查看完整版本: [-- 2014-يىللىق ئالىي مەكتەپ ئىمتىھان پروگراممىسى ئىزاھاتى --]

تەۋپىق مۇنبىرى -> ئۈرۈمچى تەتقىقات مەركىزى ئۇچۇرلىرى -> 2014-يىللىق ئالىي مەكتەپ ئىمتىھان پروگراممىسى ئىزاھاتى [打印本页] 登录 -> 注册 -> 回复主题 -> 发表主题

koksangun 2014-03-20 18:53

2014-يىللىق ئالىي مەكتەپ ئىمتىھان پروگراممىسى ئىزاھاتى

2014-يىللىق ئالىي مەكتەپ ئىمتىھانى ئىمتىھان پروگراممىسى ئىزاھاتى،2013-يىللىق ئالىي مەكتەپ ئىمتىھانى سۈپەت تەھلىلى (ئەلى غۇجاخۇن)

koksangun 2014-03-20 18:57
ش ئۇ ئا ر بويىچە 2014-يىللىق ئادەتتىكى تولۇق ئوتتۇرا مەكتەپ ئوقۇغۇچىلىرىدىن ئېلىنىدىغان ئالىي مەكتەپ 1-قېتىملىق ماسلاشتۇرۇش ئىمتىھانى سۈپەت تەھلىلى ۋە باھالاش دوكلاتى

تىل-ئەدەبىيات

شىنجاڭ ئۇيغۇر ئاپتونوم رايونى مائارىپ پەن-تەتقىقات ئاكادېمىيەسى، مائارىپ نازارىتى ئاساسى مائارىپ باشقارمىسى، ئاپتونوم رايونلۇق ئوقۇغۇچى قوبۇل قىلىش ئىشخانىسى بىرلىكتە تەشكىللىگەن 2014-يىللىق ئالىي مەكتەپ 1-قېتىملىق ماسلاشتۇرۇش ئىمتىھانى 25-، 26-فېۋرال كۈنلىرى ئېلىپ بېرىلدى. تىل-ئەدەبىيات ئىمتىھان سوئالىنى ئاپتونوم رايونلۇق مائارىپ پەن-تەتقىقات ئاكادېمىيىسى مۇناسىۋەتلىك مۇتەخەسسىس ۋە ئوقۇتقۇچىلارنى تەكلىپ قىلىپ چىقاردى. ئىمتىھاننى ئوخشاش ۋاقىتتا ئېلىش، ئىمتىھان ئاخىرلاشقاندىن كېيىن ئىنتىرنىت تورىدا تەكشۈرۈش، تەكشۈرۈش تاماملانغاندىن كېيىن، مۇناسىۋەتلىك ئىستاتىستىكا ۋە تەھلىلنى ئېلىپ بېرىشنى ئورۇنلاشتۇردى.
بۇ قېتىملىق تىل-ئەدەبىيات ماسلاشتۇرۇش سىناق ئىمتىھانىغا بەلگىلىك مىقداردا ئوقۇغۇچى قاتناشتى. بۇنىڭ ئىچىدە ھەرقايسى رايونلاردىن 719 نەپەر ئوقۇغۇچىنىڭ سوئالى نۇسخا ئېلىنىپ تەكشۈرۈلدى. بۇ ھەقتىكى سۈپەت تەھلىلى ۋە باھالاش دوكلاتى پايدىلانغۇچىلار ئۈچۈن تۆۋەندىكىدەك مەزمۇندا سۇنۇلدى.
1. ئىمتىھان سوئالىنىڭ قۇرۇلمىسى ھەققىدە تەھلىل
تىل-ئەدەبىيات ئىمتىھان سوئالى «ئادەتتىكى ئالىي مەكتەپكە ئوقۇغۇچى قوبۇل قىلىش ئىمتىھان ئىزاھاتى» ۋە «ئوتتۇرا مەكتەپ تىل-ئەدەبىيات دەرس ئۆلچىمى» ئاساسىدا تاللاش تەلىپى گەۋدىلەندۈرۈلگەن ھالدا قىيىن-ئاسانلىق دەرىجىسى، پەرقلەندۈرۈش دەرىجىسى مۇۋاپىق تەڭشىلىپ چىقىرىلدى. سوئال چىقىرىشتا ئىلگىركى سوئال چىقىرىش تەجرىبىلىرى يەكۈللىنىپ، تىل-ئەدەبىيات يېڭى دەرس ئۇقۇمى گەۋدىلەندۈرۈلدى. يېتەكلەش، باشلاش رولىنىڭ ئېنىق، جانلىق بولۇشىغا دىققەت قىلىندى.
ئىمتىھان سوئالىدىكى ئوقۇغۇچىلارنىڭ ئىگىلىگەن بىلىم نۇقتىلىرىنى ۋە ئىقتىدار قاتلىمىنى سىناش مەزمۇنلىرى، سوئال تىپى، سوئال مىقدارى، سوئال سالمىقى قاتارلىقلار «ئالىي مەكتەپ ئىمتىھان ئىزاھاتى» ۋە «ئوتتۇرا مەكتەپ دەرس ئۆلچىمى» گە ئويغۇن كېلىدۇ. تەكشۈرۈشتىن مەلۇم بولدىكى، ئوقۇپ چۈشىنىش، تەھلىل قىلىش ۋە يېزىقچىلىق ئۈچۈن بېرىلگەن سوئاللار مۇۋاپىق كونترول قىلىنغان. سوئالنىڭ رەت-تەرتىپى ئالىي مەكتەپ ئىمتىھان سوئاللىرىنىڭ رەت-تەرتىپى بىلەن بىردەكلىككە ئىگە. مەسىلىلەر ئېنىق ئوتتۇرىغا قويۇلغان، چۈشىنىكسىز، غەلىتە مەزمۇنلار يوق. سوئال بىلەن پايدىلىنىش جاۋاب ئوتتۇرىسىدا بىر-بىرىنى تېپىدىغان، ماسلاشماسلىق ئەھۋاللىرى كۆرۈلمىگەن.
سوئالدا ئوبيېكتىپ سوئال جەمئىي 10 بولۇپ، 30 نومۇرلۇق چىقىرىلغان. بۇ پۈتكۈل سوئال ئومۇمىي نومۇرنىڭ %20 نى ئىگىلەيدۇ. سوبيېكتىپ سوئال 14 بولۇپ، 120 نومۇرلۇق چىقىرىلغان. بۇ ئومۇمىي نومۇرنىڭ %80 نى ئىگىلەيدۇ. سوئال چوڭ ئالتە سوئالدىن تەشكىل تاپقان، بۇلار جاۋابىنى تاللاش سوئالى، بوش ئورۇننى تولدۇرۇش سوئالى، كۆنۈكمە ئىشلەش سوئالى، تەھلىل قىلىش سوئالى، تاللاپ جاۋاب بېرىش سوئالى، يېزىقچىلىق تەلىپىنى ئورۇنداش سوئالى قاتارلىقلاردىن ئىبارەت.

