查看完整版本: [-- تەۋپىق روھى قورۇنمىسۇن --]

تەۋپىق مۇنبىرى -> مەكتەپ گىزىتى دىن ئۈنچى لەر -> تەۋپىق روھى قورۇنمىسۇن [打印本页] 登录 -> 注册 -> 回复主题 -> 发表主题

قاراخان 2014-06-16 01:55

تەۋپىق روھى قورۇنمىسۇن

بۇ بىر ئوقۇغۇچۇمنىڭ بايراق ئاستىدىكى نۇتۇقنىڭ تېكىستى ئىكەن، ئۇنى ئىلھاملاندۇرۇش مەقسىتىدە يوللاپ قويدۇم، ئۇنىڭغا يول كۆرسەتكەيسىلەر.

ھۆرمەتلىك ئوقۇتقۇچىلار، سۆيۈملۈك ساۋاقداشلار، ياخشىمۇسىلەر، مېنىڭ سىلەرگە سۆزلەپ بەرمەكچى بولغان نۇتقۇمنىڭ تېمىسى «تەۋپىق روھى قورۇنمىسۇن»
   يېقىندىن بۇيان ئەتراپىمدىكى بىر قىسىم ساۋاقداشلارنىڭ ۋاقىتنى بىكار ئۆتكۈزۈپ ئويناپ يۈرگەنلىكىنى، مەكتەپكە كېلىپ كېتىشنى ۋەزىپە ئورنىدا كۆرۈپ، دىپلوم ئۈچۈنلا ئوقۇۋاتقانلىقىنى، تېخى ھازىرقىدەك ياخشى ئوقۇش شارائىتىنىڭ قەدرىگە يەتمەي،  ھېچ ئىشتىن ھېچ ئىش يوق ئۆزئارا ئىتتىپاقلىققا تەسىر يەتكۈزۈپ، توپلىشىپ جېدەللىشىۋاتقانلىقىنى كۆرۈپ، بىزنىڭ ئوت يۈرەك ئۇستازىمىز، مىللىتىمىزنى نادانلىق، خوراپاتلىقتىن قۇتۇلدۇرۇش ئۈچۈن 36 ياشلىق ھاياتىنى قۇربان قىلغان مەمتىلى ئەپەندى كۆز ئالدىمغا كېلىۋالىدۇ، ئۇ دائىم قەلىپ ئىكرانىمدا پەيدا بولىدۇ، ئەنە، ئۇ مىللىتىمىزنى تەرەققىي قىلدۇرىمەن، نادانلىق، خوراپاتلىقتىن قۇتۇلدۇرىمەن دەپ، مەكتەپ ئېچىش ئىشلىرىغا قەدەم قويماقتا، ئەنە، ئۇ بولدا بىر قىسىم نادان، جاھىل كۈچلەرنىڭ ئوچۇق-ئاشكارا تىل-ئاھانىتىگە ۋە توسقۇنلىقىغا ئۇچرىماقتا، ئەنە، ئۇ مىللىتىمىزنى ئوغاتماقچى بولغانلىقى ئۈچۈن جاللات شىڭ شىسەي تەرىپىدىن تۈرمىگە تاشلىنىپ، قاتتىق قىيىن قىستاققا ئېلىنماقتا، تىرناقلىرى يۇلۇنماقتا، مىخلىق ئورۇندۇققا ئولتۇرغۇزۇلماقتا، قىزىتىلغان تۆمۈرلەر بەدىنىگە يېقىلماقتا، ئەنە، ئۇ تۈرمىدىكى سەبداشلىرى بىلەن چاراسلاپ كۆيمەكتە، ئەمما ئۇ دادىللىق بىلەن:« جاللات شىڭ شىسەي! مەن ساڭا باش ئەگمەيمەن، مەن ئۆلسەم مېنىڭ كىيىنكى ئەۋلادلىرىم چوقۇم تىرىشىپ ئوقۇپ، سېنىڭ ئەپتى-بەشىرەڭنى ئېچىپ تاشلايدۇ، مىللىتىمىزنى روناق تاپتۇرىدۇ» دەپ خىتاپ قىلماقتا!
  ئاھ، ئاخىرىنى ئويلاشقا ئامالسىز قالدىم، قاتتىق ئازاپلاندىم، تەۋپىق ئەپەندىنىڭ كىيىنكى ئەۋلادلىرى بولغان بىز ياش-ئۆسمۈرلەر نېمە ئىشلارنى قىلىۋاتىمىز؟ تىرىشىپ ئۆگىنەلىدۇقمۇ؟ ئۇنىڭ ئۈمىدىنى ئاقلىيالىدۇقمۇ؟ ياق، پۇرسەت بولسا ئوينىدۇق، مەكتەپتىن قاچتۇق، 100يىل ئىلگىرىكى شۇ نادانلىقتىن تېخى قۇتۇلالمىدۇق، بىر بىرىمىز بىلەن ئىتتتىپاقلىشىشنىڭ ئورنىغا ئۇرۇشتۇق، يېقىندا مەكتىپىمىزدىكى 8-يىللىق 1-سىنىپ، 8-يىللىق 3-سىنىپ، 8-يىللىق -سىنىپ، 8-يىللىق-سىنىپ،قاتارلىق سىنىپتىكى بىر قىسىم ئوقۇغۇچىلارنىڭ ئۆز-ئارا جېدەك-ماجرا قىلغىنىنى ئاڭلاپ كۆڭلۈم تولىمۇ يېرىم بولدى، گەرچە بۇنىڭلىق بىلەن ئاشۇ سىنىپتىكى ئوقۇغۇچىلارنى نادان، قاراقورساق دېگىلى بولمىسىمۇ، ئەمما ئۇلار مۇئەييەن نىسبەتتە، سىنىپنىڭ ۋە مەكتەپنىڭ ساشن-شۆھرىتىگە تەسىر يەتكۈزدى.
    ساۋاقداشلار، بۇنڭدىن كىيىن بىز تىرىشىپ ئوقۇيلى، ئۇرۇشمايلى، ئىتتىپاقلىشىپ ئالغا ئىلگىرىلەيلى! شۇ ئارقىلىق مەرىپەت بېغى بولمىش ئانا مەكتىپىمىزنى تېخىمۇ گۈللەندۈرۈپ، مىللىتىمىزنى روناپ تاپقۇزايلى، «تەۋپىق ئەپەندى، بىز سىزگە يۈز كېلەلىگىدەك ئوقۇيالىدۇق» دېيەلەيدىغان بولايلى!

