查看完整版本: [-- روھ چاچقىنلىرى ________ بىلكۈچ كۇتۇپخانىسىدا ئۆتكەن كۈنلەر --]

تەۋپىق مۇنبىرى -> نەسىرى ئەسەرلەر -> روھ چاچقىنلىرى ________ بىلكۈچ كۇتۇپخانىسىدا ئۆتكەن كۈنلەر [打印本页] 登录 -> 注册 -> 回复主题 -> 发表主题

uzqak 2014-03-03 02:19

روھ چاچقىنلىرى ________ بىلكۈچ كۇتۇپخانىسىدا ئۆتكەن كۈنلەر

                   روھ ھەققىدىكى پاراڭلىرىمىز يېڭى پەلسەپىسىنى يازماقتا . بەزىلىرى شئېرى شەكىلدە بەزىلىرى نەسرى شەكىلدە بەزلىرى  ئاددى كەپىلەردىكى جېينىمازدا، بەزىلىرى قاۋاقخانىدا يەنى بەزىلىرى ... ھەممىمىز روھىمىزنى ياراتماقتىمىز ۋە يازماقتىمىز.«روھ چاچقىنلىرى» دەپ ماۋزو قويدۇم .ئۆزۈمدىن قايتۇرۇپلا «روھ دېگەن نېمە؟ » -دەپ سوراپ قويدۇم. بۇنىڭغا  نۇرغۇن ئېنىقلىمىلار بېرىلىپ ئۇ ھەقتە پىكىر بىرلىكى بولسىمۇ لېكىن روھ ھەققىدە ھەر بىر ئادەمنىڭ ئۆز ئالدىغا تەبىرى بولىدىغانلىقىغا ھەم ئىشەندىم. شۇڭا روھ دېگەن نېمە دېگەن سۇئالغا «ئۇ -ھەرىكەت ،ئۇ -ئەمىلىيەت! » دەپ،يېزىپ قويدۇم! نۇرغۇن مەسىللەر ئۈستىدەكۆپلىگەن ئادەم سۆزلىيەلەيدىكەن. سۆزلىيەلەيدىغان ئادەمنىڭ كۆپ بولىشى ئۇنى قىلالايدىغان ئادەمنىڭ كۆپ بولىشىنى بەلگىلەلمەيدىكەن . چۈنكى ھەركىتىدە روھىنى ھەقىقى ئىپادىلەگۈچىلەرلا شۇ دەۋىرنىڭ ھەقىقى قەخرىمانى بولالايدىكەن . شۇڭلاشقىمۇ دەۋىر قەخرىمانلىرىنى كىشىلەر قەلبىنىڭ چوڭقۇرلۇقلىرىدا ساقلايدۇ ، سېغىنىدۇ،مەدىھلەيدۇ .ئۇلار ئۈچۈن ئامانلىق ئۇزۇن ئۆمۈر تىلەيدۇ.... مۇشۇنداق قۇرلار بىلەن بۇ يازمامنى باشلىۋالدىم . {_&'tXL  
        شىخەنزىدىكى  ئوقۇشنى داۋاملاشتۇرۋاتقان كۈنلەردە، جۈمە كۈنلىرى ئىشتىن چۈشۈپ ئۈرۈمچىدىكى ئاچامنىڭ ئۆيىگە قاراپ يولغا چىققاتتىم. خىزمەتكە چىقىپ 19 - يىلىغا قەدەم قويغاندا ئېرىشكەن بۇ ئوقۇش پۇرسىتىنى قەدىرلىشىم ئەڭ مۇھىمى بۇرۇن ۋاقىت چىقىرالمىغان  ئىشلارنى بىرەرقۇر ئورۇنلاشتۇرۇپ بېقىشىم كېرەكتەك بىلىندى.  شەنبە كۈنلىرى ئۈرۈمچىنىڭ سودا مەركىزى بولغان خەلقارالىق چوڭ بازاردىكى «قىران بۈركۈت سودا سارىيى» نىڭ تۆتىنچى قەۋىتىگە جايلاشقان «شىنجاڭ بىلكۈچ كۇتۇپخانىسى » غا بېرىپ كىتاب كۆرىدىغان بولدۇم . بۇ يەرنىڭ ئۆگۈنىش مۇھىتى ھەقىقەتەن ياخشى ئىدى. ھەقسىز تور ، تۈرلۈك ئىچىملىكلەر .