| ھاتەھاتەم |
2014-06-16 17:21 |
ئاتا
ئاتا
ئالەم ماڭا قاراڭغۇ بولدى،
ئاتا سەندىن ئايرىلغان چاغدا.
يۈرەكلىرىم قان –ياش بولدى
تاۋۇتۇڭنى كۆتۈرگەن چاغدا.
ئاتا سېنى ئەسلىسەم دائىم،
كۆزلىرىمدىن ياشلار ئاقىدۇ.
سېغىنىشنىڭ ئوتلىرى دائىم
يۈرىكىمنى تىلغاپ قاچىدۇ.
كۆز يۇمدۇڭغۇ ئارمانلار بىلەن
ئۆمرۇڭ ئۆتتى، جاپالار بىلەن.
قوللىرىڭ دائىم قاداقلار بىلەن
ئۆتتى كۈنىڭ ئەمگەكلەر بىلەن.
سېنىڭ گۈزەل باغلىرىڭ قالدى،
ھالال تەرىڭ قىممىتىڭ قالدى.
پەرزەنت ئۈچۈن كۆيگەن يۈرىكىڭ،
باغاشلىغان زېمىنىڭ قالدى.
مەنبە: ئىجاديىتىم
|
|
