查看完整版本: [-- تىل-ئەدەبىيات تەكرارىنى قانداق ئۇسۇلدا ئېلىپ بارىمىز ؟ --]

تەۋپىق مۇنبىرى -> ئۈرۈمچى تەتقىقات مەركىزى ئۇچۇرلىرى -> تىل-ئەدەبىيات تەكرارىنى قانداق ئۇسۇلدا ئېلىپ بارىمىز ؟ [打印本页] 登录 -> 注册 -> 回复主题 -> 发表主题

ozqan 2014-04-04 11:16

تىل-ئەدەبىيات تەكرارىنى قانداق ئۇسۇلدا ئېلىپ بارىمىز ؟

2014-يىلى 4-ئاينىڭ 3-كۈنىدىن باشلاپ ئۈرۈمچى تەتقىقات مەركىزىنىڭ ئورۇنلاشتۇرشى بىلەن ئۈرۈمچى رايونىنىڭ 2014-يىلى باھار پەسىللىك ئالىي مەكتەپ تىل-ئەدەبىيات ئىلمىي مۇھاكىمە يىغىنى ئېچىلىشقا باشلاندى  . بۇ يىغىنىنىڭ بىرىنچى كۈنى بولۇپ ، يىغىنغا ئاپتونوم رايوننىڭ ھەر قايسى جايلىرىدىن كەلگەن تىل-ئەدەبيات ئوقۇتقۇچىلىرى قاتناشتى ...
چۈشتىن بۇرۇن ئۈرۈمچى تەتقىقات مەركىزىنىڭ تىل-ئەدەبىيات تەتقىقاتچىسى ھامۇتجان ھېكىم مۇئەللىم  ئۈرۈمچىنىڭ ئىككى قېتىملىق مانىۋېر ئىمتىھانى ھەققىدە ۋە ئالىي مەكتەپ ئىمتىھان ئىزاھاتى ھەققىدە سۆزلىدى .
چۈشتىن كېيىن ئۈرۈمچى شەھەرلىك 23-ئوتتۇرا مەكتەپنىڭ  ئوقۇتقۇچىسى ئامىنە بارات لېكسىيە سۆزلىدى .
تۆۋەندىكىسى ئامىنە باراتنىڭ لېكسىيە تىزىسى :








ئالىي مەكتەپ تىل-ئەدەبىيات تەكرارىدا قوللىنىلىدىغان بەزى            ئۇسۇللار ۋە تەكلىپلەر
(ئۈرۈمچى شەھەرلىك 23-ئوتتۇرا مەكتەپتىن : ئامىنە بارات)

