查看完整版本: [-- ئوقۇتقۇچىللىرىمغا چاقچاق!! --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> ئوقۇتقۇچىللىرىمغا چاقچاق!! [打印本页] 登录 -> 注册 -> 回复主题 -> 发表主题

ئەنگەر 2014-07-02 13:24

ئوقۇتقۇچىللىرىمغا چاقچاق!!

مۇقەددىمە

بىلىمەن چارچىدى بارچە ئۇستازلار،
«ئاساسەن » دەستىدىن ئاقاردى چاچلار.
شۇ سەۋەپ تەۋرەتتىم ئۇشبۇ قەلەمنى،
سوۋغىتىم بوپ قالسۇن مۇشۇ چاقچاقلار.

چاقچاق قىپ ئۇستازنى كۈلدۇرەي دىدىم،؛
شۇ بېسىم غەملەرنى ئۆلتۇرەي دىدىم.
گەر كەتسە چاقچىقىم بىراۋغا ئېغىر،
مۇش ئاتسا «تۇمشاق»نى تۇتپىرەي دىدىم.


مەكتەپ مۇدىرلىرىغا:


قورقمايسىز مېنىڭدىن ،ياكى ئۇنىڭدىن،
چۇنكى سىز مەكتەپنىڭ خاقانى تەختى.
شۇ تەخت پەيزىنى سۇرۇڭ سىز لېكىن،
ئەستىنمۇ چىقمىسۇن ئەۋلادنىڭ بەختى.

سىز خاقان بىز چاكار بۇنىسى ئېنىق،
سۇ بولسا ياشايدۇ ، ئېنىققۇ بېلىق.
سۇ كىمۇ،  بېلىق كىم ؟ئۇيلاپ باقاسىز ،
توغرىمۇ بىزلەرگە چۈشسە كۆپ سېلىق.



ئەخلاق تەربىيە مۇدىرلىرىغا:

ئېتىڭىز بەك ئۇلۇغ .سۇپرىڭىز قۇرۇق،
داۋاندىن ئاشالماس ئېتىڭىز ئورۇق.
شۇڭلاشقا ئىشلارنىڭ چىقماس ئاخىرى،
بۇنىڭغا جاۋاپكار بىلىڭ سىز تۇلۇق.

توھپە ۋە شەرەپتە يوقتۇر نامىڭىز،
مەكتەپ دەپ كۆيىدۇ ھايات شامىڭىز.
تەكشۇرۇش ئوبىكتى دىسەك دىمىسەك،
چاتاققا بەك يېقىن شۇڭا ئۆزىڭىز.



ئىلمىي مۇدىرلارغا:

بىلىمىز مەكتەپتە ئوقۇتۇش ئاساس،
سىز رولچى بىزدەكلەر ئاڭا ماڭغۇچى.
-ئىسلاھات تەلىۋى ،دەيسىز دائىما،
ئۆزىڭىز ئېنىققۇ زورلاپ تاڭغۇچى.

-كىچىكىپ كىرمەيسەن دەرسخانىغا،
-چىقىشقا رۇخسەت يوق ھاجەتخانىغا،
تىزىملاپ يۆتەلگەن كىكىرگەننىمۇ،
يەتمەيسىز پەقەتلا ئۆزگە ھالىغا.

شۇ سەۋەپ ئۆچ سىزگە مەندىن باشقىلا،
تاپقاچسىز ئۇلاردىن كۆپلەپ كاشىلا.
كاشىلا  تۈزۈتىش ئۇياقتا تۇرسۇن،
ھەيرانمەن كەينىدىن غەيۋەتلەر تولا.




ئەدەبىيات ئوقۇتقۇچىلىرىغا:

نەزىريەگە پىشىق سىز لىكىن ،
ئەمىلىيەتكە ھېچبىر ئىمكان يوق.
يازاي دەيسىز ئۇلۇغ بىر داستان،
قەلەم باردۇر ھېچبىر ئىلھام يوق.



