查看完整版本: [-- تولۇق 3- يىللىق ئۈچۈن ئۇيغۇر تىلىدىن سىناق --]

تەۋپىق مۇنبىرى -> ئۇيغۇرتىلى -> تولۇق 3- يىللىق ئۈچۈن ئۇيغۇر تىلىدىن سىناق [打印本页]

登录 -> 注册 -> 回复主题 -> 发表主题

kokbilyartay

2011-09-24 22:33

تولۇق 3- يىللىق ئۈچۈن ئۇيغۇر تىلىدىن سىناق

1. لېكسىكىلىق چۈشەنچىلەرگە ئائىت قاراشلاردىن توغرىسى(      )

A « تىرىشىپ ياخشىلىق قىلغىن، ياخشى نام ئىزدە، ياخشى نامىڭ بىلەن مەڭگۈ تىرىك قال»دېگەن جۈملىدە شەكىلداش سۆزدىن بىرسى، كۆپ مەنىلىك سۆزدىن ئىككىسى، قارىمۇقارشى مەنىلىك سۆزدىن بىر جۈپ قوللىنىلغان.

B « ئەقىللىق ئادەملەر خەۋپ- خەتەردىن ئامان قالىدۇ، ئەقىلسىز كىشىلەر غەمدىن ئامانلىق تاپالمايدۇ» دېگەن جۈملىدە قارىمۇقارشى مەنىلىك سۆزدىن بىر جۈپ، مەنىداش سۆزدىن بىر جۈپ، جۈپ سۆزدىن بىرسى قوللىنىلغان.

C « مىننەتلىك ئاشتىن تىنچ كۆڭۈل بىلەن ئىچكەن ئۇماچ ياخشىراق» دېگەن جۈملىدىكى ھەر بىر سۆز بىردىن چۈشەنچىنى ئىپادىلىگەن بولۇپ، جۈملىدە كۆچمە مەنىلىك سۆز بىلەن كۆپ مەنىلىك سۆزدىن بىردىن قوللىنىلغان.

D « قايسى ئەلنىڭ بېگى ياخشى ۋە توغرا بولسا، شۇ ئەلنىڭ خەلقى بېيىيدۇ » دېگەن جۈملىدە ئادەتتىكى لۇغەت تەركىبىگە تەۋە سۆزدىن بىرى، كۆچمە مەنىدە قوللىنىلغان سۆزدىن ئىككىسى، مەنىدەش سۆزىدىن ئىككىسى قوللىنىلغان،

2. فونىتىكىلىق چۈشەنچىلەر ھەققىدە ئېيتىلغانلاردىن توغرىسى: (    )

A « زېرەكلىك بىلەن كىشى تىلىكىگە يېتىدۇ، ئىچىڭنى بېزە، سىرتىڭنى بوياپ پارقىراتما» دېگەن جۈملىدە تۆت سۆزدىكى « ئا،ئە»تاۋۇشى « ئې،ئى»تاۋۇشىغا ئاجىزلاشقان، بۇنىڭ ئىچىدىكى ئىككى سۆزدىكى «ئە»تاۋۇشى«ئې»تاۋۇشىغا ئاجىزلاشقان.

B «بىلىملىك كىشى ئىشنىڭ ئېپىنى بىلىدۇ، دېمەككى ھەممە ئىشلىرىدا پۇشايمانغا قېلىش نادانلارنىڭ ئادىتىدۇر» دېگەن جۈملىدىكى بەش سۆزدىكى «ئا،ئە»تاۋۇشى «ئې،ئى»تاۋۇشىغا ئاجىزلاشقان، بۇنىڭ ئىچىدىكى ئىككى سۆزدە «ئە»تاۋۇشى «ئې»تاۋۇشىغا ئاجىزلاشقان.

