| talwa612 |
2011-05-14 16:58 |
جەننەتكە تۇتاشقان يولدىكى ئۈنچە-مارجانلار
1.جابىر ئىبنى سۇلەيىم ھوجەيمى رەزىيەللاھۇ ئەنھۇدىن رىۋايەت قىلىنىدۇكى، رەسۇلۇللاھ سەللەللاھۇ ئەلەيھى ۋەسەللەم مۇنداق دېگەن: ئاللاھدىن قورققىن، تەقۋالىق قىل، ياخشىلىقتىن ھېچنېمىگە سەل قاراپ، كىچىك سانىما. مەيلى سۇ سورىغان كىشىنىڭ قاچىسىغا چېلىكىڭدىن سۇ قۇيۇپ بېرىش بولسۇن، ياكى قېرىندىشىڭ بىلەن خۇشال، كۈلۈمسىرەپ ئۇچرىشىپ سالام قىلىش بولسۇن، كىچىك سانىما.ئەگەر بىرسى سىنى سەندە يوق ئىشلار بىلەن تىللاپ ئەيىبلىسە، سەن ئۇنى ئۇنىڭدا بار ئىشلار بىلەنمۇ ئەيىبلىمە، ئۇنى قويىۋەت، ۋابالى ئۆزىگە بولىدۇ، ئەجىر ساڭا بولىدۇ، ھېچكىشىنى تىللىما. ئىبنى ھەببان تەيالىسى توپلىغان، سەھىھ.
2. ئوبادەت ئىبنى سامىت رەزىيەللاھۇ ئەنھۇدىن رىۋايەت قىلىنىدۇكى، رەسۇلۇللاھ سەللەللاھۇ ئەلەيھى ۋەسەللەم مۇنداق دېگەن: ئى ئەبا ۋەلىيد! ئاللاھدىن قورقۇپ، تەقۋالىق قىل، قىيامەت كۈنى بوزلاپ ھۆركىرىگەن تۆگىنى، مۆرىگەن كالىنى، مەرىگەن قوينى كۆتۈرۈپ كەلمە، يەنى زاكىتىنى ئادا قىلىۋەت. تەبرانى توپلىغان، ئەلبانى سەھىھ ھەدىستۇر دېگەن.
3. ئەبۇ ھۈرەيرە رەزىيەللاھۇ ئەنھۇدىن رىۋايەت قىلىنىدۇكى، رەسۇلۇللاھ سەللەللاھۇ ئەلەيھى ۋەسەللەم مۇنداق دېگەن: ھارامدىن ساقلان، كىشىلەرنىڭ ئابىدراقى بولىسەن؛ ئاللاھ ساڭا تەقسىم قىلغانغا رازى بولساڭ، كىشىلەرنىڭ بايراقى بولىسەن؛ قوشناڭغا ياخشىلىق قىلساڭ، مۆئمىن، ئەمىن بولىسەن؛ ئۆز نەپسىڭ ئۈچۈن ياخشى كۆرگەننى باشقا كىشىلەرگىمۇ ياخشى كۆرسەڭ، مۇسۇلمان بولىسەن؛ تولا كۈلمە، تولا كۈلۈش قەلبنى ئۆلتۈرىدۇ. تىرمىزى، ئەھمەد، بەيھەقى توپلىغان، ھەسەن. |
|