| توغراق |
2014-05-31 17:58 |
توغراق：ئانا
ئانا
ئابدۇۋەلى تۇردى
چىپ-چىپ تەرلەپ كېتىدۇ قۇياش،
ئۇنىڭ تەپتى ھارارىتىدىن.
ئاڭا ئۇدۇم سۆز ئاچماي ياشاش،
بۇ تۇرمۇشنىڭ ھالاۋىتىدىن.
بار جاپانى يۈرەركەن يۈدۈپ،
بەرمەس بىزگە بىرەر تالنىمۇ.
قوندۇرمايدۇ بوراندا يۈرۈپ،
ئۈستىمىزگە بىرەر چاڭنىمۇ.
ئۇ بولغاچقا بىز مۇشۇنداق شوخ،
قەنت چاينايمىز ھەر بىر قەدەمدە.
يۈرۈيمىزكەن غەمسىز كۆڭۈل توق،
تولغانماستىن دەردتە،ئەلەمدە.
شۇنداق سۇئال سوراركەن ھايات،
تەڭرى ئۇلۇغ، كىم ئۇلۇغ يانا؟؟؟
شۇنداق جاۋاب بەردى كائىنات،
ئەڭ ئۇلۇغى ئانىدۇر،ئانا!!!
مۇھەببەتنىڭ ئۈلگىسى ئۆزۈڭ،
بەختىمىزنىڭ كېپىلى ئانا.
شېئىر يازار سەن ئۈچۈن ئوغلۇڭ،
شېئىر يازار سەن ئۈچۈن دۇنيا.
（ئاپتۇر ئونسۇ ناھىيە 3-ئوتتۇرا مەكتەپتە） |
|
