كۈتۈش

    بىر سېنىلا كۈتەتتىم،خۇددى سەن تۇيۇقسىز ياغقان يامغۇردەك قەلبىمگە سىڭىپ كىرىپ،سۆيگۈگە تەشنا
يۈرىكىمنى سۇغۇرالايدىغاندەك. ھەر قېتىم سىم -سىم يامغۇر ياغسا ،يامغۇردىن كېيىنكى ساپ ھاۋادا ئىككىمىز
بىرلىكتە سۆيگۈ بېغىدا سەيلى قىلىدىغاندەك.
    بىر سېنىلا كۈتەتتىم.ئاسماندا ئۇچۇپ يۈرگەن قۇشلار خەۋىرىڭنى ئېلىپ كېلىدىغاندەك،چىقىۋاتقان سەلكىن
شاماللار سېنىڭ ھېدىڭنى ئېلىپ كېلىدىغاندەك،دەرۋازىدىن كىرىۋاتقان پوچتىكەش سېنىڭ سېغىنىشلىق سۆيگۈ
خېتىڭنى ئېلىپ كىرىدىغاندەك.
   بىر سېنىلا كۈتەتتىم.سرتلارداتەقى-تۇرقى ساڭا ئازراقلا ئوخشاپ كېتىدىغان بىرەرىنى كەينىدىن كۆرسەم گەرچە
سەن ئەمەسلىكىڭنى بىلسەممۇ ،كەينىدىن چاپقۇم كېلەتتى.يەنە تىنىمسىز خىياللار دېڭىزىغا غەرق بولاتتىم ۋە
يامغۇردەك كۆز ياشلىرىم يۈزۈمنى يۈياتتى، خۇددى بۇ ياشلارنى سەن كۆرۈپ سۈرتۈپ قويۇپ،ماڭا تەسەللى
بېرىدىغاندەك.
   بىر سېنىلا كۈتەتتىم،كۈتەتتىم...خۇددى قاغجىرىغان زېمىن يامغۇرغا،دەل-دەرەخ ،گۈل -گىياھلار باھارغا
تەشنا بولغاندەك،قەھرىتان قىشتا«سەرەڭگە ساتقۇچى قىزچاق»ۋۇجۇدىنىڭ ئىللىشىغا ئىنتىزار بولغىنىدەك...
قەيەردىسەن جېنىم!!!قاچان كېلىپ سۆيگۈ بېغىمدىكى قۇرۇپ قالاي دەپ قالغان چىرايلىق گۈللەرنى ئۆز قولۇڭ
بىلەن پەرۋىش قىلىسەن؟ ماڭا مېھىر -مۇھەببەتلىك قۇچىقىڭنى كەڭ ئاچىسەن؟
سېنى سېغىندىم،بەك،بەكلا سېغىندىم..مەيلى يېنىمغا كەل،ياكى كەلمە،بۇ ئۆمرۈمدە يەنە بىرسىگە ئاشىق
بولۇش مېنىڭ قولۇمدىن كەلمەيدۇ.
    بۇ ئۆمرۈمدە پەقەت ۋە پەقەت بىر سېنىلا كۈتىمەن،كۈتىمەن.....

tawpek

2011-08-03 17:34

ئاقگۈلنىڭ لىرىك ئىجادىيتى ئوخشىمامدۇ بۇ،

كىشىلىك ھاياتتا ھەربىر ئىنسان نىمىلەرنىدۇ كۈتىدۇ. كۈتكەنگە يەتكەنچە كۈتىدۇ، خۇددى ھاراق تاشلىماقچى بولغان ھاراقكەشتەك ئاخىرقى قىتىم، يەنە بىرقىتىم، مۇشۇ بىرقىتىم دەپ كۈتىۋىرىدۇ.

ماھى	2011-08-03 18:08
شۇنداق. مەنبەسىنى يازماپتىمەن.ئويلىغانلىرىمنى مۇنداقلا يېزىپ قويغان ئىدىم.

nazperwer

2011-08-03 20:44

   نەسرىڭىزنى ئوقۇۋېتىپ مۇنۇ ناخشا تېكىستى ئېسىمگە كېلىپ قالدى :

                     دىلخانەمنىڭ تەنھا مېھمىنى ،
                     ئاھ، ئەجەپمۇ زار قىلدىڭ مېنى .
                     كۈتۈشلەرگە بەرمەي خاتىمە ،
                    ياكى چىقسۇن دىدىڭمۇ جېنى .

                       ياكى چىقسۇن دىدىڭمۇ جېنى ،
                       راست گېپىڭنى ئېيتقىنا قېنى .
                       تەشنالىقتا يۇمۇلسا كۆزۈم ،

ئۇيغۇرجان	2011-08-03 20:54
مەن ئەسلا كۇتۇپ تۇرۇشنى خالىمايمەن .دورى كەلسە ئۆزملا تەدەررۇت قىلىمەن .كۇتۇش نەتىجىنىڭ بىر خىل تۆۋەن تەبىقىلىك يولىدىن ئىبارەت خالاس

nazperwer

2011-08-03 21:04

ئاياللارغا نىسبەتەن كۈتۈش ئازاپلىق بولسىمۇ، يەنىلا شېرىن .. ئەلۋەتتە ،ئەرلەر كۈتۈپلا ئولتۇرسا بولمايدۇ-دە ! چۈنكى ھەقىقىي ئەركەكلىك كۈتۈشتە ئەمەس بەلكى جۈرئەت قىلشىتا .،ئىرادىدە . ئېرىشىش ئۈچۈن يۈرەكلىك ئاتلىنىشتا . بۇ
دەل ئەر-ئاياللارنىڭ پەرقى .لېكىن ، ھازىر ئالمىشىپ قېلىۋاتامدۇ قانداق . ئەركەكەكلەر يەنە قاچانغىچە ئېرىشىش