C «ئاقىل كىشى ئىختىلاپتىن قاچىدۇ، ئىتتىپاقلىققا مۇلايىملىق ئىشىكىنى ئاچىدۇ» دېگەن جۈملىدىكى ئۈچ سۆزگە ئۇلانغان قوشۇمچە سوزۇق تاۋۇشلارنىڭ ئاھاڭداشلىق قانۇنىيىتى بىلەن، ئىككى سۆزگە ئۇلانغان قوشۇمچە ئۈزۈك تاۋۇشلارنىڭ ئاھاڭداشلىق قانۇنىيىتى بويىچە ئۇلانغان.

3. لېكسىكىلىق چۈشەنچىلەر ھەققىدە ئېيتىلغان قاراشلاردىن خاتاسى:( )

A « قارا، بەگلەرنىڭ ئۇلى ھەق- ئادالەتتۇر، توغرا بەگكە قارا يۇقمايدۇ» دېگەن جۈملىدە شەكىلداش سۆزدىن ئىككىسى، ئادەتتىكى لۇغەت تەركىبىگە تەۋە سۆزدىن ئۈچى قوللىنىلغان.

B «قايسى ئەلدە گەپ تولا، بەرىكەت ئاز، قايسى ئەلدە ئىش تولا، بەرىكەت ساز» دېگەن جۈملىدە قارىمۇ- قارشى مەنىلىك سۆزدىن بىر جۈپ قوللىنىلغان بولۇپ، جۈملىدىكى بارلىق سۆزلەر بىردىن چۈشەنچىنى ئىپادىلىگەن.

C «پادىشاھ سەلتەنەت دەرىخىنى سىياسەت سۈيىدە سۇغىرىپ تۇرمىسا، ھېچقانداق مېۋىگە ئىگە بولالمايدۇ» دېگەن جۈملىدىكى « مېۋە» دېگەن سۆز كۆچمە مەنىدە قوللىنىلغان .

D « ئىشلىگىن- چىشلە،ئەجرىڭ قەنتىنى چاق، بول دەۋر پويىزىغا ئۇپرىماس چاق» دېگەن مىسرالاردىكى «چاق» دېگەن سۆزنى بىر قانچە خىل مەنە بىلىدۈرىدىغان ئوخشاش بىر سۆز دەپ قاراشقا بولمايدۇ

4.ئۇيغۇر تىلىنىڭ فونېتىكىسى ھەققىدە ئېيتىلغانلاردىن توغرىسى: (     )

A «ساقلىق تىلىسەڭ ــ كەم يە، ئىززەت تىلىسەڭ - كەم دە»دېگەن جۈملىدىكى « يە،دە»دېگەن بۇيرۇق پېئىللار « ش،ئىش» قوشۇچىلىرى بىلەن تۈرلەنگەندە، ئۇلارغا بىر «ي»تاۋۇشى قوشۇلىدۇ.

B «ئادەمنىڭ كۆڭلى نازۇك، ئۇ بىر ئەينەككە ئوخشايدۇ، بەك ئېھتىيات قىل، ئۇنى قوزغىما، سۇنۇپ كەتمىسۇن»دېگەن جۈملىدىكى ئاسىتىغا سىزىق سىزىلغان سۆزلەر ئىچىدە ئىككى سۆز ھەم تىل ئورنى ھەم لەۋ ھالىتى جەھەتتىن، قالغان ئىككى سۆز لەۋ ھالىتى جەھەتتىنلا ماسلىشىپ كەلگەن.

C « پۇل دېگەن ئۆلگۈرنىڭ چىشى بولغىنىدا ئىدى، ئۆزىنى يەۋەتكەن بولار ئىدى.ھالبۇكى، ئۇنىڭ چىشى بولمىغاچقا، بەزىلەرنىڭ ئەقلىنى يالاپ، ۋىجدانىنى سۈمۈرۈپ يۈرىدۇ» دېگەن جۈملىدىكى « ئەقىل، سۈمۈر»دېگەن سۆزلەرگە قوشۇمچە قوشۇلغاندا تەركىبىدىكى «ئى،ئۈ»تاۋۇشلىرى چۈشۈپ قالغان ۋە «ۋىجدان»دېگەن سۆزنىڭ يېزىلىشى خاتا بولغان.

