تەۋپىق مۇنبىرى - Powered by phpwind

مېنىڭ مەۋجۇت بولۇپ تۇرۇشۇم ___ مەن ئۈچۈن مەڭگۈلۈك تىلسىم ، ئۇ بولسىمۇ ھايات .

23

- بىز ، شىلدىرلاپ تۇرغان دەرەخ يۇپۇرماقلىرى ، ھەممىمىز سادا چىقىرىپ بوران - چاپقۇنغا جاۋاب بېرىۋاتىمىز ، لېكىن سەن كىم بولىسەن ، شۇ قەدەر سۈكۈتكە چۆمۈپسەنغۇ ؟

- مەن بىر گۈلمەن ، خالاس .

24

ئارام ئېلىش خىزمەتكە تەئەللۇق ، خۇددى كۆز قارىقى كۆزگە تەئەللۇق بولغىنىدەك .

25

ئادەم - يېڭى تۇغۇلغان بالا ، ئۇنىڭ كۈچى-ئۆسۈپ يېتىلىش كۈچى .

26

خۇدانىڭ بىزدىن كۈتىدىغان مىننەتدارلىقى ، قۇياش بىلەن يەردە ئەمەس ، بەلكى بىزگە تەقدىم قىلغان گۈلىدە .

27

نۇر خۇددى بىر قىپيالىڭاچ بالىدەك يېشىل يۇپۇرماقلار ئارىسىدا خوشال-خوراملىق بىلەن ئوينىماقتا ، ئۇ ئادەملەرنىڭ ھىيلە ئىشلىتىدىغانلىقىنى ئۇقمايدۇ .

28

ئاھ ، گۈزەللىك ، ئۆزۈڭنى ئەينىكىڭنىڭ خۇشامەتلىرى ئىچىدىن ئىزدەپ يۈرمەي ، مۇھەببەت ئىچىدىن ئىزدە .
29

قەلبىم ئۆزىنىڭ دولقۇنلىرىنى دۇنيا دېڭىزىنىڭ قىرغاقلىرىغا ئۇرماقتا،كۆز ياشلىرىنى سىياھ قىلىپ : « سېنى سۆيىمەن » دەپ بېغىشلىما يازماقتا .

30

- ئەي ، نېمىنى كۈتۈۋاتىسەن ؟
- مەن يول بوشاتمىسام بولمايدىغان قۇياشقا ھۆرمەت بىلدۈرۈشنى كۈتۈۋاتىمەن .

31
يېشىل دەرەخ،گويا ئۇنى پۈتۈپ قالغان زېمىننىڭ تاشنالىق ساداسىدەك دەرىزەم ئالدىغا ئۆستى .

32

خۇدانىڭ ئۆز تاڭ سەھىرى ئۆزىنىڭ نەزىرىدىمۇ ئاجايىپ .

33

ھايات دۇنيادىن ئۆز مۈلكىگە ئېرىشتى ؛ مۇھەببەت ئۇنى قىممەتكە ئىگە قىلدى .

34

قۇرۇپ كەتكەن دەريا قىنى ئۆز ئۆتمۈشىگە ھەرگىز رەھمەت ئېيتمايدۇ .

35

قۇشنىڭ بىر پارچە بۇلۇت بولغۇسى كېلىدۇ . بولۇتنىڭ بىر دانە قۇش بولغۇسى كېلىدۇ .

36

شارقىراتما : « مەن ئەركىنلىككە ئېرىشكىنىمدە ناخشام چىقىدۇ » دەپ ناخشا ئېيتىدۇ .
37

مەن يۈرىكىمنىڭ نېمىشقا شۇنداق ئۈن – تىنسىز سولغۇن بولۇپ قالغانلىقىنى ئېيتىپ بېرەلەيمەن .

ئۇ ئۆزى تەلەپ قىلمىغان ، ئۆزىمۇ بىلمىگەن ، ئەستىمۇ ساقلاپ قالالمىغان ئاددىي بىر ھاجەت ئۈچۈن شۇنداق بولۇپ قالغان.

38

رەپىقەم ، سەن ئۆي ئىشلىرى بىلەن ھەپىلەشكەن چاغلىرىڭدا ، پۇت-قوللىرىڭ ، خۇددى سايىدىكى ئېقىن سۇلار ناخشا ئېيتىپ ئۇششاق تاشلار ئارىسىدىن ئېقىپ ئۆتكىنىدەك ، ناخشا ئېيتىپ تۇرىدۇ .
39

قۇياش كۈنپېتىش تەرەپتىكى دېڭىز بېتىدىن توغرىسىغا ئۆتكەندە ، شەرققە قاراپ ، ئۆزىنىڭ ئەڭ ئاخىرقى ھۆرمىتىنى بىلدۈرىدۇ .

40

ئۆزۈڭنىڭ ئىشتىھاسى بولمىسا ، تامىقىڭنى ئەيىبلەپ يۈرمىگىن .

تاگور نەسىرلىرى (قۇشلار) دىن پارچىلار(3)