ئالىي مەكتەپ ئىمتىھانىغا 2 ئاي قالغان مۇشۇ كۈنلەردە تەكراردىكى نۇرغۇن ئۇسۇللارنى ئىشلىتىشكىمۇ  ۋاقىت تازا يار بېرىپ كەتمەيدۇ .  مەن تەكراردا قوللىنىشقا تېگىشلىك  ئۇسۇللارنى مۇشۇ ئىككى ئايغا ماسلاشتۇرۇپراق سۆزلەپ ئۆتەي  ...
1. ئالدى بىلەن ئوقۇغۇچىلارنىڭ پىسىخىكىسىنى تەڭشەشنى ، ھەم بېسىمنى يېڭىش ، ھەم جىددىي ھالەتتە تۇرۇشنى ئۆگىتىش :
1) ئائىلىدىكى ، تۇرمۇشتىكى ھەر قانداق ئىشنى 2-ئورۇندا ، مېنىڭ ئۆگىنىشىم بىرىنچى ئورۇندا دەپ قارايدىغان قاراشنى شەكىللەندۈرۈش
2) پىلان ، نىشان بويىچە ئۆگىنىشنى تەشەببۇس قىلىش ، ئۆگىنىش نىشانى بويىچە ئۆگىنىشنىڭ نىشانسىز ئۆگىنىشكە قارىغاندا روھىي ھالەتكە ، ئۆگىنىشنى قەدەم باسقۇچلۇق ئېلىپ بېرىشقا كۆپ پايىدىلىق ئىكەنلىكىنى بالىلارغا ھەقىقىي ھېس قىلدۇرۇش .
3)  جىسمانىي ساغلاملىققا ئەھمىيەت بېرىشنىمۇ تەكىتلەش ، ئوزۇقلۇق ، مۇۋاپىق چېنىقىش ، ئىسسق-سوغىنى تەڭشەش قاتارلىقلارغىمۇ ئەھمىيەت بېرىشنى تەشەببۇس قىلىش .
4) ئەتتىگەندە ئورنىدىن تۇرۇش ، سائەت 7دىن باشلاپ تەپەككۈرنى جانلىق ھالەتكە كەلتۈرۈش ئۈچۈن بىئولوگىيەلىك سائىتىنى تەڭشەشكە ھەم ئەھمىيەت بېرىش .
2. سوئال ئىشلەش جەريانىدا سوئاللارغا ماسلىشىش ھەم ئاساسىي بىلىم-چۈشەنچىلەرنى مۇستەھكەملەش .
   1) سوئال ئىشلەشتىكى مەقسەتنى ئايدىڭلاشتۇرۋېلىش :
ئوقۇغۇچىلاردا سوئال ئىشلەش جەريانىدا سوئالدىن 10 نۇسخا ئىشلەپ بولدۇم ، 20 نۇسخا ئىشلەپ بولدۇم دېگەن سان ئامىلى ئارقىلىق ئۆز-ئۆزىگە تەسەللىي بېرىش ھەم ئۆزىگە بېسىم قىلىۋېلىش ئەھۋالى مەۋجۇت . سان ئۆزگۈرۈش قانچىلىك سۈپەت ئۆزگۈرۈشنى كەلتۈرۈپ چىقىردىغانلىقىنى نۇرغۇن ئوقۇغۇچىلار ئانچە ئويلىشىپ كەتمەي ، سوئالنى ئىشلەش ئۈچۈن ئىشلەپ قويىدىغان ئەھۋال مەۋجۇت ... سوئال ئىشلەشتە قانچە نۇسخا ئىشلەش ئەمەس ، قانداق مەسىلىلەرنى ھەل قىلىپ ماڭغانلىق  ئەڭ مۇھىم ئورۇندا تۇرىدۇ .بىر سائەتتە بىر تاللاش سوئالى ئىشلەنسىمۇ مەيلى ، مەقسەت سوئالنى ۋاستە قىلىپ تۇرۇپ ، ئاساسىي بىلىم چۈشەنچىلەرنى مۇستەھكەملەشت ، ئىلگىرىكى كەم نۇقتىلىرىنى تولۇقلاشتا .
2) ئوقۇغۇچىلار ئۆزلىرى  سوئال ئىشلىگەندە مەن ئوقۇغۇچىلاردا ئىككى يۈرۈش كىتاب بولۇشنى تەشەببۇس قىلىمەن ، بىر يۈرۈش مەكتەپتە ، يەنە بىر يۈرۈش ئۆيدە بولىدۇ . ھەرقانداق ۋاقىتتا سوئال ئىشىلىگەندە چوقۇم يېنىدا كىتاب بولۇش ، سوئالنى ھەرگىز قارغۇلارچە ئىشىلىمەسلىك ، چوقۇم كىتاب كۆرۈپ تۇرۇپ ئىشلەش .مۈجىمەل ، ئىككىلەنگەن ، بىلمىگەن نۇقتىلارنىڭ ھەممىسگە چوقۇم كىتاب كۆرۈپ تۇرۇپ ھەل قىلىش پوزۇتسىيەسىدە بولۇش .