D «بېشىغا كۈن چۈشكەن ئادەمنى شىلىۋېلىش ئۆلۈكنىڭ كېپەنلىكىنى يېشىۋېلىش دېمەكتۇر» دېگەن جۈملىدىكى ئالتە سۆزگە قوشۇمچە قۇشۇلغاندىن كېيىن تاۋۇشلارنىڭ ئاجىزلىشىش ھادىسسى كۆرۈلگەن.

5. تاۋۇشلارنىڭ ئاجىزلىشىشى،چۈشۈپ قېلىشى ۋە قوشۇلۇپ قېلىشى ھەققدە ئېيتىلغان تۆۋەندىكى ھۆكۈملەردىن توغرىسى: (   )

A «كىچىك نەرسىگە ئېتىبارسىز قارىما، ئۇنىڭمۇ پايدىلىق ئورنى بار» دېگەن جۈملىدىكى ئۈچ سۆزنىڭ تەركىبىدىكى «ئا»تاۋۇشى «ئې»تاۋۇشىغا ئاجىزلاشقان.

B «بىلىمسىز كىشىلەرنىڭ كۆڭلى خۇراپاتقا مايىل كېلىدۇ» دېگن سۆزلەر تەركىبىدىكى تاۋۇشلارنىڭ ئاجىزلىشىش ھادىسىسى ۋە چۈشۈپ قېلىش ھادىسىسى كۆرۈلگەن، ئەمما قوشۇلۇپ قېلىش ھادىسسى كۆرۈلمىگەن.

C «ئاڭلىغىنىڭنى سۇ كەبى يۇيۇپ تاشلا، كۆرگىنىڭنى ئەينەك كەبى سۆزلە» دېگەن جۈملىدىكى «يۇيۇپ»دېگەن سۆزنىڭ تەركىبىدە تاۋۇشلارنىڭ قوشۇلۇپ قېلىش ھادىسىسى كۆرۈلگەن،ئەمما بۇ جۈملىدىكى سۆزلەردە تاۋۇشلارنىڭ ئاجىزلىشىش ھادىسىسى كۆرۈلمىگەن.

D «ئاز-كۆپ بولىسىمۇ ئۆز داستىخىنىڭدىكى ناننى يە، بۇ باشقىلارنىڭ ھالۋىسىنى يېگەندىن ياخشىدۇر»دېگەن جۈملىدە «يە»دېگەن سۆز ئىككى ئورۇندا ئىشلتىلگەن بولۇپ، بىر ئورۇندىكىسىدە تاۋۇش ئاجىزلاش ھادىسىسى يۈز بەرگەن، يەنە بىر ئورۇندىكىسىدە تاۋۇش چۈشۈپ قېلىش ھادىسىسى كۆرۈلگەن. ھەر ئىككى ئورۇندا تاۋۇش قوشۇلۇپ قېلىش ھادىسسى يوق.

6. تاۋۇشلارنىڭ ماسلىشىشى ھەققىدە ئېيتىلغانلاردىن توغرىسى : (        )

A تاۋۇشلارنىڭ ماسلىشىشى سۆزنىڭ ئاخىرىدىكى تاۋۇش بىلەن قوشۇمچىنىڭ تەركىبىدىكى تاۋۇش ئوتتۇرىسىدا بولىدۇ. تۈپ سۆزلەرنىڭ تەركىبىدە تاۋۇشلارنىڭ ماسلىشىشى بولمايدۇ.

B تاۋۇشلارنىڭ ماسلىشىشى سوزۇق تاۋۇشلارنىڭ ماسلشىشى ۋە ئۈزۈك تاۋۇشلارنىڭ ماسلىشىشى دەپ ئىككى خىل بولىدۇ.

C «ئورۇن، ئۆمۈر» دېگەن سۆزلەرنىڭ تەركىبىدىكى سوزۇق تاۋۇشلار لەۋ ھالىتى جەھەتتىنلا ماسلىشىپ كەلگەن.

