查看完整版本: [-- سەھنە ئەسەرلىرى ۋە كىنو سەنئىتى --]

تەۋپىق مۇنبىرى -> تولوقسىز 9- يىللىق تىل-ئەدەبيات تەييارلىقلىرى -> سەھنە ئەسەرلىرى ۋە كىنو سەنئىتى [打印本页] 登录 -> 注册 -> 回复主题 -> 发表主题

tawpek 2011-03-20 15:27

سەھنە ئەسەرلىرى ۋە كىنو سەنئىتى

بۇ ئورۇندىكى مەزمۇن يۇشۇرۇلغان ، ئىنكاس يازغاندىن كېيىن ئاندىن كۆرۈلەيسىز .

ozqan 2011-03-20 17:00
مۇشۇ دەرسكە باغلاپ تۇرۇپ دەرس تەييارلىقى ھەققىدە پىكىرلىمنى ئېيتىپ باقسام تەييارلىغۇچىنىڭ ۋە يوللىغۇچىنىڭ كۆڭلىگە كېلەرمۇ؟ چۈنكى دەرس تەييارلىقىن مۇشۇنداق تەييارلاش ۋە  يوللاش راست گەپنى قىلسام تولىمۇ ۋاقىتنى ئالىدىغان ئاۋارىچىلىق ئىشكەن ، شۇڭا كىشىنىڭ بۇ ئەجىرگە نىسبەتەن ئارتۇق گەپ قىلىشقا  يۈزى قىزىرىدىكەن ئادەمنىڭ .  ئەمما  دەرس تەييارلاشتىكى بەزى مەسىلىلەر ھەققىدە پىكىر ئالماشتۇرۇشنىڭ زۆرۈرلىكىنى ھېس قىلىۋاتىمەن .

凶蛇 2011-03-20 20:48
ئۇنداقتا ، ئىپىزوت،ئىتوت ،كۈلدۈرگە قاتارلىلارنىڭ پەرقىنى قانداق بىلىۋالساق بۇلار؟

koksangun 2011-03-20 20:52
مېنىڭچىمۇ دەرس تەييارلىقىنىڭ ياخشىراق ئەندىزىسىدىن بىرەرنى بارلىققا كەلتۈرۈپ ، ئۇنى تەۋپىق مۇنبىرىگە يوللىغان دەرس تەييارلىقلىرىنىڭ شەكلى قىلساق بولاتتى . ئوقۇتقۇچىلار مۇشۇ دەرس تەييارلىقلىرىنىڭ شەكلىدە يوللىسا بۇمۇ بىر خاسلىق بولاتتى ... ھازىر تەۋپىق مۇنبىرىدە تولۇق ئوتتۇرا ۋە تولۇقسىز ئوتتۇرىنىڭ  دەرس تەييارلىقلىرى « يامغۇردىن كېيىنكى  بامبۇك نوتىلىرىدەك » ئاينىپ ، سان جەھەتتىن مول دەرس بايلىقلىرى ئامبىرىنى شەكىللەندۇردى ، دەرس تەييارلىقلىرىغا نىسبەتەن سۈپەت جەھەتتىن قاتتىقراق تەلەپ ، ئۆلچەم قويۇدىغان ۋاقىتمۇ يېتىپ كەلدى .
   دەرس تەييارلىقلىرىغا مۇكەممەلرەك بولغان ئەندىزە ئىشلىگەن تورداشلار بولسا يوللىسىاڭلار ، تەۋپىقتىكى مۇتەخەسىسلەرنىڭ ۋە كەڭ تەجرىبىلىك ئوقۇتقۇچىلارنىڭ پىكىر - تەلەپلىرىنى ئېلىپ ، ئۇنى مۇقىملاشتۇرساق ھەم شۇ نىڭدىن پايدىلىنىپ دەرس تەييارلىقلىرىنى ئۆلچەملەشتۈرسەك تولىمۇ ئەھمىيەتلىك تەتقىقات بولاتتى .
ھازىرقى بىر قىسىم دەرس تەييارلىقلىرى ئىلگىرى بىز مەلۈم كۆلەمنى ھاسىل قىلىمىز دەپ ئۇنىڭ مەزمۇنىغا دىققەت قىلىپ ، شەكلىگە ئېتىبار قىلمىغان ئىدۇق ، شۇ سەۋەبتىن بىر قىسىم دەرس تەييارلىقى ئۆلچىمىگە توشمايدىغان ، ھەتتا شۇ سائەتلىك دەرسنىڭ ئۈچ قاتلاملىق نىشانى ۋە مۇھىم ، قىيىن نۇقتىلىرى توغرا گەۋدىلەنمىگەن ، مۇجىمەل دەرس تەييارلىقلىرى يوللاندى . بۇنىڭدىن كېيىن ئاشۇنداق ئۆلچەملىك دەرس تەييارلىقى ئەندىزىسىدىن بىرنى بارلىققا كەلتۈرسەك ، دەرس نىشانى ، مۇھىم ، قىيىن نۇقتىلىرىغا باھا بەرسەك ، مۇنبىرىمىزنىڭ ھەقىقىي مائارىپ مۇنبىرىگە خاس ئالاھىدىلىكى گەۋدىلىنەتتى ...

koksangun 2011-03-21 22:55
سەھىنە ئەسەرلىرى توغرىسىدىكى ماتېرىياللار تولۇق 3-يىللىلارنىڭ تەكرارىدا مۇھىم مەزمۇنلارنىڭ بىرى . شۇڭا بۇ تېمىنىڭ ئەھمىيىتى زور ...

tawpek 2011-03-21 23:48
مەن  ئاساسەن  مۇشۇ  ئاتتىلا  ئاكىمىزنىڭ  تەييارلىقلىرىنى يۇغۇرۇپ  تەييارلىق  ھاسىل  قىلىپ  ئىھتىياجدىن  چىقىپ  كىلىۋاتىمەن.