3 ) سىنىپتا ئوقۇتقۇچىلارنىڭ يېتەكچىلىكىدە سوئال ئىشلىگەندە ئوقۇغۇچىنىڭ يېنىدا چوقۇم بىر خاتىرە دەپتەر بولۇشى بۇ دەپتەرگە سوئال ئىشلەش جەريانىدا ھەل قىلىۋېلىشىم زۆرۈركەنتۇق ، دەپ ئويلىغان مەسىلىلەرنىڭ ھەممىسىنى خاتىرلەپ مېڭىشى كېرەك .
ھەم شۇ كۈنلۈكنى شۇ كۈنى تولۇقلاپ كۆرۈۋېتىشنى ئادەتكە ئايلاندۇرۇپ مېڭىش .
4) ئوقۇتقۇچى ئوقۇغۇچىلارغا بىر تەجىربە-ساۋاق دەپتىرى تۇتقۇزۇپ ،ھەر قېتىملىق  ئادەتتىككى سىناق ، مانىۋېر ئىمتىھانلاردىن كېيىن چوقۇم ئوقۇغۇچىلارنىڭ تەجىربە-ساۋاقلىرىنى يازمىچە خاتىرلەتكۈزۈپ ، ھەم ئۇنى يىغىۋېلىپ ئۆزىنىڭ تەجىربە-ساۋىقىنى يەكۈنلەپ چىقىش ، شۇ ئاساستا شۇنىڭدىن كېيىنكى ئوقۇغۇچىنىڭ ھەم ئوقۇتقۇچىنىڭ ئۆگىنىش پىلانىنى تۈزۈشكە ئاساس سېلىش ، ھەر قېتىملىق ئىمتىھاندىن كېيىنكى ئاشۇ تەجىربەس –ساۋىقىغا ئاساسەن كېيىنكى بىر مەزگىللىك ئۆگىنىش پىلانىنى تۈزۈش .
5) سوئال ئىشلەش جەريانىدا سوئال ئىشلەش ئۇسۇلىنى ھەم ئوقۇغۇچىلارغا  ئۆگىتىپ مېڭىش .سوئال قەغىزىگە سىزىپ ، يېزىپ ، بەلگە قويۇپ سوئال ئىشلەش ئادىتىگە بالىلارنى ماسلاشتۇرۇش .
6) سوئال ئىشلەش جەريانىدا بالىلار پۇختا بولمىغان مەزمۇن تۈرىگە دۇچ كەلسە ، شۇ خىل تۈرگە مەخسۇس پىلان تۈزۈپ تولۇقلىما تەكرار پىلانى تۈزۈش  ، سوئال ئىشلەش بىلەن ئاساسىي بىلىم-چۈشەنچىلەرنى تولۇقلاشنى ئۆزئارا ماسلاشتۇرۇش .
تۆۋەندە تەكراردا قايسى مەزمۇنلارنى قايسى ئۇسۇللاردىن پايدىلىنىپ ئېلىپ بېرىش ھەققىدىكى قاراشلارنى سوئال يۆلۈنۈشى بويىچە بىر قۇر دەپ ئۆتسەم :
1. تاللاش سوئالى :
30 نومۇرلۇق 10 تاللاش سوئالىنى ئىشلەش ئوقۇغۇچىلارنىڭ بىر-بىرىدىن نومۇر پەرىقىنى چىقىردىغان مۇھىم ئۆتكەل .
بۇنىڭدا 1-باسقۇچ : ئۇيغۇر تىلى ئۆتكىلى :
سوئالنىڭ ئىچىدىكى ئۇچۇر نۇقتىسى ئەڭ كۆپ ، ئوقۇغۇچىلارنىڭ تىل-ئەدەبىيات بىلىملىرىنى ھەقىقىي ئۆگەنگەن –ئۆگەنمىگەنلىكىنى ھەقىقىي ئايرىيدىغان بىر قسىمى بولۇپ ، تەكراردا تۆۋەندىكىدەك ئۇسۇللارنى زۆرۈر دەپ قارايمەن :
1) ئاساسىي بىلىم-چۈشەنچىلەرگە پۇختا بولۇش ، بۇ بىلىم-چۈشەنچىلىرى پۇختا بولغان ئوقۇغۇچىلار  خۇددى تىببىي بىلىم ۋە تەجىربىسى مول بولغان دوختۇرغا ئوخشايدۇ . ئۇلارنىڭ ئالدىغا قانداقلا بىمار كەلسۇن ئۇنى بىمالال ئوپراتسىيە قىلالىغىنىغا ئوخشاش ، ئالدىغا قانداقلا قىيىن سوئال مەسىلە كەلسە شۇلاردىن پايدىلىنىپ ھەل قىلىپ كېتەلەيدۇ .
