گۈل ۋە باغ(شىئېر)

گۈل ۋە باغ
قۇتنۇر

ئەي گۈل!
بۇلبۇل ئاشىق ھۆسنىڭگە،
ھەرە ئاشىق شىرنەڭگە،
بىرى ئاشىق ھىدىڭگە،
بىرى ئاشىق بەرگىڭگە.
ئېيتقىنا چىن سۆزۈڭنى
زادى ئاشىق سەن كىمگە؟
ياكى يارالغانمۇ پەقەت
مەشۇق بۇلۇپ ھەممىگە؟

ھەر گۈلنىڭ بىر بېغى بار،
پەرۋىشكار باغۋەنى بار،
گۈلۈم ئىچىلدى دەپلا
باغنى ئۇنتۇش نەدە بار؟
سىنى ئۈزگەنلەر كىملەر؟
باغدىن ئارتۇق نەرى بار؟
سەندىن باغقا يوق ۋافا
ئۆزگىگە قانچىلىك بار؟

يىلدا تۆت پەسىل بۇلۇر،
بۈگۈن بار بار ئەتە يوقتۇر.
باھاردا ئىچىلغان گۈل
كۈز كەلسە خازان بۇلۇر.
بىلسەڭ گەر رەڭدار تاجىڭ
قىشتا نەلەردە بۇلۇر؟
كەلگەندە يىڭى باھار،
باغدا يا سايدا بۇلۇر.

خاس ئەمەس بۇنداق قىسمەت
جەلىپكار گۈلگە پەقەت،
گۈلگە خاس پارلاپ تۇرغاي
دىلىڭمۇ ھەم ھەشەمەت.
قۇتنۇرى قامچا ئەمەس،
بىل بۇنى بىر مەسلەھەت.
بەختىڭ ئايرىلماس باغدىن،
باغمۇ ھەم سەن بىلەن مۇنبەت.

2014-6-14