1)    سوئالنىڭ ئومۇمىي ئىقتىدار قاتلىمى ھەققىدە تەھلىل
      تەھلىل مەزمۇنى

تۈرلەر    ئوقۇپ تەھلىل قىلىش    ئىپادىلەش
    ئۇيغۇر تىلى    لوگىكا ئىستىلىستىكا ئەدەبىيات بىلىملىرى    كلاسسىك ئەسەرلەرنى ئوقۇش،ماقال تەمسىل،ھېكمەتلىك سۆز    ئەدەبىي ئەسەرلەرنى ئوقۇش    قوللىنىش تىپىدىكى ئەسەرلەرنى ئوقۇش    يېزىقچىلىق    تىل يېزىقتىن پايدىلىنىش
سوئال رېتى    8،7، 9،10، 14، 15،     11،12، 13، 14، 15،18    17،16     1، 2، 3،  20، 21، (22)    5،4، 6،19  (23)    24
ئىگىلىگەن نومۇرى    21    12    8    23+(20)    11+(20)    40    15
ئىگىلىگەن نىسبىتى    %14    %8    %6    %16+%12      % 7+%12      %27    %10

2)سوئالنىڭ مەزمۇن قاتلىمى ھەققىدە تەھلىل
      سوئال مەزمۇنى
ھەر قايسى
تۈرلەر    ئۇيغۇر تىلى بىلىملىرى    تىل-ئەدەبىيات ئاساسى بىلىملىرى    تەھلىل قىلىش    ئوقۇپ چۈشىنىش    يېزىقچىلىق
سوئال رېتى    7،8،9،10،14،15    11،12، 13، 14، 15،18، 16،17    20،1،2،3 21،(22)    5،4، 19،6،  (23)    24
ئىگىلىگەن نومۇرى    21    22     21﹢(20)    11﹢(20)    55
ئىگىلىگەن نىسبىتى    %14    %15    %14﹢(%13)    %7﹢(%13)    %37

3) سوئالنىڭ ئاساسى مەقسەتدارلىق ئىقتىدار قاتلىمى ھەققىدە تەھلىل
      ئىقتىدار تەركىبى