ماتىماتىكا ئوقۇتقۇچىلىرىغا:

بىلدۇرەلمەي پىلوس مىنوسنى،
بۇياپ چىقىپ پۈتۈن دوسكىنى.
ئاچچىق بىلەن تاشلاپ دۇپپىنى،
نەچچىسىنىڭ تۇرتۇپ بېششىنى ،
ئاققۇزدىڭىز ھەتتا يېشىنى.



خەنزۇ تىلى ئوقۇتقۇچىلىرىغا:

تىل ئۆگىتىش ئەسلا ياخشى ئىش،
چىقمايدىغۇ قېلىپسىز بىر خىش.
قوش تىللىق دەپ يۈزىڭىز چوڭدۇر،
قىلىپ قويۇڭ باللارنى پەرۋىش.




تەنتەربىيە ئوقۇتقۇچىلىرىغا:

بىلىمىز مەيداننىڭ شاھى -سۇلتانى،
چېلىشتا ،بەيگىدە يېڭىپ چىققىنى.
شۇ پالۋان ،ئوغلانلار چىقار سىز بىلەن،
شۇڭا سىز باتۇرنىڭ چالغان ئاھاڭى.



مۇزىكا ئوقۇتقۇچىلىرىغا:
سىز شاتلىق ئەلچىسى ئاڭا مەن گۇۋاھ،
مۇقامسىز ئۆتمىدى ئۇيغۇرۇم توۋۋاھ.
ھەقىقەت مۇشۇنداق ، كۆرگۈنۈم ئەكسى،
ئاڭلانماس سىنىپتىن ، پەقەت چارىگاھ.





گۈزەل-سەنئەت ئوقۇتقۇچىلىرىغا:

سىز ئەزەلدىن ئۇستا رەسسام بىلىمىز،
قەلبىڭىزگە پۈككەن ئوتلۇق تىلەكلەر.
قەدرىڭىزگە يېتەلمىدۇق كەچۈرۈڭ،
تارتىلغاچقا ئاپاراتتا سۆرەتلەر.




جۇغراپىيە ئوقۇتقۇچىلىرىغا:

سەيلە قىلىپ خۇاڭخې-چاڭجاڭنى،
سىز يۈرۈيسىز شەمۇ-شە ئويناپ.
«سىياسەت»كە ئۇيغۇنمۇ بۇ ئىش،
سۇڭخۇجاڭدا قالسىڭىز ئۇخلاپ.

ياۋرۇپادا قىلىپ ناشتىلىق،
ئامېركىدا يەيسىز چۈشلىكنى.
ياتاق ئېچىپ ئافرىقىدىن ھەم،
ئۆيىڭىزدە يەيسىز كەچلىكنى.




مەكتەپ كاسسىرلىرىغا:

بولسىڭىزمۇ گەرچە شۇنداق بىلىملىك،
سېلىۋەرمەڭ بىزگە كۆپلەپ باج-سېلىق.
خاپا بولۇپ يۇرمەيمىزغۇ بۇنىڭدىن ،
ئاي ئاخىرى كۆرىنىسىز بەك ئىللىق.


(ئەنگەر)

تۆتتاش 2014-07-03 01:21
بۇ چاقچاقنى مەن بۇرۇن باشقا بىر مۇنبەردە  كۆرگەن ئىدىم.  

ياخشى يىزىلىپتۇ.

توغراق 2014-07-03 07:53
ياخشى يېزىلىپتۇ!

ئارزۇيۇم 2014-07-04 14:46
بۇ چاخچاق تازا جايىدا بوپتۇ.

ئارزۇيۇم 2014-07-04 14:47
خمىىيە ئوقۇتقۇچىسى بىلەن فىزىكا ئوقۇتقۇچىسى قەپقاپتۇمۇ نىمە؟

ئارزۇيۇم 2014-07-04 14:50

خىمىيە ئوقۇتقۇچىسىغا

خىمىيەدۇر كەسپىڭىز،
سۇنى تەتقىق قىلىسىز.
ئېلىمىنتنى كۆپ سۆزلەپ،
ماغدۇرىڭىزدىن كەتتىڭىز.