بۇ  تەييارلىق  بىر يىرىم  بەت ئاران  كىلىدىكەن.
مەن  بۇنىڭغا  تەييارلىق  سىنىقى. دەرىسخانا پائالىيتى. يەنە  شەكىللەندۈرۈش سىنىقى، بىرىنجى سائەتلىك  بولسا يىڭى سۆزلەرگە ئىزاھاتلارنى  قوشوپ ئىشلىتىۋاتىمەن،  كەم  دىگەندە ئۈچ  بەت  بىر نەرسە بولمىسا بىزدە تەستىقلانمايدۇ.

بۇنىڭ شۇ ئوتورلۇقتىكى  سۇئال  جاۋاپلىرىدىن  پايدىلىنىۋاتىمەن،  يەنە ئوقوتوش   نىشانلىرىنىمۇ  ئازراق  تەھرىرلەپ  ئىشلىتىۋاتىمەن.

attila 2011-04-15 01:10
بۇ بىر سائەتلىك كۆپ ۋاستىلىك دەرس دېتالىنىڭ دەرس لاھىيە يانداشما ماتېرىيالى. كۆپچىلىكنىڭ كۆرۈپو بېقىشىغا سۇندۇم.
مەن ۋاقتىم يار بەرگەندە مۇشۇنداق تەييارلايمەن، بولمىسا ئىلگىرى يوللىغاندەك. چۈنكى  ھازىر ئۈستۈمدە14 سائەت دەرس ۋە مەكتەپنىڭ تەشۋىقات، تۈر قۇرۇلۇشى خىزمىتى بار. ئائىلەممۇ 54 كىلومېتىر يىراقتا. ئۆزەممۇ 41 ياشقا كىرىپ قالدىم. ئىلگىركى دەرس تەييارلىقى ئۈلگە ئەمەس، پەقەت پايدىلانغۇچىلار ۋە تېخىمۇ چوڭ ئىشلارنى كۆڭلىگە پۈككەنلەر ئۈچۈن ئاسانچىلىق ۋە ۋاقىت يارىتىپ بېرىش ئۈچۈن.
9-يىللىقنىڭ  201-يىلى -ئاينىڭ  -كۈنىدىكى  ئەدەبىيات دەرس لايىھەسى
دەرس تېمىسى:
14.ۋېنىتسىيە سودىگىرى
ۋىليام شېكېسپېر  (رەسىم چۈشۈپ قالدى)

