| 凶蛇 |
2011-03-08 21:34 |
سۈرتمەي تۇرغىن يېشىڭنى دىلبەر
سۈرتمەي تۇرغىن يېشىڭنى دىلبەر،
كۆز ياشلىرىڭ سۆيگۈگە تالىق.
مۇڭلانمىسۇن دەردلىك يۇرىكىڭ،
ئۆتكۈزسەڭمۇ نۇرغۇن خاتالىق.
سۈرتمەي تۇرغىن يېشىڭنى دىلبەر،
ئاقسۇن ئۇمۇ ئەزىم دەريادەك.
ۋاپاسىزلار باغرىنى تىلغاپ ،
پۇرەكلىسۇن گۈلگۈن باھاردەك.
سۈرتمەي تۇرغىن يېشىڭنى دىلبەر،
ساداقەتتىن توشسۇن قەتىرلەر.
مۇشتاق بۇلۇپ ۋاپا سۆيگۈگە،
مىڭ ئازاپتىن پۈتسۈن سەتىرلەر.
سۈرتمەي تۇرغىن يېشىڭنى دىلبەر،
ئۇ ئىرىتسۇن تاش يۇرەك دىلنى.
ۋىسال بىرلە تۈلەنگەن بەدەل ،
بىلسۇن مەڭگۈ ئۆلمەس مىھىرنى .
سۈرتمەي تۇرغىن يېشىڭنى دىلبەر،
ئۇ بەخىتنىڭ مارش سىگىنالى.
سۈيۈلۈشكە تەشنا لەۋلىرىڭ،
پاك روھىڭنىڭ ئاتەش زۇننارى.
سۈرتمەي تۇرغىن يېشىڭنى دىلبەر،
چىن مۇھەببەت ئۇندا مۇجەسسەم.
پۇشايمانغا قالدۇرما ئۇرۇن،
ياشاش ئۈچۈن بىرىپ زور قەسەم.
مەنبە:凶蛇
|
|