ئارزۇيۇم 2014-07-04 15:01
فىزىكا ئوقۇتقۇچىسىغا

ۋاقىت بىلەن بەسلىشىپ،
تىزلىككە نەزەر سالدىڭز.
ھاياتىم بەك تاتلىق دەپ،
توكتىن نېرى قاچتىڭىز.

nadiraay 2014-07-05 23:42
تەنتەربىيە ئوقۇتقۇچىلىرىغا:


پۈتتۈردىڭىز مەكتەپنى،
سەكرەپ، تاقلاپ، يۈگۈرۈپ.
سانىيالمايسز ھەتتاكى،
سەككىزدىنمۇ ئۆتكۈزۈپ.

nadiraay 2014-07-05 23:44
چاقچاقلىرىڭىز  ياخشى  يېزىلىپتۇ.
ھەممىنى  چۆكۈرۈپ، تەنتەربىيەچىنى  ماختاپسىز، ئۇلارنى  ئېشىۋالمىسۇن  دەپ  مەنمۇ  قاملاشمىسىمۇ چاقچاق  قىلىپ قويدۇم.

ئارزۇيۇم 2014-07-06 11:13
يوپۇرماقتىن سۆز ئېچىپ،
يىلتىزغا سۇ ئاچتىڭىز.
ئادەم تېنى مۇرەككەپ،
ئۆتۈشكە سەل قارىدىڭىز.

ئەكبەرنىياز 2014-07-06 23:02
ئېسىل چاخچاقلار ئىكەن ، كۆپ رەھمەت !!!

ئەنگەر 2014-07-07 13:54
ئەكبەرنىياز:ئېسىل چاخچاقلار ئىكەن ، كۆپ رەھمەت !!! (2014-07-06 23:02) 

ئەرزىمەيدۇ

مىېھرىما 2014-07-10 10:07
nadiraay:تەنتەربىيە ئوقۇتقۇچىلىرىغا:پۈتتۈردىڭىز مەكتەپنى،سەكرەپ، تاقلاپ، يۈگۈرۈپ........ (2014-07-05 23:42) 

ماۋۇ يازمىڭىزدىن تەنتەربىيەچىلەرنى ئۇخلىماي تاڭ ئاتقۇزسۇن دەپسىزدە! ئۇلارنىڭ ئاچچىقىنى تازاكەلتۈرۈپ.

مىېھرىما 2014-07-10 10:09
چاقچقلار ئېسىل بوپتۇ. مەنمۇ ياندىشىپ قويايمۇ دېگەن . بىراق يەنلا بولدى قىلاي.

گۈلنىھال 2014-07-10 10:53
ئىجادىيىتىڭىزگە بەرىكەت تىلەيمەن ، شۇنچە كېچىكىپ كۆرۈپتىمەن ، ياخشى يېزىپسىز .

ئەنگەر 2014-07-10 12:13
گۈلنىھال:ئىجادىيىتىڭىزگە بەرىكەت تىلەيمەن ، شۇنچە كېچىكىپ كۆرۈپتىمەن ، ياخشى يېزىپسىز . (2014-07-10 10:53) 

رەھمەت

tawpek 2014-07-10 20:25
مۇشۇ يۇسۇندا مۇنبەردىمۇ بىر شىئىرى چاخچاق بولىدىغان.  لىكىن ئەمەلىيەتكە تىخىمۇ يىقىن چىقىپتۇ.

ھەممە يەردە قازاننىڭ قوڭى قارىمۇ نىمە؟

ئەنگەر 2014-07-10 23:35
tawpek:مۇشۇ يۇسۇندا مۇنبەردىمۇ بىر شىئىرى چاخچاق بولىدىغان.  لىكىن ئەمەلىيەتكە تىخىمۇ يىقىن چىقىپتۇ.ھەممە يەردە قازاننىڭ قوڭى قارىمۇ نىمە؟ (2014-07-10 20:25) 

شۇندق  بولىدۇ  ئەلۋەتتە

kaqur 2014-07-16 12:42
http://www.blogbus.com/angar0995-logs/69460895.html


查看完整版本: [-- ئوقۇتقۇچىللىرىمغا چاقچاق!! --] [-- top --]


Powered by phpwind v8.7 Code ©2003-2011 phpwind
Gzip enabled