ئوقۇتۇش نىشانى:
بىلىم ۋە ئىقتىدار: پېرسۇناژلار ۋە ئۇلارنىڭ خارەكتېرى، ۋەقەلىك ئورۇنلاشتۇرۇلىشىنىڭ رولى، سېلىشتۇرۇش ۋە ئۇنىڭدىكى نۇقتىنەزەر، مۇھىم جۈملىلەرنىڭ پېرسۇناژلار خارەكتېرىنى ئېچىپ بېرىشتىكى رولى.
ئوقۇغۇچىلارنىڭ نىشاننى ئورۇنلاش باسقۇچىدا قوللۇنىلىدىغان ئۇسۇل ۋە جەريان:
ئالدىنقى دەرسنى ئەسلەش ئاساسىدا يېڭى دەرسكە كىرىش، سوئال مەزمۇنىغا مۇناسىۋەتلىك رەسىم بىلەن ئۇچۇرلارنى ئەستايىدىل باغلاش ئارقىلىق مەسىلە ھەل قىلىش، ئوقۇتقۇچىنىڭ مۇھاكىمە ۋە بايانچى تىلنىڭ رولىدىن ياخشى پايدىلىنىش ۋە ئاددىيلىقتىن مۇرەككەپلىككە ئىچكىرلەپ كىرىش. يېتەكلىمە ئاساسىدا پىكىر يولىنى ئېچىش شەكلى ئارقىلىق چوڭقۇرلاشتۇرۇپ چۈشىنىپ، ئاساسىي ھالقىنى ئىگىلەش. يەكۈن ئارقىلىق ئەستە ساقلاش.
ھېسىيات، پوزىتسىيە ۋە قىممەت قارىشى: ساغلام ئادىمىيلىك ۋە ئىرىقچىلىق قارىشىنى تۇرغۇزۇش.
مۇھىم نۇقتا: پېرسۇناژلار ۋە ئۇلارنىڭ خارەكتېرى، ۋەقەلىك ئورۇنلاشتۇرۇلىشىنىڭ رولى، سېلىشتۇرۇش ۋە ئۇنىڭدىكى نۇقتىنەزەر، مۇھىم جۈملىلەرنىڭ پېرسۇناژلار خارەكتېرىنى ئېچىپ بېرىشتىكى رولى.
قىيىن نۇقتا: ۋەقەلىك ئورۇنلاشتۇرۇلىشىنىڭ رولى، سېلىشتۇرۇش ۋە ئۇنىڭدىكى نۇقتىنەزەر.
دەرس تىپى: يېڭى دەرس.                                     دەرس سائىتى: بىر سائەت
ئوقۇتۇش ۋاستىلىرى: دەرسلىك، كۆپ ۋاستە ئەسلىھەلىرى، كۆرسەتكۈچ.
ئوقۇتقۇچىنىڭ ئوقۇتۇش ئۇسۇلى: ئالدىنقى دەرسنى ئەسلىتش ئاساسىدا يېڭى دەرسكە باشلاپ كىرىش، سوئال مەزمۇنىغا مۇناسىۋەتلىك رەسىم بىلەن ئۇچۇرلارنى ئەستايىدىل باغلاش ئارقىلىق مەسىلە ھەل قىلىشقا يېتەكلەش، مۇھاكىمە ۋە بايانچى تىلنىڭ رولىدىن ياخشى پايدىلىنىپ ئاددىيلىقتىن مۇرەككەپلىككە ئىچكىرلەپ باشلاپ كىرىش. يېتەكلىمە ئاساسىدا پىكىر يولىنى ئېچىش شەكلى ئارقىلىق چوڭقۇرلاشتۇرۇپ چۈشەنچە بېرىپ، ئاساسىي ھالقىنى ئىگىلىتىش. خۇلاسە چىقىرىپ ئومومىلاشتۇرۇپ ئەستە ساقلاشقا يېتەكلەش.
ئوقۇتۇش جەريانى
يېڭى دەرسكە باشلاپ كىرىش:
پائالىيەت مەزمۇنى: كومىدىيەنىڭ بىرپۈتۈن ۋەقەلىكىنى قىسقىچە تونۇشتۇرۇش.
پائالىيەت مەقسىدى: بۇ ئارقىلىق ئوقۇغۇچىلارنى ئەسەرنىڭ بىر پۈتۈن ۋەقەلىكى بىلەن قوراللانۇرۇپ، يېڭى دەرس باشلاش ئۈچۈن ئاساس سېلىنىدۇ.
پائالىيەت ئۇسۇلى: كۆرۈش سېزىمىدىن پايدىلىنىش ۋە سۆزلىتىش، ئوقۇتقۇچى ئومۇملاشتۇۇپ قايتا بايان قىلىش ئارقىلىق باشلاپ كىرىش، يەكۈن ئارقىلىق ئەستە ساقلاش.
پائالىيەت شەكلى: بىرلىكتە ئوتتۇرغا قويۇش، ئوقۇتقۇچى خۇلاسىلەش.
پائالىيەت جەريانى:
ئېكراندا دەرسكە مۇناسىۋەتلىك رەسىم ھەم شۇنىڭغا مۇناسىۋەتلىك قوزغۇتۇش سوئاللىرى كۆرسىتىلىدۇ.
كومىدىيەنىڭ بىرپۈتۈن ۋەقەلىكىنى سۆزلەپ بېقىڭلار؟
ئوقۇغۇچىلار قول كۆتىرىپ ئوتتۇرغا قويىدا، ئاخىرىدا ئوقۇتقۇچى تولۇقلاپ خۇلاسىلەيدۇ. (ئېكران ئالمىشىپ، رەسىم بىلەن ماس ھالدا خۇلاسە كۆرۈنىدۇ).
خۇلاسە: چەتئەللەردە سودا قىلىدىغان ۋېنىتسىيىلىك سودىگەر ئانتونىئو دوستى بېلموتقا ياردەم بېرىش ئۈچۈن، جازانىخور يەھۇدىي شىلوكتىن، قەرزنى ۋاقتىدا قايتۇرالمىسا بەدىنىنىڭ خالىغان يېرىدىن بىر قاداق گۆش كېسىپ بېرىش ھېسابىغا 3000 سوم قەرز ئالىدۇ ھەم سەپەردە سودا كېمىسى ھادىسىگە ئۇچۇراپ، قەرزنى ۋاقتىدا قايتۇرالمايدۇ. شىلوك ئانتونىئونىڭ ئىلگىرى ئۆسۈمسىز قەرز تارقىتىپ، ئۆزىنىڭ قەرز تارقىتىپ ئۆسۈم ئېلىش ئارقىلىق بېيىش چۈشىنى بەربات قىلغانلىقىدىن ئۆچ ئېلىش ئۈچۈن، ئانتونىئونىڭ بەدىنىدىن بىر قاداق گۆشىنى كېسىپ ئۆلتۈرۈش مەقسىدىدە بولىدۇ. گېرتسوگ قاتارلىقلار بۇ ئويىدىن ۋاز كېچىشنى ئۆتۈنگەن بولسىمۇ شىلوك نىيىتىدىن يانمايدۇ. ئانتونىئونىڭ دوستى باسانىئونىڭ خوتۇنى بىشىيا ئادۋوكاتلىق رولىنى ئويناپ، شىلوكنى ئەھدىنامىدىكى ئاجىز ھالقىلارنى تۇتىۋېلىپ، قاتتىق مەغلۇپ قىلىدۇ ھەم مەسخىرىلىك ھالغا چۈشۈرۈپ قويىدۇ.
بىز يۇقىرىدا كومىدىيەنىڭ بىرپۈتۈن ۋەقەلىكى بىلەن قىسقىچە تونۇشۇپ ئۆتتۇق، ئەمدى تۆۋەندە كومىدىيەدىكى مۇھىم نۇقتىلار ئۈستىدە بىرلىكتە مۇھاكىمە ئېلىپ بارايلى.
يېڭى دەرس ئوقۇتۇش جەريانى:
ئېكراندا دەرس تېمىسى كۆرۈنىدۇ. ئوقۇتقۇچى بۇ سائەتتا قايسى دەرسنىڭ ئۆتۈلىدىغانلىقى ۋە ئېلىپ بارىدىغان پائالىيەت توغرىسىدا قىسقىچە ئىزاھات بەرگەندىن كېيىن رەسمىي ھالدا يېڭى دەرس باشلىنىدۇ.

