| apandi |
2011-04-12 01:02 |
تاجىكلارنىڭ ئۇرۇق چېچىش بايرىمى
تاجىكلارنىڭ ئۇرۇق چېچىش بايرىمى تاجىكلارنىڭ ئەنئەنىۋى بايرىمى . تاجىكچە ‹‹ تېخمې زوۋود›› دېيىلىدۇ . بۇ‹‹ ئۇرۇق سېلىش›› دېگەن مەنىنى بىلدۈرىدۇ . ھەر يىلى پامىر ئېگىزلىكىدىكى قار – مۇزلار ئېرىشكە باشلاپ ، يەرلەرگە ساپان سالغىلى بولغۇدەك بولغان كۈندىن بىر كۈن ئىلگىرى ئۆتكۈزۈلىدۇ . بايرام يېتىپ كېلىش ئالدىدا ، ھەممە ئائىلىلەر چوڭ نانلارنى ياقىدۇ ، شۇنداقلا ئارپا ۋە ئىرىمچىك ئارىلاشتۇر ۇپ ياسالغان ،‹‹ دەلىيا›› دەپ ئاتىلىدىغان تاماق قاتارلىق بايراملىق يېمەكلىكلەرنى تەييارلايدۇ . قولۇم – قوشنىلار ئۆزئارا ھېيتلىشىدۇ . ئۆي ئىگىسى بولغان ئەرلەر ھېيتلاش ئۈچۈن ئۆيدىن چىققاندا ، ئاياللار ئۇلارنىڭ ئارقىسىدىن سوڭدىشىپ چىقىپ ، مول – ھوسۇل بولۇشنى تىلەپ سۇ چاچىدۇ . تېرىلغۇ ئۇلاقلىرى بار كەت ئاھالىلىرى يەنە خېمىردىن كىچىك كالا ، ساپان ياساپ ، تېرىلغۇ ئۇلاقلىرىغا يېگۈزىدۇ. بايرام كۈنى ھەرقايسى ئائىلىلەر ئېتىزغا چىقىپ ، سىمۋول خاراكتېرلىك ئەمگەكلەرنى قىلىدۇ . كەنت ئاھالىلىرى بىر جايغا توپلاشقاندىن كېيىن ، بىر پارچە تېرىلغۇ يەرنى تاللاپ ، بىر پېشقەدەم دېھقاننى ، يەرگە سىمۋول خاراكتېرلىك ھالدا ئۇرۇق چېچىشقا تەكلىپ قىلىدۇ . قالغان ئادەملەر بولسا ، پەشلىرى بىلەن ئۇرۇقنى تۇتۇۋېلىپ ، ئۆيگە قايتىپ بېرىپ ، ئۇنى ئۆز ئېتىزىغا چېچىشقا تەييارلىق قىلىدۇ . ئۇرۇق چېچىلىپ بولغاندىن كېيىن ، بىر ياشانغان ئايال يەردە ئولتۇرۇشقا تەكلىپ قىلىنىدۇ ، بىر دېھقان ، موماينى چۆرگىلەپ ، كەتمەن بىلەن يەرنى چانايدۇ ، بۇ ،بۇ يىلقى ئەتىيازلىق تېرىلغۇ ، ئەتىيازلىق ئۇرۇق سېلىش بۈگۈندىن تارتىپ باشلاندى ، كەت ئاھالىلىرى ئۆيگە قايتىپ بارغاندىن كېيىن ئەتىيازلىق ئىشلەپچىقىرىشنى ئەمدى رەسمىي باشلىسا بولىدۇ ، دېگەن مەنىنى بىلدۈرىدۇ . بۇ چاغدا ، چوڭلار ، بالىلار ئۆزئارا بىر –بىرىنىڭ بەدىنىگە ئازراق سۇ چېچىشىپ ، مول – ھوسۇل تىلىشىدۇ [ k)xn3[
مەنبەسى:Internet 09FHE/L
ئاپتورى:adminx A UCk]
|
|