تۈرلەر    ئەستە ساقلاش    چۈشىنىش    تەھلىل قىلىش ۋە ئومۇملاشتۇرۇش    باھالاش ۋە پەرقلەندۈرۈش    ئىپادىلەش ۋە قوللىنىش    ئىزدىنىش
سوئال رېتى    11. 13، 16، 17    1، 2، 3،  20، 21    8،7، 9، 10، 14، 15، 12، 19،18    4،5،6    24    22 ياكى 23
ئىگىلىگەن نومۇرى    13    23    30    9    55    20
ئىگىلىگەن نىسبىتى    %9    %15    %20    %6    %37    %13
ئىقتىدار تەركىبىنىڭ بىلدۈرىدىغان مەنىلىرى:
(1) ئەستە ساقلاش: ئاساسىي بىلىمىنى تونۇش، ئەستە ساقلاش بولۇپ ئەڭ ئاساسىي ئىقتىدار قاتلىمىنى كۆرسىتىدۇ.
(2) چۈشىنىش: ھېس قىلىش، چۈشەندۈرەلەيدىغان بولۇش بولۇپ، ئەستە ساقلىغانلىرى ئاساسىدا تېخىمۇ يۈكسەلگەن بىر ئىقتىدار قاتلىمىنى كۆرسىتىدۇ.
(3) تەھلىل قىلىش ۋە ئومۇملاشتۇرۇش: ئىچكىرلەپ مۇھاكىمە قىلالايدىغان بولۇش، يىغىنچاقلاش، رەتلەش بولۇپ، ئەستە ساقلىغان ۋە چۈشەنگەنلىرى ئاساسىدا بىر بالداق يۇقىرى كۆتۈرۈلگەن ئىقتىدار قاتلىمىنى كۆرسىتىدۇ.
(4) باھالاش ۋە پەرقلەندۈرۈش: ئوقۇغان ماتېرىياللىرىنى پەرقلەندۈرۈپ تەھلىل ۋە تەكلىپىنى ئوتتۇرىغا قويۇش، يادىدا تۇتىۋالغان، چۈشىنىۋالغان ۋە تەھلىل قىلىپ ئومۇملاشتۇرغانلىرى ئاساسىدا ئوقۇش جەھەتتە بەلگىلىك تەرەققىياتقا ئېرىشكەن ئىقتىدار قاتلىمىنى كۆرسىتىدۇ.
(5) ئىپادىلەش ۋە قوللىنىش: ئەدەبىيات بىلىملىرى ۋە ئىقتىدارنىڭ قوللىنىلىشىنى كۆرسىتىدۇ. بۇ ئەستە ساقلاش، چۈشىنىش، تەھلىل ۋە ئومۇملاشتۇرۇش ئاساسىدا ئىپادىلەش جەھەتتە بەلگىلىك سەۋىيەگە يەتكەنلىكىدەك ئىقتىدار قاتلىمىنى كۆرسىتىدۇ.
(6) ئىزدىنىش: قىيىن نۇقتىلار ۋە گۇمانى نۇقتىلار ھەققىدە ئىزدىنىش، بەلگىلىك بايقاش ۋە يېڭىلىق يارىتىش ئېڭىغا ئىگە بولۇشنى كۆرسىتىدۇ. بۇ ئەستە ساقلىۋالغان، چۈشەنگەن، تەھلىل ۋە ئومۇملاشتۇرۇشتىن ئۆتكۈزگەندىن كېيىنكى بەلگىلىك يۇقىرى سەۋىيەنى ئۆز ئىچىگە ئالىدۇ.

2. ھەرقايسى تۈرلەر بويىچە ئىستاتىستىكىلىق سانلىق مەلۇماتلار




1) ئىمتىھان سوئالىدىكى ئومۇمىي نومۇر ھەققىدە ئىستاتىستىكىلىق ئۇچۇر
تۈرى    ئەمىلىي قاتناشقان ئوقۇغۇچى    تولۇق نومۇر    ئەڭ تۆۋەن نومۇر    ئەڭ يۇقىرى نومۇر    پەرق ئارىلىقى    ئوتتۇرىچە نومۇر    ئۆلچەملىك پەرق    ئوتتۇرىدىكى سان    مودا سان    قىيىنلىق دەرىجىسى
مەلۇماتلار    719    150    8    136    128    102    13.6    102.5    101    0.68
   بۇ ئۇچۇرلارغا قارىغاندا، ئەڭ يۇقۇرى نومۇر بىز مۆلچەرلىگەن چوققىغا يېتەلمىگەن.تۆۋە نومۇر ئېلىپ ئوتتۇرچە نومۇرغا زور تەسىر كۆرسىتىدىغان تۆۋەن نومۇر ئالىدىغان يوشۇرۇنغان ئوقۇغۇچى مەۋجۇت.ئوتتۇرىچە نومۇر مۆلچىرىمىزدىن تۆۋەن.100 ئەتراپىدا نومۇر ئالغان بالا خېلى كۆپ.سۇئالنىڭ قىيىنلىق دەرىجىسى مۇۋاپىق.
2) ئوبيېكتىپ، سوبيېكتىپ سوئاللاردىكى نومۇر ئېلىش ئەھۋالىدىن ئىستاتىستىكىلىق ئۇچۇر
ئوقۇغۇچىلارنىڭ نومۇر ئېلىش ئەھۋالى:
تۈرلەر    نومۇر    ئوتتۇرىچە نومۇر    ئۆلچەملىك پەرق    قىيىنلىق دەرىجىسى    پەرقلەندۈرۈش دەرىجىسى    ئىشەنچىلىكلىكى
ئوبيېكتىپ سوئال    30    15.4    5.5    0.51    0.16    0.41
سوبيېكتىپ سوئال    120    86.04    10.9    0.71    0.09    0.76
ئومۇمىي سوئال    150    102    13.6    0.67    1    0.73
































يۇقىرىدىكى ئۇچۇرلاردىن قارىغاندا،سوبيېكتىپ سوئاللاردا ئوقۇغۇچىلارنىڭ نومۇر ئېلىش دەرىجىسى بىر قەدەر يۇقىرى بولغان. ئىشەنچىلىكلىك دەرىجىسىمۇ ماس قەدەمدە يۇقىرى بولغان. ئوبيېكتىپ سوئالنىڭ پەرقلەندۈرۈش دەرىجىسى سوبيېكتىپ سوئاللارغا قارىغاندا يۇقىرى بولغان. ئوبيېكتىپ سوئالنىڭ قىيىنلىق دەرىجىسىمۇ سوبيېكتىپ سوئاللارغا قارىغاندا بىر قەدەر يۇقىرى بولغان.

