تەۋپىق مۇنبىرى - Powered by phpwind

بىخلىقتىن-قىرانلىققىچە(«مېھرىبان ئانىلار»نىڭ شانلىق تۆھپىسى)

P
قەلەم تەۋرەتكۈچى:ئۈرۈمچى شەھەرلىك 37-ئوتتۇرا مەكتەپتىن :تۇرسۇن ھۈسەيىن بۇژغۇن

ئاپتونۇم رايۇنىمىز-كۆپ مىللەتتىن تەركىپ تاپقان بىر چوڭ ئائىلە. جۇملىدىن مەكتىۋىمىزمۇ ئۇيغۇر، خەنزۇ، خۇيزۇ قاتارلىق كۆپ مىللەتتىن تەركىپ تاپقان، ئىناق، ئىتتىپاق ۋە ئۆملۈكتە ئالغا ئىلگىرلەۋاتقان بىر مۇكەممەل چوڭ ئائىلە.
بۇ ئائىلىدە بارلىق ئوقۇتقۇچى، ئىشچى-خىزمەتچىلەر بىر بىر ياقىدىن باش، بىر يەڭدىن قول چېقىرىپ، كىلىچەكنىڭ ئىزباسارلىرىنى ساغلام تەربىيەلەش يولىدا زېھنىي كۈچىنى سەرپ قىلىپ كەلمەكتە. ئۇلارنىڭ نەزىرىدە بارلىق ئوقۇغۇچىلار جەمئىيەتكە ياراملىق يېتىشىپ چىقسا، ئۆز خۇشاللىقىمىز پەرۋازلاندى دەپ قاراپ، كىچىنى-كۈندۈزگە ئۇلاپ، ئەشۇ بوغۇنلار ئىشتىياقىدا پەرۋانە بولۇشۇپ كەلدى.
دۆلەتمۇ مائارىپنىڭ ھۇل ئەسلىھە قۇرۇلۇشى ئۇچۇن يىلسېرى كۆڭۈل بۆلۈپ كېلىۋاتىدۇ.
ئوقۇتقۇچىلارغا ۋە ئىقتىسادىي قىيىنچىلىقى بار ئوقۇغۇچىلارغا ئىزچىل كۆڭۈل بۆلدى.
بۇنىڭ بىلەن مائارىپتىكى بىر قىسىم مەسىلىلەر تولۇق ھەل بولۇپ كەتمىدى.
قەدەم تەكشى بولمىغاچقا، ئاستا-ئاستا تۈزەش، ياخشىلاش، ئۆزگەرتىش ئېلىپ بېرىلىۋاتقان ئەنە شۇ قىيىن مەزگىللەردە، مائارىپ -يۈرىكىدە بىر پارچە مەشئەل بولۇپ يىلىنجاپ تۇرغان، ئەۋلات ئىشقى ئۇلارنى بۇلبۇلدەك سايرىتىپ تۇرغان، مېھرى گويا ۋولقاندەك مائارىپنىڭ ئۇگە-ئۇگىلىرىگە سېڭىشىپ كەتكەن رەيھان ئانا باشچىلىقىدىكى 30 نەپەر «مېھرىبان ئانىلار»نىڭ قەلبى تۈنجى بولۇپ مەكتىۋىمىزنى تارتىپ، بىر قىسىم ئائىلە قىيىنچىلىقى تۈپەيلى ئوقۇشتىن چېكىنىش ئالدىدا تۇرغان ئوقۇغۇچىلارنىڭ ئائىلە قىيىنچىلىقىنى ھەل قىلىپ، خاتىرجەم ئوقۇش ئىمكايىتى بىلەن تەمىن ئەتتى. مانا بۇ 2001-يىلى ئىدى. مانا ھەش-پەش دېگۈچە 13 باھارنى كۈتۈۋالدۇق، بۇ باھار ئەشۇ «مېھرىبان ئانىلار»نىڭ مېھىرلىك باھارىدۇر. ئۇلار سوغۇقتىن قورقۇپ قالمىدى، يامغۇر ۋە جۇدۇنلارغا باش ئەگمىدى.