مەنبە: ئوقۇغۇچۇم

ئايبەرگى 2014-06-16 07:38
تېما ياخشى تاللىنىپتۇ.ئەگەر ھەربىر ئوقۇغۇچىلىرىمىز مۇشۇنداق دىيەلىگەن بولسا............

ozqan 2014-06-16 09:54
ئىچى كۈچلۈك ، جۈرئەتلىك  ، مەسئۇلىيەتچان ئوقۇغۇچىكەن ...
يازمىسى شۇنداق تەسىرلىك چىقىپتۇ ، بۇ بايراق ئاسىتدىكى سۆزنى بالىلار چوقۇم بەك كۆڭۈل قويۇپ ئاڭلىدى ...

ئارزۇيۇم 2014-06-16 11:31
ھەر بىر ئوقۇغۇچىدا تەۋپىق روھى ئۇرغۇپ تۇرغان بولسا نىمە دېگەن ياخشى بولاتتى-خە!

پاراسەت2 2014-06-16 13:45
ئايبەرگى:تېما ياخشى تاللىنىپتۇ.ئەگەر ھەربىر ئوقۇغۇچىلىرىمىز مۇشۇنداق دىيەلىگەن بولسا............ (2014-06-16 07:38) 

ئەجەپ ئەقىللىق بالىكەن.

سەئىدىيە 2014-06-16 22:08
بۇ تىمىنىڭ شۇنچە تىز چىقىشىنى ئويلاپ باقماپتىمەن. مەنمۇ بايراق چىقىرىش مۇراسىمىدا بۇ نۇتۇقنى ئاڭلاپ شۇنچە تىتىرەپ كەتكەن ئىدىم. ئەجرىڭىزگە كۆپ رەھمەت.