نۇرغۇن كىتاب مەنبەسى ھەممىدىن مۇھىمى بۇ يەردە ئۆگۈنىش قىلىۋاتقان ئالىي مەكتەپ ئوقۇغۇچىلىرى ،ئۆزلىكىدىن ئۆگىنىش قىلىۋاتقان  ياشلارنىڭ ئۆگىنىش روھىدىن تەسىرلىنىش پۇرسىتى، بۇلۇقتۇرمىلىق ئىچىدە تەمتىرەپ قالغان روھىمنىڭ روجەكلىرىدىن قىسىلىپقىنە كىرىپ يېڭى روھ تامچىلىرىنى پەيدا قىلدى. نۇرغۇن ئادەم بىرلا ۋاقىتتا ھېچكىمنىڭ بۇيرۇقىسىز تىنىچقىنە ئولتۇرۇپ ئۆگۈنىش قىلىدىغان ، بىلىمنىڭ ،ئۆگىنىشنىڭ پارىڭى بولىدىغان باشقىلارغا دەخلى قىلماسلىققا  تىرىشچانلىق كۆرسىتىدىغان بۇنداق مۇھىت نەقەدەر سۆيۈملۈك - ھە! قەلىب خاتىرەمدە قاچانلاردىندۇ ساقلىنىپ قالغان يوقۇرى ئاۋازدىكى تېلفون ئېلىشلار ، قوپاللىق، كىچىككىنە سەۋەنلىكلەرنى كۆپتۈرۈشلەر، ئىنسانىلىقنىڭ ئەسلى ماھىيىتىدىن بەكمۇ يىراقلاشقان تۈكۈرۈپ - مىشقىرىشلار، دەبدەبىلىك يىغىنلار  بۇ مۇھىت بىلەن سېلىشتۇرما بولۇپ ئۈلگۈردى.  s6bILz-u  
بۇ كۇتۇپخانىنىڭ قۇرغۇچىسى ئابلاجان ئەزىز ئەپەندىم مالايشىيادا پەلسەپە ماگىستىرلىقىنى ئوقۇغان بولۇپ يۇرتى ئاقسۇدىن ئىدى . ئۇ ھەققىدىكى ئۇچۇرلاردىن ئۇنىڭ كۇتۇپخانىنى قۇرۇش جەريانىدا ئاز بولمىغان ئەگىر - توقايلىقلارنى بىشىدىن كەچۈرگەنلىكىنى بىلدىم. ئەلۋەتتە  مەنپەئەت ، پۇل ،مال - دۇنيا ئالدىدا ياپراقتەك تىتىرەپ ياشايدىغان كىشىلىرىمىزگە سېلىشتۇرغاندا ئۆز ئۆيىنى سېتىپ كۇتۇپخانا قۇرۇش ئۈچۈن مەبلەغ قىلىش، يەنى كېلىپ بەش-ئالتە ئادەمنى ئىشقا ئورۇنلاشتۇرۇشنى ئۇلۇغلۇق دىمەي تۇرالمايمەن. 9 js!gJC  
بۇ يەردە كىتاب كۆرۈشكە ئادەتلىنىپمۇ قالدىم.  ئاھالە كومېتىتى ، مۇقۇملۇق ساقلىغۇچىلار دېگەندەك ئورۇنلاردىن خادىملار كېلىپ كۇتۇپخانىنىڭ خىزمەتلىرىنى نازارەت قىلىش بىلەن بىرگە قانداق قىيىنچىلىق بارلىقىنى پات - پات سوراپ تۇرۇدىكەن. بۇ يەرگە كېلىپ ئىككىنچى ھەپتىسى كۇتۇپخانىغا ئەزا بولغان ئوتتۇرا مەكتەپ ئوقۇغۇچىلىرىغا ئۆتىلىدىغان تىل - ئەدەبىيات تەكرار سىنىپىنىڭ ئوقۇتقۇچىسى كىلەلمىگەنلىكى ئۈچۈن ئىككى سائەت دەرسكە كىرىپ قويدۇم. بۇ ئىككى سائەتلىك دەرس