查看完整版本: [-- ئىككى خىل يوقىرى ئۈنۈملۈك دەرسخانا ئەندىزىسى --]

تەۋپىق مۇنبىرى -> ئوقوتوش ۋە ئىزدىنىش -> ئىككى خىل يوقىرى ئۈنۈملۈك دەرسخانا ئەندىزىسى [打印本页]

登录 -> 注册 -> 回复主题 -> 发表主题

koksangun

2014-05-27 22:42

ئىككى خىل يوقىرى ئۈنۈملۈك دەرسخانا ئەندىزىسى

ئوقۇغۇچىلارنى دەرسىخانىنىڭ خوجايىنىغا، يۇقىرى ئۈنۈم ھاسىل قىلىشنى ئوقۇتۇش خىزمىتىنىڭ مەركىزىگە ئايلاندۇرۇش «151 جانلىق دەرسخانا»  ئەندىزىسىنىڭ سىرىدۇر

2014-يىلى 4-ئاينىڭ 8-كۈنى، مۇخبىرلار كورلا شەھەرلىك 4-ئوتتۇرا مەكتەپكە كېلىپ بۇ مەكتەپنىڭ يېڭى دەرس ئىسلاھاتى ئېلىپ بېرىش ئەھۋالىنى ئىگىلىمەكچى بولغاندا 2-يىللىق تىل –ئەدەبىيات  گۇرۇپپىسىدىكى سەككىز نەپەر ئوقۇتقۇچىنىڭ كوللىكتىپ دەرس تەييارلاش پائالىيىتىى قىلىۋاتاتتى. كوللىكتىپ دەرس تەييارلاش پائالىيىتى مۇخبىرغا نىسبەتەن ئىنتايىن ناتونۇش ئىدى.
ئوقۇتقۇچىلار بىزگە ئولتۇرۇپ ئىنتايىن كەسكىن مۇنازىرە ئېلىپ باردى، ھەربىر ئوقۇتقۇچىنىڭ پىكىر بايان قىلىشىدىن، مۇخبىر بۇرۇنقى ئۆز ئالدىغا دەرس تەييارلاپ تۈزگەن دەرس تەييارلىقى بىلەن كوللىكتىپ دەرس تەييارلاپ تۈزگەن دەرس تەييارلىق كونسىپىكىنىڭ ئوقۇغۇچىلارنىڭ ئەمەلىي ئەھۋالىغا بەكرەك ماس كېلىدىغانلىقىنى، بۇ خىل دەرس تەييارلىقىنىڭ بارلىق ئوقۇتقۇچىلارنىڭ ئەقىل –پاراسىتىنىڭ جەۋھىرى ئىكەنلىكىنى ھېس قىلدى.
كورلا شەھەرلىك 4-ئوتتۇرا مەكتەپ ئوبلاستىمىز بويىچە نۇقتىلىق ئوتتۇرا مەكتەپ بولۇپ، بىر قانچە يىلدىن بۇيان ئۈزلۈكسىز تىرىشىپ ۋە يېڭىلىق يارىتىپ، ئۆزىگە خاس بولغان ئوقۇتۇش ئەندىزىسىنى بارلىققا كەلتۈردى.
«151 جانلىق دەرسخانا ئەندىزىسى» دىكى ئوقۇغۇچىلارنى ھەرىكەتكە كەلتۈرۈش، دەرسخانىنى جانلاندۇرۇش قاتارلىق خاسلىقلار مائارىپ سىستىمېسدىكىلەرنىڭ، شۇنداقلا پۈتكۈل جەمىئىيەتنىڭ دىققىتىنى تارتتى.
1.دەرس ئىسلاھاتىنىڭ نىشانى ئوقۇغۇچىلارنىڭ خاسلىقىنى يېتىشتۈرۈش ۋە يېڭىلىق يارىتىش قابىلىيىتىنى يېتىشتۈرۈش.
تارىخقا نەزەر سالساق، ھەرقانداق بىر ئىسلاھات ئەسلىدىكى كونا قائىدە –تۈزۇملەر جەمىئىيەتنىڭ تەرەققىياتىغا ماسلىشالمىغاندا، ھەتتاكى جەمىئىيەت تەرەققىياتىنىڭ ئالغا بېسىشىغا توسقۇنلۇق قىلغاندا ئېلىپ بېرىلىدۇ. مائارىپمۇ بۇنىڭ ئىچىدە، شۇڭلاشقا يېڭى دەرس ئىسلاھاتى بارلىققا كەلدى.
4-ئوتتۇرا مەكتەپنىڭ دەرس ئىسلاھاتىغا كەلسەك، مەكتەپ مۇدىرى ۋۇلىلوڭ مۇنداق دېدى: « ھازىر دۆلىتىمىزنىڭ مائارىپ تەرەققىياتى ئىنتايىن تېز، يېڭى مائارىپ ئىدىيىسى  يېڭى مائارىپ ئەندىزىلىرى سەرخىل، ئەگەر ئىسلاھات ئېلىپ بارمىساق، يېڭىلىق ياراتمىساق ئارقىدا قالىمىز، شاللىنىپ كېتىمىز. شەندۇڭ 2-ئوتتۇرا مەكتەپ مەملىكىتىمىزدىكى مائارىپ ئىسلاھاتىنىڭ سەركەردىسى. بۇ مەكتەپ < 271ئۈنۇملۈك دەرسخانا > ئەندىزىسىنى بولغا قويغان، ئۇنداقتا 4-ئوتتۇرا مەكتىپىمىز نۇقتىلىق ئوتتۇرا مەكتەپ بولۇش سۈپىتى بىلەن قانداق قىلغاندا دەرس ئىسلاھاتىنىڭ ياخشى باشلامچىسى بولالايمىز؟  بىز دەرس ئىسلاھاتى ئېلىپ بارغاندا، كونا ئوقۇتۇش ئەندىزىسىنىڭ يېتەرسىزلىكىنى بايقاش بىلەن بىرگە ئەنئەنىۋى ئوقۇتۇش ئۇسۇلىدىكى بىكىنمىچىلىك ۋە قالاق بولغان كونا ئىدىيەلەرنى چۆرۈپ تاشلىشىمىز كېرەك.»
مۇخبىر ئەنئەنىۋى  ئوقۇتۇش ئۇسۇلىغا سېلىشتۇرغاندا، 4-ئوتتۇرا مەكتەپنىڭ ئىسلاھاتىدىكى  «يېڭىلىق» نىڭ ئوقۇغۇچىلارنىڭ تەرەققىياتىغا، يېڭىلىق يارىتىشىغا، ئۆزلىكىدىن ئىزدىنىش ۋە ئالاھىدە كۆڭۈل بۆلىدىغانلىقىنى بايقىدى.
2.چاڭلى 2-ئوتتۇرا مەكتەپنىڭ «271 ئۈنۈملۈك دەرسخانا»ئەندىزىسىدىن كورلا شەھەرلىك 4-ئوتتۇرا مەكتەپنىڭ «151 جانلىق دەرسخانا » ئەندىزىسىگىچە
«151جانلىق دەرسخانا ئەندىزىسى» شەندۇڭ چاڭلى 2-ئوتتۇرا مەكتىپىنىڭ «271 يۇقىرى ئۈنۈملۈك دەرسخانا ئەندىزىسى» دىن پايدىلىنىپ مەكتەپتىكى بارلىق ئوقۇتقۇچىلارنىڭ ئۈزلۈكسىز ئىزدىنىش نەتىجىسىدە خۇلاسىلىگەن دەرسخانا ئوقۇتۇش ئەندىزىسى.
مۇخبىرنىڭ ئىگىلىشىچە، چاڭلى 2-ئوتتۇرا مەكتەپنىڭ «271 ئۈنۈملۈك دەرسخانا ئەندىزىسى» دەرسخانىنىڭ 45 مىنۇت ۋاقتىنى 2:7:1 نىسبەت بويىچە «5مىنۇت+30مىنۇت+10مىنۇت» قا ئايرىغان. يەنى، ئوقۇتقۇچىنىڭ دەرس سۆزلەش ۋاقتى ئومۇمىي ۋاقتىنىڭ % 20 دىن ئېشىپ كەتمەسلىكى ، ئوقۇغۇچىلارنىڭ ئۆزلىكىدىن ئۆگىنىش ۋاقتى ئومۇمىي ۋاقتىنىڭ %  70 گە يېتىشى، ئېشىپ قالغان  % 10 ۋاقىت ھەربىر سائەتلىك دەرسنىڭ ئۈنۈمى سىناشقا ئىشلىتىلىشى كېرەك دەپ تەلەپ قىلىنغان.
گەرچە چاڭلى 2-ئوتتۇرا مەكتەپنىڭ «271ئۈنۈملۈك دەرسخانا » ئەندىزىسى مەملىكىتىمىزدە  ئىنتايىن داڭلىق، تەسىر كۈچى چوڭ بولسىمۇ، بىر مەزگىل سىناق ئارقىلىق، كورلا شەھەرلىك 4-ئوتتۇرا مەكتەپنىڭ ئوقۇتقۇچىلىرى بىر مەسىلىنى بايقىدى. يەنى«ئەينەن كۆچۈرۈپ ئىشلىتىپ»، ئۆزلەشتۈرۇشكە ھەم يېڭىلىق يارىتىشقا ئەھمىيەت بەرمىگەندە، بۇ خىل ئەينەن ئىشلىتىش بىر خىل  يۈك بولىدىكەن.
