|
ئوقۇتقۇچىلارنىڭ كەسىپىي ئىخلاق ئۆلچىمى 1.قانۇن ئارقىلىق ئوقۇتۇش.ماركىسىزىم،لېنىنىزم،،ماۋزېدۇڭ ئىدىيىسى ۋە يولداش دىڭ شياۋپىڭنىڭ جۇڭگۇچە ئالاھىدىلىككە ئىگە سوتسىيالىزم قۇرۇش نەزىريىسىنى ئۆگىنىش ۋە تەشۋىق قىلىش، پارتىيىنىڭ ئاساسىي لۇشيەنىنى ھېمايە قىلىش،دۆلەتنىڭ مائارىپ فاڭجىنىنى ئومۇميۈزلۈك ئىزچىللاشتۇرۇش،‹‹مائارىپ قانۇنى››قاتارلىق قانۇن نىزاملارغا ئاڭلىق رېئايە قىلىش،تەلىم-تەربىيە،ئوقۇتۇغ جەريانىدا پارتىيە ۋە دۆلەتنىڭ فاڭجىن ،سىياسەتلىرى بىلەن بىردەكلىكنى ساقلاش، پارتىيە دۆلەتنىڭ فاڭجىن ،سىياسەتلىرىگە خىلاپ سۆز-ھەركەتلەرنى قىلماسلىق لازىم.
2.ئۆز ئورنى ۋە كەسىپنى سۆيۈش.مائارىپ ۋە مەكتەپنى قىزغىن سۆيۈش،ۋەزىپە ۋە مەسئۇلىيەتنىڭ ھۆددىسىدىن چىقىش،ئوقۇتۇش ئارقىلىق ئادەم تەربىيىلەش،ئوقۇغۇچىلاردا ياخشى ئىدىيە -ئەخلاق يېتىلدۈرۈشكە ئەھمىيەت بېرىش.دەرسنى ئەستايىدىل تەييارلاپ ئۆتۈش،تاپشۇرۇقنى ئەستايىدىل تەكشۈرۈش،ئەپلەپ-سەپلەپ ئۆتكۈزىۋەتمەسلىك،ئوقۇغۇچىلارنىڭ جىسمانىي، پىسخىك ساغلاملىقىغا زىيان يەتكۈزىدىغان ئىدىيىلەرنى تارقاتماسلىق.
3.ئوقۇغۇچىلارنى قىزغىن سۆيۈش. بارلىق ئوقۇغۇچىلارغا كۆڭۈل بۆلۈش،ئاسراش،ئۇلارنىڭ كىشىلىك قەدىر-قىممىتىگە ھۆرمەت قىلىپ،باراۋەر،ئادىل مۇئامىلە قىلىش.ئوقۇغۇچىلارغا قاتتىق تەلەپ قويۇپ،سەۋرچانلىق بىلەن تەربىيە بېرىش،مەسخىرە قىلماسلىق،زىتىغا،غۇرۇرىغا تەگمەسلىك،كەمسىتمەسلىك،ئوقۇغۇچىلارغا تەن جازاسى ياكى شەكلى ئۆزگەرگەن تەن جازاسى بەرمەسلىك،ئۇلارنىڭ قانۇنلۇق ھوقۇقىنى قوغداش،ئۇلارنىڭ ئومۇمىيۈزلۈك،تەشەببۇسكار،ساغلام تەرەققىياتىنى ئىلگىرى سۈرۈش.
4.ئەستايىدىل ھەم ئىھتىياتچانلىق بىلەن ئىلىم تەتقىق قىلىش. ياخشى ئۆگىنىش ئىستىلىنى تۇرغۇزۇپ،كەسىپنى قېتىرقىنىپ تەتقىق قىلىش،يېڭى بىلىملەرنى ئۈزلۈكسىز ئۆگىنىپ،تەلىم-تەربىيە،
ئوقۇتۇش قانۇنىيەتلىرى ئۈستىدە ئىزدىنىش،تەلىم-تەربىيە،ئوقۇتۇش مېتودىنى ياخشىلاپ، تەربىيە،ئوقۇتۇش، ۋە پەن-تەتقىقات سەۋيىسىنى ئۆستۈرۈش.
5.ئىتتىپاقلىق-ھەمكارلىشىش. كەمتەر،ئىھتىياتچان بولۇش،يولداشلارنى ھۆرمەتلەش،ئۆز ئارا ئۆگىنىش،ۋە ياردەملىشىش،باشقا ئوقۇتقۇچىلارنىڭ ئوقۇغۇچىلار ئالدىدىكى ئابرويىنى قوغداش،
كوللىكتىپقا كۆڭۈل بۆلۈش،مەكتەپنىڭ شان-شەرىپىنى قوغداپ،مەدەنىيەتلىك مەكتەپ ئىستىلىنى ئورتاق يارىتىش.
6.ئائىلە باشلىقلىرىنى ھۆرمەتلەش. ئائىلە باشلىقلىرى بىلەن تەشەببۇسكار ھالدا ئالاقىلىشىپ،پىكىر ۋە تەلەپلەرنى ئەستايىدىل ئاڭلاپ،قوللىشى ۋە ماسلىشىشىغا ئېرىشىش.ئىلمىي تەلىم-تەربىيە ئىدىيىسى ۋە ئۇسۇللىرىنى پائال تەشۋىق قىلىش،ئائىلە باشلىقلىرىنى ئەيىپلىمەسلىك،تاپا-تەنە قىلماسلىق.
7.ئوقۇتۇش ئىشلىرىدا پاك بولۇش. ئالىيجانابلىق خۇلۇق-مىجەزدە چىڭ تۇرۇپ،تەقدىم قىلىش روھىنى جارى قىلدۇرۇش،جەمئىيەتتىكى ناچار ئىستىللارنىڭ تەسىرىنى ئاڭلىق ھالدا توسۇش. خىزمەت قولايلىقىدىن پايدىلىنىپ شەخسىي مەنپەئەتكە بېرىلمەسلىك.
8.باشقىلارغا ئۈلگە بولۇش.ئىجتىمائىي ئومۇمىي ئەخلاققا نەمۇنىلىك ھالدا رېئايە قىلىش، كىيىمى يارىشىملىق رەتلىك، سۆزلىرى ئۆلچەملىك ۋە ساغلام، يۈرۈش تۇرىشى مەدەنىيەتلىك، ئەدەبلىك بولۇش، ئۆزىگە قاتتىق تەلەپ قويۇش ،ئۆزى ئۈلگە بولۇش ئارقىلىق تەربىيە بېرىشكە ئەھمىيەت بېرىش.
مەنبە:شىنجاڭ مائارىپى ژۇرنىلى 1997-يىل 12-سان.
|
