| tursun |
2014-04-28 01:49 |
كەچقۇرۇندىكى غەلىتە خىيال...بۇژغۇن
كەچقۇرۇندىكى غەلىتە خىيال
ئاپتورى:تۇرسۇن ھۈسەيىن بۇژغۇن
(3)
سۆيگۈم كىلۇر دادام قولىغا،
كۆز ئۈزمەستىن قاراپ يولىغا.
چارچىسىمۇ بىزگە بىلدۈرمەي،
يەڭ شىمايلاپ چۈشەر ئورمىغا.
يۈكسەك ئارزۇ ئۈنىڭ سىردىشى،
ساقسىز ئانام ئۇنىڭ دىلكىشى.
چاي بىلەن نان توشار دادامغا،
بولسىمۇ گەر ئۆيدە كۆپ ئىشى...!
باش قويىمەن ئانام باغرىغا،
دادام ئىشتىن قايتىپ كەلگىچە.
دادام ئورما ئورۇپ يانغىچە،
بولۇپ كېتەر گاھىي بىر كېچە.
شۇنداقتىمۇ ئانام ئىككىمىز،
ئىشىك ئالدىدا ئۇنى ساقلايمىز.
ئانام بىلەن ئاينى سەيلە قىپ،
دادام كەلگىچە كىرپىك قاقمايمىز.
چۆچەك ئىيتىپ بەزىدە ئانام،
خىيالىمغا بولاتتى ھەمراھ.
چۈشلىرىمگە بولۇشۇپ مەست خۇش،
يۇلتۇزلارمۇ بولاتتى سەيياھ...!
دادام كەلدى تەرلەرگە چۆمۈپ،
پىشانەمگە سۆيدى يىنىشلاپ.
ئانام بىلەن مېنى بىر ھازا،
قۇچاقلىدى،ئىللىق باغاشلاپ.
قاداق باسقان ئىشچان قولىغا،
سۆيىۋالدىم ئاستا ئاۋايلاپ.
خەير-خوش دادا،ئەمدى ئۇخلاي دەپ،
كېرىپ كەتتىم ئۆيگە تايتاڭلاپ...!
2014-يىلى 4-ئاينىڭ 27-كۈنى ئۈرۈمچى
|
|