پائالىيەت ‹1›
پائالىيەت مەزمۇنى: تېكىستتىكى ئاساسلىق پېرسۇناژلار ۋە ئۇلارنىڭ خارەكتېرى.
پائالىيەت مەقسىدى: ئوقۇغۇچىلارغا تېكىستتىكى ئاساسلىق پېرسۇناژلارنىڭ كىملەر ئىكەنلىكىنى ۋە ئۇلارنىڭ تۈپكى ئىنسانىي خارەكتېرىنى ھېس قىلدۇرۇش.
پائالىيەت ئۇسۇلى: مەسىلە قويۇپ تېكىستنى ئەسلىتىش ئارقىلىق باشلاپ كىرىش، ئاساسلىق شەخسلەرنىڭ رەسىمى ۋە ئىسىمى بىلەن ئۇلارغا ماس كېلىدىغان خارەكتېر-ئالاھىدىلىكلەردىن ئۇچۇر بېرىش ئارقىلىق ئىچكىرلەپ كىرىش، بىرلىكتە مەسىلە ھەل قىلىپ چۈشۈنىش، سىزىق ئارقىلىق تۇتاشتۇرۇپ يەكۈنلەش ئارقىلىق ئەستە ساقلاش.
پائالىيەت شەكلى: كوللېكتىپ مۇزاكىرە قىلىش، تىپلار بويىچە تۇتاشتۇرۇش، بىرلىكتە ئومۇملاشتۇرۇپ خۇلاسىلەش.
پائالىيەت جەريانى:
تېكىستتىكى پېرسۇناژلارنى ۋە ئۇلارنىڭ خارەكتېرىنى ئوتتۇرغا قويۇڭلار؟
1 -قەدەمدە ئېكراندا ماس سۇئاللار ۋە تېكىستكە مۇناسىۋەتلىك ئومۇملاشتۇرۇلغان رەسىم كۆرسىتىش ئارقىلىق ئوقۇغۇچىلار مەسىلە ھەل قىلىشقا يېتەكلىنىدۇ.
2-قەدەمدە ئاساسلىق شەخسلەرنىڭ رەسىمى ۋە ئىسىمى بىلەن ئۇلارغا ماس كېلىدىغان خارەكتېر-ئالاھىدىلىكلىرى كۆرسىتىلىپ، ئوقۇغۇچىلار ئۆزئارا ماس كەلگەنلىرىنى تاللاپ چىقىشقا يېتەكلىنىدۇ،  ئوقۇغۇچىلار قول كۆتىرىپ ئوتتۇرغا قويىدۇ. ئاخىرىدا ئوقۇتقۇچى بارلىق ئوقۇغۇچىلارنىڭ قارىشىنىڭ ئوخشاش ياكى ئوخشاش ئەمەسلىكىنى سىناپ، كوللېكتىپ سوراپ كۆرىدۇ.

شىلۇك                       ھالقىلىق مىنۇتلاردا دوستلىرىغا ياردەم بېرەلەيدىغان ئەقىللىق ئايال.

ئانتونىئو                    دوستلۇق ئۈچۈن ھەممىدىن ۋاز كېچەلەيدىغان، دوستلىرىغا  ياردەم قىلىشنى گۈزەل ئەخلاقىي-پەزىلەت ھەم دوستلۇق بۇرچۇم دەپ  قارايدىغان ئادەم.

بىشىئا                        خەيرى-ساخاۋەتلىك، رەھىمدىل، دوستلۇقنى قەدىرلەيدىغان، يامانلىققا ياخشىلىق قايتۇرىدىغان ئاخكۆڭۈل سودىگەر.  

باسانىئو                      ھىلىگەر، ئاچكۆز، رەھىمسىز، مىللىي كەمسىتىلىش تۇيغۇسى كۈچلۈك  ئادەم.  
  
3-قەدەمدە ئېكران ئالمىشىپ، ئۆزئارا ماس كېلىدىغان مەزمۇنلار سىزىق ئارقىلىق تۇتاشتۇرۇلغان يەكۈن ئوتتۇرغا قويۇلۇپ خۇلاسىلىنىدۇ.
خۇلاسە:

شىلۇك                         ھالقىلىق مىنۇتلاردا دوستلىرىغا ياردەم بېرەلەيدىغان ئەقىللىق ئايال.

ئانتونىئو                       دوستلۇق ئۈچۈن ھەممىدىن ۋاز كېچەلەيدىغان، دوستلىرىغا  ياردەم قىلىشنى  گۈزەل ئەخلاقىي-پەزىلەت ھەم دوستلۇق بۇرچۇم دەپ  قارايدىغان ئادەم.

بىشىئا                          خەيرى-ساخاۋەتلىك، رەھىمدىل، دوستلۇقنى قەدىرلەيدىغان، يامانلىققا
                                     ياخشىلىق قايتۇرىدىغان ئاخكۆڭۈل سودىگەر.  

باسانىئو                        ھىلىگەر، ئاچكۆز، رەھىمسىز، مىللىي كەمسىتىلىش تۇيغۇسى كۈچلۈك  ئادەم.  
  