بوغۇنلارغا ئۇششۇك تېگىپ قالمىسۇن دەپ، ئۆزلىرىنىڭ سالامەتلىكلىرىنىمۇ ئويلاشمىدى. 13 يىلدىن بىرى ئەشۇ ئۇيغۇر، خەنزۇ ۋە خۇيزۇ ئوقۇغۇچىلارنىڭ ئەتراپىدا ئىللىق باغرىنى كەڭرى ئېچىپ، ئۇلاردىن مېھىرلىك ھارارىتىنى ئايىمىدى. كۆپ يىللاردىن بۇيان ئۇلار مەكتىۋىمىزگە يىلدا ئىككى قېتىم قىيىنچىلىقى ئىغىر، يېتىم –يىسىر، ئەمما ئۆگىنىشى ياخشى بولغان 18 ئوقۇغۇچىغا 113970يۇەن(بىر يۈز ئون ئۈچ مىڭ توققۇز يۈز يەتمىش يۇەن) ياردەم قىلىپ، ئۇلارنىڭ كىتاپ –ماتىريال پۇلىدىن باشقا يەنە، ئۇلارنىڭ ئىستراخۇانىيەگە قاتنىشىش راسخۇتلىرى، مەكتەپ فورمىسى خىراجىتى بىلەنمۇ ئىزچىل تەمىنلەپ، ئۇلارنى خاتىرجەم ئوقۇش ئىمكانىيىتىگە ئىگە قىلىپ كەلدى. بۇلاردىن باشقا يەنە مايمۇنەم ئاپپايغا ئوخشاش پەرىشتە سۇپەت ئانىلىرىمىزمۇ ئائىلە قىيىنچىلىقى تۈپەيلىدىن چۈشلۈك تامىقىنى ھەل قىلىش ئىمكانىيىتى بولمىغان 10نەپەر ئوقۇغۇچىنىڭ چۈشلۈك تاماق مەسىلىسىنى ھەل قىلىپ بېرىپ، ئۇلارغا ئۆز بالىلىرىدەك كۆڭۈل بۆلدى.
ئۇلارنىڭمۇ ئىللىق ئائىلىسى، سۆيۈملۈك پەرزەنتلىرى ۋە ئوماق نەۋرىلىرى بولسىمۇ، ئۆزلىرىنىڭ ئازغىنە مائاشى بىلەن ھەر دەرىجىلىك، ھەرخىل مەكتەپلەر، بالنىستتا يېتىپ داۋالانغان بىمارلار، قىيىنچىلىقى ئېغىر بولغان ھاجەتمەنلەرنىڭ دەردىگە دەرمان، ئازابىغا شىپا-مەلھەم بولۇپ كەلدى.
ھەر بىر خاتىرە كۈن،ھېيت-بايراملاردا بۇ «سۆيۈملۈك مېھرىبان ساخاۋەتچى ئانىلار» مەكتىۋىمىزدىكى ئەشۇ 18 نەپەر ئوماقلارنى ھەم ئۇلارنىڭ ئائىلىسىنى يوقلاپ، ئۇلاردىن ھەر دائىم ھال سوراپ تۇردى، ئۇلارغا ئىلھام بەردى. ئۇلار يەنە بۇنىڭلىق بىلەن توختاپ قالمىدى. ئۇلار: «بالىلار كۆڭۈللۈك ئوقۇش مۇھىتى»دىن بەھىرلىنىش كېرەك دەپ ئويلاپ، مەكتىۋىمىزگە سەنئەت كىيىمى، پۇتپۇل كاماندىسىنىڭ كىيىمى، ئوقۇتۇش ئەسلىھەلىرىدىن كۆلەڭگە چۈشۈرۈش ئاپاراتى، ئۈنئالغۇ قاتارلىق ماددىي بۇيۇملارنى شۇنداقلا، مەكتەپ ئوقۇغۇچىلار خور ئۆمىكىدىكى 100 نەپەر ئوقۇغۇچىنىڭ كىيىم-كېچىكى ئۈچۈن 10 مىڭ يۇەن ياردەم قىلىپ، كەڭ مەكتەپ رەھبەرلىكى، ئوقۇتقۇچى-ئىشچى خىزمەتچىلەر ۋە ئاتا-ئانىلار، كەڭ ئوقۇغۇچىلارنىڭ يۈكسەك ھۆرمىتىگە نائىل بولدى. مانا، بۇلار ئەنە شۇنداق مېھىرلىك مېھرىبانلاردۇر.