4-ئوتتۇرا مەكتەپ 1-يىللىق 1-سىنىپنىڭ سىنىپ مەسئۇلى، فىزىكا ئوقۇتۇش گۇرۇپپىسىنىڭ مەسئۇلى مۇخبىرغا مۇنداق دېدى: بىزنىڭ مەكتەپنىڭ ئوقۇغۇچىلىرى ئىچكىرىدىكى ئوقۇغۇچىلارغا سېلىشتۇرغاندا، ئۆگىنىشتىكى تەشەببۇسكارلىقى تۆۋەن، تىرىشچانلىقىمۇ كەمچىل. ئەگەر «271 دەرسخانا ئەندىزىسى» نى ئەينەن كۆچۈرۈپ ئىشلەتسەك، بىزگە نىسبەتەن بۇ بىر خىل تەرەققىيات ئەمەس  بەلكى ئاپەت بولۇپ قېلىشى مۇمكىن، شۇڭلاشقا بىز چوقۇم ئۇلارنىڭ ئىلغار تەجرىبىلىرىدىن ئۆگىنىپ، 4-ئوتتۇرا مەكتىپىمىز ئوقۇغۇچىلىرىغا ماس كېلىدىغان يېڭىچە ئوقۇتۇش ئەندىزىسىنى يارىتىشىمىز كېرەك. «151 جانلىق دەرسخانا ئەندىزىسى » دەل بىز تۈزۈپ چىققان بىر قەدەر  مۇكەممەل بولغان ئوقۇتۇش ئەندىزىسى.
3. «151 ئەندىزىسىدىكى جانلىق دەرسخانا» نى چوڭقۇر چۈشىنىش
ئەنئەنىۋى دەرسخانا ئەندىزىسىنىڭ قاتمال ھەم زېرىكىشلىكى ھەممىمىزگە ناھايىتى ئېنىق. بولۇپمۇ قاچىلاپ قويۇش شەكلىدىكى ئوقۇتۇش ئۇسۇلى ئوقۇغۇچىلارنى بىئارام قىلىدۇ ۋە ئازاپلايدۇ.بۇ خىل ھالەتنى قانداق ئۆزگەرتىش نۆۋەتتە ھەممە مەكتەپلەر دۇچ كېلىۋاتقان «قىيىن مەسىلە».
يېقىنقى ئىككى يىل ۋاقىت ئىچىدە، 4-ئوتتۇرا مەكتەپ «271 يۇقۇرى ئۈنۈملۈك دەرسخانا» ئەندىزىسىدىن «151 جانلىق دەرسخانا » ئەندىزىسىگە يۈرۈش قىلدى. بۇنىڭ بىلەن ئۇقۇم يېڭىلىنىپلا قالماي، ئۆگىنىش ئۈنىمىمۇ يۇقۇرى كۆتۈرۈلدى.
«151 جانلىق دەرسخانا » ئەندىزىسىدىكى "1" ئۆزلۈكىدىن ئۆگىنىشنى كۆرسىتىدۇ. يەنى ئوقۇغۇچىلار ئۆگىنىش يېتەكلىمىسى (导学案)گە ئاساسەن ئالدىن تەييارلىق قىلىپ، دەرسخانىغا تەييارلىق ۋە مەسىلە بىلەن كىرىپ، «ئۆگىنىشنى ۋە مەسىلىنى ئالدىن تەييارلاش» تەك دەرستىن بۇرۇنقى قوزغىلىش ھالىتىنى ھازىرلايدۇ-دە، ئۆزلىكىدىن ئۆگىنىشكە يېتەكلىنىدۇ.
"5" بولسا دەرسخانىدىكى بەش ھالقىنى كۆرسىتىدۇ.
1) ئوقۇغۇچىلارنىڭ ئۆگىنىش يېتەكلىمىسىنى ئۆگىنىش ئەھۋالى ئىگىلىنىپ، دەرسنىڭ نىشانى بەلگىلىنىدۇ ھەم ئوقۇتۇش لايىھىسى تۈزۈلىدۇ.
2) كوللىكتىپ دەرس تەييارلىغاندىكى موھىم، قىيىن نوقتىلارنى كىچىك گۇرۇپپىلاردىكى ھەر بىر ئەزا يەككە ئۆگىنىش جۈپ ئۆگىنىش، گۇرۇپپىدا كوللىكتىپ ئۆگىنىش ئارقىلىق ئومۇمىيۈلۈك مەسىلىنى ھەل قىلىشقا يېتەكلىنىدۇ. ئوقۇتقۇچى مۇنازىرىگە ئاكتىپ قاتنىشىپ تېگىشلىك كۆرسەتمە بېرىدۇ.
3) ئوقۇغۇچىلار مۇنازىرە نەتىجىسىنى ئوتتۇرىغا قويىدۇ.
4)باشقىلارنى باھالاش، شۇنداقلا باشقىلارنىڭ ئۆزىنى باھالىشى ئارقىلىق ئوقۇغۇچىلارنىڭ تالاش- تارتىشى كەسكىنلىشىدۇ، مۇنازىرىدىن يەكۈنگە ئىرىشىلىدۇ. ئوقۇتقۇچى مەسىلىلەرنى ۋاقتىدا بايقاپ ۋاقتىدا باھالاپ تۇرىدۇ.
5) دەرسخانىدا ئۆگىنىلگەن مەزمۇندىن خۇلاسە چىقىرىلىدۇ، ئۆگىنىش نىشانى ئەمەلىيلىشىدۇ.
ئەڭ ئاخىرىقى ''1''  بولسا دەرستىن كېيىنكى مۇستەھكەملەشنى كۆرسىتىدۇ. دەرسلىك كىتابنى قايتا ئوقۇش، يەنى، قوشۇمچە ماتېرىياللارنى كۆرۈش، ئۆگىنىش يېتەكلىمىسىنى تولۇقلاش، دەرستىن كېيىنكى تاپشۇرۇقنى ئىشلەش، بىلىمنى مۇستەھكەملەش جاريانلىرىنى ئۆز ئىچىگە ئالىدۇ.
4. "151 ئەندىزىسىدىكى جانلىق دەرسخانا"نىڭ ئاچقۇچى __ كىچىك گۇرۇپپىلارنى قۇرۇش.
"151 ئەندىزىسىدىكى جانلىق دەرسخانا " ئوقۇغۇچىلارنىڭ دەرسخانىدىكى ئورنى ۋە ئوقۇتقۇچىنىڭ رولىنى ئۆزگەرتىدۇ. بۇ ئۆزگىرىشنى دەرسخانىدا كىچىك گۇرۇپپىلارنىڭ قۇرۇلۇشى ئەمەلگە ئاشۇرىدۇ. كىچىك گۇرۇپپىلارنى قۇرۇپ، تەربىيىلەپ چىقىش جانلىق دەرسخانا ئوقۇتۇشىنىڭ ئاساسى. ھەمكارلىشىپ ئۆگىنىدىغان كىچىك گۇرۇپپىلار ئاساسەن ئالتە نەپەر ئوقۇغۇچىدىن تەشكىللىنىدۇ. گۇرۇپپىلاردا ئەزالارنىڭ جىنسى، ئۆگىنىش نەتىجىسى، ئىندىۋىدۇئال ئالاھىدىلىكى جەھەتلەردە مۇۋاپىق تەقسىملىنىشى، لېكىن گۇرۇپپا ئىچىدە پەرقلەنسىمۇ، گۇرۇپپىلار ئارا ئوخشاش بولۇش پىرىنسىپى بۇيىچە ھەمكارلىشىپ ئۆگىنىش كىچىك گۇرۇپپىلىرى تەشكىللىنىشى كېرەك. ئاندىن ئىقتىدارلىق گۇرۇپپا باشلىقىدىن بىرنى سايلاپ، گۇرۇپپا باشلىقىنىڭ يېتەكلچىلىكىدە گۇرۇپپىلارغا نام بېرىپ ، گۇرۇپپا قائىدىلىرى، گۇرۇپپا مارشى، گۇرۇپپا بايرىقى ۋە گۇرۇپپا نىشانىنى بەلگىلەپ، كىچىك گۇرۇپپىلارنى ئۈنۈملۈك كىىچىك گۇرۇپپىلارغا ئايلاندۇرۇش كېرەك. 4- ئوتتۇرىنىڭ تەجرىبىسىدىن كۆرىۋېلىشقا بولىدۇكى، بۇنداق ھەكارلىشىپ ئۆگىنىدىغان كىچىك گۇرۇپپىلارنى تەشكىللەش ئوقۇغۇچىلاردا ئالەمشۇمۇل ئۆزگىرىشلەرنى بارلىققا كەلتۈرگەن، ئوقۇغۇچىلارنىڭ قىزغىنلىقى ۋە ئۆگىنىش نەتىجىسى يۇقىرى كۆتۈرۈلگەن. ئوقۇغۇچىلار رەتلىك، قاتارلىشىپ ئولتۇرۇشتىن، گۇرۇپپىلار بۇيىچە ئولتۇرۇشقا ئۆزگەرگەن، يەككە ھالدا ئۆگىنىشتىن ، گۇرۇپپا ئىچىدە دوستانە ھەمكارلىشىپ ئۆگىنىشكە، ئەنئەنىۋىيلىكتىن ئىلغارلىققا يۈزلەنگەن. گۇرۇپپىدىكى ھەر بىر ئەزانىڭ نەتىجىسىنى گۇرۇپپىدىكى ھەر قايسى ئەزالارنىڭ ياردىمىدىن ئايرىپ قارىغىلى بولمايدۇ.