kokbilyartay

2011-08-04 01:41

بەلكىم كۈتۈپ باقمىغان ئادەم بىلمىسە كېرەك،كۈتۈشنىڭ نەقەدەر ئازاپلىق ئىكەنلىكىنى،
كۈتۈش شۇ قەدەر ئازاپلىك ھەم شۇ قەدەر تەس، يىراق - يىراقلارغا تەلمۈرۈپ ئولتۇرۇش، شۇ ئولتۇرۇش ئىچىدىكى سىزنىڭ ھېسسىياتىڭىز، قانداق ئىپادىلەپ بېرىشنى ئۇقماي قالدىم ئۆز ھېسسىياتىمنى. كۈتۈش ئىچىدىكى ئۈمۈتۋارلىق بىلەن ئۈمۈتسىزلىك ھەر ۋاقىت سىزنى چۆرگىلەپلا يۈرىدۇ. لېكىن سىز شۇ كۈتۈشنىڭ قاچان ئاياغلىشىدىغانلىقىنى بىلمەيسىز، شۇندىمۇ يەنىلا كۈتىسىز..... يەنىلا تەلمۈرىسىز.......

tawpek

2011-08-04 17:47

引用第5楼nazperwer于2011-08-03 21:04发表的 : ئاياللارغا نىسبەتەن كۈتۈش ئازاپلىق بولسىمۇ، يەنىلا شېرىن .. ئەلۋەتتە ،ئەرلەر كۈتۈپلا ئولتۇرسا بولمايدۇ-دە ! چۈنكى ھەقىقىي ئەركەكلىك كۈتۈشتە ئەمەس بەلكى جۈرئەت قىلشىتا .،ئىرادىدە . ئېرىشىش ئۈچۈن يۈرەكلىك ئاتلىنىشتا . بۇ دەل ئەر-ئاياللارنىڭ پەرقى .لېكىن ، ھازىر ئالمىشىپ قېلىۋاتامدۇ قانداق . ئەركەكەكلەر يەنە قاچانغىچە ئېرىشىش ئۈچۈن تىرىشىپ باقماي ،كۈتۈپلا ئولتۇرىدىكىنە.! ھەي.....

تىرىشىۋاتىمىز، ئىرىشىۋاتىمىز، يەنە تىرىشىمىز يەنە ئىرىشىمىز، تىرىشىۋاتىمەن ، ھامان ئىرىشىمىز.
شۇڭا تىرىشايلى، ئىرىشىش ئۈچۈن.

گۈلنىھال

2014-01-15 22:10

‏بۇ تىمىنى كۆرمەپتىكەنمەن ، ئەمدى كۆرۇپ شۇنداق دىگۈم كېپ قالدى ،
‏شۇنداق ، كۈتۈش شۇنچە قىيىن ، لىكىن شۇنچە لەززەتلىك ، كۈتۈش نىڭ ئۆزىمۇ بىر بەخىت ، چۈنكى ، كۈتكەنلەر ئاشىقىنى ، ئۆزى تەشنا بولغانلارنى كۈتىدۇ ئەلۋەتتە ، شۇڭا كۈتۈش ئازاپلىق بولسىمۇ ، قىيىن بولسىمۇ ئادەمگە ھوزۇر بېغىشلايدۇ .

مىېھرىما	2014-01-15 22:14
ئېسىل تىمىكەن.

گۈلنىھال

2014-01-15 22:17

‏ئابلەت ئابلىكىم ئىجادىيەتلىرىدىن مۇنۇ مىسرالارنى ئەسلەپ قالدىم .
‏
‏
‏ تەشنالىق بىلەن كۈتتۈم بىر ئۆمۈر ،
‏كۈتىمەن يەنە ، كۈتىمەن سېنى .
‏ يەتكۈدەك تارتتىم ئازاپ - ئۇقۇبەت ،
‏ كۈتىمەن يەنە ، كۈتىمەن سېنى .
‏
‏ سۆيگۈنىڭ بېغى بولغاندا بوستان،
‏بولمىسۇن ماڭا مەڭگۈلۈك ھېجران .
‏ ۋىسال ماڭا كۈلۈپ باققۇچە ،
‏كۈتىمەن يەنە ، كۈتىمەن سېنى .

گۈلمەرەم	2014-02-27 16:45
ئاجايىپ ياخشى يېزىلىپتۇ.....قولىڭىزغا دەرت كەلمىسۇن

سۈبىھى	2014-04-16 00:37
كۈتۈشكە ئەرزىگۈدەك بولسا مەنچە بۇ كۈتۇش بەزى ئىرىشىشلەردىن ئەۋزەل . بۇخىل كۈتۈش ئەھمىيەتلىك ،شىرىن بولىدۇ.

رەيھان	2014-04-28 16:29
،كۈتۈشنىڭ نەقەدەر ئازاپلىق ئىكەنلىكىنى كۈتۈپ باققان ئادەم بلىدۇ. سىز شۇ كۈتۈشنىڭ قاچان ئاياغلىشىدىغانلىقىنى بىلمەيسىز. كۈتۈش.......... كۈتۈش........ نىمە دېگەن ئازاپلىق -ھە؟