3)ئوقۇغۇچىلارنىڭ ئەلا،ياخشى، لاياقەتلىك بولۇش نىسبىتى
ئوقۇغۇچى سانى    ئەلاچىلار نىسبىتى%    ياخشىلار نىسبىتى%    لاياقەتلىكلەر نىسبىتى%
719    1.67    41.7    84.01
دېمەك،ئەلاچىلار نىسبىتى يۇقۇرى ئەمەس،ياخشىلار نىسبىتىنى يۇقۇرى كۆتۈرۈشكە كۈچەش لازىم.لاياقەتلىك بولغانلارنى ياخشىلارنىڭ قاتارىغا كىرگۈزۈش زۆرۈرىيى بار.
3. ئوقۇغۇچىلارنىڭ نەتىجىسىنى تەھلىل قىلىش ۋە باھالاش. نەتىجە تەھلىل قىلىشتىن مەلۇم بولدىكى، بىز ئالدىن پەرەز قىلغان نەتىجە بىلەن ئوقۇغۇچىلارنىڭ ئالغان نەتىجىسى ئاساسەن ماس كەلگەن، يەنى يېقىن كەلگەن. سوئال ئوقۇغۇچىلارنىڭ تىل-ئەدەبىيات بىلىملىرىنى قوللىنىش قابىلىيىتىنى،ئاجىز نۇقتىللىرىنى،يەنە تولۇقلاش زۆرۈر بىلىم نۇقتىللىرىنى بىر قەدەر ھەقىقى ئەكس ئەتتۈرگەن.
1) نومۇرنىڭ تارقىلىش دېئاگراممىسى
ئوقۇغۇچىلارنىڭ نومۇر ئېلىش تارقىلىش دېئاگراممىسى تۆۋەندىكىدەك بولغان:


ھەرقايسى ئوقۇغۇچىلار ئىچىدە 100 بىلەن 110 نومۇر ئالغان ئوقۇغۇچىلار كۆپ سالماقنى ئىگىلىگەن.120،130 نومۇر ئالغانلارنىڭ دائىرىسى كەڭ ئەمەس،130 نومۇردىن كېيىن جىددى تۆۋەنلەش كۆرۈلگەن،70،80،90 نومۇر دائىرىسىدە تۇرغۇنلۇق ئەكس ئەتكەن.چوققىغا تەۋە ئوقۇغۇچىلار كۆلەم شەكىللەندۈرەلمىگەن.
2) سوئالنىڭ قىيىنلىق دەرىجىسى ۋە پەرقلەندۈرۈش دەرىجىسى
رېتى    سۇئال    تىپى    نومۇر    قىيىنلىق
دەرىجىسى    ئورتاق
نومۇر    پەرىقلەندۈرۈش دەرىجىسى
1    1    تاللاش سۇئالى    3    0.41    1.2    0.5
2    2    تاللاش سۇئالى    3    0.59    1.8    0.5
3    3    تاللاش سۇئالى    3    0.63    1.9    0.5
4    4    تاللاش سۇئالى    3    0.59    1.8    0.5
5    5    تاللاش سۇئالى    3    0.73    2.2    0.5
6    6    تاللاش سۇئالى    3    0.84    2.6    0.27
7    7    تاللاش سۇئالى    3    0.30    0.9    0.5
8    8    تاللاش سۇئالى    3    0.65    1.8    0.5
9    9    تاللاش سۇئالى    3    0.17    0.5    0.31
10    10    تاللاش سۇئالى    3    0.23    0.7    0.43
11    t11_1    جاۋاپ يېزىش    1    0.80    0.8    0.38
12    t11_2    جاۋاپ يېزىش    1    0.20    0.2    0.37
13    t11_3    جاۋاپ يېزىش    1    0.44    0.44    0.5
14    t12_1    جاۋاپ يېزىش    1    0.41    0.4    0.5
15    t12_2    جاۋاپ يېزىش    1    0.28    0.28    0.5
16    t13_1    جاۋاپ يېزىش    1    0.05    0.05    0.09
17    t13_2    جاۋاپ يېزىش    1    0.05    0.05    0.1
18    t14_1    جاۋاپ يېزىش    1    0.24    0.24    0.44
19    t14_2    جاۋاپ يېزىش    1    0.51    0.51    0.5
20    t14_3    جاۋاپ يېزىش    1    0.17    0.17    0.32
21    t15    جاۋاپ يېزىش    9    0.28    2.6    0.29
22    t16    جاۋاپ يېزىش    4    0.37    1.5    0.45
23    t17    جاۋاپ يېزىش    4    0.26    1.0    0.27
24    t18    جاۋاپ يېزىش    2    0.76    1.5    0.41
25    t19    جاۋاپ يېزىش    2    0.81    1.6    0.35
26    t20_1    جاۋاپ يېزىش    2    0.32    0.7    0.5
27    t20_2    جاۋاپ يېزىش    3    0.10    0.3    0.19
28    t20_3    جاۋاپ يېزىش    3    0.83    2.5    0.25
29    t21_1    جاۋاپ يېزىش    2    0.76    1.5    0.29
30    t21_2    جاۋاپ يېزىش    4    0.77    3.1    0.13
31    xzxt1    جاۋاپ يېزىش    4    0.79    3.2    0.32
32    xzxt2    جاۋاپ يېزىش    5    0.90    4.5    0.16
33    xzxt3    جاۋاپ يېزىش    5    0.93    4.6    0.13
34    xzxt4    جاۋاپ يېزىش    6    0.91    5.5    0.13
35    t24    جاۋاپ يېزىش    55    0.89    48.9    0.08

