رەڭدار تاشلار

1- بالاڭنىڭ كىچىك گۇناھلىرىغا كۆز قىسقىنىڭ ، چوڭ گۇناھ ئۆتكۈزۈشكە يول ئاچقىنىڭ .
2-ساۋاقداشلىرىڭنى ئەسلەپ تۇر ، قېرىنداشلىرىڭنى يوقلاپ .
3- ۋاپاسىز خوتۇن تىراگېدىيە ، ۋاپاسىز بالا پاجىئە .
4- دانالارنىڭ كەينىدىن غەيۋەت - شىكايەت كۆپىيىدۇ ، ياخشىلارنىڭ كەينىدىن ھەسەت - تۆھمەت .
5- سەھرالىقلار شەھەرگە كىرسە كۆزى ئېچىلىدۇ ، شەھەرلىكلەر سەھراغا چىقسا كۆڭلى .
6- ھاراقكەشكە ئاۋال ئاۋامنىڭ قارغىش ئوقى ، ئاندىن ئىلاھنىڭ ئەجەل ئوقى تېگىدۇ .
7- تۇل ئەرنىڭ ئىشىكى كۆپ قۇلۇپلىنىدۇ ، تۇل ئايالنىڭ ئىشىكى كۆپ ئېچىلىدۇ .
8- قىزلار بىرى ، زىيادە خۇشال بولغاندا ، يەنە بىرى ، زىيادە رەنجىگەندە ئاسان ئازغىشىدۇ .
10- ۋىجدان ئوغۇللارغا ، ئىپپەت قىزلارغا تاشلانغان كىملىك سۇئالى .
11- قىزلار ئۆزىنى ئەينەكتىن ، ئوغۇللار ھەرىكەتتىن كۆرۈشكە ئامراق .

شىنجاڭ مەدەنيىتى
12- غەزەپ ئەزرائىلنى ، شەپقەت خىزىرنى چىللايدۇ .
13- قىزلىرى بۇزۇلغان مىللەتنىڭ ئەرلىرى ، ئەرلىرى بۇزۇلغان مىللەتنىڭ يەرلىرى ئىتتىك كاردىن چىقىدۇ .
14- بىر ئېغىز گەپتىن قالغان ، بىر ئېغىر دەرتكە قالماس .
15- ئاتا - ئانىسى يىغلاڭغۇ بالا چوڭ بولغاندا بىر بولسا باتۇر ، بىر بولسا قورقۇنچاق ئادەم بولىدۇ .
16- ئوت ئادەمنى ، مۇھاببەت ئالەمنى ئىسسىتىدۇ .
17- ئادەمنى چىرايلىق كۆرسىتىدىغىنى خۇيى ، ھايۋاننى چىرايلىق كۆرسىتىدىغىنى مويى .
18- بىچارىلەرنىڭ كۆز يىشى ئەڭ ئىسسىق ، رەھىمسىزلەرنىڭ كۆز يىشى ئەڭ سېسىق .
19- بىر تۇغقاننىڭ مېھرى - مۇھاببىتىنى ، بىرى، ئايرىم ئۆي تۇتقاندا ، يەنە بىرگە ئاتا - ئانىدىن ئايرىلغاندا سىنا  .
20- سۆيگۈ - مۇھاببەت كۆزىمىزنى تۇمانلاشتۇرىدۇ ، نىكاھ روشەنلەشتۈرىدۇ .

رەڭدار تاشلار( 2 )



1- زاڭ ناخشىلار قۇلاقنى يارار ، گاڭ ناخشىلار يۈرەكنى .
2- بوۋاڭغا ناخشا سوۋغا قىلغۇچە ، ھاسا سوۋغا قىل .
3- بىئەقىلنىڭ ھەسرىتى تولا ، ھەسەتخورنىڭ غەيۋىتى .
4- بىر << ئۇھ >> مىڭ ھاردۇقنى چىقارسا ، بىر << ئېست >> مىڭ پۇشايماننى ئېلىپ كېلەر .
5- بىر كۆزۈڭنى دۇنياغا ، بىر كۆزۈڭنى قەبرىستانغا تىك .
6- ئەر ھورۇن بولسا نامراتچىلىق ، خوتۇن ھورۇن بولسا مەينەتچىلىك باسىدۇ .
7- ئۆتنە ئېلىپ ئۆزۈڭنى ، ئۆتنە بېرىپ يۈزۈڭنى سىنا .
8- گەپنى قىل ئويلاپ ، كۆپنىڭ كۆڭلىنى بويلاپ .
9- ئالغۇچىنىڭ ئاغزىدا ئىۋەن كۆپ ، بەرگۈچىنىڭ ئاغزىدا ئارتۇقچىلىق .
10- قىزىڭ بۇزۇلسا ئۆمۈرلۈك بەتنام قالىدۇ ، ئوغلۇڭ بۇزۇلسا ئېبرەت قالىدۇ .
11- قىز تاللىساڭ ئۆتمۈشىنى ، ئوغۇل تاللىساڭ كەلگۈسىنى ئاساس قىل .
12- مۇھاببەت يوشۇرسىمۇ كۆزدىن چانىدۇ .
13- ئۆكۈنۈش غەمگە باشلايدۇ ، ئۈمۈدسىزلىك قىيامەتكە .
14- نادانلىقنىڭ ئەڭ يۇقىرى پەللىسى ئۆتمۈشكە زارلانغان ، كەلگۈسىگە ئۈمۈدسىزلەنگەن ، بۈگۈنگە سۈكۈت قىلغانلىقتۇر .
15- ئاياللار - ۋاپادار ئەر ئالدىدا ساداقەتمەنگە ، قاقۋاش ئەر ئالدىدا ھىيلىگەرگە ، نادان ئەر ئالدىدا سېھرىگەرگە ، ۋاپاسىز ئەر ئالدىدا جادۇگەرگە ئايلىنالايدىغان ،ئەرلەر رېژىسسورلۇقىدىكى تۇرمۇش سەھنىسىدە ئىجابىي ، سەلبىي رول ئالالايدىغان كۆپ قىرلىق ماھىر ئارتىس .
16- ياخشىلار بىر - بىرىنىڭ غېمىنى يەپ ئۆتىدۇ ، يامانلار بىر - بىرىنىڭ نېنىنى يەپ .
17- بالام يارامسىز دېگۈچە ، ئۆزەم ئىقتىدارسىز دېسەڭ ئەڭ مۇۋاپىق .
18- ئوغرى گۇمانخور ، پەسكەش زىناخور ، ئۇششۇق بالاخور ، خوشامەتچى تاماخور كېلىدۇ .
19- نادانلارنىڭ يولىدا قاراڭغۇلۇق ، ئەخماقلارنىڭ يولىدا توزاق كۆپ .
20- ئاداشقاندىن يول ، نامراتتىن پۇل ، ئىش كۆرمىگەندىن مەسلىھەت ، ھەسەتخوردىن نەسىھەت سورىما .

مەنبە : << شىنجاڭ مەدەنىيىتى >> ژورنىلى 2009- يىللىق 1- سان

tawpek	2014-05-31 00:07
ماۋزۇسىغا قاراپ نىمىكىن دەپ قاپتىمەن. {b@rQCre7 l'~]8Wo 1 5 Vm \|/ نىمىدىگەن ئىسىل مەرۋايىت تاشلار بۇ؟ !M~p __ Fi{~UOZg t#\|E.G:= كۆپ تەشەككۇر سىزگە