بۇنىڭ ئۈچۈن ئۇيغۇر تىلىدىكى سوئال دائىرسىدە ئىزچىل بولغان چۈشىنىپ بىلىۋېلىشقا تېگىشلىك بولغان مەسىلىلەرنى چوقۇم پۇختا بىلدۈرۈش ، ئۇيغۇر تىلىدىكى مۇھىم نۇقتىلارنى ، ئوقۇغۇچىلار سەل قاراپ قالىدىغان قىيىن نۇقتىلارنى ، قايتا –قايتا تەكىلەش ، بېسىپ تارقىتىپ بېرى .مەسىلەن : تاۋۇشلاررنىڭ تۈرلىرى ، قايسى تاۋۇشلار قايسى تاۋۇشلارغا ئاجىزلىشىدۇ ، قايسى تاۋۇش چۈشۈپ قالىدۇ ، سۆز تۈركۈملىرىنىڭ ھەر بىرىنىڭ تۈرلىرى  ،سۆزنىڭ تۈرلىرى ،  كاتىگورىيەلىرى جۈملە ۋە ئۇنىڭ تۈرلىرى ... قاتارلىقلارغا پۇختا قىلىش ، سەل قاراپ قالىدىغان بەزى قىيىن نۇقتىلارنى توپىتىش ۋە چۈشەنچىسىنى ئايدىڭلاشتۇرۇش .
2) كۆپ يىللىق ئالىي مەكتەپ ئىمتىھان سوئالى بىلەن ئۇچراشتۇرۇش .
مۇمكىن بولسا 10 يىللىق ئالىي مەكتەپ ئىمتىھانىنىڭ ئۇيغۇر تىلى تاللاش قىسىمنى توپلاپ ، ئىشلەتكۈزۈش .ئىشلەش جەريانىدا مەسىلىلەرنى ھەل قىلىپ مېڭىش .
3) ماتىريال توپلاش :
ئوقۇغۇچىلارنى ماتىريال توپلاشقا رىغبەتلەندۈرۈش: بىر بوغۇملۇق سۆزلەرنى ئىككى بوغۇملۇق تاۋۇش چۈشۈپ قالىدىغان سۆزلەردىن پەرقلەندۈرۈپ توپلاش ؛ تاۋۇش ئاجىزلىشىدىغان سۆزلەرنى توپلاش ؛ تاۋۇش قوشۇلۇپ قالىدىغان سۆزلەرنى توپلاش ؛ تۈرلىگۈچى قوشۇمچىلارنى توپلاش ؛ كۆپ خىل سۆز تۈركۈمىگە تەۋە بولىدىغان سۆزلەرنى توپلاش ؛ ھەم باش مورفىم ھەم ئەگەشمە مورھىم بولالايدىغان سۆزلەرنى توپلاش ...
4) ئۇيغۇر تىلى تەكرارىنى ئەدەبيات بىلەن بىرلەشتۈرۈپ ئېلىپ بېرىش ماس كەلگەن ، ئۇيغۇر تىلىدىكى مەسىلىلەرنى ھەل قىلىشقا پايدىلىق بولغان ماۋزۇ ، تەھلىل ، سوئال ئىشلەش جەريانىدا ئۇيغۇر تىلىنى ئەدەبىياتقا  كىرىشتۈرۈپ مېڭىش .
5) ئەدەبىياتتىن پارچىلارنى بېرىپ ئۇيغۇر تىلىدىن سوئال ئىشلەتكۈزۈش ، بىر پارچىدىن پايىلىنىپ ئۇيغۇر تىلىدىكى ھەممە مۇھىم نۇقتىلارنى دېگۈدەك ئايرىپ سوئال ئىشلەش ئىقتىدارىنى يېتىلدۈرۈپ ،ئوقۇغۇچىلارنىڭ ئۆزىگە سوئال ئىشلەتكۈزۈپ ، ئۆزلىرىگە شۇ سوئالنى ھەل قىلدۇرۇش .
تاللاش سوئالىدىكى 2-باسقۇچ : ئەدەبىيات نەزەرىيىسى ۋە تېكستلەردىن چىقىرىلىدىغان سوئاللارنىڭ ئۆتكىلىدىن ئۆتۈش.
تېكستلەر :
1)    تېكستلەرنى چوقۇم ئوقۇپ چىقىشقا يېتەكلەش
2)    تېكستلەرنى جەدىۋەللەشتۈرۈپ ئۆگىنىشنى ، مۇھىم ئۇچۇرلىرىنى ئاۋازلىق ھۆججەكتە ئايلاندۈرۈپ ئەستە ساقلاشنى تەشەببۇس قىلىش
3)    ھەر بىر بۆلەك ھەر بىر كىتابتىن ئوموملاشتۇرما تەكرار ئېلىپ بېرىش ئارقىلىق ، سېلىشتۇرۇپ چۈشىنۋېلىشنى ئەمەلگە ئاشۇرۇش .
