| ئۇيغۇر |
2014-05-27 00:25 |
ئابدۇشۈكۈر مۇھەممەتئىمىن نۇتۇق(2)
ئابدۇشۈكۈر مۇھەممەتئىمىن ئىلمى مۇھاكىمە يىغىنىدا سۆزلەنگەن سۆز (2-سائەت )
_ ئازات سۇلتان
( چىرا 1- ئوتتۇرا مەكتەپتىن ئالىمجان ئابدۇللا )
ئوقۇتۇش نىشانى
بىلىم نىشانى : ئاپتور ئازات سۇلتان ھەققىدە بىلىم بىرىش .
ئىقتىدار نىشانى :تىكىستنى راۋان ، جانلىق ، ھېسىياتنى تۇلۇق گەۋدىلەندۈرگەن ھالەتتە ئوقۇش .
ھېسىيات ۋە ئەخلاقى تەربىيە نىشانى : ھەقىقى ئالىمنىڭ قانداق بۇلىدىغانلىقىنى ھىس قىلدۇرۇش ئارقىلىق ئوقۇغۇچىلارنىڭ ئادىمىلىك پەزىلىتى ئۈچۈن ئىجابى تەسىر بىرىش .
مۇھىم نوقتا :تىكىستتىن نۇتۇقنىڭ ئالاھىدىلىكلىرىنى تېپىپ چىقىش .
قېيىن نوقتا : ئوقۇغۇچىلاردا ھەقىقى بىر ئادىمىلىك پەزىلەتنى يىتىلدۈرۈش ، ئوقۇغۇچىلار قەلبىگە ئابدۇشۈكۈر مۇھەممەتئىمىننى نەقىش قىلىپ ئۇيۇش .
ئوقۇتۇش ۋاستىللىرى
دەرسلىك كىتاپ ، دەرس تەييارلىقى ، ئابدۇشۈكۈر مۇھەممەتئىمىننىڭ « يىپەك يۇلىدىكى توققۇز ھېكىمەت » ناملىق كىتابى .
ئوقۇتۇش جەريانى ۋە ئۇسۇلى
يىڭى دەرسكە باشلاپ كىرىش : بىر قانچە ئوقۇغۇچىنى ئالىمنىڭ ھاياتى پائالىيتىدىن ئالغان تەسىراتىنى ئوتۇرغا قويۇشقا يىتەكلەش ئارقىلىق يىڭى دەرسكە باشلاپ كىرىمەن .
بىرىنجى قەدەمدە ، ئاپتۇر ئازات سۇلتان ھەققىدە چۈشەنچە بىرىمەن .
ئازات رەھمۇتۇللا سۇلتان 1951-يىلى ئۆرۈمچىدە تۇغۇلغان ، پروفېسسور ، ئەدەبىياتشۇناس . ئۇنىڭ « بۆگۈنكى زامان ئۇيغۇر ئەدەبىياتى توغرىسىدا » ، « يىڭى دەۋر جوڭگو ئەدەبىياتى » قاتارلىق كىتابلىرى نەشىر قىلىنغان .
ئىكىنجى قەدەمدە ، تۆۋەندىكى سۇئاللار ئارقىلىق دەرسكە بولغان چۈشەنچىنى تېخىمۇ چوڭقۇرلاشتۇرىمەن:
(1) ئالىمنىڭ ۋەكىل خارەكتىرلىك ئەسەرلىرىدىن قايسىلارنى بىلىسىز ؟
(2) ئالىمنىڭ بېشىغا ئېغىر كۈنلەر كەلگەندىمۇ نىمە ئۈچۈن ئۆز يۇرتىدىن ئايرىلىشقا كۆزى قىيمايدۇ ؟
(3) ئالىم ئۆز بېشىدىن ئۆتكۈزگەن ئېغىر كۈنلەردىن ۋايسىغانمۇ نىمە ئۈچۈن ؟
(4)« ئىزىڭدىن تىكەن ئۈنسە ئەۋلادىڭنىڭ پۇتىغا سانجىلار » دىگەن ماقال قايسى رايۇن خەلقىنىڭ ؟ بۇنىڭ مەنىسىنى ئېيتىپ بىرەلەمسىز ؟
تاپشۇرۇق لايھەسى
مەزمۇنى : ئازات سۇلتان سۆزلىگەن « ئابدۇشۈكۈر مۇھەممەتئىمىن ئىلمى مۇھاكىمە يىغىنى » دا سۆزلىگەن سۆزنى ئەستايىدىل ئوقۇپ كىلىڭ .
مەقسەت : ئوقۇغۇچىلارنىڭ ئالىم ئابدۇشۈكۈر مۇھەممەتئىمىن ھەققىدىكى چۈشەنچىللىرىنى تېخىمۇ چوڭقۇرلاشتۇرۇش .
تەلەپ : چۈشەنمىگەن سۆزلىكلەرگە بەلگە قويۇش . تىكىستنى ھېسىياتلىق ، راۋان ئوقۇش .
باھالاش : ئوقۇغۇچىلاردىن مۇناسىۋەتلىك سۇئاللارنى سوراش ئارقىلىق ئوقۇش ئەھۋالى ئىگەللىنىدۇ .
گورۇپپا مەسئۇلىنىڭ ئىمزاسى :
|
|