| ablatmuhamma |
2014-06-21 01:15 |
قاينىدىم
قاينىدىم
تاڭ يېرىپ ئۇيقۇم ئارا تۇيغۇمدا چىم- چىم قاينىدىم ،
دىل خابان ئەركىم كېسەلكەن ھېجراندا سىم -سىم قاينىدىم .
<تارس> قىلىپ كەتكەچ رولىدىن ئارمان ئېتىمنىڭ چۇلۋۇرى ،
چىش يېرىپ توقسەن قۇرۇتلار يوتقاندا جىم -جىم قاينىدىم .
مەس ئىكەن دەريالىرىم قىرغاقلىرىمدا شەپە يوق ،
كالپۇگۇم ئۈزگەچكە جان تىلىمدا ئىم -ئىم قاينىدىم ،
بەتتام ئىكەن زەر قانلىرىم نەشتەرى خامۇش پاشىدا ،
تۆھمىتىم قىسمەت ياساپ زەرداپتا زەم -زەم قاينىدىم .
چاچتى زەھەر باغلىرىمغا قۇم ئالايدى بىئەقىل ،
كەتمىنىمگە دات ياماشقاچ رىزقىمدا كەم -كەم قاينىدىم .
تۆت پەسىلگە تېرە تاشلاپ رەڭ ئشىقىدا مۇڭلىنىپ ،
بەركىتى يوق خامىنىمدىن كەتكەچكە تەم -تەم قاينىدىم .
تۆھمىتى بولغاچ قەلەم ،قالغاچ شامالدا شەجەرەم ،
بىساۋاد ئەمگەچ سۈتۈمنى ئانامغا مەم -مەن قاينىدىم .
چاڭقاقى ئوت يات زۇۋاندا ئانا دىيەلمەي چىملىقىم ،
بىغەرەز ئۆسكەچ كۆچەت ئوغلۇمغا غەم -غەم قاينىدىم .
بىئەجەل كەتتى كاۋام پۇختا ئەمەسكەن ئارقا تام ،
قالمىغاچ مامۇق تۈكۈم توموزدا دىر- دىر قاينىدىم .
تەقدىرى ھەغداسىغا ئاجىز مىياڭلار سەت مۈشۈك ،
كىملىكىم بولغاچ خاتا چاشقانغا خىر- خىر قاينىدىم .
كۆزى قارغۇ گاچا ئامەت دوقمۇشىمغا دار ياسار ،
غولدۇرلىغاچ كىر قورسىقىم سۆھبەتتە ئەڭ -ئەڭ قاينىدىم .
ئاپتۇرى : ئابلەت مۇھەممەت باغۋەن |
|