4)    تېكستلەردىكى ئەڭ گەۋدلىك جايلاردىن پارچىلارنى ئۈزۈپ ئېلىپ سوئال چىقىرىپ مەشىقلەندۈرۈش
5)    تېكستلەردىكى يېڭى سۆزلەرنى توپلاتقۇزىدىغان خاتىرە دەپتەر تۇتقۇزۇپ مەنىسىنى بىلىپ مېڭىشقا يېتەلەش .
ئەدەبىيات نەزەريىسى :
1)    ھەر بۆلەكنىڭ بۆلەك كۆرسەتمسىدىكى مۇھىم ئۇچۇرلارنى چۈشەندۈرۈش .
2)    بىلىۋېلىڭ قىسىمىدىكى مۇھىم ئۇچۇرلارنى بىلدۈرۈشكە كۈچەش .
3)    ئىزدىنىشلىك ئۆگىنىشتىن ئىزدىنىش تارىخى بولۇش ، مۇھىم نۇقتىلارنى ئەستە ساقلاش .
4)    مەشھۇر ئەسەرلەردىن كۆرسەتمىنىڭ مۇھىم ئۇچۇر خاراكتىرىلىق نۇقتىلىرىنى بىلدۈرۈپ قويۇش .
5)    مۇمكىن بولسا يۇقىرقىلاردىن يازما ماتىريال تەييارلاپ يادلاش ئورۇنلاشتۇرۇش
كلاسسك ئەدەبىيات :
1)    بۆلەك كۆرسەتمىلىرىدىكى كلاسسىك ئەدەبىيات مۇھىم نۇقتىلىرىنى چۈشەندۈرۈش ، ئەستە ساقلىتىش .
2)    كلاسسىك ئەسەرلەرنى يادلىتىش : دېتالدىن پايدىلىپ ، ئاۋازلىق نۇسخىسىنى تەييارلاپ بېرىش ئارقىلىق .
3)    كلاسسىك ئەسەرلەرنىڭ لۇغىتىنى تۈزدۈرۈش .
4)    ئەسلىسى ۋە يەشمىسى بېرىلگەن ئەسەرلەرنى مەسىلەن :
ئەسلىسىنى بەرسە يەشمىسىنى يېزىشىنى مەشقلەندۈرۈش ، پەقەت ئەسلىسىلا بېرىلگەن ئەسەرلەرنى ئەسلىسىنى تولۇقلاپ يېزىشنى مەشىقلەندۈرۈش . مەسىلەن :
5)    كلاسسىك ئەسەرلەرنىڭ جەدىۋلىنى تۈزدۈرۈپ سېلىشتۇرۇپ ئەستە ساقلاشقا تەييارلىق قىلدۇرۇش .
تاللاش سوئالدىكى ئوقۇپ چۈشىنىش سوئالىغا مۇئامىلە قىلىشتا ئاۋال : سوئال تەلپىنى ئوقۇۋېلىش ئاندىن بېرىلگەن ماتىريالنى ئوقۇش ،ئوقۇش جەريانىدا مۇھىم ئۇچۇرلارغا يەنى ، يىلنامە ، ئېنىقلىما ، ئالاھىدىلىك ، ئىزاھات ، سېلىشتۇرما ...قاتارلىقلارغا قېرىنداش بىلەن سىزىپ مېڭىش ئاندىن تاللاش سوئالىنى تاللاش ئۇسۇلى ئارقىلىق تېز ئوقۇش ، تېز تەپەككۈر قىلىش ئىقتىدارى يېتىلدۈرۈشنى مەشقىلەندۈرلىدۇ .
بوش ئورۇن توشقۇزۇش سوئالىدا ئىزچىل ھالدا ئۇيغۇر تىلىغا ، شېئىلارنىڭ ۋەزىن ، بەھىر ، قاپىيە تۇراقلىرىنى ، شېئىر شەكلىنى ئايرىش ، ئەدەبىياتتىن ئىپادىلەش ئۇسۇلىنى پەرقلەندۈرۈش ، ئىستىلىستىكىلىق ۋاستىنى ئايرىش ، ئەسەر ژانىرىنى پەرقلەندۈرۈش ، ئىزدىنىشلىك ئۆگىنىش ، ئەسەر ژانىرىنى پەرقلەندۈرۈش ...قاتارلىق ئاساسىي بىلىم چۈشەنچىلەرنى قوللىنىش تىپىدىكى سوئاللار ئارقىلىق سىنايدىغان سوئاللار چىقىدىغان بولۇپ ، بۇ ئىقتىدارلارنى كۆپ مەشىقلىنىش ، تەلەپ بويىچە جۈملە تۈزۈش ، پارچە يېزىش مەشىقلىرى ئارقىلىق پۇختىلاشقا بولىدۇ .