پائالىيەت ‹2›
پائالىيەت مەزمۇنى: بىشىيانىڭ  سوتتا  شىلوكنى  قانداق  قىلىپ قەدەممۇ قەدەم يەڭگەنلىكى ۋە ئاپتورنىڭ بۇنداق ئورۇنلاشتۇرۇشىنىڭ سەۋەبى.
پائالىيەت مەقسىدى: ئوقۇغۇچىلارغا بىشىيانىڭ  سوتتا  شىلوكنى  قانداق  قىلىپ قەدەممۇ قەدەم يەڭگەنلىكى ۋە ئاپتورنىڭ بۇنداق ئورۇنلاشتۇرۇشىنىڭ سەۋەبىنى بىلدۈرۈش.
پائالىيەت ئۇسۇلى: ۋەقەلىكنى قايتا ئەسلىتىش ۋە مۇھاكىمە قىلىشقا يېتەكلەش ئارقىلىق باشلاپ كىرىش، يېتەكلىمە ئارقىلىق پىكىر يولىنى ئېچىش، بىرلىكتە مەسىلە ھەل قىلىپ چۈشۈنىش، يەكۈن ئارقىلىق ئەستە ساقلاش.
پائالىيەت شەكلى: تىپلار ۋە كوللېكتىپ ئوتتۇرغا قويۇش، ئوقۇتقۇچى ئومۇملاشتۇرۇش، بىرلىكتە خۇلاسىلەش.
پائالىيەت جەريانى:
تېكىستكە  ئاساسەن،  بىشىيانىڭ  سوتتا  شىلوكنى  قانداق  قىلىپ قەدەممۇ قەدەم يەڭگەنلىكىنى ۋە ئاپتورنىڭ بۇنداق ئورۇنلاشتۇرۇشىنىڭ سەۋەبىنى ئوتتۇرغا قويۇڭ؟
ئېكراندا بىشىيا بىلەن شىلوكنىڭ رەسىمى ۋە ماس سوئاللار كۆرسىتىلىدۇ.
ئوقۇغۇچىلار قول كۆتىرىپ ئوتتۇرىغا قويىدۇ، ئوقۇتقۇچى ئوقۇغۇچىلارنىڭ مەسىلە ھەل قىلىش ئەھۋالىغا ئاساسەن زۆرۈر تېپىلغاندا يېتەكلىمە ئوتتۇرىغا قويىدۇ.
يېتەكلىمە:  رەسىمدىكى كىملەرنىڭ سۈرىتى، ئەسەردە سوت مەيدانىدا كىم كىمنى مەغلۇب قىلىدۇ؟ نېمىگە تايىنىپ مەغلۇب قىلىدۇ؟ توختامدا شىلوكقا پايدىسىز نۇقتىلار بارمۇ؟ بىشىيا شۇنىڭدىن پايدىلانغان دەپ قاراشقا بولامدۇ؟  بۇنىڭدىن بىشىيانىڭ ۋە شىلوكنىڭ نېمىسىنى كۆرىۋالدىڭلار؟ بۇ ئارقىلىق بۇ ئىككى پېرسۇناژنى تېخىمۇ ياخشى چۈشۈنىشكە بولامدۇ؟ ئەسەردە بىشىيا بىلەن شىلوك ئوتتۇرىسىدىكى يۇقارقى زىددىيەت-توقۇنۇشلارنىڭ بولۇش-بولماسلىقى تاماشىبىنلارنى جەلىپ قىلىشقا تەسىر كۆرسىتەمدۇ؟ قانداق ئەھۋالدا بەكراق جەلىپ قىلالايدۇ؟ (يېتەكلىمە ئوتتۇرىغا قويۇلۇش ئارقىلىق، ئوقۇغۇچىلارنىڭ پىكىر قىلىش يولى تەدرىجى ئېچىلىپ، مەسىلە ھەل قىلىشى ئاسانلاشتۇرۇلىدۇ.)
ئاخىرىدا ئوقۇتقۇچى ئوقۇغۇچىلارنىڭ ئوتتۇرغا قويغانلىرىنىڭ نامۇۋاپىق جايلىرىنى تۈزىتىپ، خۇلاسىلەپ چۈشەندۈرۈش ئېلىپ بارىدۇ. (ئېكران ئالمىشىپ، رەسىم بىلەن ماس ھالدا خۇلاسە كۆرۈنىدۇ).
خۇلاسە:  تېكىستتە  بىشىيا  شىلوكنى،  شىلوك  بىلەن  ئانتونىئو  ئوتتۇرىسىدا تۈزۈلگەن توختامدىكى شىلوكقا پايدىسىز بولغان نۇقتىلارنى  ماھىرلىق بىلەن چىڭ  تۇتۇش ۋە ئۇ نۇقتىلارنى قەدەممۇ قەدەم ئىلگىرلىگەن ھالدا تىپىكلىككە كۆتۈرۈش ئارقىلىق مەغلۇب  قىلىدۇ.  ئاپتورنىڭ  بۇنداق ئورۇنلاشتۇرۇشتىكى مەقسىدى،  بىشىيانىڭ يۈكسەك  ئەقىل-پاراسىتىنى  ۋە  شىلوكنىڭ  كۈلكۈلۈك  مەغلۇبىيتىنى ئەسەردىكى زىددىيەت-توقۇنىشنىڭ  تەرەققىيات جەريانىغا سىڭدۈرۈپ،  پېرسۇناژلار ئوبرازىنى تېخىمۇ مۇكەممەللىككە ۋە چىنلىققا ئىگە قىلىش، ئەسەرنىڭ كومېدىيىلىك تۈسىنى تېخىمۇ يۇقىرى كۆتۈرۈش، تاماشىبىنلارنى تېخىمۇ بەك جەلىپ قىلىش.
پائالىيەت ‹3›
پائالىيەت مەزمۇنى: پېرسۇناژلار خارەكتېرىنى تېخىمۇ ئىچكىرلەپ چۈشۈنۈش ۋە ئاپتورنىڭ خاتا ئىرىقچىلىق قارىشى.
پائالىيەت مەقسىدى: ئوقۇغۇچىلارغا پېرسۇناژلار خارەكتېرىنى تېخىمۇ ئىچكىرلەپ بىلدۈرۈش ۋە ئاپتورنىڭ خاتا ئىرىقچىلىق قارىشىنى ئېچىپ بېرىش.
پائالىيەت ئۇسۇلى: سېلىشتۇرۇشنى تېپىپ چىقىش ۋە بىرقىسىم مۇھىم سۆزلەردىن (يەھۇدىيلارنىڭ نامىنى ئاتاپ ئېيتىلغان سۆزلەر) پايدىلىنىش ئارقىلىق باشلاپ كىرىش، بىرلىكتە مەسىلە ھەل قىلىپ چۈشۈنىش، يەكۈن ئارقىلىق ئەستە ساقلاش.
پائالىيەت شەكلى: يېتەكلىمىدىن پايدىلىنىپ بىرلىكتە ئوتتۇرغا قويۇش، ئوقۇتقۇچى خۇلاسىلەپ چۈشەندۈرۈش.
پائالىيەت جەريانى:
ئەسەردە نېمە ئۆزئارا سېلىشتۇرۇلغان؟ بۇ ئارقىلىق قانداق نۇقتىنەزەر ئېچىپ بېرىلگەن؟ بەزىلەر بۇ ئەسەرنى ئىرقىي كەمسىتىش بىلەن تولغان، دەپ قارايدۇ. سىز بۇنىڭغا بولغان قارىشىڭىزنى ئوتتۇرغا قويۇپ بېقىڭ؟
ئېكراندا سوت مەيدانىنىڭ رەسىمى ۋە ماس سوئاللار كۆرسىتىلىدۇ.
ئوقۇتقۇچى ئاساسلىق سوئالنى ئوتتۇرغا قويۇپ ئوقۇغۇچىلارنى مەسىلە ھەل قىلىشقا يېتەكلەيدۇ ھەم يېتەكلىمە سوئاللارنى ئوتتۇرغا قويۇش ئارقىلىق ئۇلارنىڭ مەسىلە ھەل قىلىشىنى ئاسانلاشتۇرىدۇ.
يېتەكلىمە: ئەسەردە كىم بايلىقنى دوست تۇتمايدۇ؟ كىم بايلىققا ئەڭ ئامراق؟ ئۇلارنى قارىمۇ-قارىشى خارەكتېرگە ئىگە پېرسۇناژلار دېيىشكە بولامدۇ؟ ئەسەردە بىرەر مىللەتنىڭ نامىنى ئاتاپ تۇرۇپ كەمسىتىدىغان ياكى كۆككە كۆتىرىدىغان سۆزلەر بارمۇ؟ ئېيتىپ بېرىڭلار؟ بۇنىڭدىن سىلەر نېمىنى ھېس قىلدىڭلار؟ (يېتەكلىمە ئوتتۇرىغا قويۇلۇش ئارقىلىق، ئوقۇغۇچىلارنىڭ پىكىر قىلىش يولى تەدرىجى ئېچىلىپ، مەسىلە ھەل قىلىشى ئاسانلاشتۇرۇلىدۇ.)
يېتەكلىمە ئاساسىدا ئوقۇتقۇچى-ئوقۇغۇچىلار بىرلىكتە ئوتتۇرغا قويىدۇ. ئاخرىدا ئوقۇتقۇچى قىسقىچە چۈشەندۈرۈپ، خۇلاسىلەيدۇ.  (ئېكران ئالمىشىپ، رەسىم بىلەن ماس ھالدا خۇلاسە كۆرۈنىدۇ).
خۇلاسە:  ئەسەردە گرىسىئاننو  بىلەن  شىلوك سېلىشتۇرۇلۇپ، گرىسىئاننونىڭ مەرت، دوستلۇقنى قەدىرلەيدىغان، بايلىقنى دوس تۇتمايدىغان ئالىيجاناپ خارەكتېرى، شىلوكنىڭ ئاچكۆز، رەھىمسىز قىياپىتى ئېچىپ بېرىلگەن.  يەھۇدىي  مەدەنىيىتى ۋە  يەھۇدىي  روھى بىلەن خىرىستىيان مەدەنىيىتى ۋە خىرىستىيان روھى سېلىشتۇرۇلۇپ، ياۋروپالىقلارنىڭ خىرىستىيان دىنى ۋە خىرىستىيان مەدەنىيىتىدىكىلەرنى ئەڭ ئۈستۈن  ئورۇنغا قويۇپ،  باشقا  دىن  ۋە باشقا مەدەنىيەتتىكىلەرنى پەس كۆرىدىغان ئىرقچىلىق  قارىشى ئېچىپ  بېرىلگەن. ئەسەر كۈچلۈك ھالدا يەھۇدىيلارنى پەس كۆرۈش خاھىشى بىلەن تولغان.