5. «ئۆگىنىش يېتەكلىمىسى» __ «151 جانلىق دەرسخانا ئەندىزىسى» دىكى يول باشلاش ئەسۋابى.
كىچىك گۇرۇپپىلاردىن باشقا «ئۆگىنىش يېتەكلىمىسى»  151 جانلىق دەرسخانا ئەندىزىسىدە دائىم ئۇچرايدىغان ئاتالغۇ. ئۆگىنىش يېتەكلىمىسى ئوقۇتقۇچىلارنىڭ يېتەكلەش، ئوقۇغۇچىلارنىڭ ئۆگىنىش ۋە مەشقلىنىشنى بىر گەۋدە قىلغان ئىزدىنىشلىك ئۆگىنىش ۋە ئوقۇتقۇچى ئوقۇغۇچىلارنىڭ ئۆز ئارا ھەمكارلىشىپ ئوقۇتۇش ئېلىپ بېرىشىنىڭ ئەمەلىي لايىھىسىنى كۆرسىتىدۇ. ئۆگىنىش يېتەكلىمىسى ئوقۇتقۇچىلار كوللىكتىپ دەرس تەييارلىقىنىڭ نەتىجىسى، كوللىكتىپ ئەقىل-پاراسىتىنىڭ جەۋھىرى. ئەلا سۈپەتلىك دەرس بايلىقىدىن ھەمبەھرلىنشتۇر. ئۇوقۇغۇچىلارنى سۇئال دېڭىزىدىن قۇتۇلدۇرۇپ چىقىدۇ. ئۇنىڭ ئەڭ چوڭ ئالاھىدىلىكى:  «دەرستىن بۇرۇن تەييارلىق قىلىش، دەرستە ئۈنۈمگە ئىرىشىش، دەرستىن كېيىن خۇشال بولۇش» بولۇپ، بۇ 4- ئوتتۇرىدىكى بارلىق ئوقۇتقۇچىلارنىڭ ئارزۇسىدۇر.
ئوقۇغۇچىلار ئۆەىنىش يېتەكلىمىسىنىڭ تەلىپى بۇيىچە دەرسلىك كىتاب ۋە مۇناسىۋەتلىك ماتېرىياللارنى ئەستايىدىل ئوقۇپ چىقىدۇ، دەرسنىڭ مۇھىم، قىيىن نۇقتىسىنى بەلگىلەپ، ئالدىن ئۆگىنىش ۋەزىپىسىنى تاماملايدۇ. ئۆگىنىش يېتەكلىمىسىدىكى گۇمانىي نۇقتىلارغا قىزىل قەلەم بىلەن بەلگە قويىدۇ ۋە ئىزاھات يازىدۇ. ئوقۇتقۇچى  دەرستتىن بۇرۇن ئۆگىنىش يېتەكلىمىسىنى ئەتراپلىق كۆرۈپ، ھەر بىر ئوقۇغۇچىنىڭ ھەر بىر كىچىك گۇرۇپپىنىڭ ئالدىن ئۆگىنىش ئەھۋالىنى ئىگىلەپ، ساقلانغان مەسىلىلەرنى، گۇمانىي نۇقتىلارنى خاتىرىلەيدۇ. دەرس ئالدىدا ئوقۇغۇچىلارنىڭ ئۆگىنىش يىتەكلىمىسىنى ئورۇنلاش ئەھۋالىدىن قىسقا خۇلاسە قىلىپ، ئەلا شەخس، ئەلا كىچىك گۇرۇپپىلار نامزاتىنى ئىلان قىلىدۇ، ئاندىن ئۆگىنىش نىشانىنى چۆرىدىگەن ئاساستا دەرسخانىدىكى ئوقۇتۇشنى تاماملايدۇ. بۇنداق قىلغاندا ئوقۇغۇچىلارنىڭ مۇستەقىل ھالدا ئۆزلۈكىدىن ئۆگىنىش ئىقتىدارىنى يېتىلدۈرگىلى، دەرستىن ئىلگىرى ئوقۇغۇچىلارنىڭ ئىدىيىۋىي ھالىتىگە ۋە بىلىملەرنى ئىگىلەش ئەھۋالىغا ھۆكۈم قىلىپ، دەرسخانىدا مۇھىم، قىيىن نۇقتىلارنى نۇقتىلىق ھەل قىلىپ، ئوقۇتقۇچىنىڭ دەرسنى باشتىن-ئاخىرى دەرس ۋاقتى توشقۇچە سۆزلەشتىن خالىي قىلىپ، نىشانلىق ئۆگىنىشكە يېتەكلىگىلى بولىدۇ.
6. «151 ئەندىزىسىدىكى جانلىق دەرسخانا» : ئۆگىنىش تىپىدىكى سىنىپ بەرپا قىلىش
ئەگەر دەرسخانىنى يۇقىرى ئۈنۈملۈك دەرسخانا قىلىپ ئۆزگەرتىمىز دەيدىكەنمىز، ئۇ ھالدا بىز يېڭىچە سىنىپ قۇرۇپ چىقىشىمىزغا توغرا كېلىدۇ. يېڭىچە سىنىپنىڭ ئالاھىدىلىكى تۆۋەندىكىدەك بولىدۇ:
1) سىنىپنى مەمۇرىي جەھەتتىن باشقۇرىدىغان كىچىك گۇرۇپپا قۇرۇلىدۇ. بۇ گۇرۇپپىغا دائىملىق ئىشلارغا مەسئۇل سىنىپ باشلىقى، ھەپتىلىك ئىشلارغا مەسئۇل سىنىپ باشلىقى ۋە كۈنلۈك ئىشلارغا مەسئۇل سىنىپ باشلىقى تەيىنلىنىدۇ. ئالمىشىپ نۆۋەتچىلىك قىلىپ، ھەر بىر كىچىك گۇرۇپپىلارغا بېرىلگەن كۈندىلىك نومۇرلارنى سىتاتىستكىلاپ، كىچىك گۇرۇپپىلارنىڭ ھەپتىلىك ئونىۋېرسال دەرىجىسىنى خۇلاسىلەيدۇ ، كىچىك گۇرۇپپىلارنىڭ ئىلگىرىلەش ئەھۋالىنى باھالاش پائالىيىتىنى ئېلىپ بارىدۇ.
2) يۇقىرى ئۈنۈمدە ئۆگىنىش قىلىش گۇرۇپپىسى
گۇرۇپپا باشلىقى گۇرۇپپا ئەزالىرىنى ئايرىم ئۆگىنىش ، كوللىكتىپ ئۆگىنىش، جۈپ بولۇپ ئۆگىنىش، شۇنداقلا مۇھاكىمىگە ، گۇمانىنى ئوتتۇرىغا قويۇشقا، تەكشۇرۇپ تەتقىق قىلىشقا تەشكىللەيدۇ.
3) يۇقىرى ئۈنۈملۈك ئىلمىي تەتقىقات گۇرۇپپىسى، ھەر بىر كىچىك گۇرۇپپىدىكى پەن يېتەكچى گۇرۇپپا باشلىقلىرىدىن تەشكىللىنىدۇ. بۇ گۇرۇپپا باشلىقلىرى يىغىش ، رەتلەش، مۇناسىۋەتلىك پەننىڭ ئۆگىنىش داۋامىدا كۆرۈلگەن مەسىلىلىرىنى ھەل قىلىش ۋە شۇ پەن ئوقۇتقۇچىلىرىغا كۆرۈلگەن مەسىلە ۋە ئۇلارنى ھەل قىلىش ئەھۋالىنى ئىنكاس قىلىش ۋەزىپىسىنى ئۆز ئۈستىگە ئالىدۇ. ھەر قايسى گۇرۇپپىلار بىر بىرىگە گىرەلىشىپ، ئۆتۈشۈپ كەتكەندەك قىلسىمۇ، ھەر قايسى گۇرۇپپىلارنىڭ ئۆز ئالدىغا خىزمەت مەسئۇلىيىتى ئېنىق، سىنىپتا قانداقلا ئىش بولسا ئوقۇغۇچىلارنىڭ دېگىنى ھېساب بولۇشتەك ئەھۋال بارلىققا كېلىدۇ. سىنىپ مەسئۇللىرى باشقۇرغۇچىدىن يېتەكلىگۈچىگە، ئوقۇغۇچىلار باشقۇرۇلغۇچىدىن ئۆزىنى باشقۇرغۇچىلارغا ئايلىنىدۇ. ئىمتىھان نەتىجىسى ئوقۇغۇچىلارنى باھالاشتىكى بىردىن بىر ئۆلچەمگە ئايلانمايدۇ، ئوقۇغۇچىلار ئۆزىگە ئىشىنىش تۈيغۇسىغا چۆمۈلگەن ھالدا ياخشى سىنىپ كوللىكتىپىنى قۇرغۇچىلارغا ئۆزگىرىدۇ.
بۇنداق  يېڭىچە سىنىپلارنى قۇرۇش ۋە باشقۇرۇش ئەندىزىسى ئارقىلىق ئوقۇغۇچىلارنى بىر قەدەر كۈچلۈك بولغان ئۆگىنىش ئىقتىدارى، تەتقىقات ئىقتىدارى، يېڭىلىق يارىتىش ئىقتىدارىغا ئىگە قىلغىلى بولىدۇ، ئوقۇغۇچىلارنىڭ تەشكىللەش- رەھبەلىك قىلىش ئىقتىدارى، كوللىكتىۋىزىملىق روھى، مۇلازىمەت روھى ۋە ئىجتىمائىي مەسئۇلىيەت ئېڭىنى ئاشۇرغىلى بولىدۇ.