بىلەن كېيىنكى كۈنلەردە شەنبە ، يەكشەنبىلىك ھەقسىز دەرس ئاڭلىغۇچىلارنىڭ تىل - ئەدەبىيات ئوقۇتقۇچىسى بولۇپ قالدىم. ھەر ھەپتىدە بۇ كۇتۇپخانىغا كېلىش مېنىڭ مۇھىم ۋەزىپەم ۋە مەجبۇريىتىم بولۇپ قالدى. كۇتۇپخانىغا كىرگەن تۇنجى كۈنۈمدىكى ئابلاجان مۇئەللىم بىلەن بولغان قىسقىغىنە سوھپىتىم ھازىرمۇ ئىسىمدە : a"SH_+T{  
_سىزنى بىر يەردە كۆرگەندەك قىلىمەن .نەدە كۆرگەندىمەن؟ F0:|uC4  
__ مېنى نەدە كۆرگەنسىز؟ #S)] `YW  
ئەسلىيەلمىدىم ،شۇنداق تۇنۇش كۆرۈنىسىزغۇ. B~+3<#B  
ئەمىلىيەتتە ھەممىمىز تۇنۇشقۇ؟ سەل تۇرۇۋېلىپ نىمىشقىدۇر ئەستايىدىل چۈشەنچە بەردىم . ,cZhkXd  
__ تەۋپىق مۇنبىرىدە كۆرۈپتىمەندە ؟ ئۇ مۇنبەرگە داۋاملىق كىرىپ تۇرۇمەن، ناھايىتى ياخشى ئۇ مۇنبەر..... p4mi\~Q  
بىز مەۋھۇم دۇنيا دەپ ئاتىۋالغان  ئەمما روھىمىز ۋە رېئاللىقىمىز بىلەن چەمبەرچەس باغلانغان بۇ دۇنياغا سىڭدۈرگەن ئەجىرمۇ كىشىنى نائۈمىد قويمايدىكەن ! ئۇ بىزنى تۇنۇشتۇرىدىكەن، بىزنى سۆزلەيدىكەن، بىزنى يازىدىكەن! روھىمىزنى يەنى بىر روھلار بىلەن ئۇچۇراشتۇرۇپ روھ قاينىمى ياسايدىكەن. ئۇ قاينامدا ھەر خىل ئىدىيە سۈزمىلىرىنى ياسايدىكەنمىز.ئۇنى رېئاللىقىمىزغا تەدبىقلايدىكەنمىز.شۇڭا تور دۇنياسىدا پاسىپ پىكىرلەردىنمۇ بەكرەك ئاكتىپ پىكىر يۈلىنىشىنى پەيدا قىلىش ئۇنىڭ ئۈچۈن ۋاقىت ئاجىرتىش ئەرزىيدىكەن. jr[(g:L   
بۇ قۇرلارنى يېزىۋىتىپ يېزىشتا ئىزچىللىقنى ساقلاپ كېلىۋاتقان مۇنبەردىكى قېرىنداشلىرىمغا ئۈنسىز مىننەتدارلىقىمنى بىلدۈردىم. بىز بۇ يەردە بالىلار ئۈچۈن باش قاتۇرىمىز ،سۆزلىرىمىز ئاددى بولسىمۇ مۇنبەر ئارقىلىق ئۆزىمىزنىڭ ئىجتىمائىي مەسئولىيىتىنى باشقىلارغا جاكارلايمىز. بىز بۇ يەردە مائارىپنىڭ باشلىنىش نۇقتىسى بولغان بالىلار ئۈچۈن سۆزلەيمىز! يەنى كېلىپ مائارىپنىڭ ئاخىرقى بېكىتى بولغان جەمئىيەت ئوتتۇرسىدا تەلىم - تەربىيە مۇساپىسى ھازىرلايمىز! خۇددى كۇتۇپخانا كىتابخانىلارغا ئوخشاشلا مەدەنىيەت، بىلىم تارقىتىش رولىنى ئۆتەيمىز! شۇڭلاشقىمۇ يەنىلا يېزىش كېرەك! ).U\,@[A{  
شۇڭالشقىمۇ تەۋپىقداشلىرىم يېزىڭلار!(داۋامى تېخى خېلى ئۇزۇن ) Y-!~x0-H  