پائالىيەت ‹4›
پائالىيەت مەزمۇنى: مۇھىم جۈملىلەر ئارقىلىق پېرسۇناژلار خارەكتېرىنى ئېچىپ بېرىش.
پائالىيەت مەقسىدى: ئوقۇغۇچىلارغا مۇھىم جۈملىلەرنىڭ پېرسۇناژلار خارەكتېرىنى ئېچىپ بېرىشتىكى رولىنى ئىگىلىتىش.
پائالىيەت ئۇسۇلى: كۆرۈش سېزىمى ۋە ئۆزئارا باغلاپ تەھلىل قىلىش ئارقىلىق باشلاپ كىرىش، بىرلىكتە مەسىلە ھەل قىلىپ چۈشۈنىش، يەكۈن ئارقىلىق ئەستە ساقلاش.
پائالىيەت شەكلى: تىپلار بويىچە ئوتتۇرغا قويۇش، كوللېكتىپ مۇھاكىمە قىلىپ ئومۇملاشتۇرۇش، بىرلىكتە خۇلاسىلەش.
پائالىيەت جەريانى:
تۆۋەندىكى پېرسۇناژلارنىڭ گەپ-سۆزلىرى بىلەن ئۇلارنىڭ خارەكتېرىنى تەھلىل قىلىپ، ماس كەلگەنلىرىنى تۇتاشتۇرۇڭ؟
‹1› نېمە ئۈچۈن بەزىلەر ئاغزىنى ئېچىپ تۇرغان چوشقىدىن                  
سەسكىنىدۇ، بەزىلەر پايدىسى بار ، زىيىنى يوق مۈشۈكتىن                                                     ‹1› شىلوكنىڭ مال-دۇنيانى
يىرگىنىدۇ، يەنە بەزىلەر كىشىلەر چالغان نەي ئاۋازىنى ياقتۇرمايدۇ؟                                      جېنىدىنمۇ ئەزىزى كۆرىدىغان
بۇلارنىڭ ھەممىسىگە زادى تولوق ئاساس تاپقىلى بولمايدۇ. بۇلار                                             ئاچكۆزلىكى ئېچىپ بېرىلگەن.
پەقەت تۇغما مىجەزدىن بولىدۇ. شۇڭا، ئۇلار ئۆزلىرى ياقتۇرمايدىغان
بىرەر نەرسىگە ئۇچرىسىلا، ئىختىيارسىز سۆرۈن تەلەتىنى كۆرسىتىدۇ