7.كوللىكتىپ دەرس تەييارلىقى __ 151 ئوقۇتۇش ئەندىزىسىنىڭ يۆنىلىش بەلگۈلىگۈچىسى
كونىلاردا : «يالغۇز ئاتنىڭ چېڭى چىقماس، چېڭى چىقسىمۇ دېڭى چىقماس» دەيدىغان گەپ بار. يېڭى دەرس ئىسلاھاتى شارائىتىدا ئوقۇتقۇچىلاردانىڭ قىزغىنلىقى يۇقىرى. ئەگەر ئوقۇتقۇچى دەرسلىك ماتېرىيالنى سىستېمىلىق ئىگىلەپ، دەرس ئۆلچىمىنى چوڭقۇر چۈشىنىپ، دەرسلىكنىڭ مۇھىم ، قېيىن نۇقتىلىرىنى توغرا ئايرىپ، يېڭىچە تەپەككۇر بىلەن يېڭىدىن پەيدا بولۇۋاتقان مەسىلىلەرنى ھەل قىلىمەن دەيدىكەن، كوللىكتىپنىڭ ئەقىل-پاراسىتىدىن پايدىلىنىشى كېرەك، يالغۇز بىر ئادەمنىڭ تىرىشچانلىقى مەسىلىنى تەلتۇكۇس ھەل قىلىشقا يېتىشى ناتايىن. نۆۋەتتە ئوقۇغۇچىلارنى ھەمكارلىشىپ ئۆگىنىشنى تەلەپ قىلغىنىمىزدەك، ئوقۇتقۇچىلارنىڭمۇ ھەمكارلىشىپ تەكشۈرۈپ تەتقىق قىلىپ، مۇھاكىمىلىق تەييارلىق ھالىتىنى شەكىللەندۇرۇشنى ، كوللىكتىپنىڭ رولىدىن تولۇق پايدىلىنىشنى تەلەپ قىلىشىمىزغا توغرا كېلىۋاتىدۇ. كوللىكتىپ دەرس تەييارلىقى ئوقۇتقۇچىلارنىڭ ئوقۇتۇش جەريانىنى مۇكەممەل لايىھىلەشنىڭ، ھەمكارلىشىپ تەتقىقات ئېلىپ بېرىشنىڭ مۇھىم شەكلى.
كورلا شەھەرلىك 4- ئوتتۇرىنىڭ تەجرىبىسى:
ئوقۇتقۇچىلار كوللىكتىپ دەرس تەييارلىقىدا ئۆگىنىش يېتەكلىمىسى تۈزىدۇ، گۇرۇپپا باشلىقى ئالدى بىلەن خىزمەتلەرنى تەقسىملەيدۇ، ۋەزىپە ئېنىق ئوتتۇرىغا قويۇلغاندىن كېيىن، ھەر بىر ئوقۇتقۇچى تەتقىق قىلىپ دەسلەپكى ئۆگىنىش ئورگىنالىنى تەييارلايدۇ، كوللىكتىپ دەرس تەييارلىقى ۋاقتىدا كۆپچىلىك دەرسنىڭ نىشانىدىن تارتىپ ئاخىرقى باسقۇچىغىچە بىر-بىرلەپ تەھلىل قىلىپ بىر پارچە يوقىرى سۈپەتلىك ئۆگىنىش يېتەكلىمىسىنى ئوتتۇرىغا چىقىرىدۇ. بۇ خىل كوللىكتىپ دەرس تەييارلىقى ياش ئوقۇتقۇچىلارنىڭ تەربىيىلىنىشىنى ياخشى شارائىت بىلەن تەمىنلەپ قالماي، ھەر بىر ئوقۇتقۇچىنىڭ تەتقىقات سەۋىيىسىنىمۇ يۇقىرى كۆتىرىدۇ.
كوللىكتىپ دەرس تەييارلىقىنىڭ ئۈچ خىل ئەۋزەللىكى:
بىرىنچى، كۆپچىلىكنىڭ ئەقىل پاراسىتىنى جارى قىلدۇرغىلى بولىدۇ، دەرس بايلىقىدىن ھەمبەھرلەنگىلى بولىدۇ.
كوللىكتىپ دەرس تەييارلىقى ئارقىلىق مۇنەۋۋەر ئوقۇتقۇچىلار، تايانچ ئوقۇتقۇچىلار، ئوقۇتۇش ماھىرلىرىنىڭ رولىنى تولۇق جارى قىلدۇرغىلى، ئۆزئارا پىكىر ئالماشتۇرۇش جەريانىدا كەمچىلىكلەرنى تولۇقلاپ ، ئارتۇقچىلىقلارنى قۇبۇل قىلغىلى، ئوقۇتۇش سۈپىتىنى يۇقىرى كۆتۈرگىلى، كەسپىي سەۋىيىنى يوقىرى كۆتىرىپ، خىزمەت ئۈنۈمىنى ئۆستۈرگىلى بولىدۇ.
ئىككىنچى، كوللىكتىپنى ھەمكارلاشتۇرغىلى، ئەركىن ئازادە تەييارلىق قىلىشقا بولىدۇ.
دەرسنى ئايرىم تەييارلىغاندا ۋاقىت كۆپ كېتىدۇ، ۋەزىپە ۋە بېسىم ئېغىر بولىدۇ. ئەمما كوللىكتىپ دەرس تەييارلىقىدا ۋاقىت تىجىلىدۇ، دەرس تەييارلاشتىن ئىبارەت بېسىم يەڭگىللەيدۇ، ئوقۇتقۇچى نۇرغۇن زېھىن كۈچى ۋە ۋاقىتتىن ئۈنۈملۈك پايدىلىنىپ يېتەكچىلىك قىلالايدۇ، قايتا ئويلىنىپ يېتەرسىزلىكلەرنى تولۇقلىيالايدۇ.
ئۈچىنچى، ئوقۇغۇچىلارنىڭ ئۆگىنىش قىزغىنلىقىنى يۇقىرى كۆتۈرگىلى بولىدۇ. ئوقۇتۇش ئۈنۈمى يۇقىرى كۆتۈرۈلگەنكەن، ئوقۇغۇچىلارمۇ بېسىمدىن خالىي بولىدۇ، قىسقا ۋاقىت ئىچىدە نۇرغۇن نەرسىلەرنى ئۆگىنىۋېلىش ئىمكانىيىتىگە ئىرىشىدۇ، ئۆگىنىشتىن مۇۋەپپەقىيەت ھۇزۇرىنى سۈرەلەيدۇ، خۇشاللىق تاپىدۇ.
8.يېڭى دەرس ئىسلاھاتى بىر خىل ئەمەلىي نەپ بېرىش تىپىدىكى ئوقۇتۇش ئېلىپ بېرىشتۇر.
بىزنىڭ ئېلىپ بارماقچى بولغىنىمىز دەرسخانا ئوقۇتۇش ئىسلاھاتى، ئۇ ئوقۇغۇچىلارغا قانداق ئۆگىنىشىنى ئۆگىتىدۇ، ئوقۇغۇچىلارنىڭ ئۆگىنىش ئىقتىدارىنى ۋە تۇنۇشىنى تەربىيىلەپ ئۆستۈرىدۇ، ئوقۇغۇچىلارنىڭ ئۆگىنىش ئىقتىدارى ئۆسكەنىكەن، ئۆگىنىش نەتىجىسى، ئىمتىھان نەتىجىسى قانداقمۇ ئۆرلىمىسۇن!؟ دەرس ئىسلاھاتىنىڭ ماھىيىتى ئەمەلىيەتتە نەپ بېرىش تىپىدىكى ئوقۇتۇشتۇر. بىزنىڭ مەقسىدىمىز بارلىق ئوقۇغۇچى بۇ خىل ئەندىزىدىن نەپ ئېلىشتۇر. بۇ خىل ئەندىزە « قىزغىن كەيپىيات قايناپ تاشقان» ھالەتنى بارلىققا كەلتۈرىدۇ.  بىر قاتار مول مەزمۇنلۇق ۋە رەڭدار دەرسلىك سىستېمىسى، ھەر خىل ئەدەبىيات-سەنئەت ئۆمەكلىرى يامغۇردىن كېيىنكى بامبۇك نوتىلىرىدەك بارلىققا كېلىپ مەكتەپ ئىچى مەدەنىيىتىگە ئۆزگىچە ھۆسىن قوشىدۇ.