D « ئورغاق»دېگەن سۆزنىڭ تەركىبىدىكى سوزۇق تاۋۇشلار تىل ئورنى جەھەتتىن ماسلاشمىغان.

7. تۆۋەندىكى پارچە ھەققىدە ئېيتىلغانلاردىن توغرىسى: (          )

«ئۆزۈڭنى توغرا يولغا باشلىيالمايدىغان ئۈگۈنىشتىن،ئۆزەڭگە ۋە باشقىلارغا مەنپەئەت ئىلىپ كەلمىگەن ئەمگەكتىن ۋاز كەچكىنىڭمۇ توغرا يولغا قاراپ ماڭغىنىڭ بولىدۇ»

A پارچىدا بىر سۆز تەركىبىدكى «ئا»تاۋۇشى«ئې»تاۋۇشىغا، ئۈچ سۆز تەركىبىدىكى «ئا»تاۋوشۇ «ئى»تاۋۇشىغا، ئىككى سۆز تەركبىدىكى «ئە»تاۋۇشى «ئى»تاۋۇشىغا ئاجىزلاشقان.

B پارچىدىكى «يولغا»دېگەن سۆزگە قوشۇلغان قوشۇمچە سوزۇق تاۋۇشلارنىڭ ھەم تىل ئورنى جەھەتتىكى ماسلىشىش قائىدىسى، ھەم لەۋ ھالىتى جەھەتتىكى ماسلىشىشى قائىدىسى بويىچە قوشۇلغان.

C بۇ پارچىدا تاۋۇشلارنىڭ چۈشۈپ قېلىش ھادىسىسىمۇ، قوشۇلۇپ قېلىشى ھادىسىسىمۇ كۆرۈلمىگەن.پەقەت تاۋۇشلارىنىڭ ئاجىزلىشىش ھادىسىسى كۆرۈلگەن.

D پارچىدىكى سۆزلەرگە قوشۇلغان قوشۇمچىلار ئىچىدە سوزۇق تاۋۇشلارنىڭ ماسلىشىش قائىدىسى بويىچە قوشۇلغان قوشۇمچىلار كۆپ ئۇچرايدۇ. ئەمما ئۈزۈك تاۋۇشلارنىڭ ماسلىشىش قائىدىسى بويىچە قوشۇلغان قوشۇمچە يوق.

مەشىق: تۆۋەندىكى سۆزلەر تەركىبىدىكى سوزۇق تاۋۇشلار قايسى جەھتتىن ماسلاشقان؟

دۆلەت، شەھەر، مەملىكەت، باشقۇرۇش، ئۆرۈك، پاكلاشتۇرۇش، تارتۇقلاش، تاشلاندۇق، تەنتەربىيە، ئادەم، مەرىپەتچىلىك، مۈشكۈللەر، كۆيدۈرۈش، يىغىۋالىسەن ،

kokbilyartay

2011-09-24 22:35

تولۇق 3- يىللىق ئوقۇغۇچىلىرىغا قارىتا ئۇيغۇر تىلىدىن ئومومىي تەكرارنى باشلىغان ئىدىم، ئالدىنقى يىللىق ئومومىي تەكرار يېتەكچى ماتېرياللىرىدىن پايدىلىنىپ يوقۇرقى سوئاللارنى بېسىپ ئىشلەتكەن. كەڭ كەسىپداشلىرىمنىڭ پايدىلىنىشىنىغا سۇندۇم.

