查看完整版本: [-- مانا بۇ -مۇئەللىم (نادىرەئاي) --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> مانا بۇ -مۇئەللىم (نادىرەئاي) [打印本页] 登录 -> 注册 -> 回复主题 -> 发表主题

nadiraay 2014-06-29 18:29

مانا بۇ -مۇئەللىم (نادىرەئاي)

مانا بۇ -مۇئەللىم

پېنسىيە ئۇقتۇرۇشى قولغا تەگكەندە ،
تەبرىكلەپ كۆپچىلىك مۇبارەك دېدى.
دەرۋازا  سىرتىغا باسقاندا قەدەم،
يۈرەكلەر سىقىلدى، كۆزلەر نەمدەلدى.
پۇتلىرى ماڭسىمۇ مەكتەپ سىرتىغا،
ئاھ، يۈرىكى مەكتەپتە  قالدى .
بىلىم تەشنالىقىدا زارىققان قەلىبلەردە،
كۆزلىرى ئۈمىد بىلەن تىكىلگەن سەبىيلەردە.
قەدەملىرى ئېغىر، چۈشكۈسى يوق مۇنبەردىن.
لېكىن ئامال يوق، سالامەتلىك يار بەرمەس ھەرگىز.
قايرىلىپ قارايدۇ كۆزىنى ئۈزمەي،
بور  تۇتۇپ سۆزلىگەن ئاشۇ مۇنبەرگە .
تالاي كېچىدىكى ئۇيقۇسىز تۇنلىرى ،
تارتقان جاپالىرى كەلمەس كۆز ئالدىغا.
چاچلىرى ئاپئاق بوردىن رەڭ ئالغان،
ھاياتى بور بىلەن يېزىلغان،
كۈلكىسى سەبىيلەر چېھرىدە پارلىغان.
مانا بۇ- مۇئەللىم،
بارلىقىنى بالىلارنىڭ بارلىقى ئۈچۈن بېغىشلىغان.

مەنبە: ئۆزۈم

توغراق 2014-06-29 22:58
چىن ھېسسىيات ئىپادىلەنگەن ئاجايىپ ئېسىل لىرىكا بوپتۇ، بارىكاللا!

nadiraay 2014-06-30 00:10
توغراق:چىن ھېسسىيات ئىپادىلەنگەن ئاجايىپ ئېسىل لىرىكا بوپتۇ، بارىكاللا! (2014-06-29 22:58) 

رەھمەت، دەسلەپ ۋەزىنلىك شېئىر قىلىپ  يازاي  دەپ  ئويلىغان ، ئەمما  ئاخىرى  يەنىلا بوغۇم، قاپىيەلەرنىڭ چەكلىمىسىگە ئۇچىرىسام، ئىپادىلىنىدىغان ھېسياتقا تەسىر  يەتكۈدەك  دەپ ئويلاپ قالدىم...

تۆتتاش 2014-06-30 02:07
مائارىپ سۈيەر جاپاكەش بىر ئوقۇتقۇچىنىڭ قەلب ئىزھارىنى ياخشى  ئىپادىلەپسىز.

داۋاملىق يىزىپ تۇرۇڭ.
ماڭا 1- كوبلىت بەكلا يارىدى.

پىكىر چېچىلىپ كەتمىسۇن.

تىلداش 2014-06-30 13:28
مېنىڭچە، يازغىنىڭىز نەزمىڭىزنىڭ مۇقەددىمىسىدەك قىلىدۇ. شۇڭا داۋامىغا ئىشلەپ باقسىڭىز بولغۇدەك. چۈنكى دەم ئېلىشقا سەپەر قىلغانلارنىڭ ئىچكى ھېسىياتىدا نۇرغۇنلىغان قيالماسلىقلار پەيدا بولىدۇ...
  ئەجرىڭىزگە كۆپ تەشەككۈر.

nadiraay 2014-06-30 13:59
تىلداش:مېنىڭچە، يازغىنىڭىز نەزمىڭىزنىڭ مۇقەددىمىسىدەك قىلىدۇ. شۇڭا داۋامىغا ئىشلەپ باقسىڭىز بولغۇدەك. چۈنكى دەم ئېلىشقا سەپەر قىلغانلارنىڭ ئىچكى  .. (2014-06-30 13:28) 

بولىدۇ، پىكىرىڭىز بويىچە  يەنە  ئىشلەپ  باقاي.

ئەكبەرنىياز 2014-07-06 09:11
ئاجايىپ ھىسسىياتلىق باشلىنىپتۇ ، مېنىڭچىمۇ يەنە داۋامى باردەك تۇيۇلدى !!!

tawpek 2014-07-10 14:11
بىزدە پىنسىيگە چىقىدىغانلار ئاخىرقى يىللىرىدا تاسلا قالىدۇ مەكتەپتىن قوغلانغىلى.

ياشانغانلار تەلەپچان كىلىدىكەن، ياش مۇدىرلار ماختاش مەدىھىيەدىن باشقىغا قۇلاق سالمايدىكەن.


查看完整版本: [-- مانا بۇ -مۇئەللىم (نادىرەئاي) --] [-- top --]


Powered by phpwind v8.7 Code ©2003-2011 phpwind
Gzip enabled