271 يۇقىرى ئۈنۈملۈك دەرسخانا ئوقۇتۇشى توغرىسىدا
«271» ئوقۇتۇش ئەندىزىسى دېگىنىمىز 45 مىنۇتلۇق دەرس ۋاقتىنى 2:7:1 نىسبەت بويىچە ئايرىپ «10+30+5» بويىچە ئوقۇتۇش ئېلىپ بېرىش ئۇسۇلىنى كۆرسىتىدۇ . ئوقۇتقۇچىنىڭ دەرس سۆزلەش  ۋاقتى دەرس ۋاقتىنىڭ %20دىن ئېشىپ كەتمەسلىكى ،ئوقۇغۇچىنىڭ ئۆزلىكىدىن ئۆگىنىش ۋاقتى %70 دىن كەم بولماسلىقى،ئاخىرقى %10 ۋاقىتنى دەرسخانا ئۈنۈمىنى سىناشقا قالدۇرىلىدىغانلىقىنى بىلدۈرىدۇ.
1.«271» ئوقۇتۇش ئەندىزىسىنىڭ 3 خىل مەنىسى
1) ۋاقىتنىڭ  تەقسىملىنىشى:  2 بولسا دەرسخانىدا ئوقۇتقۇچىنىڭ دەرس سۆزلەش ۋاقتىنىڭ 10 مىنۇتتىن ئېشىپ كەتمەسلىكىنى، 7 بولسا ئوقۇغۇچىلارنىڭ ئۆگىنىش ۋاقتى 30 مىنۇت ئەتراپىدا بولۇشى، 1 بولسا دەرس مەزمۇنىدىن سىناق ئېلىش ۋاقتى  5 مىنۇت ئەتراپىدا بولۇشىنى كۆرسىتىدۇ.
2) ئوقۇغۇچىلارنىڭ تەخسىملىنىشى: %20 ئەلا ئوقۇغۇچى، %70 ئوتتۇرھال ئوقۇغۇچى، %10 ئارقىدا قالغان ئوقۇغۇچى قىلىپ ئايرىلىدۇ، مەسىلەن بىر سىنىپتا 50 ئوقۇغۇچى بار بولسا، 10 ئوقۇغۇچى ئۆزلۈكىدىن ئۈگۈنەلەيدۇ، 35 ئوقۇغۇچى ئۆزئارا مۇنازىر قىلىش، ئوقۇتقۇچىنىڭ يىتەكلىشى ئارقىلىق ئۈگۈنەلەيدۇ، 5 ئوقۇغۇچى بولسا كۆپچىلىكنىڭ ياردىمىگە مۇختاج بولۇپ، كىچىك گۇرۇپپىلارنىڭ مۇنازىرە قىلىشى ۋە ئوقۇتقۇچىنىڭ كۆرسەتمە بىرىشى ئارقىلىق ئۆگىنىش ۋەزىپىسىنى تاماملايدۇ.
3) ئۆگىنىش مەزمۇنىنىڭ تەخسىملىنىشى: %20 مەزمۇننى ئوقۇغۇچىلار ئۆزلۈكىدىن ئۈگىنەلەيدىغان، %70 مەزمۇننى مۇنازىرە قىلىش ئارقىلىق ئۈگىنەلەيدىغان، %10 مەزمۇننى ئوقۇغۇچىلارنىڭ ئۆزئارا سۇئال سوراش، ئوقۇتقۇچىنىڭ يىتەكلىشى ، قايتا قايتا مەشىق قىلىشى ئارقىلىق ئۈگىنىدىغان مەزمۇن قىلىپ ئايرىلىدۇ.
2. 271 يۇقىرى ئۈنۈملۈك دەرسخانا ئوقۇتۇش ئەندىزىسىنىڭ تەلىپى
مەكتەپ ساپا مائارىپىنىڭ تەلىپى ۋە ئىلغار ئوقۇتۇش مائارىپ نەزىرىيىسىگە ئاساسەن، ئوقۇغۇچىلارنىڭ دەرسخانىدىكى ئۆگىنىش مەزمۇنى ۋە ئوقۇغۇچىلارنىڭ تەخسىملىنىش ئەمىلىيىتىگە بىرلەشتۈرۈپ بۇ لاھىيەنى تۈزدى:
⑴ ئومۇمى تەلەپ:
1) ئوقۇتقۇچى ئىدىيەسىنى ئۆزگەرتىپ، ئوقۇغۇچىلارنىڭ ئۆگىنىشىدىكى يىتەكلىگۈچى، تەشكىللىگۈچى،قاتناشقۇچى بولۇشى ھەمدە ئوقۇغۇچىلارنىڭ  ئۆزلۈكىدىن ئۆگىنىشى، تەپەككۇر قىلىشى، ھەمكارلىشىپ ئۈگۈنىشى ۋە مۇنازىرە قىلىشىغا پۇرسەت يارىتىپ بىرىشى كېرەك.
2) ئۆگىنىش كىچىك گۇرۇپپا قۇرۇلىشىنى چىڭ تۇتۇش كېرەك
ھەر بىر گۇرۇپپىدا 6 دىن ئوقۇغۇچى بولۇشى، ھەر بىر گۇرۇپپىدا بىردىن گۇرۇپپا باشلىقى بولۇش .گۇرۇپپا باشلىقىنىڭ باشقۇرۇش تەشكىللەش ،تەكشۈرۈش رولىنى جارى قىلدۇرۇش .گۇرۇپپا ئىچىدە يېڭىچە باھالاش تۈزىمى بىكىتىش ۋە ئۇنىڭدىن ئۈنۈملۈك پايدىلنىش .
3) ئوقۇغۇچىلارنى يىتەكلەش مەشىق قىلدۇرۇش پىلانىنى يېڭى دەرسىخانا ئۆلچىمىگە ئاساسەن  ياخشى تۈزۈپ چىقىش .موھىم نۇقتا گەۋدىلەنگەن ،قىيىن نۇقتا ئەسكەرتىلگەن بۇلۇش .بىر ھەپتە بۇرۇن تۈزگۈچىنى بەلگىلەش . ئوقۇغۇچىلارنى يىتەكلەش مەشىق قىلدۇرۇش پىلانىنى تۈزگۈچى ئاۋال پىلاننى ئەتراپلىق تۈزۈپ چىقىدۇ .ئاندىن گۇرۇپپا باشلىقى بىلەن مەسلىھەتلىشىپ ئۆزگەرتىش كىرگۈزۈپ مۇكەممەللەيدۇ.ئاندىن ھەربىر ئوقۇتقۇچى ئۇنى بىر قېتىم ئىشلەپ چىقىدۇ . ئەڭ ئاخىرىدا پىلان مۇقۇملاشتۇرلۇپ ئوقۇغۇچىلارغا تارقىتىپ بېرىلىدۇ. كىيىنكى ھەپتىسى كوللىكتىپ ئۆگىنىش پائالىيىتىدە ئوقۇغۇچىلارنىڭ ئىشلىتىش ئەھۋالىغا ئاساسەن ئۆزگەرتىش كىرگۈزىلىدۇ .
ئوقۇغۇچىلارنى يىتەكلەش مەشىق قىلدۇرۇش پىلانىنى ئۆز ئىچىگە ئالىدىغان مەزمۇنلار: ئۆگىنىش نىشانى ، مۇھىم قىيىن نۇقتا. ئىشلىتىش ئۇسۇلى، ئۆزلۈكىدىن ئۆگىنىش كۆرسەتمىسى، ماس قەدەملىك مەشىق ۋە نەق مەيداندا ئېلىپ بېرىلىدىغان سىناق قاتارلىقلار. بۇنىڭ ئىچىدە ئەڭ مۇھىم بولغىنى ئۆزلۈكىدىن ئۆگىنىش كۆرسەتمىسى. ئوقۇتقۇچىلار يېتەكلەش لايىھىسى سۇئاللىرى كۆپ قاتلاملىق بۇلۇشى كېرەك.
