| ozqan |
2014-04-29 00:11 |
لىرىكا
لىرىكا
سەن ئەسلى قەلبىمگە ئۇۋا سالغان قۇش ،
ئۇچتۇڭغۇ خوش دېمەي ، قەيەرگە كەتتىڭ ؟
يۈرەككە سانجىلار ، ھىجران تىغلىرى ،
كۆڭلۈمنى ئاھ ، گۈلۈم ھەجەپ زار ئەتتىڭ .
خىيالىم سەن تامان قاققاندا قانات ،
بەختىمنىڭ چولپىنى نۇرلىنار ئىدى .
چوغلانسا ۋۇجۇدۇم ئۈمىدلەر بىلەن ،
ناز قىلىپ بىر ئىللىق تولغىنار ئىدى .
باھارىم سەن ئىدىڭ ، ناھارىممۇ ھەم ،
چىغىر يول ۋىللىقلاپ كۈلەتتى سەندە .
مۇقەددەس توپىنى سۆيسەم ئاھ چىمدىپ ،
سەن باسقان قەدەمدىن ئۈنەر ئەقىدە .
مەن گويا كۆكسۈڭدە بالقىغان تىنىق ،
مەن گويا ئىسمىڭمەن ساڭا خاس ئەبەت .
قايتامسەن ، ئىللىسا قۇياشلىق ئالەم .
باھار بوپ يارالسام قەلبىڭدە پەقەت . |
|
