| توغراق |
2014-07-02 18:29 |
توغراق:بىر قىزغا(7)
بىر قىزغا(7)
ئابدۇۋەلى تۇردى
چىرايلىق كۆزۈڭدىن تامچىدى شەبنەم،
يۈرەككە شۇ دەقىق سانجىلدى پىچاق.
كائىنات زۇلمەتتە قالدى قۇياشسىز،
ھەسرەتلەر ئېچىشتى ماڭا كەڭ قۇچاق.
سۈكۈتتە ئۇھ تارتتى زېمىن يىغاڭدىن،
دەريالار مۇڭ باستى سالماستىن شاۋقۇن،
قۇشلارنىڭ ناۋاسى ياڭرىماس ھەتتا،
بولۇشقان ھەممىسى سۈكۈتكە تۇتقۇن.
يىغلىۋال يىغلىغۇڭ كەلسە قاتتىق بىر،
ھەسرەتلەر ئىچىڭگە قالمىسۇن ئورناپ.
ساغلاملىق يار بولسۇن، ئۇنتۇما ساڭا-
موھتاج بىز، تەشنا بىز، ھەممىمىز شۇتاپ.
(ئاپتۇر: ئونسۇ ناھىيە 3-ئوتتۇرا مەكتەپتە) |
|