ھەربىر ئوقۇغۇچىلار يېتەكلەش پىلانىنى تارقىتىپ چۇقۇم يىغىۋېلىش،يىغىۋېلىپ چۇقۇم تەكشۈرۈش،تەكشۈرۈپ چۇقۇم باھالاش،باھالاپ چۇقۇم تۈزۈتۈش كېرەك.
4) ئەستايىدىل دەرس تەييارلاش: «271دەرسخانىنىڭ بەش ھالقىسى بۇيىچە لايىھەلەش،مەزمۇنى مول،رېتىمى تېز،ئۆگىنىش نىشانىنى چۆرىدىگەن بۇلۇشىغا كاپالەتلىك قىلىش،دەرسخانىنىڭ ئۇچۇر مىقدارى،تەپەككۇر مىقدارى،مەشق مىقدارىنى كۆپەيتىش؛ھەربىر نىشان ئاستىدىكى ئۆگىنىش مەزمۇنىدا ئۇقۇغۇچىلارنىڭ قۇبۇل قىلىشنىڭ ئەڭ يۇقىرى چەكلىمىسىگە يېتىشى كېرەك.
5) ھەربىر سائەتتە ئۆگىنىش نىشانىنى چوقۇم دوسكىدا ئوقۇغۇچىلارغا كۆرسىتىش كېرەك.ئۆگىنىش نىشانى ئۆگىنىش مەزمۇنى،چۈشىنىپ ئىگەللەش،ئەمەلىي قۇللىنىشقا تىگىشلىك مەزمۇنلارنى ئۆز ئىچىگە ئالىدۇ.لايىھە ئىلىمىي بۇلۇش،ۋاقىت تەقسىم قىلىش مۇۋاپىق بۇلۇش،ھەربىر باسقۇچ نىشاننى چۆرىدىگەن ئاساستا ئېلىپ بېرىلىشى كېرەك.
6) ئەمەلىيلىشىنى كۈچەيتىپ،مەزمۇننى رەتلەشكە ئەھمىيەت بېرىش،ھەربىر سائەتلىك دەرسنى ئۆزۋاقتىدا ئۆزلەشتۈرۈش ، ھەرسائەتلىك دەرستىن كېيىن مۇستەھكەملەش مەشىقى ئېلىپ بېرىلىشى كېرەك.
⑵دەرسخانا باسقۇچلىرى ۋە كونكرت تەلەپ
1) ئالدىن ئۆزلۈكىدىن ئۈگىنىپ كېلىش،مەسىلىلەرنى ئىزدىنىش،ھەربىر ئۇقۇغۇچى ئۆگىنىش نىشانىغا ئاساسەن بەلگىلەنگەن ۋاقىت ئىچىدە ئۆگىنىش ۋەزىپىسىنى تاماملاش كېرەك.
2) ئۆگىنىش لايىھىسىنى تۈگىتىپ، مەشىقنى ئەمەللەشتۈرۈش: ئالدىن ئۆگىنىشتىن كېيىن، ئوقۇغۇچىلار ئۆگىنىش لايىھىسىنى مۇستەقىل تۈگىتىدۇ. مۇھىم ۋە قىيىن نوقتىلارغا قىزىل قەلەم بىلەن بەلگە قۇيۇپ مېڭىشى كېرەك. سۇئال شەكلى، تەپەككۇر يۇلى ۋە قانۇنىيەتنى خۇلاسىلەشكە ئەھمىيەت بېرىش كېرەك.
3) گۇرۇپپىلارغا بۆلۈنۈپ ھەمكارلىشىپ،قىيىن مەسلىلەرنى مۇنازىرە قىلىش.بۇ ئوقۇغۇچىلارنىڭ ئۆز-ئارا ئۆگىنىش،بىرلىكتە ئالغا ئىلگىرلەشتىكى مۇھىم ھالقا.بۇ ھالقىدا ئەلا ئوقۇغۇچىلار ئارقىدا قالغان ئوقۇغۇچىلارغا ياردەم بېرىشلا بۇلۇپ قالماستىن، پۈتۈن سىنىپتىكى ساۋاقداشلارنىڭ تەپەككۇر يولىنى ئېچىش ،ھەربىر ئوقۇغۇچىنىڭ ئوخشىمىغان كۆزقارىشىنى ئوتتۇرىغا قۇيۇش ھالقىسى.ئوقۇتقۇچى پۈتكۈل جەرياننى كونترول قىلىدۇ،كىچىك گۇرۇپپا باشلىقى سۇئاللارنى چۆرىدىگەن ئاساستا پىكىر يۈرگۈزۈش،مۇنازىرە قىلىشقا تەشكىللەيدۇ.بۇ جەريانىدا ۋاقىتنى ياخشى كونترول قىلىپ،ئۈنۈملۈك مۇنازىرە قىلىشقا كاپالەتلىك قىلىشقا كېرەك.بەلگە ئۇرۇپ خاتىرلەپ،كۆرسىنىشكە قولايلىق يارىتىش كېرەك، ئوقۇتقۇچىلار ئوقۇغۇچىلار ھەل قىلالمىغان مەسلىلەرنى توپلاپ،كۆرسەتمە بېرىشكە تەييارلىق قىلىش كېرەك.(بۇقىرىقى ئۈچ باسقۇچ دەرسخانىنىڭ 30مىنۇت ۋاقتىنى ئىگىلەيدۇ،يەنى«271»دىكى «7»دۇر )
4) باھالاش ۋە خۇلاسە ئارقىلىق بىلىمنى تېخىمۇ مۇستەككەملەش. كىچىك گۇرۇپپىلار ئۆزئارا مۇنازىرە قىلىش ئارقىلىق ، ئۆزلىرى تېپىپ چىققان مەسىلە ھەل قىلىش يوللىرىنى دوسكىدا كۆرسىتىدۇ، دەرس ۋاقتىنىڭ چەكلىمىسى بولغاچقا ھەربىر گۇرۇپپىدىن بىردىن ئوقۇغۇچى دوسكىغا چىقىدۇ. ئالدى كەينى ۋە يان تامدىكى دوسكىلاردىن پايدىلىنىپ ئوخشاش بولمىغان رەڭلىك بورلارنى ئىشلىتىپ  مەسىلە ھەل قىلىش يوللىرىنى يازىدۇ، قالغان ساۋاقداشلار ئۆزئارا پىكىر ئالماشتۇرىدۇ. ئاخىرىدا ئوقۇتقۇچى باھالاش پىكىرىنى بىرىدۇ، ساقلانغان مەسىلىلەرنى ، ئارتۇقچىلىقلارنى يەكۈنلەيدۇ ھەمدە  ئىخچام ، جانلىق ھالدا ئۈگەنگەن بىلىملەر ئۈستىدە خۇلاسە چىقىرىدۇ.بۇ جەريانغا 10 مىنۇت ۋاقىت سەرىپ قىلىنىدۇ.
5) دەرس ئاخىرىدىكى سىناق ئېلىنىدۇ. سىناقنى ئېغىزچە ئېلىشقىمۇ، يېزىقچە ئېلىشقىمۇ بولىدۇ، مۇھىمى شۇ سائەتلىك دەرستە ئۈگەنگەن بىلىمنى مۇستەھكەملەشكە پايدىلىق بولۇشى ،ھەقىقى ئۈنۈمنى ئەكس ئەتتۇرۈشى كېرەك. ئاخىرىدا تاپشۇرۇق ئورۇنلاشتۇرىلىدۇ، بۇ جەريانغا 5 مىنۇت ۋاقىت سەرپ قىلىنىدۇ.