كۆنۈكمە ۋە مەشق ئىشلەش سوئالى ئۆگەنگەن ئۇيغۇر تىلى ۋە ئەدەبىيات بىلىملىرىنى بىرلەشتۈرۈپ قوللىنىش ، ئۇيغۇر كلاسسك شېئىرلىرى  ۋە ماقال-تەمسىللىرىگە ئالاقىدار بىلىملىرىنى سىناش تىپىدىكى سوئاللار بولۇپ ، ئادەتتە كۆپ مەشقلىنىش ئارقىلىق پۇختىلىغىلى بولىدىغان ئىقتىدارلاردۇر .
تەھلىل سوئالىنىڭ بىرىگە دەرسخانىدا ئۆتكەن بىر ئەسەردىن يەنە بىرىگە دەرستىن سىرتقى بىر ئەسەردىن سوئال چىقىدىغان بولغاچقا ، بۇ سوئالنىڭ 2-سىگە تەييارلىق قىلدۇرۇشتا بىر قىسىم قىسقا ، مەزمۇنلۇق ئەسەرلەرنى تەرمىلەردىن ، ئۈرۈمچى كەچلىك گېزىتىدىن ، قىسقا  ھەجىملىك ئەقلىيەلىك ئەسەرلەر توپلانمىلىرىدىن ، مەسەللەر توپلاملىرىدىن ژورناللارنىڭ بەت بوسۇغۇسىدىن تاللاپ ئوقۇپ بېرىش ، دەرسخانىدا سوئال ئىشلەپ ھارغاندا ، ھەر سائەتنىڭ مۇقەددىمىسدە ، دەرس ئاخىرىدىكى بىر نەچچە مىنۇتتا ئوقۇپ بېرىش ئارقىلىق تەھلىل ، توغرا دۇنيا قاراش يېتىلدۈرۈش ، دەرستىن سىرتقى ئەسەرلەرنىمۇ تەھلىل قىلالايدىغان ئىقتىدارنى ھازىرلاش .
تاللاپ جاۋاب بېرىش سوئالى :
بۇ سوئالغا  ئوقۇغۇچىلاردا توغرا تاللاش ئادىتى يېتىلدۈرۈش ئەڭ مۇھىم :
1)    ئۆزىنىڭ خاسلىقىغا ، ئالاھىدلىكىگە ئاساسەن تاللاشنى ئۆگىتىش
2)    ھەر ئىككلا سوئالنى ئوقۇپ ۋاقىت ئىسراپ قىلماي  ، ئىككىدىن بىرنى تاللاشنى تەكرار جەرياندىلا بېكىتىش .
3)    توغرا دۇنيا قاراش ئىپادىلىنىدىغان جاۋابلارنى يېزىشنى تەشەببۇس قىلىش
4)    ئەدەبىيات نەزەريىۋىي بىلىملىرىدىن پايدىلىنىش ، بۆلەك كۆرسەتمىسىدىن پايدىلىنىش ، تاللىما 5-كىتابتىكى نەزەريىۋى كۆرسەتمىلەردىن پايدىلىنىشنى بىلىش ، ئەسەرنىڭ قۇرۇلمىسى ، تىلى ، ژانىر ئالاھىدلىكى ئۆزگىچە يېزىلىش ئۇسلۇبلىرىنى تەھلىل قىلىشنى تەكرار جەريانىدا ئۆگىتىش .
ماقالە سوئالى : ماقالە يېزىش سوئالىدا ئوقۇغۇچىلار قىلىدىغان ۋە قىلمايدىغانلار ؛
1.    ماۋزۇنى  ھۆسنىخەتچە يېزىش .
2.    ژانىرنى ئىزاھلاش :
3.    ئىپىگىرافتىن پايىدىلىنىش
4.    باشلاشتا نەقىل ئېلىشنى بىلىش
5.    5-7ئابزاسقا بۆلۈپ يېزىش
6.    تىنىش  بەلگىلەردىن مۇۋاپىق پايدىلىنىش
7.    ھەجىمنى تولۇق توشقۇزۇش
8.    مۇۋاپىق ئاخىرلاشتۇرۇش ئۇسۇلى بولۇش
9.    بەت يۈزى كۆركەم ، پاكىز بولۇش ، جىجىماسلىق
10.    باشقا بەتتىن كۆچۈرۈپ قويماسلىق
11.    خەنزۇچە ماقالە يازماسلىق
12.    ماقالە ماتىريالىنى ئەينەن كۆچۈرۈپ قويماسلىق
13.    تېمىدىن زور دەرىجىدە چەتنىمەسلىك
14.    يادلىۋالغان ماقالىنى ئەينەن يېزىپ قويماسلىق
15.    ماۋزۇغا قوش تىرناق ئىشلەتمەسلىك