‹2› سىز ئويلاپ بېقىڭ، سىزنىڭ شۇ تاپتا بۇ يەھۇدىي بىلەن                      
زاكۇنلىشىشىڭىز خۇددى دېڭىز ساھىلىدا تۇرۇپ، دېڭىزنىڭ غەزەپلىك                                    ‹2› ئانتونىئونىڭ تەقدىرگە
دولقۇنلىرىغا ئۆركەشلىرىنىڭ ھەيۋىسىنى پەسەيتىشنى مۇراجەت قىلغانغا،                             تەن بېرىش قارىشى ۋە
چىلبۆرىنى نېمە ئۈچۈن قوزىسىغا زىيانكەشلىك قىلىپ، ساغلىقنى                                         مەردانىلىقى ئەكس ئەتكەن.
داد-پەرياد چەكتۈرىسەن دەپ ئەيىپلەشكە ئوخشاش ئىش.

‹3› سىلەر ئۆينى تىرەپ تۇرغان تۈۋرۈكنى ئېلىۋەتتىڭلار، دېمەك،                                             ‹3›شىلوكنىڭ ئىچى يامان،
ئۆيۈمنى  بۇزدۇڭلار؛  سىلەر  ئائىلەمنى،  جېنىمنى  باقىدىغان                                                رەھىمسىز، ئۆكتەم
دەسمايەمدىن  مەھرۇم  قىلدىڭلار،  دېمەك  تىرىكلا  جېنىمنى ئالدىڭلار.                                  خارەكتېرى ئېچىپ بېرىلگەن.
ئېكراندا ماس سوئاللار كۆرسىتىلىدۇ.
ئوقۇتقۇچى ئاساسلىق سوئالنى ئوتتۇرغا قويۇپ ئوقۇغۇچىلارنى مەسىلە ھەل قىلىشقا يېتەكلەيدۇ. ئوقۇغۇچىلار باشتىكى پېرسۇناژلار تەھلىلىگە ئاساسەن مۇستەقىل ھالدا مەسىلە ھەل قىلىپ، ماس كەلگەنلىرىنى ئكزئارا تۇتاشتۇرىدۇ. ئاخرىدا ئوقۇتقۇچى قىسقىچە چۈشەندۈرۈپ، خۇلاسىلەيدۇ.  (ئېكران ئالمىشىپ، خۇلاسە كۆرۈنىدۇ).
خۇلاسە؛
‹1› نېمە ئۈچۈن بەزىلەر ئاغزىنى ئېچىپ تۇرغان چوشقىدىن                                                      ‹1› شىلوكنىڭ مال-دۇنيانى
سەسكىنىدۇ، بەزىلەر پايدىسى بار ، زىيىنى يوق مۈشۈكتىن                                                     جېنىدىنمۇ ئەزىزى كۆرىدىغان
يىرگىنىدۇ، يەنە بەزىلەر كىشىلەر چالغان نەي ئاۋازىنى ياقتۇرمايدۇ؟                                      ئاچكۆزلىكى ئېچىپ بېرىلگەن.
بۇلارنىڭ ھەممىسىگە زادى تولوق ئاساس تاپقىلى بولمايدۇ. بۇلار            
پەقەت تۇغما مىجەزدىن بولىدۇ. شۇڭا، ئۇلار ئۆزلىرى ياقتۇرمايدىغان
بىرەر نەرسىگە ئۇچرىسىلا، ئىختىيارسىز سۆرۈن تەلەتىنى كۆرسىتىدۇ.

‹2› سىز ئويلاپ بېقىڭ، سىزنىڭ شۇ تاپتا بۇ يەھۇدىي بىلەن                                                   ‹2› ئانتونىئونىڭ تەقدىرگە
زاكۇنلىشىشىڭىز خۇددى دېڭىز ساھىلىدا تۇرۇپ، دېڭىزنىڭ                                                تەن بېرىش قارىشى ۋە
غەزەپلىك دولقۇنلىرىغا ئۆركەشلىرىنىڭ ھەيۋىسىنى پەسەيتىشنى                                        مەردانىلىقى ئەكس ئەتكەن.
مۇراجەت قىلغانغا، چىلبۆرىنى نېمە ئۈچۈن قوزىسىغا زىيانكەشلىك              
قىلىپ، ساغلىقنى داد-پەرياد چەكتۈرىسەن دەپ ئەيىپلەشكە
ئوخشاش ئىش.

‹3› سىلەر ئۆينى تىرەپ تۇرغان تۈۋرۈكنى ئېلىۋەتتىڭلار، دېمەك،                                        ‹3›شىلوكنىڭ ئىچى يامان،
ئۆيۈمنى  بۇزدۇڭلار؛  سىلەر  ئائىلەمنى،  جېنىمنى  باقىدىغان                                            رەھىمسىز، ئۆكتەم
دەسمايەمدىن  مەھرۇم  قىلدىڭلار،  دېمەك  تىرىكلا  جېنىمنى ئالدىڭلار.                             خارەكتېرى ئېچىپ بېرىلگەن.

