| تىلداش |
2014-06-19 14:00 |
ئەجەل ئايرىدى
ئەجەل ئايرىدى
بۈۋىزۆھرە يارمۇھەممەد(ئوقۇغۇچى)
مېھرىبان ئاتامدىن ئەجەل ئايرىدى،
قان-ياشلار تولدىغۇ ئانام كۆزىگە.
قىسمىتى ئاچچىقكەن، ھىچ چارە يوقكەن،
ئاتامنى قايتۇرۇپ ئېلىپ كېلىشكە.
بىر قىران ئاتامدىن ئەجەل ئايرىدى،
بۇۋاممۇ، موماممۇ ئاھ ئۇردى بوزلاپ:
«ئۆلۈمنىڭ نۆۋىتى بىز ئىدۇق،بالام،
نەۋىرلەر بولمايتتى سەبى يىتىم»دەپ.
سۆيۈملۈك ئاتامدىن ئەجەل ئايرىدى،
ئۆكسۈشلەر نا ئۈمىد قالدى ھېق تۇتۇپ.
شۇ يىلى ئالتە ياش قەدىمىم تەنتەك،
تۆت ياشلىق سىڭلىممۇ قالدى ھاڭۋېقىپ.
تىۋىنغان ئاتامدىن ئەجەل ئايرىدى،
ئۈمىدىم تېنىدى سەبى دىلىمدا،
ئىزلىدىم ئىزىڭنى، ھىدلىرىڭنى ھەم،
قويغىنىڭ تۇتقىنىڭ قاپتۇ بۇلۇڭدا.
بېقىنغان ئاتامدىن ئەجەل ئايرىدى،
بۇ ھايات يولىدا تەمتىرەرمەنمۇ؟
بالىلىق ئەجرىدە ئۈمىدكە باقسام،
ئانامغا تەسەللىي ئېپ كېلەرمەنمۇ؟
خەيرىيەت، ئاتامدىن ئەجەل ئايرىدى،
پەرۋاسىز قىسمەتلەر قانات قايرىدى.
سەبرىلەر دەقىقلەپ باشىمنى سىلاپ،
ئانامنىڭ باغرىغا ئاستا... باشلىدى.
مەنبە: ھەۋەسكارلار خاتىرىسىدىن
|
|