بۇ ئۇچۇرلاردىن تۆۋەندىكىدەك مەلۇماتلارغا ئېرىشىكىلى بولىدۇ:
1) 3 -،9-،11-سۇئالنىڭ 2-تارمىقى،17- ،24- سۇئاللارنىڭ پەرقلەندۈرۈشچانلىقى تۆۋەن بولغان.بولۇپمۇ يېزىقچىلىق سۇئالىدا ئوقۇغۇچىلار بىر دائىرىدە نومۇر ئالغان.
2) 9-،13-،14-سۇئاللارنىڭ قىيىنلىق دەرىجىسى يۇقۇرى بولغان.5-،11-،19-20-،21-سۇئاللارغا ئوقۇغۇچىلار كەڭ كۆلەمدە ياخشى جاۋاپ بەرگەن.قىيىنلىق دەرىجىسى تۆۋەن،پەرىقلەندۈرۈشچانلىقىمۇ كۈچلۈك بولمىغان.
3) 7-،9-11-سۇئاللارنىڭ ئورتاق نومۇرى تۆۋەن چىققان.
بۇ خىل ئەھۋالنى تۆۋەندىكى سىخىمىدىن تېخىمۇ ئېنىق كۆرىۋالغىلى بولىدۇ:


2)    ئوبيېكتىپ سوئاللار ھەققىدە ئىستاتىستىكىلىق تەھلىل

序号    题号    正确答案    选A率(%)    选B率(%)    选C率(%)    选D率(%)    其它(%)
1    1    D    15.99    33.1    10.01    40.89    0
2    2    B    9.87    58.69    15.44    15.86    0
3    3    C    18.22    8.62    62.73    10.43    0
4    4    C    14.33    6.95    58.55    20.03    0
5    5    A    72.46    11.96    6.54    8.9    0
6    6    B    4.17    85.4    4.31    5.84    0
7    7    C    25.87    11.4    30.18    32.13    0
8    8    C    9.74    15.02    64.67    10.57    0
9    9    D    44.37    16.41    21.84    16.83    0
10    10    A    23.23    31.15    13.63    31.43    0


   تاللاش سوئالى ئىچىدە توغرا تاللاش نىسبىتى ئەڭ يۇقىرى بولغىنى3-،5-، 6-سوئال بولغان. خاتا تاللاش نىسبىتى ئەڭ يۇقىرى بولغىنى7-،9-،10-سوئال بولغان. دېمەك، 3-،5-، 6-سوئالنىڭ قىيىنلىق دەرىجىسى بىر قەدەر تۆۋەن بولغان. 7-،9-،10-سوئالنىڭ قىيىنلىق دەرىجىسى سەل يۇقىرى بولغان.1-،2-،4-،8-سۇئاللاردا ئوقۇغۇچىلار نورمال نومۇر ئالغان.

4) ھەرقايسى رايونلاردىكى نۇسخا ئېلىنغان ئوقۇغۇچىلارنىڭ نومۇر ئېلىش ئستاتىستىكىسى
学校    前10    前50    前100    前200    前500    前1000    后500    后200    后100    后50    后10
于田县高级中学    5    23    49    102    224    284    178    55    18    6    0
克拉玛依准东中学    3    10    18    26    34    37    11    2    2    0    0
洛浦县一中    2    9    13    34    83    136    101    51    32    18    5
和田县拉依喀中学    1    2    3    6    15    21    15    5    1    1    0
若羌县中学    1    2    2    4    23    36    32    13    6    3    0
克拉玛依六中    0    2    5    15    51    62    46    11    3    1    0
库尔勒六中    0    2    3    7    14    16    8    2    2    0    0
独山子区二中    0    0    5    7    29    50    43    21    11    8    1
智慧教育培训中心    0    0    1    3    4    7    4    2    1    1    0
新源县一中    0    0    1    3    14    23    19    9    4    1    0
克拉玛依二中    0    0    1    1    3    4    3    1    0    0    0
乌鲁木齐60中    0    0    0    0    6    32    31    26    17    11    4
呼图壁县一中    0    0    0    0    4    11    11    6    4    2    0