دەرستىن كېيىنكى تاپشۇرۇق
سىلەر  مۇشۇ  ئەسەردىكى دەۋانى ھەققانىي مەيداندا تۇرۇپ بىرتەرەپ قىلىپ بېقىڭلار ھەم يەھۇدىيلاردىن چىققان مەشھۇر كىشىلەردىن ئۈچنى ئېيتىپ بېرىڭلار؟
(ئېكراندا دەرسنىڭ ئومومىي مەزمۇنىنى ئەكىس ئەتتۈرىدىغان رەسىملەر بىلەن تاپشۇرۇق ئوتتۇرغا قويىلىدۇ).
كېيىنكى سائەتتە تاپشۇرۇق يىغىۋېلىنىپ، تەكشۈرۈلۈپ نومور قويۇلىدۇ ھەم دەرسخانىدا ئومومىلاشتۇرۇلىدۇ.
دوسكا لايىھەسى:
دەرس كۆپ ۋاستىلىك دەرسخانىدا ئۆتۈلگەنلىكى ئۈچۈن دوسكا لاھىيەسى قىسقارتىلدى.
دەرستىن كېيىنكى قايتا ئويلىنىش:


دەرس تەستىقلىغۇچىنىڭ پىكىرى ۋە تەستىقلانغان ۋاقتى:

رەسىم ۋە سىتىرېلكا چۈشۈپ قالدى.

attila 2011-04-15 01:20
بىزدە مائارىپ ئىدارىسى بىر تۇتاش تارقاتقان دەرس تەييارلاش دەپتىرى بار. شۇنىڭدىكى ئۆلچەم بويىچە تەييارلىمىساق تەستىقلىمايدۇ. ھەتتا ئىنكاستا يوللىغان دەرسنىڭ كۆپ ۋاستىلىك دەرس دېتالىنىمۇ «دوسكا لاھىيەسى يوق» دەپ ئاپتونوم رايونلۇق مۇسابىقىدىن قالدۇرۋەتتى. نەدىمۇ كۆپ ۋاستىلىك دەرسخانىدا ئۆتكەن دەرسنىڭ دوسكا لاھىيىسى بولسۇن. شەكىلۋازلىق بەك ئېغىر.
مېنى كىيۇكىيۇرىڭىزغا قوشۇۋېلىڭ. بەزى مەسىلىلەر ئۈستىدە پاراڭلىشايلى. لازىملىق ماتېرىيال بولسا يوللىشايلى. مېنىڭ نومورۇم: 1660102866

nadiraay 2013-04-26 01:37
بەك ياخشى مەزمۇنلار ئىكەن، رەھمەت مەنمۇ ياخشى پايدىلاندىم.    

amarjan 2014-01-09 20:33
بەك ياخشى مەزمۇنلار ئىكەن،

ياسىنجان510 2014-01-09 20:46
بۇ يازمىنى كۆرۈپ باقاسام،سەھنە ئەسەرلىرى  بىلەن  كىنو سەنئىتى ھەققىدە يېڭى سېلىشتۇرما بارمۇ يوق ؟

ياسىنجان510 2014-01-09 20:49
پايدىلىش قىممىتىگە ئىگە ئىكەن.

kangdala 2014-01-20 17:51
ماتىرىيالنى كۆرەي دېگەن

مىېھرىما 2014-01-21 14:41
بىزمۇ كۆرۈپ باكايلى!!!!!!!!!!!!!!!!!!!!!!!!!!!!

مىېھرىما 2014-01-21 14:43
دەرىس تەييارلىقىڭىز ئەتراپلىق ياخشى بوپتۇ. بۇ مەن دەرسخاندا ئۆتۇشكە ئەڭ ئامراق بىر تىما

مىېھرىما 2014-01-21 14:45
بالىلارغا ئىددىۋى تەربىيە ئېلىپ بېرىشقا بەكمۇ ماس  سوئاللا لاھيىلىنىپتۇ.

گۈلنىھال 2014-01-21 15:29
مەنمۇ بىر دەرس تەييارلىقىنى تۈزۈپ قويغانتىم ، يوللاپ قويسام بولغۇدەك ، كۆرۈپ باقاسىلەر

گۈلنىھال 2014-01-21 15:31
tawpek:مەن  ئاساسەن  مۇشۇ  ئاتتىلا  ئاكىمىزنىڭ  تەييارلىقلىرىنى يۇغۇرۇپ  تەييارلىق  ھاسىل  قىلىپ  ئىھ .. (2011-03-21 23:48) 

ئىنكاس يازسىمۇ ئېچىلمايدىغۇ !؟ .

kangdala 2014-01-31 21:06
بۇ دەرس تەييارلىقىنى كورەي دېگەن .

بابۇر0725 2014-02-14 19:25
ھەھنە ئەسەرلىرى توغرىسىدا ئايرىم توختىلىپ دەرس مەزمۇنىنى بىيىتقان ئوخشايسىز .مەنمۇ بۇنى ئۆگنسەم بولغۇدەك.رەھمەت يېڭىچە ئىدىيە ۋە كۆزقاراشلار بىلەن تەمىنلىگەنلىكىزگە

بابۇر0725 2014-02-14 19:27
باشتىكى ئىكاسنى كۆرۈشكە بولارمۇ؟

زىيارەتچى 2014-02-18 01:56
ئەجرىڭىزگە رەھمەت!!!

رىزۋانگۈل 2014-03-11 13:23
ئۇستازلار بەك كۆپ ئەجىر سىڭدۈرۈپتۇ

15894005488 2014-03-23 19:46
مەزمۇنلار ئىچلسا  بولاتتى.

پومدۇر 2014-03-24 11:10
ياخشى تېما يوللاپسىز.پايدىلنىش قىممىتى يۇقۇرىكەن

ئۇيغۇر 2014-03-24 14:05
مەنمۇ كۆرۇپ باقايچۇ...

مىھرىبانىم 2014-03-26 20:53
يۇقارقى مەزمۇن ، مۇھاكىمىلەردىن سۆيۈندۈم ، تولۇقسىز ئوتتۇرا مەكتەپنىڭ تىل- ئەدەبىيات ئوقۇتقۇچىسى بولۇش سۈپىتىم بىلەن سىلەر بىلەن دەرسخانا ئوقۇتۇشى ھەققىدە داۋاملىق پىكىر ئالماشتۇرۇشنى خالايمەن .


查看完整版本: [-- سەھنە ئەسەرلىرى ۋە كىنو سەنئىتى --] [-- top --]


Powered by phpwind v8.7 Code ©2003-2011 phpwind
Gzip enabled