ماقالە يازدۇرۇشتا ۋاقىتقا قاراپ مۇقىم ۋاقىت بېكىتىپ ماقالە يازدۇرۇش ، تەييارلىق سائىتى بولۇش ، ماقالە يېزىشقا شەخسىلەر بويىچە يېتەكچىلىك قىلىش ، باھا سۆزنى چوقۇم تەپسىلىي يېزى ش، ياخشى ماقالىلەرنىڭ باشلاش ، ئاخىرلاشتۇرۇش ، نەقىل ئىشلىتىش  قاتارلىق تەرەپلىرىنى باشقىلارغا ئۈلگە قىلىپ بېرىش .

گۈلنىھال 2014-04-04 15:08
شۇنداق ياخشى بوپتۇ ئۆزقان مۇئەللىم ، ھارمىغايسىز !

ياسىنجان510 2014-04-04 18:54
مەكتەپ پۈتتۈرمەيدىغان ئوقۇغۇچىلارغىمۇ قوللىنىشقا بولىدىكەن ئەجرىڭىزگە رەھمەت.

مىېھرىما 2014-04-04 20:01
ئامىنە مۇئەللىمنىڭ ئەجرىگە كۆپ رەھمەت . بەكلا ئەتراپلىق ياخشى تەييارلاپسىز بۇ لىكسىيە مەزمۇنىنى