ozqan 2014-03-03 13:06
ئۇزچاق : يازمىلىرىڭىزنى سېغىنغاندا يەنە بىر يازمىڭىزنىڭ  روياپقا كېلىۋاتقانلىقى مېنى بەك  خۇش قىلدى ....  
قەلەملىرىڭىز ھېرىپ قالمىسۇن ... تەپەككۈرىڭىز تېخخمۇ قاناتلانغان ، ھەم شۇنداق بولۇشقا تېگىشلىك بولۇۋاتقان مۇشۇ كۈنلەردە تەۋپىقداشلارنى ئىدىيەلىرىڭىز بىلەن ئۇچراشتۇرغىنىڭىز بەك ياخشى ئىش بوپتۇ ، ھارمىغايسىز ... داۋاملىق يېزىپ تۇرۇشقا ۋاقىت ھەم پۇرسىتىڭىز دائىم چىقىپ تۇرسىكەن دەيمەن ....

مىېھرىما 2014-03-03 22:20
ئۆزچاقنىڭ يازمىللىرىنى يانا مۇنبەردە كۆرىش نېمە دېگەن بەخىت . يازمىڭىز ئۆكسىپ قالمىسۇن. 9S 'u 1%  
]MD,{T9l\>  
سىزگە رەھمەت !!!

بابۇر0725 2014-03-04 00:16
يازمىڭىز ئۆكسىپ قالمىسۇن. ! \;XDPC j  
  سىزگە رەھمەت !!!

گۈلنىھال 2014-03-04 12:27
تەۋپىق مۇنبىرىدە كۆرۈپتىمەندە ؟ ئۇ مۇنبەرگە داۋاملىق كىرىپ تۇرۇمەن، ناھايىتى ياخشى ئۇ مۇنبەر.....   YD3jP}Ym  
بىز مەۋھۇم دۇنيا دەپ ئاتىۋالغان  ئەمما روھىمىز ۋە رېئاللىقىمىز بىلەن چەمبەرچەس باغلانغان بۇ دۇنياغا سىڭدۈرگەن ئەجىرمۇ كىشىنى نائۈمىد قويمايدىكەن ! ئۇ بىزنى تۇنۇشتۇرىدىكەن، بىزنى سۆزلەيدىكەن، بىزنى يازىدىكەن! روھىمىزنى يەنى بىر روھلار بىلەن ئۇچۇراشتۇرۇپ روھ قاينىمى ياسايدىكەن. ئۇ قاينامدا ھەر خىل ئىدىيە سۈزمىلىرىنى ياسايدىكەنمىز.ئۇنى رېئاللىقىمىزغا تەدبىقلايدىكەنمىز.شۇڭا تور دۇنياسىدا پاسىپ پىكىرلەردىنمۇ بەكرەك ئاكتىپ پىكىر يۈلىنىشىنى پەيدا قىلىش ئۇنىڭ ئۈچۈن ۋاقىت ئاجىرتىش ئەرزىيدىكەن.   Vc[aNpE  
1d$qr`  
L@5sY0 M  
بۇ ئابزاسنى بەك ياقتۇردۇم !1 V` T l$EF  