ozqan

2014-05-28 11:06

كۆكسانغۇن : ئالدى بىلەن سىزنىڭ ئىلغار  دەرس ئەندىزىلىرىنى  بىزگە تونۇشتۇرغانلىقىڭىزغا كۆپ تەشەككۈر ئېيتىمەن .  تەۋپىق كۆكىنىڭ سانغۇنى ھامان سانغۇنغا  لايىق ئىشلارنى قىلىدۇ .
ئاندىن كېيىن مەكتىپىڭىزدىكى قولايلىق شارائىتىڭىزدىن پايىلىنىپ مەكتپىڭلارنىڭمۇ ئۆزىگە خاس ئوقۇتۇش ئەندىزىسىنى تۈزۈپ چىقىشىنى ھەم كۆپچىلىكنى بۇ ئەندىزىدىنمۇ خەۋەردار قىلىشىنى ئۈمىد قىلىمەن .

بۇ ئەندىزىلەرنى تەپسىلىي ئوقۇپ چىقىپ ، نۇرغۇن نەپكە ئېرىشكەندەك بولدۇم . ھەم ئۆزۈمنىڭ قولىدىن كەلگەن دائىردە دەسلەپتە ئۆزۈم دەرس ئۆتۈدىغان سىنىىپلاردا ئۆزىمىزنىڭ بالىلىرىنىڭ ئەھۋالىغا ماس كېلىدىغان تەكرار ئەندىزىسى تۈزۈپ چىقىشنى ئويلاشتىم ...

پايدىلانمىلارنىڭ بولۇشى ، دەسلەپكى ئۈنۈملەرنىڭ بولۇشى بىزنىمۇ قايتا ئىجاد قىلىشقا ، ئەسلىدە بار بولغان ئەندىزىلەردىن پايىلىنىپ يېڭى ئەندىزىلەرنى تۈزۈپ چىقىشقا ئۈندەيدىكەن ، بۇ خىل ئىزدىنىشكە يول ئېلىشقا   تۈرتكە بولغان  بۇ يوللانمىڭىزغا  يەنە بىر قېتىم تەشەككۈر .

ھەممىمىز ئاددىي دەرسخانىنىڭ خاس خوجايىنلىرى بۇ ئاددىي ئورۇنلارنى باشقىلار زىيارەت قىلىپ تەجىربىسىنى ئۆگىنىپ كېتىشكە تۈرتكە بولىدىغان دەرسخانا ئەندىزىلىرىنى ھەر قايسى جايلاردا تىرىشىپ بەرپا قىلىپ بېقىپ ، ئاندىن ئوموملاشتۇرساق ، بولۇپمۇ ، ئىچكىرىلەردە قوللىنىلىۋاتقان دەرس ئەندىزىلىرىنى ئۆزىمىزنىڭ بالىلىرىنىڭ پىسخىكىسىغا ، مىجەز-خۇلقىغا ، ئادىتىگە  ؛ ھەم ئۆزىمىزنىڭ ئوقۇتۇش ئالاھىدىلىكىگە ماسلاشتۇرۇپ باقساق تامامەن قىلغىلى بولىدىغان ئىش دەپ ئويلامەن .

بولسا تەۋپىق تور بېتىمىزنىڭ خاس  ئوقۇتۇش ئەندىزىسىنى تېپىپ چىقىشقا كۈچەپ باقاساقمۇ بولغۇدەك دەپ ئويلاپ قالدىم ...

قېنى كۆپچىلىك ئاۋال ، يۇقىرقى ماتىريالنى ئەستايىدىللىق بىلەن ئوقۇپ چىقايلى ئاندىن تەۋپىقلىقلەرنىڭ خاس ئەندىزىسىنى تېپىپ چىقىش ئۈچۈن  بىرلىكتە ئىزدىنىپ باقايلى ...

كۆكسانغۇن  ، سىزنىڭ شۇنداق ياخشى بىر ئەندىزىنى تېپىپ چىقىشتا باشلامچى بولۇشىڭىزنى ئۈمىد قىلىمەن ، شۇنداقلا ياخشى بىر ماسلاشقۇچى بولالايدىغانلىقىمغا ئىشىنىمەن .

مېنىڭ  ئويلىغىنىم :

alga~nap

2014-05-28 12:13

قايىل بولماي تۇرالمىدىم. ئۈگۈنىشىمىزگە ئەرزىيدىكەن. دېمىسىمۇ ھازىر ئوقۇغۇچىلارنىڭ مەكتەپتىن زىكىرىش تويغۇسىدا بولۇشى دەرسخانە ئوقۇتۇشىنىڭ ئۇلارغا ئېلىپ كېلۋاتقان بېسىمىدىن ئايرىپ قارىغىلى بولمايدۇ. بۇرۇنلاردا ئوقۇش پۇلى يەنە بىرنىمە ھەققى دېگەندەك ئىقدىسادىي بىسىملار بالىلارنى مەكتەپتىن چىكىندۇرگەن بولسا بۈگۈنكى كۈنگە كەلگەندە مونۇپۇل قىلىۋىلىنغان دەرسخانە ئوقۇتۇشى ئۇلارنىڭ يۇمران قەلبىدە ئاجايىپ ئاچچىق ئەسلىمىلەرنى قالدۇرماقتا. بەزى ئوقۇتقۇچىلار ھەتتا ئۆزىمۇ تېخى ئەمدىلاتىن بىلگەن نەرسىىسىنى ئوقۇغۇچىدىن سوراپ جاۋاپ بىرەلمىسە تىللاپ ئۆزىنى ئەۋلىيا ئوقۇغۇچىلارنى يارامسىز چاغلىماقتا. بۇ ئەھۋال ھەممە مەكتەپتە ئورتاق بار بولغان مەسىلە.
يوقۇرىقى ئوقۇتۇش ئەندىزىسى توغۇرسىدا مەن بۇرۇنمۇ ئىچكىرى ئۆلكىلەرنىڭ تەجرىبىلىرىنى ئاڭلىغان، كۆرگەن ئىدىم. بالىلارغا مۇۋاپىق بولغان دەرسخانە ئوقۇتۇشى موھىتىنى يارىتىش - مەكتەپنىڭ ، ئوقۇتقۇچىلارنىڭ باش تارتىپ بولماس مەجبۇرىيىتىدۇر.

jasarat	2014-05-28 14:07
مەنمۇ خىلى مۇل بىلىمگە ئىگە بولىۋالدىم ئەمەسمۇ

ozqan	2014-05-28 17:19
بۇ تېمىدىن ئىلھام ئېلىپ تۈزگەن ئەندىزىنى ئايرىم تېما قىلىپ يوللاپ قويدۇم .

uzqak	2014-05-28 17:46
ياخشى ماتېرىيالكەن،ئىزدىنىشچان قەدەملىرىڭىزدىن تەۋپىق مۇنبىرى يېڭى مەنىلەرگە تولغىسى !

ئوتقاشئەرقۇتى

2014-05-28 23:59

مۇنبىرمىزدە مۇشۇنداق ياخشى تېمىنى كۆرگىنىمدىن بەكمۇ خۇرسەنمەن.ئوقۇتقۇچى دەرس ئىسلاھاتىنىڭ رولچىسى بۇلۇش سۈپىتىدە ئوقۇ ئوقۇتۇش خىزمىتىدە ئىنتايىن مۇھىم ئورۇن تۇتىدۇ.مۇنبەرداشلارنىڭ ئىزدىنىشچان روھىدىن گۈللەر ئۈنسۇن !ھەربىر ئوقۇتقۇچى مۇشۇنداق بىر روھقا ئىگە بولغاندا، بىزنىڭ مائارىپىمىزدىن ئەنسىرەشنىڭ ھاجىتى قالمىغان بۇلاتتى .

