| شەبنەم |
2014-06-18 00:37 |
ئاخىرقى جاۋاپ
ئاخىرقى جاۋاپ
ئارزۇگۈل ھۈسەن خالەم
شەپىسىزلا ئۇزارتىپسەن قول ،
دىل تارىمنى چەكمەكچى بولۇپ .
ۋىسال كۈيى ياڭرىتىپ سەھەر ،
مەنزىللەرگە يەتمەكچى بولۇپ .
ئۈمىدلىنىپ يۈرمىگىن زىنھار ،
سۆيگۈ كۈيى ئاڭلاپ باھاردا .
ماڭا ئاتاپ گۈل ئۈزۈپ يۈرمە،
ھەر سەھەردە باغدىن ياناردا .
مېنى ئەسلەپ يۈرمىگىن زىنھار ،
سەيلىگاھىڭ بولغاندا بۇلاق .
ياپراق بولۇپ قەلب ئىزھارىڭ،
ئېقىپ كەتسۇن شۇقەدەر يىراق .
قاراپ قالما يولۇمغا زىنھار ،
ئېلىپ بارسا ھېدىمنى شامال .
رۇخسارىمنى سېغىنما مەڭگۈ ،
مەجنۇنتاللار كۆرسەتسە بىر ھال .
مەنبە --- ئۆز قەلەم
|
|