ئايبەرگى 2014-06-16 23:07
سەئىدىيە:بۇ تىمىنىڭ شۇنچە تىز چىقىشىنى ئويلاپ باقماپتىمەن. مەنمۇ بايراق چىقىرىش مۇراسىمىدا بۇ نۇتۇقنى ئاڭلاپ شۇنچە تىتىرەپ كەتكەن ئىدىم. ئەجرىڭىزگە ك .. (2014-06-16 22:08) 

قايسى مەكتەپ ئۇ بايراق چىقىرىش مۇراسىمىدا مۇشۇنداق نۇتۇقلارنى ئوقۇيالايدىغان؟ بەزىدە ئۆزۈمنى قۇدۇقنىڭ ئىچىدىكى پاقىدەكلا ھېس قىلىپ قالىمەن دىسە

شەھرىزات 2014-06-17 18:44
بەك ياخشى يېزىلىپتۇ، بەك تەسىرلەندىم.

tawpek 2014-06-17 22:09
بايراق ئاستىدا بۇنداق نۇتۇقنىڭ سۆزلەنگىنىدىن ھەيرانمەن.


ئوقوغۇچىلار ساپلا سىياسىيۋىلىكى كۈچلۈك تەسىرات خاتىرىلەرنى يىزىۋېرىقپ يىزىقچىلىقتىمۇ ئاشۇنداق شۇئارلارغا ئىغىپ كىتىدىغان بولىۋالغانتى.


ئەسلى مانا مۇشۇنداق ئۇلارنىڭ روھىيتىگە يىقىن چاقىرىق كۈچىگە باي غايە جاسارەتلەرنى ئۇرغۇتۇپ باشقىلارنى زەرەتلىسە تىخىمۇ ئۈنۈملۈك بولىدىكەنتۇق.


بىزدە بايراق تۈۋىدە ساپلا سىياسى نۇتۇقلار سۆزلىنىدۇ

گۈلنىھال 2014-06-17 22:16
مەن بۇ نۇتۇقنى ئاڭلاپلا سىزنىڭ ئەمگەك مىۋىڭىز ئىكەنلىكىدىن شۈبىھلەنمىگەنتىم .
ماڭىمۇ شۇنداق تەسىر قىلغانتى .
بۇ نۇتۇقنى يازغان ئوقۇغۇچىڭىزغا ھەم يېتەكلىگەن سىزگە ئاپىرىن !!!

قاراخان 2014-06-18 21:33
tawpek:بايراق ئاستىدا بۇنداق نۇتۇقنىڭ سۆزلەنگىنىدىن ھەيرانمەن.ئوقوغۇچىلار ساپلا سىياسىيۋىلىكى كۈچلۈك تەسىرات خاتىرىلەرنى يىزىۋېرىقپ يىزىقچىلى .. (2014-06-17 22:09) 

ھەيران قالغىدەك ئىش ئەمەسقۇ؟ ئوقۇغۇچىلارنى ياخشى ئۆگىنىشكە ئىلھاملاندۇرىدىغان، ئىتتىپاقلىشىپ جەمئىيەت ئامانلىقىنى قوغداشقا ئۈندەيدىغان نۇتۇققۇ شۇ؟!

apandi 2014-06-19 00:00
چاقىرىقنىڭ ئالدىغا ئازراق مەزمۇننى تولوقلىما سۇپتىدە قوشوپ قۇيساق يەنىمۇ مۇكەممەللىككە ئىگە بولىدىكەن....

مىېھرىما 2014-06-21 22:27
مەن شۇ دۇشەنبە كۈنلا ئويلىغانتىم بۇنى سىزنىڭ ئەجرىڭىز باركەن دەپ . ياخشى يېزىپتۇ.
ئاپرېن!!!

ئەكبەرنىياز 2014-06-24 14:28
بىر-ئىككى كوبلىت شىئېر بىلەن ئاخىرلاشتۇرغان بولسا تېخىمۇ تەسىرلىك بولاتتىكەن !!!

مىھرىبانىم 2014-06-24 22:55
بۇ نۇتۇقنىڭ ياخشى چىققانلىقىدىن سۆيۈنۈش بىلەن بىرگە مۇشۇنداق روھ بويىچە ئەۋلادلارنى تەربىيلەش يولىدا تىنىمسىز ئىزدىنىۋاتقان سىزدەك يېتەكچىلەرگە ئاپىرىن ئېيتماي تۇرالمايمىز ، ئەلۋەتتە .

قاراخان 2014-06-25 23:55
ھەممىڭلارنىڭ ياقتۇرغىنىدىن خوش بولدۇم، رەھمەت سىلەرگە!


查看完整版本: [-- تەۋپىق روھى قورۇنمىسۇن --] [-- top --]


Powered by phpwind v8.7 Code ©2003-2011 phpwind
Gzip enabled