مىھرىما: كىم

كىم

ئالاھىدىن ئابدۇرېشىت

بولۇپ سۆيگۈمگە ئەسرار، بىغۇبار قەلبىمنى سۆيگەن كىم؟
خىرامانىمدا يانغان جەزبىدار ئىشقىمدا كۆيگەن كىم؟

ئىلاھىي سۆيگۈدە سۆيدۈم، سۆيۈلدى روھىيەت بەرھەق،
سۆيۈشنىڭ لەززىتىگە چاڭقىغان پەيزىمنى سۈرگەن كىم؟

گۈزەللىك كۆركى جەم چىن سۆيگۈنىڭ دۇنياسىدۇر قەلبىم،
ئۆزىنى ئاختۇرۇپ ئۇندا سەبىي ئەسلىگە يۈرگەن كىم؟

خىيالىم باشلىسا بىھۇش سۈكۈت دۇنياسىغا تەگسىز،
ئۇزاق تۈنلەرگە مەن پۈتكەن گۈزەل چۈشلەرنى كۆرگەن كىم؟

جاراڭلار خەندى قەلبىمدە سېلىپ جىسمىمنى لەرزىگە،
پايانلار قايدا ئىزھارىمغا، ھېجرانىمغا كۈلگەن كىم؟

سۆيۈلمەي ياشىدىم بەلكى(ئايان كىملەرگە پىنھانىم؟)،
يېتەلمەي ۋەسلى دىدارغا مېنىڭدەك داغدا ئۆلگەن كىم؟!...

بۇ شېئىر«تارىم»ژورنىلىدىن ئېلىندى

kok-sultan	2014-03-28 17:32
ئالاھىدىن ئەپەندىنىڭ ئەسەرلىرى كىشىگە چەكسىز ھۇزۇر بېغىشلايدۇ...

بابۇر0725	2014-03-28 23:32
گۈزەللىك كۆركى جەم چىن سۆيگۈنىڭ دۇنياسىدۇر قەلبىم، %>k$'UW zK ئۆزىنى ئاختۇرۇپ ئۇندا سەبىي ئەسلىگە يۈرگەن كىم؟ xw&N[y5 بەكلا ياخشى يېزىلىپتۇ

ئابلەھەد	2014-03-28 23:57
ياخشى يېزىلغان غەزەلكەن،ماڭا ئەڭ ئاخىرىقى بېيت بەك ياقتى...

قىساسكار	2014-03-29 08:42
بەك ياخشى چىقىپتۇ

مىېھرىما	2014-03-29 21:18
kok-sultan:ئالاھىدىن ئەپەندىنىڭ ئەسەرلىرى كىشىگە چەكسىز ھۇزۇر بېغىشلايدۇ... (2014-03-28 17:32) _/ 'VD!(MV توغرا دىدىڭىز .شۇڭا مۇنبەردە بىللە ھوزۇر ئالايلى دىدم !!

مىېھرىما	2014-03-29 21:18
بابۇر0725:گۈزەللىك كۆركى جەم چىن سۆيگۈنىڭ دۇنياسىدۇر قەلبىم، ئۆزىنى ئاختۇرۇپ ئۇندا سەبىي ئەسلىگە يۈرگەن كىم؟ بەكلا ياخشى يېزىلىپتۇ (2014-03-28 23:32) Uq_lT, بابۇرغا رەھمەت !!

مىېھرىما	2014-03-29 21:19
ئابلەھەد:ياخشى يېزىلغان غەزەلكەن،ماڭا ئەڭ ئاخىرىقى بېيت بەك ياقتى... (2014-03-28 23:57) }]dzY( رەھمەت .قوللىغانلىقىڭىزدىن خۇرسەنمەن!!!

مىېھرىما	2014-03-29 21:19
قىساسكار:بەك ياخشى چىقىپتۇ [ئىپادە] (2014-03-29 08:42) +hispU3ia قىساسكارغىمۇ رەھمەت !!!

ئەكبەرنىياز	2014-03-31 19:48
ھەقىقەتەن ئېسىل چىققان غەزەلكەن ، مېھرىمانىڭ ئەجرىگە كۆپ رەھمەت !!!

مىېھرىما	2014-03-31 23:01
ئەكبەرجان ئۇستازغا يارغانلىقىدىن خۇرسەن بولدۇم سىزگە تەشەككۈر