| تىلداش |
2014-06-19 12:28 |
ئاتامغا
ئاتامغا
دىلنۇر ئىبراھىم( ئوقۇغۇچى)
ئاچقىنىمدا كۆز يورۇق دۇنياغا،
بېشىڭ كۆككە يېتىپتۇ ئاتا.
‹‹ۋاي، بالام››دەپ سۆيۈپ_سۆيۈنۈپ،
مىھىر بىلەن كۈلۈپسەن ئاتا.
تەم-تەم بولۇپ ماڭغان چېغىمدا،
يېتىلەپسەن مۈدۈرمىسۇن دەپ.
مەدەت بېرىپ قەدەملىرىمگە،
ئاسىراپسەن سەن ھەردەم غېمىم يەپ.
سەن قەلبىمنىڭ تاجى_تەختىسەن،
سەن بېغىمنىڭ باغۋەنىدۇر ھەم.
بۇ جاھاندا قەددىڭ ھەيۋەتلىك،
سەن روھىمنىڭ تۈۋرۈكى ئاتا.
سەن بولغاچقا ئائىلىمىزدە،
بەخت قۇشىمۇ قەھ-قەھ سايرايدۇ.
سېنىڭ كۈلكەڭ ھايات كۈلكىسى،
سەن يىغلىساڭ ھايات يىغلايدۇ.
يۈرىكىمدىن كۈيلەيمەن ئاتا،
ۋۇجۇدۇمنىڭ گۈلخانى ئاتا.
سەن بولغاچقا گۈلخانمەن ئۆچمەس،
ھاياتىمنىڭ چوغلانى ئاتا.
مەنبە: ھەۋەسكارلار خاتىرىسى |
|