koksangun

2014-05-30 22:11

بۇ تېمىنى يوللاپ بولۇپ مۇنبەرگىمۇ كىرمىگىلى خېلى ئۇزۇن بوپتۇ،بۇگۇن ئارام مۇناسىۋىتى بىلەن مۇنبەرلەرنى ئارىلاپ بۇ تېمىغا چۈشكەن ئىكاسلارنى كۆرۈپ تولىمۇ خۇش بولدۇم. چۈنكى دەرسخانا ئىسلاھاتىغا كۆڭۈل بۆلۈش ھەر بىر مەسئۇلىيەتچان ئوقۇتقۇچىنىڭ كۆڭۈل بۆلىدىغان مۇھىم تېمىسىدۇر. ئۆزقان بۇ تېمىغا تولىمۇ ئەھمىيەت بېرىپ ئەستايىدىل كۆرۈپ ئۆزىنىڭ كۆز قارىشىنى ئوتتۇرىغا قويۇپ ئۆزىنىڭ قەلبى مائارىپ ئىشلىرىمىز ئۈچۈن كۆيۈپ تۇرىدىغان تەخىرسىز ھالىتىنى ئىپادىلەپتۇ، مەن ئۆزقاننىڭ بۇ خىل ئىزدىنىشچان روھىغا بۇرۇندىن ئىچ-ئىچىمدىن قايىل ،.بۇ تىمامنىڭ ئۆزقان مۇئەللىمنىڭ دىققىتىنى تارتقانلىقىدىن تولىمۇ خۇرسەن بولدۇم.
بۇ يىل 9-ئايدىن باشلاپ بىزنىڭ متەپتە بۇ خىل ئەندىزىنى سىناپ يولغا قويماقچى،بۇ خىل ئەندىزىنى يولغا قويۇشتا مۇشكۇلات كۆپ،يوللار ئەگرى-توقاي، ئالدى بىلەن ئەنئەنىۋىي ئوقۇتۇش ئەندىزىسىگە كۆنۈپ قالغان ئوقۇتقۇچىلارنىڭ ئىدىيىسىدە بۇرۇلۇش ياساش مۇھىم ھەم قىيىن ئۆتكەل. يەنە بىرى دەرسلىكلەرنى تەسىس قىلىش يەنە بىر قىيىن ئۆتكەلدۇر، ئۇيغۇر ئوقۇتۇشىدا بىزنىڭ يەرلىك دەرسلىكىمىز، خەنزۇتىلى دەرسلىكىنىڭ ئىككى سائەت ئارتۇق ئۇرۇنلىشىشى. ئىنگىلىز تىلى دەرسلىكى قاتارلىق دەرسلىكلەر يېڭى دەرس ئىسلاھاتىنىڭ مەھسۇللىرى بولۇپ، دەرسلىكلەرنى مۇۋاپىق، ئىلمىي ئورۇنلاشتۇرۇپ، ئوقۇغۇچىلارنىڭ ئۆزلۈكىدىن ئۆگىنىشىگە يېتەرلىك ۋاقىت چىقىرىشىمىزدا قىينچىلىق ئېلىپ كېلىدۇ.يەنە بىر جەھەتتىن،مەكتەپ يەنە نۇرغۇن مەبلەغ ئاجرىتىپ ئوقۇغۇچىلار خالىغان ۋاقىتتا ماتېرىيال ئىزدەپ تاپالايدىغان كىتاب-ماتېرىياللار كارىدۇرى،تورغا ئولانغان كومپيۇتېر كارىدۇرى تەسىس قىلىپ، ئوقۇغۇچىلارنىڭ ماتېرىيال ئىزدىشى ئۈچۈن قۇلاي شارائىتلارنى يارىتىپ بېرىشى، ئۆزلۈكىدىن قول سېلىپ ئىشلىشى ئۈچۈن تەجرىبىخانىلارنى قۇرۇپ قابىلىيەتلىك تەجرىبە ئوقۇرتقۇچىلىرىنى سەپلىشى ... قاتارلىق تەييارلىق خىزمەتلىرىنى ئىشلەشكە توغرا كېلىدۇ.
بۇ ھەقتە تەۋپىق مۇنبىرىدە مەخسۇس تېمىلىق سالۇن، مۇھاكىمىلەرنىڭ بولۇشى مائارىپ ئىشلىرىمىز ئۈچۈن تەر تۆكۈپ ئەجىر سىڭدۈرىۋاتقانلار ئۈچۈن تولىمۇ ئەھمىيەتلىك ئىش بولغان بولاتتى.

ئەكبەرنىياز	2014-06-02 17:34
ھەقىقەتەن مول بىلىمگە ئىگە بولدۇم ، كۆكسانغۇن ئۇستازغا كۆپ رەھمەت !!!

نۇرلالە	2014-06-03 10:33
بىزنى مول بىلىم بىلەن تەمىن ئەتكەن ئۇستازغا رەھمەت.

ozqan

2014-06-03 11:32

koksangun:بۇ تېمىنى يوللاپ بولۇپ مۇنبەرگىمۇ كىرمىگىلى خېلى ئۇزۇن بوپتۇ،بۇگۇن ئارام مۇناسىۋىتى بىلەن مۇنبەرلەرنى ئارىلاپ بۇ تېمىغا چۈشكەن ئىكاسلارنى .. (2014-05-30 22:11)

كۆكسانغۇن : مەكتىپىڭىزدىكى رەھبەرلىك ئورنىڭىزدىن قولاي شاراتىڭىزدىن پايدىلىنىپ ، مىلىي مائارىپقا پايدىلىق بولغان ئىزدىنىش ۋە ئىسلاھاتلارنى يۈرەكلىك ئېلىپ بېرىپ ، كۆپىلىك ئۈچۈن يېڭى يوللارنى ئېچىشقا تىرىشىدىغانلىقىڭىزغا ھەمدە قىيىنچىلىقلار ئىچىدىن يول تېپىپ ، نەتىجە قازىنىدىغانلىقىڭىزغا ئىشىنىمەن ...

tawpek

2014-06-04 22:53

يىغىنچاقلىغاندا سىز بىزنىڭ پەخرىمىز.

مۇنبىرىمىزنىڭ سانغۇنى ئىدىڭىز مانا ئەمدى مەكتىۋىڭىزنىڭ سانغۇنى بولدىڭىز

ئىسىل ماتىرىياللىرىڭىز ئارقىلىق دەرىسخانىنى بىيىتپ كەلگەن ئىدۇق ، مانا ئەمدى بىر دەرىسخانا ئەمەس پۈتۈن مەكتەپنى بىيىتىدىغان تېمىلار ئۈستىدە ئىزدىنىۋىتىپسىز.

داۋاملىق سۇنۇپ تۇرۇڭ، مەكتەپ باشقۇرۇشتىكى تەجرىبىللىرىڭىزنىمۇ تونوشتۇرۇپ تۇرۇڭ.

نوقول ھالەتتىكى تۈزۈمگە بويسۇنۇپ مۇئەللىمچىلىك قىلىشتىن ھازىر ھەممە مائارىپ ئۈچۈن سۆزلەيدىغان ئوقوغۇچىلارغا مەسئۇللۇق بولوش ئىتىقادى بىلەن مۇئەللىمچىلىك قىلىشقا ئۆتۆپ باشقۇرۇش تۈزۈلمىمىزگە تەكلىپ بىرىدىغان ھالەتكە ئۆتتۆق دەپ قارايمەن.

تەجرىبىللىرىڭىزنى، ئنۈملۈك چارە تەدبىرلىرىڭىزنى مەكتەپ باشقۇرغۇچىللىرمىزغا تەكلىپ سۈپىتىدە سۇنۇپ خىزمىتىمىزنىڭ تىخىمۇ ئۈنۈم بىرىشنى ئىلگىرى سۈرۈش باسقۇچىغا يەتتۇق دەپ قارايمەن.

يوقاپ كەتمەڭ، دىلىمىز نازۇك ، چۈنكى بىز سىزگە كۆنۆپ قالغان ، سىز بولغاچ بىز مۇشۇنداق قەد كۆتۆرگەن ھەم ئۇيۇشقان.

ئاخىرقى گەپلىرىمنى سىز بىلىپ بولدىڭىز ھەقاچان ، ھەممە ئادەم مىنى سىزدەك ئىنىم دەپ چاقىرمايدۇ جۇمۇ.

tawpek

2014-06-04 22:54

ozqan:كۆكسانغۇن : ئالدى بىلەن سىزنىڭ ئىلغار دەرس ئەندىزىلىرىنى بىزگە تونۇشتۇرغانلىقىڭىزغا كۆپ تەشەككۈر ئېيتىمەن . تەۋپىق كۆكىنى .. (2014-05-28 11:06)

كىچىكىپتۇق، بولمىسا مەخسۇس تەكرا گۇرپىسى قۇراركەنمىز. بۇدا مۇشۇنىمۇ بىر ئويلىشىلى

tawpek

2014-06-04 22:56

koksangun:بۇ تېمىنى يوللاپ بولۇپ مۇنبەرگىمۇ كىرمىگىلى خېلى ئۇزۇن بوپتۇ،بۇگۇن ئارام مۇناسىۋىتى بىلەن مۇنبەرلەرنى ئارىلاپ بۇ تېمىغا چۈشكەن ئىكاسلارنى .. (2014-05-30 22:11)

مۇشۇنداق ئىزدىىشلەرگە ئاكتىپ ئاۋاز قوشوپ توپلىشىپ نەتىجە يارىتىدىغانلارغا مەخسۇس بىر گۇرپا قۇرۇپ ئىش تەخسىماتى بويچە بىر ئىشلارنى قىلساقمۇ بولغۇدەك

تەشنا005	2014-06-10 13:45
مەنمۇ خىلى مۇل بىلىمگە ئىگە بولىۋالدىم

查看完整版本: [-- ئىككى خىل يوقىرى ئۈنۈملۈك دەرسخانا ئەندىزىسى --] [-- top --]

Powered by phpwind v8.7 Code ©2003-2011 phpwind
Gzip enabled