ماھى	2011-09-24 22:57
ئەجرىڭىزگە رەھمەت.ياخشى چىقىرىلغان سوئالكەن،پايدىلىنى قىممىتىمۇ زور.

ozqan

2011-09-25 11:23

ئۇيغۇر تىلدىن مەخسۇس ئىشلەنگەن سىناق سوئاللىرى بىزدە ھەقىقەتەن كەمچىلكەن ، يۇقىرقى سوئال ياخشى تەييالانغان سوئال بوپتۇ ، ئەجرىڭىزگە كۆپ رەخمەت ...
بۇ سوئالنى تەكشۈرۈشمۇ ناھايىتى قولايلىقكەن ، ئالدىمىزدا بۇ سوئالدىن سىناق ئېلىپ باقاي ، ئىككى قىسىم كىتابنى تەكرار قىلىپ تۈگەنكەنىدىم ،بۇ سوئال تازا ماس
كەلگۈدەك .

koksangun

2011-09-25 12:22

ئوقۇغۇچىلارغا سۇئال لايىھىلىتىش ئۇسۇلىمۇ خېلى ياخشى ئۆگىنىش ئۈنۈمى ھاسىل قىلغىلى بولىدىغان ئۇسۇل . دەرستىن كېيىن ئوقۇغۇچىلرغا ئۇيغۇر تىلىنىڭ مەلۇم بۆلىكىگە ئائىت سۇئال لايىھىلەشنى ۋە جاۋاب يېزىشنى تاپشۇرىمەن . لايىھىلەپ كېلىنگەن سۇئاللاردىن بىر قەدەر ياخشى چىققانلىرىنى ئايرىپ سىنىپتا ئومۇمىيلاشتۇرىمەن .بۇنداق سۇئاللار كۆپەيگەنسىرى ئوقۇغۇچىلارنىڭ سۇئال چىقىرىش ۋە جاۋاب بېرىش ئىقتىدارى ئېشىپ ماڭىدۇ .بۇ سۇئاللارنى سەر خىل تەكرار ماتېرىياللىرى قاتارىدا پايدىلىنىشقىمۇ بولىدۇ ، بۇنىڭدا ھەم زېھىن تىجەيسىز ھەم ئوقۇغۇچىلارغا ئۆزلۈكىدىن ئۆگىنىش پۈرسىتى يارىتىپ بېرىسىز .

koksangun

2011-10-07 20:14

« مەشىق: تۆۋەندىكى سۆزلەر تەركىبىدىكى سوزۇق تاۋۇشلار قايسى جەھەتتىن ماسلاشقان؟

دۆلەت، شەھەر، مەملىكەت، باشقۇرۇش، ئۆرۈك، پاكلاشتۇرۇش، تارتۇقلاش، تاشلاندۇق، تەنتەربىيە، ئادەم، مەرىپەتچىلىك، مۈشكۈللەر، كۆيدۈرۈش، يىغىۋالىسەن »

مەن بۇ مەشىقنى ئىشلەپ باقاي ، قاراشلار ئوخشاشمۇ يوق ، تەكلىپ بېرەرسىلەر :
« دۆلەت ، شەھەر ، مەملىكەت ،  تەنتەربىيە ،  مەرىپەتچىلىك ، مۈشكۈللەر » قاتارلىق سۆزلەردە تىل ئالدى سوزۇق تاۋۇشلار ماسلىشىپ كەلگەن .
« باشقۇرۇش ، پاكلاشتۇرۇش ، تارتۇقلاش، تاشلاندۇق » دېگەن سۆزلەردە  تىل ئارقا سوزۇق تاۋۇشلار ماسلىشىپ كەلگەن .
« ئۆرۈك ، كۆيدۈرۈش » دېگەن سۆزدە ھەم تىل ئالدى سوزۇق تاۋۇشلار ، ھەم لەۋلەشكەن سوزۇ ق   تاۋۇشلار ماسلىشىپ كەلگەن .
« ئادەم ، يىغىۋالىسەن » دېگەن سۆزلەردە سوزۇق تەۋۇشلارنىڭ ماسلىشىشى كۆرۈلمىگەن .