گۈلنىھال 2014-03-04 12:28
ئۇزچاق مۇئەللىمنىڭ ئەسەرلىرى ھەقىقەتەن ياخشى جۇمۇ . ھارمىغايسىز!

bahwan 2014-03-04 21:09
ئۇزچاقنىڭ مۇنبەردىكى يازمىللىرىنى كۆرەلەيدىغان بولدۇق

tursun 2014-03-05 15:23
j.&Y'C7GOC  
&6^ --cc  
روھ چاچقىنلىرى ھەقىقەتەن ئىنسان «روھىيىتىنى غىدىقلايدىغان-ئارمان چېقىنلىرى» بولۇپتۇ...ئالىي تەشەككۈر ئۇزچاك...!«روھىيەت پاكلانسا-مەنىۋىيەت نۇرلىنىدۇ.»..رەھمەت...يازمىڭىز ھەقىقەتەن ئېسىل چېقىپتۇ....خوش بولدۇم...

gulhan 2014-03-06 23:19
ئۇزچاقنىڭ يازمىلىرىغا ئىنتىزار بولۇپ تۇرغان. روھىمىز بىر غىدىقلىنىشنى كۈتۈپ تۇراتتى. ئەمدى چاڭقاشلىرىمىز قانىدىغان بولدىدە... m68>`  
A/" 
  ئۇيغاق روھىڭىزغا، مەسئولىيەتچان قەدەملىرىڭىزگە بارىكاللا، ئۇزچاق.

زۇبەيدە 2014-03-14 11:36
ئۇزچاق : يازمىلىرىڭىزنى سېغىنغاندا يەنە بىر يازمىڭىزنىڭ  روياپقا كېلىۋاتقانلىقى مېنى بەك  خۇش قىلدى .... }KCXo/y   }$'XV.  
قەلەملىرىڭىز ھېرىپ قالمىسۇن ... تەپەككۈرىڭىز تېخخمۇ قاناتلانغان ، ھەم شۇنداق بولۇشقا تېگىشلىك بولۇۋاتقان مۇشۇ كۈنلەردە تەۋپىقداشلارنى ئىدىيەلىرىڭىز بىلەن ئۇچراشتۇرغىنىڭىز بەك ياخشى ئىش بوپتۇ ، ھارمىغايسىز ... داۋاملىق يېزىپ تۇرۇشقا ۋاقىت ھەم پۇرسىتىڭىز دائىم چىقىپ تۇرسىكەن دەيمەن ....

تىلسىم 2014-03-22 12:34
ئەسسالامۇ ئەلەيكۇم ئۇستاز ، قەلىمىڭىزگە قايىل بولماي تۇرالمىدىم، ھەقىقەتەن ياخشى يىزىپسىزئ 'Hzc"<2Y\  
بۇنىڭدىن كىيىنكى ئىجادىيەتلىرىڭىزگە ئۇتۇق تىلەش بىلەن بىرگە ئىشلىرىڭىزغا ئۇتۇق تىلەيمەن. &S`g&  
نادىر تىمىلىرىڭىز بىلەن مۇنبەرداشلارغا زوق ئاتا قىلىشىڭىزغا تىلەكداشمەن .

ئېرا 2014-03-22 13:42
ئادەم روھىيتىگە ئۇرۇلغان تەپەككۈر ھېسلرىنى  ئىپادىلەشكە ئېرىنمەسلىكى كېرەك..

