| ablatmuhamma |
2014-07-02 13:59 |
رامزىنىم
رامزىنىم
مىڭ تەششەككۈر قەدىمىڭگە ئالەمچە قىممەت رامزىنىم ،
نۇرچېچىپ مىسلى ھاياتقا دىللاردا ھۆرمەت رامزىنىم .
چىن ھۆكمىدە بەلگىلەنگەن سۈرئەتتە سائەت رامزىنىم ،
زىل ئېتىقاد چاڭقاقتىكى تۇيغۇغا زىننەت رامزىنىم ،
قىممىتى گۈزەل ئەخلاق مۆھمىنگە قامەت رامزىنىم.
يېيىلغاندا دەستۇرخېنى بار بەرىكەت ئىپتارىدا ،
يادلىنار ئايەت ھەدىس ھەر بىر كىشى تىل تارىدا ،
شاخلىنار چىن مۇھەببەت بولغاچ تەببەسسۇم مول كانىدا ،
پەرلىنەر باي -باياشاد بۇلبۇل ناۋا خەندانىدا ،
ئېپ كېلەركۈندۈز -كېچە ھەر كىمگە ئامەت رامزىنىم.
چۈشكىنى ئېنىق زىمىنغا ئەھلى ئىسلام پەرىزى ،
تولغىمىسۇن چوڭ -كىچىك باش ئادا قىلىنسۇن قەرىزى ،
ۋاقتىدا بولغاي ئادا بامدات پېشىن ۋە ئەسىرى ،
قالمىسۇن شامنى ئوقوپ خۇپتەن نامازنىڭ كەسىرى ،
يولىدا بولسۇن ئادا ھەققە ئىبادەت رامزىنىم .
چەكلىنىپ يىيىش -ئىچىش سىنالدى ئادەم تاقىتى ،
بى ئىمانلار چىدىماستىن سۈكۈت شېشىنى چاقتى ،
غەپلەتتە ھايات بىمەھەل ئەجەل ئىشىكنى قاقتى ،
كىم بىلەرغېرىچ-غۇلاچ قالدى ئۆمۈرنىڭ ۋاقتى ،
مۇستەھكەم بولغاي ئىمانىم تاڭلا قىيامەت رامزىنىم.
ھۆسنىدە ئايلار خىجىل رامىزان ئېيى تەنناز كېلەر ،
ئىخلاسى كۆنگەن ئىبادەت ئۇيقىسى يوق يۈرەك كۆيەر ،
ھەق ئادابولغاچ ۋەزىپە ئاي كۈلەر، قۇياش كۈلەر ،
ھەق ئىگىسى مۆھمىنىنى بۇ ئايدا بەك قىزغىن سۆيەر ،
تەنلىرىم بولغاي تەسسەددۇق ساڭا ساداقەت رامزىنىم .
شەيتىنى ئىنسان دىگەننىڭ سالىدۇ ۋەسۋەسىگە ،
بۇزدۇرۇپ تۇتقان نىيەتنى قالدۇرۇپ يا ئەتىگە ،
چىڭ تۇرايلى ئېتىقادتتا ئالدانماي سەپسەتىگە ،
كۆنمىگەي ئاپئاق كۆڭۈل ئازغۇن خىيالنىڭ شەرتىگە ،
بىر ئۆمۈر ھايات يولۇمدا تۇرغاي پاراسەت رامزىنىم .
تەڭ تىلەيلى ئەلگە بەخت كۆتىرىپ قول -قول دۇئا ،
بىر نيەتلەر بولغاچ ئېنىق رىزقىنى بەرسۇن خۇدا ،
پاكلىنىپ تۇرسۇن بەدەنلەر يۇيۇلسۇن ھەر خىل گۇناھ ،
ئەل بېغى ئىشقى ئۈچۈن چېچەكلىگەن بۇ جان پىدا ،
دوقمۇشى بولسۇن ئاۋات، كۈلسۇن جامائەت رامزىنىم .
چۆمكىسۇن ئۆيلەر ئاۋات قۇرئانى كەرىم نۇرىغا ،
ياغسۇن بەرىكەت ھەر دۇئادا پېقىر مىسكىنلەر قولىغا،
تىڭىرقاپ يۈرگەن ئادەملەر كىرسۇن ئېتىقاد قوينىغا ،
ھەق ياشايلى تىزغاچ كېسەك ئىسلامىيەتنىڭ ھولىغا ،
سەن ئۈچۈن ئىزدەپ ساۋاب ئالدىم تاھارەت رامزىنىم .
مىڭ ھەدىس زەم زەم مىسالى سۇغىرار چاڭقاقىنى ،
بىر قۇدرەت ھېكمىتىدە ئايلاندۇرار تۇرمۇش چاقىنى ،
قالمىغىن پەيات چېكىپ كۆرگەندە ئەجەل پالتىنى ،
ئويلىسۇن ھەر بىر كۆڭۈل ئۇ ئالەمنى -باقىينى ،
ھەر ناماز تەۋبە قىلىپ تاپتىم قانائەت رامزىنىم .
كۈن ساناپ تۇتساق ئەمەل بولماس كۆڭۈلگە تارچىلىق ،
روھلىرىمىزتاپسا قانائەت چانمايدۇ ماددىي ئازچىلىق ،
شۆھرىتى كىبىر تەمەننا ماس كەلمەيدۇ بىزگە ھالچىلىق ،
ئىككى ئالەم ئىزدىنەيلى ئاللاھ رىزاسى ياخشىلىق ،
سۇ بولۇپ كەتسۇن ۋۇجۇت ئاڭلاپ قىرائەت رامزىنىم .
ئاپتۇرى : ئابلەت مۇھەممەت باغۋەن
|
|
