تۆتتاش:  ئىشچان ھەرە

ئىشچان ھەرە

نازاكەت ئېلى

ھەرە ئويناپ يۈرۈپتۇ ،
گۈل بەرگىنىڭ ئۈستىدە .
ئىشلەپ كەتتى تىرىشىپ،
شىرنە يىغار قەستىدە.

قاراپ كەتتىم بىر ھازا،
يىغار كىمگە ھەسەلنى.
ھەيران بۇلۇپ سورىدىم،
ئىشچان كۆرۈپ ھەرىنى.

جاۋاپ بەردى ئۇ دەرھال:-
ھەسەل يىغىش ئادىتىم.
خەلقىم يىسە ياقتۇرۇپ،
شاتلىنىدۇ يۈرىكىم.

تىرىشىپ ئىشلەپ ھەر قاچان.
ئەلگە تۆھپە قوشىمەن،
چارچىماسمەن زادىلا،
ئەل ۋەتەن دەپ ئۈتۈمەن.

كۈلۈپ كىتىپ سورىدىم،
سەن نىمانچە دۆت ئاخماق.
باللىرىڭنى باقساڭچۇ،
كۈندە بىرىپ سۈت قايماق.

ھەسەل يىغساڭ ھەر كۈنى،
ساڭا نىمە پايدىسى،؟
ھەسىلىڭنى يەپ بوپلا،
مازاق قىلار  كۈلكىسى.

ئاچچىقلىدى  ھەرىچاق،  
ئۆزەڭنىلا ئويلامسەن؟
تۆھپە قوشساڭ خەلىققە،
كۆندە خۇشال بولمامسەن؟

ئۆزى ئۆچۈن ئىشلىگەن،
سايىسى يوق دەرەخنىڭ.
ئاۋام قۇچاق ئاچمايدۇ،
ھىسابى بار ھەر ئىشنىڭ.

تەسىرلىنىپ سۆزىدىن،
خىجىل بولدۇم ئۆزۈمدىن.
ئىبرەت ئېلىڭ دوستلىرىم،
قىلغان خاتا سۆزۈمدىن.

مەنمۇ ئەمدى ھەرىدەك،
خەلىق ئۈچۈن ئىشلەيمەن .
ھورۇن بولماي، ئاش ناننى
ئۆزەم تېپىپ  چىشلەيمەن.




توقسۇ ناھىيە پەيشەنبازار ئوتتۇرا مەكتەپ 7- يىللىق 3-سىنىپ ئوقۇغۇچىسى نازاكەت ئېلى

يىتەكچى ئوقۇتقۇچى:  تۆتتاش