4. ئوقۇغۇچىلارنىڭ سوئالغا جاۋاب بېرىش ئەھۋالى ھەققىدە ئومۇمى  مۇلاھىزە
نۇسخا ئېلىپ تەكشۈرۈشتىن تۆۋەندىكىدەك ئالاھىدىلىك ۋە مەسىلىلەرنى بايقىغىلى بولىدۇ:
1) ئوقۇغۇچىلارنىڭ تىل-ئەدەبىيات ئاساسىي بىلىملىرى، ھازىرقى زامان ئەسەرلىرىنى تەھلىل قىلىش ۋە مۇناسىۋەتلىك ئۇچۇرلارنى ئەستە ساقلىۋېلىشى، تاللاپ جاۋاب بېرىش قىسمىغا بېرىلگەن ئەدەبىي ئەسەر بىلەن قوللىنىش تىپىدىكى ئەسەرنى ئوقۇپ چۈشىنىپ مۇلاھىزە قىلىش قابىلىيىتى تېخى يېتەرلىك بولمىغان.
2) دەرسلىكتىن ئېلىنغان تېكىست ھەققىدىكى تەھلىل قىلىش سوئالىغا جاۋاب بېرىشى ۋە دەرسلىك سىرتىدىن ئېلىنغان ئەدەبىي ئەسەر ھەققىدىكى تەلەپلەرنى ئورۇنداش ئەھۋالى كۆڭۈلدىكىدەك بولمىغان. ئوقۇغۇچىلارنىڭ ئۆزىگە خاس مۇستەقىل مەيداندا تۇرۇپ، مەسىلىلەرگە ئەتراپلىق توغرا جاۋاب بېرىشى،ئۆگەنگەنلىرىنى ئەمەلىيەتتە قوللىنىش ئىقتىدارى، مۇكەممەل بىر قىممەت قاراشنى ئىپادىلەپ مۇھاكىمە يۈرگۈزۈشى تېخى تەلەپكە يەتمىگەن.
3)ئۇيغۇر تىلى بىلىملىرىنى ئىگىلىشى،سۇئال مۇھىتىدا ئۆگەنگەنلىرنى ئىشلىتىشى دېگەندەك ياخشى ئەمەس،تىل بىلىملىرىگە مۇناسىۋەتلىك بولغان ئەستە ساقلاش،چۈشىنىش،قوللىنىش تىپىدىكى تىل مەسىلىلىرىنى تېخىمۇ تولۇقلاش ئېھتىياجى بار.مەسىلەن:






4) پۈتكۈل ئوقۇغۇچىلار ئىچىدە 120 دىن يۇقىرى نومۇر ئالغان ئوقۇغۇچىلار ئانچە كۆپ ئەمەس. سىخىمىغا قارايدىغان بولساق 100 بىلەن 110 ئەتراپىدا نومۇر ئالغان ئوقۇغۇچىلار بىر قەدەر كۆپ بولسىمۇ، ئەمما 130، 140 نومۇر ئالغان ئوقۇغۇچىلار ئاساسەن يوق دېيەرلىك بولغان. ئەگرى سىزىقنىڭ جىددى ھالدا تۆۋەنلەپ كەتكەنلىكى بۇنى ئىسپاتلاپ تۇرۇپتۇ. يۇقۇرى نومۇرلۇق ئوقۇغۇچىلارنى كۆپەيتىش ئۈچۈن ئەستە ساقلاش، تەھلىل قىلىش، ئۇنىۋېرسال مۇلاھىزە قىلىش، يىغىنچاقلاپ توغرا خۇلاسە چىقىرىش قابىلىيىتىنى يۇقىرى كۆتۈرۈشكە توغرا كېلىدۇ.
5) ئوتتۇرىچە نومۇر 100 ئەتراپىدا بولۇپ، بۇ تىل-ئەدەبىيات ئىمتىھانى ئۈچۈن يۇقىرى نومۇر ئەمەس، تۆۋەن نومۇر ھېسابلىنىدۇ. شۇڭا تەكرار داۋامىدا ئاساسىي بىلىمنى پۇختىلاشقا، تەھلىل ۋە مۇلاھىزىلەردە مۇھىم نۇقتىنى تۇتۇشقا كۈچىشىمىز كېرەكلىكىنى چۈشەندۈرىدۇ.
6) سوئالغا جاۋاب بېرىش ئەھۋالىدىن قارىغاندا ئوبيېكتىپ سوئاللارغا جاۋاب بېرىشتە ئومۇمىيۈزلۈك تەپسىلىي جاۋاب يازماسلىق، تاق يۆلىنىشلىك، ئاددىي، تۈز جاۋاب كۆپ سالماقنى ئىگىلىگەن. ھالبۇكى، تەھلىل ۋە تاللاپ تەھلىل قىلىش سوئاللىرى ئوقۇغۇچىلارنىڭ ئوخشىمىغان نۇقتىدىن چىقىپ، تەپسىلىي، توغرا، لوگىكىلىق پىكىر قىلىشىنى تەلەپ قىلىدۇ،شۇنداقلا ئادەمگە قايىل قىلارلىق جاۋاب بېرىشىنى تەلەپ قىلىدىغان ھالەتتە بېرىلگەن. تەلەپ قانائەتلەندۈرۈلمىگەچكە ئوقۇغۇچىلارنىڭ ئوتتۇرىچە نومۇرىمۇ، يۇقىرى نومۇر ئېلىش دەرىجىسىمۇ سەل تۆۋەن بولغان.
7) مەيلى تەھلىل سوئالى بولسۇن، مەيلى نومۇر ئېلىش نىسبىتى يۇقىرى بولغان يېزىقچىلىق سوئالىدا بولسۇن، تەخمىنەن %20 ئوقۇغۇچى قالايمىقان پىكىر قىلىش، رەتلىك، سىستېمىلىق تەپەككۈر يۈرگۈزمەسلىك، قولىنىڭ ئۇچىدا جاۋاب يېزىش ئەھۋاللىرى كۆرۈلگەن ئوقۇغۇچىلارنى بۇ جەھەتتە يېتەكلەش، مۇكەممەللەشتۈرۈش ئېھتىياجى بارلىقى ھېس قىلىنماقتا.
يېزىقچىلىق سۇئالى مۇنداق مەزمۇندا بېرىلگەن:






