ئەلدىيار 2014-04-04 20:46
بىزمۇ ئۆزئەھۋالىمىزغاماس كېلىدىغانلىرىنى تاللاپ قوللانساق　بولغۇدەك

ئۇيغۇر 2014-04-04 22:31
ماڭا بەك ياردىمى بولغۇدەك. ئەجرىڭىزگە رەھمەت ، ئامىنە مۇئەللىم.

ئەرك 2014-04-06 18:30
ئەلدىيار:بىزمۇ ئۆزئەھۋالىمىزغاماس كېلىدىغانلىرىنى تاللاپ قوللانساق　بولغۇدەك (2014-04-04 20:46) 

قارسام مىنىڭ باش رەسىمىمنى (ئەزالىق بەلگەم  ) نى ئشلىتۋاپسىز . رەسمىنى ئالماشتۇرۋەتكەن بولسىڭىز.

ئەلدىيار 2014-04-06 22:55
ALWATTA  BOLIDU,SAT BOPTU,UKMAPTIMAN

ئەكبەرنىياز 2014-04-07 15:32
بەكلا ئەتراپلىق تەييارلاپسىز ئامىنە مۇئەللىم ، بۇ لىكسىيىدىن چوقۇم پايدىلىنىمىز !!!

otkal 2014-04-08 09:06
ھىلىقى ئاۋازلىق ئەسەرنى ئەۋەتىپ بىرەرسىلەرمۇ ؟

uzqak 2014-04-10 01:37
مېنىمۇ چاقىرۋالماي بۇ كاتتا يىغىلىشقا... ئەمىلىي قىممىتى  بار  لېكسىيە بوپتۇ.  كۈچىمىزنىڭ يەتكىنىچە تىرىشىپ باقساق نەتىجىسى بولار ! ھارمىغايسىز!

xayda 2014-04-11 00:33
ئىلگىرىكى ئۈچ قىسىم ئۇيغۇر تىلى كىتابنى ھازىر ئاسان تاپقىلى بولمايدۇ. بولسا ئوقۇغۇچىلار ئۇيغۇر تىلىدىن مەشىق ئىشلىگەندە، سىز دېگەندەك شۇ كىتابلارنى يېنىدىن ئايرىماي ئۆزى ئىزدىنىپ ئۆگەنسە، ئۈنۈمى ياخشى بولاتتى. مەن ئۇيغۇر تىلىدىن قائىدە يادلاشنى چىڭ تۇتۇپ كېتەلمىدىم. مەشىقنى قائىدە ئاساسىدا ئىشلەيدۇ ئەمەسمۇ. 10 تاللاشتا ئۇيغۇر تىلىدىن نومۇر كەتكۈزۈپ قويىۋاتىدۇ.

nazperwer 2014-04-11 16:17
ئامىنە ياخشىمۇسىز، بۇ يىل سىزنىڭ لېكسىيىرىڭىزنى ئاڭلاش ماڭا نېسىپ بولمىدى.سىزنىڭ ئقۇتۇش سېپىدىكى ئاشۇ ئىزدىنىشچان روھىڭىز مېنى ھەقىقەتەن قايىل قىلىدۇ .سالامەت بولغايسىز ...

ozqan 2014-04-14 15:13
nazperwer:ئامىنە ياخشىمۇسىز، بۇ يىل سىزنىڭ لېكسىيىرىڭىزنى ئاڭلاش ماڭا نېسىپ بولمىدى.سىزنىڭ ئقۇتۇش سېپىدىكى ئاشۇ ئىزدىنىشچان روھىڭىز مېنى ھەقىقەتەن ق .. (2014-04-11 16:17) 

نازپەرۋەر : رەھمەت ،  بىرلىكتە ئىزدىنەرمىز - ھە !  
ئېسىل لىرىكىرىڭىزنى سېغىدىغۇ كىشى ... يېزىۋاتقانسىز  ؟
ھەممىمىزگە سالامەتلىك نېسىپ بولسۇن ...

ئوتلۇق12 2014-04-16 19:41
ئامىنە مۇئەللىم، رەخمەت سىزگە،  تەكرار جەريانىدا بەزى نۇقتىلارغا چوقۇم دىققەت قىلىمەن.بۇ قېتىمقى ئىلمىي مۇھاكىمىگە قاتنىشالمىغىنىمدىن بەكلا پۇشايمان قىلغان ئىدىم.

رەيھان 2014-04-17 17:05
بەك ياخشى پايدىلىنىش ماتىريالى بوپتۇ. دەرخانىدا پايدىلانساق بولغۇدەك


查看完整版本: [-- تىل-ئەدەبىيات تەكرارىنى قانداق ئۇسۇلدا ئېلىپ بارىمىز ؟ --] [-- top --]


Powered by phpwind v8.7 Code ©2003-2011 phpwind
Gzip enabled