قىزلىق پەزىلىتى قىزلار ۋۇجۇدى
قىزلىق پەزىلىتى قىزلار ۋۇجۇدى
بىزدە " ئەخلاقلىق قىز چېچەككە ئوخشايدۇ ، ئەخلاقسىز قىز پېتەككە" دېگەن سۆز بار.
دېمەك: قىزلار ئۆزىدە ياخشى ئەخلاق دىيانەت ۋە قىزلىق پەزىلىتىنى يېتىلدۈرگەندىلا،ئاندىن باشقىلارنىڭ ئىززەت - ھۆرمىتىگە سازاۋەر بولۇپ قەدىرلەشكە ئېرىشەلەيدۇ،ۋە كىشى قەلبىنى مەھلىيا قىلالايدىغان گۈزەل - چېچەككە ئايلىنىپ،كىشىلىك دۇنياسىغا خۇش - پۇراق چاچالايدۇ.قىزلار ئەزەلدىن - ئەخلاقنى جېنىدىنمۇ ئەزىز كۆرۈپ كەلگەن،چۈنكى قىز دېمەك مىللەتنىڭ كەلگۈسى ئانىسى دېمەك: قىز - ئاياللارنىڭ ئەخلاقىي - پەزىلىتى،كىشىلىك ساپاسىنىڭ قانداق بولۇشى مىللەتنىڭ كەلگۈسى ساپاسىنى بەلگىلەيدىغان مۇھىم ئامىلدۇر.مۇشۇنداق ئۇلۇغۋار شەرەپلىك ۋەزىپىنى ئۆز ئۈستىگە ئالغۇچى قىزلار ئۆزىدە قانداق ئەخلاق قاراش ۋە قىزلىق پەزىلىتىنى يېتىلدۈرۈش كېرەك.
مېنىڭچە ھازىرقى زامان قىزلىرى تۆۋەندىكىدەك قىزلىق پەزىلەتلىرىنى ساقلاش كېرەك. 1. گەپ - سۆزدە ھايالىق بولۇش. قىزلار مەيلى ئائىلىسىدىكلەر ۋە ساۋاقداشىلىرى ۋە ياكى جەمئىيەتتىكى تۈرلۈك ئىجتىمائىي مۇناسىۋەتلەردە بولسۇن ،گەپ - سۆزدە سىلىق - سىپايە ئۇرۇنلۇق سۆزلىشى لازىم.بۇ قىزلار ئۈچۈن بىر خىل پەزىلەت بولۇپلا قالماستىن ،بەلكى بىر خىل ئىقتىدار ھېسابلىنىدۇ.بۇ ئىقتىدارنىڭ قىزلارنىڭ كەلگۈسى ئائىلە تۇرمۇشى ۋە پەرزەنتىلىرىنى تەربىيىلەشتە مۇھىم رولى بار. 2. يۈرۈش - تۇرۇش ۋە ھەرىكەت - قىلىشتا ھايالىق بولۇش .قىزلارنىڭ يۈرۈش - تۇرۇشى ۋە ھەرىكەتلىرى ھايالىق بولغاندىلا ،سېھرىي - كۈچكە ۋە جەلىپكارلىققا ئىگە بولىدۇ.بۇ جەلىپكارلىق قىزلىق نازاكتىنى جۇلالاندۇرۇپ ،قىزلارنىڭ ئۆزىگە خاس قىياپەت، ئالاھىدىلىكلىرىنى شەكىللەندۇرىدۇ.قىزلارنىڭ يۈرۈش - تۇرۇشى ۋە ھەربىر ئىش - ھەركىتىدىن شۇ قىزنىڭ ئەخلاق پەزىلىتىنى كۆرۋېلىشقا بولىدۇ.شۇڭا، قىزلار بۇ نوقتىغا ئالاھىدە كۆڭۈل بۆلۇشى، يۈرۈش - تۇرۇشتا دىققەت قىلىپ سىلىق ۋە يارشىملىق قىلىقلىرى ئارقىلىق باشقىلارغا ياخشى تەسىر بېرەلەيدىغان بولۇشى لازىم. 3. كېيىنىش جەھەتتە ھايالىق بولۇش. ئادەتتە قىز - ئاياللار ئۆزىگە خاس كىيىم - كېچىكى ئارقىلىق تاشقى كۆرۈنۈش جەھەتلەردە ئەرلەردىن پەرقلىنىپ تۇردۇ.شۇنىڭدەك ئۆزىگە خاس كىيىم - كېچىكى ئارقىلىق ھەر قايسى مىللەتلەر بىر - بىرىدىن پەرقلىنىپ تۇرىدۇ.دېمەك ، بۇ مەنىدىن ئېيتقاندا كىيىم - كېچەك بىرىنچىدىن ،قىز - ئوغۇلارنى بىر - بىرىدىن پەرقلەندۈرىدىغان : ئىككىنچىدىن ، مىللەتلەرنى بىر - بىرىدىن پەرقلەندۈرىدىغان مۇھىم تاشقى ئامىل.قىزلارنىڭ كىيىم - كېچەك ئارقىلىق گەۋدىلەنگەن تاشقى كۆرۈنىشى باشقىلارنىڭ شۇ قىزغا بولغان بىرىنچى باھاسىغا سەۋەپچى بولىدۇ.شۇڭا، قىزلار كىيىم - كېچەك جەھەتتىن ھايالىق بولۇشى ،كىيىنىشى ئوغۇللاردىن پەرقلىق بولۇشى،مىللي كىيىنىش - ئەخلاقىغا ھۆرمەت قىلىشى لازىم.مېھىر - مۇھەببەتلىك بولسا ئائىلسىدە ئىللىقلىق بولىدۇ، قىزلار بىلىملىك، ئىقتىدارلىق بولۇشى كېرەك،چۈنكى بۈگۈنكى دەۋىر قىز - ئاياللاردىن بىلىم ئىگىللەپ جەمئىيەتتە ئۆزىنىڭ بىر كىشىلىك ئورنىنى تىكلەپ ،جەمئىيەت ئۈچۈن تۆھپە قوشۇشنى ،ئۆز پەرزەنتلىرىنى تەربىيىلەشتە بىر قەدەر چوڭقۇر نەزىرىيىۋى بىلىم ۋە ئەمەلىي ئىقتىدارغا ئىگە بولۇشنى تەلەپ قىلىدۇ. شۇڭا ، قىزلار ئۆزىنىڭ ئالتۇندەك ياشلىق باھارىنى قەدىرلەپ بىلىم ۋە ئىقتىدار ئىگەللىشى لازىم.
مەنبە : شىنجاڭ گېزىتى |