| توغراق |
2014-06-07 17:03 |
توغراق: قىز كۈلكىسى
قىز كۈلكىسى
ئابدۇۋەلى تۇردى
قىز كۈلكىسى ـــ ئالەم كۈلكىسى،
قىز كۈلگەندە كۈلەر كائىنات.
قىز كۈلكىسى ـــ ئايەم كۈلكىسى،
ئۇندىن شادلىق تاپىدۇ ھايات.
قىز كۈلكىسى ـــ ئەرلەر كەلگۈسى،
قىز كۈلكىسى قۇتتىن بىشارەت.
قىز كۈلگەندە جەننەت كۈلگۈسى،
سۆزلەپ بىزگە گۈزەل رىۋايەت.
قىز كۈلكىسى قوغلار دىللاردىن،
شىۋىرغانلىق جۇتنى، سوغۇقنى.
ئەللەيلىتەر شاھلىق تەختىدە،
روھى گاداي، شادلىقى يوقنى.
ياش تۆكۈلسە قىزنىڭ كۆزىدىن،
قارا بۇلۇت باسار ئالەمنى.
قىز كۈلكىسى تاتلىق سۆزىدىن،
ئۇنتالايمىز قايغۇنى، غەمنى.
قىز كۈلكىسى ـــ باھار، ياز پەسلى،
خۇشاللىقنىڭ تاجى ـــ قىز دېگەن.
دۇنيا گۈزەل بولاركەن ئەسلى،
قىز كۈلكىسى،جىلۋىسى بىلەن.
(ئاپتۇر: ئونسۇ ناھىيە 3- ئوتتۇرا مەكتەپتە) |
|