بۇلارنىڭ ئەنە شۇنداق ئىللىق مېھرى–مۇھەببىتىدىن بەھرىمان بولغان بىر تۈركۈم ئوقۇغۇچىلىرىمىز نوقتىلىق ئالىي مەكتەپلەرگە قوبۇل قىلىنىپ، شۇ مەكتەپلەردىمۇ ئەلا ئوقۇپ، ئۇلارنىڭ ئەجىر-مېھنىتىگە ھالال جاۋاپ قايتۇرۇپ كېلىشمەكتە. ئۇلارنىڭ تىپىك ۋەكىللىرىدىن:
1) پاتىمەۋە زۆھرە(قوشماقلار)-شىنجاڭ ئۇنۋېرىستىتى ۋە شىنجاڭ پىداگوگىكا ئۇنۋېرىستىتىدا ئوقۇپ، ئوقۇشنى پۈتتۈرۈپ، خىزمەت كۈتۈۋاتىدۇ.
2) گۈلنۈر-خۇنەن پىداگوگىكا ئۇنۋېرىستىتىدا ئوقۇۋاتىدۇ.
3) ئارزىگۈل ئىبراھىم-شاڭخەي قاتناش ئۇنۋېرىستىتىدا ئوقۇماقتا.
4) شىرئەلى-قاراماي نېفىت تەخنىك مەكتىۋىدە ئوقۇۋاتىدۇ.
5) ماھىر-بىيجىڭ نېفىت ئۇنۋېرىستىتىدا ئوقۇۋاتىدۇ.
6) ئابلىكىم-شىنجاڭ قۇرۇلۇش ئېنىستىتۇتىدا ئوقۇۋاتىدۇ.
7) پەزىلەت ئۆمەر-شىنجاڭ پىداگوگىكا ئۇنۋېرىستىتىدا ئوقۇۋاتىدۇ.
8) مەرھابا ئالىم-شىنجاڭ خىمىيە تەخنىكومىدا ئوقۇۋاتىدۇ.
9) ئادىل-ئۈرۈمچى شەھەرلىك 20-ئوتتۇرا مەكتەپتە ئوقۇۋاتىدۇ.
10) مايەن-نىڭشىا ئۇنۋېرىستىتىدا ئوقۇۋاتىدۇ.
11) ياڭ جىن گۈي-شىنجاڭ تىببىي ئۇنۋېرىستىتىدا ئوقۇۋاتىدۇ.
12) ۋاڭ جى-شىنجاڭ بالىلار دارىلمۇئەللىمىن مەكتىۋىدە ئوقۇۋاتىدۇ.
13) تىئەن شۆ جىڭ-ئۈرۈمچى شەھەرلىك تولۇق ئوتتۇرا مەكتەپتە ئوقۇۋاتىدۇ.
14) ما سۇن جى ۋە جۇجىئا شاۋ-ئۈرۈمچى شەھەرلىك 68-ئوتتۇرا(تولۇق)دا ئوقۇۋاتىدۇ.

ئاچچىقگۈل:ئۆز پەرزەنتلىرى ئۈچۈن كۆيگەن ئانا-- نورمال ئانا. ئۆز پەرزەنتلىرىدىن ھالقىپ،باشقىلارغىمۇ كۆيەلىگەن ئانا -- ئۇلۇغ ئانا! (2014-04-23 07:39)