ئەمما نۇسخا ئېلىنغان تۆۋەندىكى ئەسەرنىڭ باشلىنىشىدىنلا بەزى مەسىلىلەرنىڭ ساقلىنىۋاتقانلىقىنى ئېنىق كۆرىۋالغىلى بولىدۇ:












..................................................................
خېلى كۆپ ئوقۇغۇچىلار يېزىقچىلىق تەلىپىگە خېلى دىققەت قىلغان.ماۋزۇ قويۇش،ژانىر ئالاھىدىلىكىنى ئەسكەرتىش،لوگىكىلىق باشلاش،خەتنى چىرايلىق،ئىملا قائىدىسىگە رىئايە قىلغان ئاساستا يېزىش،تىنىش بەلگىلەرگە دىققەت قىلىش،ھەجىمگە قويۇلغان تەلەپنى ئورۇنداش ئىشلىرىنى تەلەپكە يەتكۈزگەن.














8) ئوبيېكتىپ سوئالدىمۇ، سوبيېكتىپ سوئالدىمۇ نومۇر ئېلىش ئەھۋالى يەنىلا كۆڭۈلدىكىدەك ئەمەس. بولۇپمۇ ئوبىكتىپ سوئاللارغا جاۋاب بېرىشتە مەركىزى نۇقتىغا دىققەت قىلماسلىق، سەۋەب نەتىجىلىك مۇناسىۋىتى بويىچە جاۋاب بەرمەسلىك، ئايرىملىقنى ئومۇملۇق دەرىجىسىگە كۆتۈرۈۋېلىش، ماتېرىيالدا دېيىلگەنلىرى ئاساسىدا ئەمەس، ئۆزىنىڭ ھېس قىلغانلىرى ئاساسىدا جاۋاب بېرىۋېلىش ئەھۋالى كۆرۈلگەن. ئوقۇغۇچىلارنى بۇ جەھەتلەردىن يېتەكلەش كېرەك ئىكەن.
5. ئوقۇتۇش ھەققىدە تەكلىپ:
1) ئوقۇغۇچىلارنىڭ ئاساسىي بىلىم جۇغلانمىسىنى يۇقىرى كۆتۈرۈش، ئاساسىي ماھارەت مەشقىنى كۈچەيتىش، مەسىلىنى تېگىدىن چۈشىنىشكە، ماھىيىتىدىن ھەل قىلىشقا يېتەكلەش، تىل-ئەدەبىيات ئۇنىۋېرسال تەربىيىلىنىش ئىقتىدارىنى يۇقىرى كۆتۈرۈش كېرەك.
2) سوئاللاردا كۆپ كۆرۈلىۋاتقان، ئوقۇغۇچىلارنىڭ كۆپ قىسمى ھەل قىلالمايۋاتقان بىلىم نۇقتىلىرىنى يىغىنچاقلاپ، تەكرار مەزمۇنىغا ئېلىپ كىرىش، قەرەللىك تەكرار قىلدۇرۇش ۋە مۇستەھكەملەش كېرەك.
3) ئەدەبىي ئەسەر ۋە قوللىنىش تىپىدىكى ئەسەر ھەققىدىكى تەھلىل قىسمىنى كۈچەيتىشتە ئاساسىي نۇقتىئىينەزەرىنى، مەركىزى قىممەت قاراشنى ھېس قىلىشقا ۋە شۇ يىپ ئۇچىنى بويلاپ جاۋاب بېرىشكە يېتەكلەش، تەپسىلىي، كۆپ تەرەپلىمە پىكىر قىلىشقا ئادەتلەندۈرۈش كېرەك.
4) مەيلى تاللاش سوئالى قىسمىدىكى ئوقۇپ چۈشىنىش سوئالىدا بولسۇن، مەيلى جاۋاب يېزىش قىسمىدىكى ئوقۇپ چۈشىنىش سوئالىدا بولسۇن ئوقۇغۇچىلارنىڭ تېز، توغرا، پەرقلەندۈرۈپ، ئەستە ساقلىغان ئاساستا ئوقۇشى تەلەپ قىلىنىدۇ. شۇڭا ئوقۇغۇچىلارنىڭ ئوقۇش مىقتارىنى، ئوقۇش تېزلىكىنى، لوگىكىلىق پەرقلەندۈرۈش، يىغىنچاقلاپ خۇلاسىلاش ئىقتىدارىنى يۈكسەلدۈرۈش كېرەك.
5) شېئىرلارنىڭ تۈرلىرى، قاپىيە ئالاھىدىلىكى، ۋەزىن ئايرىمىسى،تۇراق، ئىپادىلەنگەن تۈپ ئىدىيىۋى ھېسسىياتىنى ئىگىلەشكە كۆڭۈل بۆلۈش، پەلسەپىۋى ھېكمەتنى ھېس قىلىش ۋە ئۇنى ئىپادىلەپ بېرىش ئىقتىدارىنى ئۆستۈرۈش كېرەك.
6) كلاسسىك شېئىرلارنىڭ يەشمىسىنى بىلىۋېلىش، كەم قالدۇرۇلغان مىسرالارنى تولۇقلاش، ماقال-تەمسىللەر ھەققىدىكى جۇغلانمىنى داۋاملىق بېيىتىپ مېڭىش، ئوقۇغۇچىلارنى مول ئەدەبىيات ئۇنىۋېرسال چۈشەنچىلىرى بىلەن قوراللاندۇرۇشقا ئەھمىيەت بېرىش كېرەك.
7) يېزىقچىلىق مەشقىدە ئوقۇغۇچىلارنى بېرىلگەن پارچىدىكى ئوق لېنىيەنى ئىگىلىۋېلىشقا، شۇ ئاساستا پىكىرنى قاناتلاندۇرۇشقا يېتەكلەش بىلەن، ژانېر ئالاھىدىلىكىنى گەۋدىلەندۈرگەن سەرخىل ئەسەرلەرنى يېزىشقا يېتەكلەش كېرەك.
8) ياخشى ئۈگىنىش ئادىتى يېتىلدۈرۈشكە ئەھمىيەت بېرىش، سوئال تەلىپىنى ئەستايىدىل ئوقۇش، رەتلىك، تەپسىلىي سەۋەپ-نەتىجىلىك مۇناسىۋىتى ئېنىق بولغان جاۋاپ يېزىشقا يېتەكلەش كېرەك. خەتنىڭ چىرايلىق، ئىملانىڭ توغرا، تىنىش بەلگىلىرىنىڭ مۇۋاپىق قويۇلىشىغا دىققەت قىلىش ۋە بۇ ھەقتىكى مەشىقىنى داۋاملىق كۈچەيتىشكە دىققەت قىلىش كېرەك.



