| tursun |
2014-06-17 15:46 |
تارىم -ئانا...!
تارىم ئانا...!
ئاپتورى:تۇرسۇن ھۈسەيىن بۇژغۇن
ئۆملۈك مارشى ياڭرايدۇ تىنماي،
تارىم ئانا سۆيگەن قىرغاقتىن.
بۇژغۇنلىرى ئوينايدۇ ئۇسۇل،
دولقۇنىنى سۆيۈپ-يىراقتىن...
جىسمى ئاتەش-تارىم ئانىنىڭ،
شىپاھ-كەۋسەر قۇملۇق-باغرىنىڭ.
مۇھەببەت ھەم مەردانىلىقمۇ،
تەئەللۇقاتى-يۈرەك پارىنىڭ.
يىگىرمە نەچچە ئىقىن ئۇيۇشۇپ،
سالام بەردى تارىم-ئانىغا....!
ئۆملۈك بىلەن بېقىپ دالىغا،
ئىناقلىقىنى-يېقىپ بالىغا...!
تارىم ئانا ئۇلۇغ،مۇقەددەس،
خەلقى ئىشچان، ئۇندا زەپەردەس.
بۇژغۇنلىرى چاچرار قىياققا،
كۆك مايسىلار زوقلىنار پەۋەس...!
2014-6-17
|
|
