭ مەكتەپتە ھەر كۈنى بايراق چىقىرىمىز.دۈشەنبە كۈنى كەڭ كۆلەملىك،بايراق چىقىرىش نۇتقى سۆزلەپ، 7~ *;=,mw ئوقۇتقۇچى-ئوقۇغۇچىلار قەسەمنامە ئوقۇپ دېگەندەك. T/wM(pr' باشقا كۈنلەردە «قوزغال »مۇزىكىسى ئاستىدا چىقىرىمىز.

abdumijit	2011-10-13 13:18
بىزنىڭ مەكتەپتە ھەر ھەپتىدە بىر سىنىپ دىجۇرنىلىك قىلدۇ،بايراقنى دىجۇرنىلىك قىلغان سىنىپ چىقىرىدۇ. S)"##-~`T بايراق چىقىرىش سۆزىنىمۇ،شۇ سىنىپتىن بىر ئوقوغۇچى ئوقۇيدۇ. Cq?',QU6j قارىغاندا يەنىلا بىزنىڭ مەكتەپ ياخشىكەن.

tawpek

2011-10-13 14:40

ئۆزقاننىڭ رىتسىپى راسىت شىپا قىلىدىكەن جۇمۇ.

خىزمەتداشلارغىمۇ كىڭەيتكەنتىم ، بايراق تۈۋىدە پاراڭلىشىپ مەكتەپ مۇدىرىمىز ئىنتىزام تەشكىللەپ بولالماي قالىدىغاننىڭ ئورنىغا ھەممەيلەن بايراقنىڭ چىقىۋاتقىنىغا قاراپ ئۈنىمىنى كۆرۆپ ، شۇ سىياسەتنى چىقارغان رەھبەرلەرگە ئاپىرىن ئىيتىشتى.

قار	2011-10-19 20:34
تەۋپىق ئەپەندىنىڭ مەكتىپى ئۈلگە تىكلەپ بېرەمدۇ نېمە بىزگە ؟

tursun0

2011-11-04 17:41

بۇ نۇتۇق ياخشى يىزلپتۇ،مىنڭچە رەھىبەرلەر سىياسەتۋازلىق قىلماي ئوقۇغۇچلار چۇشەنگىدەك قىلپ ئىخچام،چۇشنۇشلىك قىلپ ،مەكتەپنىڭ كەلگۇسى تەرەققياتى ،قىلماقچى بۇلغان كۇنكىرىت ئىشلار ،كۇتمەكچى بۇلغان تەلەپ ،ئۇمۇت،ئۇسۇل-چارە ھەققدە سۇز قىلسا بۇلماسمۇ؟ ھە دىسلا ئوقۇغۇچلار چۇشنۇپ كىتەلمەيدىغان كەسپى ئاتالغۇلار،قۇرۇق ۋەدلەر ، دەبدەبلىك سۇزلەرنى دىگچە بۇ مىنڭ كۇز قارشىم.خاتالىق بۇلس تۇزتۇپ چۇشنۇپ كڭتشڭلارنى ئۇمۇت قىلمەن.

ihsan87

2011-11-11 02:04

بۇ نۇتۇق ناھايىتى ياخشى يېزىلىپتۇ،سەل ئۇزۇنمۇ قانداق،بىزنىڭ مەكتەپتىمۇ بۇ پائالىيەت كىش-ياز ئاسمان ككمتۇرلۇپ كەتسىمۇ مەيداندا ئۆتكۇزۇلىدۇ،10مىنۇتتا تامام بولىدۇ.نۇتۇق 5 مىنۇت داۋام قىلىدۇ،مەزمۇنى چوڭقۇر ۋە ئىخچام،خېلى تەسىرلىك.مەن ۋاقىت چىقىرىپ يوللاپ كوياي.

tawpek

2011-11-11 11:24

بىزدىمۇ ھازىر ئىسلاھ قىلىنىپ دۈشەنبە تولوق ئورونلايدىغان باشقا ۋاقىتلاردا دۆلەت شىرىغا ماس بايراق چىقىپ بولسا تارقاپ كىتىۋاتىمىز، لىكىن كەينىمىزگە تىزىلغان ئوقوغۇچىلارنىڭ سانى ئوقوتقۇچىلارنىڭ سانىدىن ئاز.

7:45 تە بايراق چىقىرىمىز 8:20 ئۆتكىچە ئەتىگەنلىك ئوقوش، لىكىن بۇ ئوقوشقا 4-5 ئوقوغۇچى كىلىدۇ، ئەتىگەنلىك ئوقوشنى سىنىپ مۇدىرى، سىياسى يىتەكچى دەپ 2 ئوقوتقۇچى تەڭ ئىلىپ بىرلىدۇ، ئوقوغۇچى كەلمىگەن بىلەن كارى يوق سىنىپقا بارمىساق يىرىم سائەت يوق بولىمىز، قۇرۇق سىنىپقا بىرىپ قاراپ تۇرۇپ سائەت توشقۇزۇپ يىنىپ كىلىمىز، 19 سىنىپ 79 مو مەكتەپنى تازلاپ بولوش ئۈچۈن 1- سائەتتىن چىقىشقا ئاز قالىدۇ. بىرىنجى سائەتتە دەرسىمىز بوپ قالسا يىرىم بالىغا ئاران دەرىس ئۆتەلەيمىز.

ئەكبەرنىياز	2014-02-12 22:43
بۇ ھەقىقەتەن ئەھمىيەتلىك تېما بوپتۇ ، ياشار مۇدىرنىڭ ئەجرىگە كۆپ رەھمەت !!!

查看完整版本: [-- بايراق ئاستىدا سۆزلەنگەن سۆز --] [-- top --]

Powered by phpwind v8.7 Code ©2003-2011 phpwind
Gzip enabled