查看完整版本: [-- تۆتتاش: تاپالمىساڭ ئەمدى ھوشۇڭنى --]

تەۋپىق مۇنبىرى -> مۇنبىرىمىز ئەزالىرى ئىجادى شىئىرلىرى -> تۆتتاش: تاپالمىساڭ ئەمدى ھوشۇڭنى [打印本页] 登录 -> 注册 -> 回复主题 -> 发表主题

تۆتتاش 2014-06-27 16:19

تۆتتاش: تاپالمىساڭ ئەمدى ھوشۇڭنى


تاپالمىساڭ ئەمدى ھوشۇڭنى


تۆتتاش



تاپالمىساڭ ئەمدى ھوشۇڭنى،
تىرىك تۇرۇپ جىسمىڭمۇ ئۆلەر.
خەلقى-ئالەم ئالدىدا سېسىپ،
ئادىمىلىك نامىڭمۇ ئۆچەر.


تاپالمىساڭ ئەمدى ھوشۇڭنى،
زىمىن تىترەپ تۈكەر  يېشىنى.
سەجدە قىلغان ئىللىق بىر قۇياش،
نالە قىلىپ   ئىگەر  بېشىنى


تاپالمىساڭ ئەمدى ھوشۇڭنى،
ياقا يىرتىپ كۈلەر بۇ جاھان.
مال-بىساتىڭ يەتسىمۇ كۆككە،
ياتقان يىرىڭ مىتىرچە ھامان.




ئامەتلىرىڭ تۇرماس شامالدەك


كىبىرلىرىڭ  چىقسا  لىۋىڭگە،
سايەڭ بولۇر تەنھا  بىر ئۆمۈر.
تامچە بۇلۇپ قەلبىڭگە كۆز ياش،
ياغار مەڭگۈ ئەستىلىك مۆھۈر.

دۇنيا شۇنداق ئېيتىدۇ ناخشا،
كىم كەتمىگەن سەپەرگە بىر كۈن.
ئامەتلىرىڭ تۇرماس شامالدەك،
تەكەببۇردىن چىقارساڭ  تۈتۈن.

تۇزۇپ كىتەر چىكەلمەي ئىشىك،
ئەل قەلبىگە قونمىغان شامال.
چۆللۈكلەردىن ۋايسىغان دەريا،
دولقۇنىدىن تاپالماس كامال.

سۆيگەچ قىرغاق يالپۇز شىۋىرلاپ،
ئېتەكلەردە  تۇرار بوي سۇزۇپ.
ئاۋام ئۈچۈن كەتكەن ھاياتنىڭ،
كېمىللىرى كەتمەس بۇزۇلۇپ.


2014-يىل 27-ئىيۇن
توقسۇ

ئىشخانا

nadiraay 2014-06-27 17:49
بۇ شېئىرىڭىزنى  ئوقۇپ. كوزۇڭنى ئاچ، ھوشۇڭنى  تاپ  ئەركەكلەر  دېگەن ماۋزۇنى ئەسلەپ  قالدىم.

شېئىرىڭىز  ياخشى  چىقىپتۇ. قەلىمىڭىزگە يەنىمۇ  بەرىكەتلەر  تىلەيمەن.

گۈلنىھال 2014-06-27 19:31
تۆتتاش ئاكامغا ئامەتلەر يار بولسۇن !...

تىلداش 2014-06-27 19:54
سەجدە قىلغان ئىللىق بىر قۇياش،
نالە قىلىپ   ئىگەر  بېشىن
............
چۆللۈكلەردىن ۋايسىغان دەريا،
دولقۇنىدىن تاپالماس كامال

ئارزۇيۇم 2014-06-28 10:57
تەربىۋى ئەھمىيتى ناھايىتى چوڭقۇر بولغان شئىېر بوپتۇ.

ئارزۇيۇم 2014-06-28 10:58
سىزگە ئاپىرىن،تۆتتاش ئەپەندى.

پەرى 2014-06-28 18:19
ھەقىقەتەن ياخشى يېزىلىپتۇ ، رەھمەت سىزگە

گۈلچىمەن 2014-06-28 19:24
تاپالمىساڭ ئەمدى ھوشۇڭنى،
زىمىن تىترەپ تۈكەر  يېشىنى.
  ھۇشۇنى تاپالمىغانلارغا زىمىن  تۆكمەس يېشخنخ،
  ھوشۇن  تاپماي  يۈرگەنلەر ھامان   يەيدۇ بېشىنى.
   كەچۈرۈڭ ،پەقەت  ئۆزەمنىڭ پىكرىنى  تىزىپ  باقتىم،

توغراق 2014-07-02 18:48
قۇياش چىقار ھەركۈن شەرقتىن،
بۇ ھەممىگگە ئايان ھەقىقەت.
تاپالمىساڭ ئەمدى ھوشۇڭنى،
ئەلدىن يېتىم قالىسەن پەقەت.

ئەكبەرنىياز 2014-07-05 01:18
بەك ئېسىل چىقىپتۇ ، مۇبارەك بولسۇن !!!

tawpek 2014-07-09 22:02
ئاىىرقى شىئىرنى تولىمۇ ياقتۇردۇم، مەن مۇشۇنداق پەلسەپىۋىيلىكى كۈچلۈك شىئىرلارغا ئامراق


查看完整版本: [-- تۆتتاش: تاپالمىساڭ ئەمدى ھوشۇڭنى --] [-- top --]


Powered by phpwind v8.7 Code ©2003-2011 phpwind
Gzip enabled