ئۈرۈمچى شەھەرلىك تولۇق ئوتتۇرا مەكتەپ
                                         ئەلى غوجاخۇن

2014-يىلى 3-ئاينىڭ 14-كۈنى

koksangun 2014-03-20 18:59
http://yunpan.cn/QIV7NfbQbcpDm

مىېھرىما 2014-03-20 19:03
كۆپ ئەجىر قىپسىز رەھمەت .

ئەكبەرنىياز 2014-03-20 20:45
ئۇستازنىڭ ئەجرىگە كۆپ رەھمەت ، گەرچە يىغىنغا بارالمىغان بولساقمۇ ئەمما مۇشۇ تېما ئارقىلىق نۇرغۇن بىلىملەرگە ئېرىشتۇق !!!

ياسىنجان510 2014-03-20 22:47
2014-يىللىق ئالىي مەكتەپ ئىمتىھان ئىزاھاتى ھەققىدە چۈشەنچە ھاسىل قىلىۋالدىم.رەھمەت.

بابۇر0725 2014-03-20 23:47
كۆكسانغۇننىڭ ئەجرىگە ھەشقاللا

mamatjan74 2014-03-21 11:36
koksangun:2014-يىللىق ئالىي مەكتەپ ئىمتىھان پروگراممىسى  (2014-03-20 18:59) 

كۆكسانغۇن،ھېچنېمە يوققۇ؟قايتا تەھرىرلەپ قويامسىز؟رەھمەت.

koksangun 2014-03-21 16:44
تەھرىرلەپ قويدۇم ، بولدىمىكىن؟

mamatjan74 2014-03-21 17:41
ئەمدى چۈشۈرگىلى بولدى.رەھمەت سىزگە.

ئارزۇ228 2014-03-21 20:16
  ئاۋازلىق تەھلىلىنى ئاڭلاپ باقتىم، بەك ياخشى بوپتۇ، رەخمەت سىزگە.

kumush 2014-03-21 23:07
كۆكسانغۇن ،جاپا چېكىپسىز

630 2014-03-23 15:54
يازغانلىرىڭىزدىن كۆپ بىلىمگە ئىگە بولدۇم.

يالقۇن520 2014-04-04 11:14
koksangun:ش ئۇ ئا ر بويىچە 2014-يىللىق ئادەتتىكى تولۇق ئوتتۇرا مەكتەپ ئوقۇغۇچىلىرىدىن ئېلىنىدىغان ئالىي مەكتەپ 1-قېتىملىق ماسلاشتۇرۇش ئىمتىھانى سۈپەت تە .. (2014-03-20 18:57) 

ئەسسالامۇ ئەلەيكۇم ! ئەجرىڭىزگە رەخمەت..مەن  2014-يىللىق ئالىي مەكتەپ تىل-ئەدەبىيات ئىمتىھانى  ۋە ئۇنۇڭغا  قايسى  تەرىقىدە  تەييارلىق قىلىش توغرىسىدا ئوقۇغۇچىلارغا لېكسىيە سۆزلىگەن ئىدىم .يۇقارىقى ماتىرىيالدىن  ناھايىتى ئۈنۈملۈك پايدىلاندىم.


查看完整版本: [-- 2014-يىللىق ئالىي مەكتەپ ئىمتىھان پروگراممىسى ئىزاھاتى --] [-- top --]


Powered by phpwind v8.7 Code ©2003-2011 phpwind
Gzip enabled