سوزۇق تاۋۇشلارنىڭ لەۋ ھالىتى جەھەتتىن ماسلىشىشى لەۋلەشكەن سوزۇق تاۋۇشلاردىلا كۆرۈلىدۇ .

koksangun	2011-10-07 20:19
كۆكبىليارتئاينىڭ يازمىسىدىن خېلى كۆپ ئىملا خاتالىقىنى بايقىماق تەس ئەمەس ، ئىمكانقەدەر ئىملا خاتالىقىدىن ساقلانساق ...

tawpek	2011-10-08 13:37
كوكبىلىيارتئاينى نەلەرگە يوقىدىكىن دىسەم ئەسلى تەكرار بىلەن ئالدىراش بوپ كىتىپتىكەندە.

ardam

2011-10-14 08:19

ئۇيغۇر تىلغا خاس مەخسۇس پايدىلىنىش ماتېرىيالىنىڭ كەم بولۇشى بىزنى قىيناپ كېلىۋاتىدۇ، ئوقۇغۇچىلارنىڭ قولىدا ماتېرىيال يوق،
ئوقۇتقۇچىلار كونا دەرسلىك مەزگىلىدىكى تولۇقسىز ئۇيغۇرتىلى دەرسلىك ماتېرىيالىدىن پايدىلىنىۋاتىمىز. يېڭى ماتېرىياللار چىقىپ بولۇپ، مەن
خەۋەرسىز قېلىۋاتىمەنمۇ، يا...

xamalkiz	2011-11-12 00:59
ھەقىقەتەن ئۇيغۇر تىلىغا ئائىت ماتېرىياللار كەمچىل بولۇۋاتىدۇ.ئۇنىڭ ئۈستىگە يېقىندىن بېرى مەكتەپلەردە تىل-ئەدەبىيات دەرسىگە كۆڭۈل بۆلۈشمۇ يېتەرلىك ئەمەس.

panayimsan	2011-11-14 00:17
ئىنكاس خاتا يوللىنىپ كېتىپتۇ.

pazilat	2012-02-06 15:21
ما تېرېيا للا ياخشـكەن

tawpek	2012-02-06 22:50
ماتىرىيال كەمچىل دەپ كىم دەيدۇ، تەۋپىقتە كۆپكەنغۇ مانا، نەشىر قىلىنمىسا ماتىرىيال ھىساپلانمامدۇ يا؟

maaripqi	2012-04-06 21:33
ئەجرىڭىزگە رەھمەت!

tawpek	2012-04-07 17:24
ئانا تىلىمىزنىڭ سىناق سۇئاللىرى مول بوپ كىتىپتۇ. يوقاپ كەتمەي يوللاپ تۇرۇڭ كۆك بىلىيارت.

zulmakan	2012-04-09 16:54
مۇشۇنداق كۆپ خىل مەشقلەر ئارقىلىق پەرزەنتلىرىمىزنىڭ ئانا تىل سەۋىيىسىنى يۇقۇرى كۆتىرەيلى!

natiwan	2012-04-09 18:15
ياخشى سۇئالكەن بۇ.

ziba101	2012-04-09 18:23
كۆپ ئەجىر قىلىپسىز،رەھمەت!

tawpek	2012-08-13 12:25
بىلمىدى دەپ قاخشىماي بۇ سەھىپىدىكى سۇئاللارنى بىر تەكرار قىلدۇرۇپ باقاي قىنى.

بىلىگيار	2012-09-04 23:49
بەك ياخشى ماتىريال ظىكەن.ظەجرىڭىزگە رەخمەت

بىلىگيار	2012-09-22 20:54
ئەجرىڭىزگە رەھمەت.ياخشى چىقىرىلغان سوئالكەن.

ئەكبەرنىياز	2012-11-20 05:43
بەك ياخشى بولدى قېرىندىشىم ، ھارمىغايسىز !!! تەكراردا چوقۇم پايدىلىنىمەن .

تاتلىق~	2013-05-07 01:07
مەنمۇ بىر تولۇق 3-يىللىق ئوقۇغۇچىسى بولۇش سۈپىتىم بىلەن بۇ ماتىرىياللاردىن ناھايىتى رازى بولدۇم.

查看完整版本: [-- تولۇق 3- يىللىق ئۈچۈن ئۇيغۇر تىلىدىن سىناق --] [-- top --]

Powered by phpwind v8.7 Code ©2003-2011 phpwind
Gzip enabled