uzqak 2014-03-26 00:27
«تەۋپىقداشلار يېزىڭلار ! » دەپ قويۇپ يەنە يوقاپلا كەتتىم. مۇنبەرداشلىرىمنىڭ ئىلھامبەخىش ئىنكاسلىرىنى ئوقۇپ ئولتۇرۇپتىمەن.  ئىرانىڭ « ئادەم روھىيتىگە ئۇرۇلغان تەپەككۈر ھېسلرىنى  ئىپادىلەشكە ئېرىنمەسلىكى كېرەك.. » دېگەن ئىنكاسىنى ئوقۇۋېتىپ نۇرغۇن ئىجادىيەتلەرنىڭ تەۋەللۇتىغا  سەۋەب بولغان تەپەككۈرگە  ئۈنسىز ئاپىرىن ئېيتتىم . نىمىشقىدۇر يا شېئىرغا يا پەلسىپىۋى جۈملىلەرگە ئوخشىمايدىغان قۇرلار مېنى ئېزىقتۇرۇشقا باشلىدى. NjT*5 .  
چولپان يۇلتۇز ئاقسىمۇ! -)B_o#2=2  
يەردە پارە بولسىمۇ. Qclq^|O0  
ئاسماندىكى يۇلتۇزلار، wYQTG*&h  
كۆز قىسىشىپ ئوينايدۇ. WJbdsPs  
يورۇق يۇلتۇز ئاھىنى، 4A6D>ChB'E  
بىر ئۆزىلا تىڭشايدۇ. hbRDM'  
نېمىلا بولسۇن  ئويلىغىنىمنى يېزىۋەتتىم. v'nM=   
يازمامنىڭ ئاخىرىغا ئۇلىنىدىغان نۇرغۇن ھېكايىلەر بولسىمۇ قانداق ئورۇنلاشتۇرۇش مەسلىسىنى تېخى ئويلاشمىغاندەك قىلاتتىم . بەزىدە كۆزۈڭ بىلەن كۆرگەن كۆڭلۈڭدە چۈشەنگەن نەرسىلەرنى دەل جايدا ئىپادىلەش بەسى مۈشكۈل بولىدىكەن. شۇڭلاشقىمۇ روھ ساھىلىغا ئۇرۇلۋاتقان ئوي- خىياللارنى تاۋلاپ ئۇنى ئىدىيەگە ئايلاندۇرۇش ئىسىل ماھارەتتۇ؟مۇشۇ كۈنلەردە «تاققا - تۇققا ئويىنىغا »ئوخىشاپ قالىدىغان كۆرۈنۈشلەرگە كۆپ ئۇچۇرايدىغان بولۇپ قالدىم. 0vOt. LC/S  
شۇ شەنبە كۈنىمۇ ئادىتىم بويىچە قىران بۈركۈت سودا سارىيىغا جايلاشقان كۇتۇپخانىغا قاراپ ماڭدىم. خەلقارالىق چوڭ بازار ئەتراپىدىكى مۇھىت ماڭا بەش قولدەك تۇنۇش ئىدى. يەر ئاستى يولىدىن چىققان يەردە داۋاملىق ئولتۇرۇپ تىلەمچىلىك قىلىدىغان بىر توپ تىلەمچىلەر بىلەن ماللىرىنى داڭلاپ  ۋاقىراپ سودا قىلىۋاتقان سودىگەرلەر  ئوتتۇرسىدىكى پەرىق ،تولا كۆرۈيۋەرگەچكىمۇ ئادەمنىڭ ھېسداشلىقىنىمۇ قوزغىيالماس بولۇپ قالغان يىغا ئارىلا ش سوزۇلغان  ئىلتىجالىق قوللارغا ئېرەنسىز قاراپ قويۇپ ئۆتۈپ كېتىۋاتقان كىشىلەر توپى... ھەممە نەرسە شۇنداق نورمال قوبۇل قىلىنىغان كۆرنۈشلەرگە مەنمۇ كۈنۈپ كەتتىم. شۇڭلاشقىمۇ كۆنگەن يامان بولسا كېرەك! كۆنۈككەن تەپەككۈر ، كۆنۈككەن تۇرمۇش ئادىتى ،كۆنۈككەن ... ئىشلار بۇ يەردە داۋاملاشماقتا. قورساق غېمى،تۇرمۇش ھەلەكچىلىكىدە كۈننىڭ شەرىقتىن چىقىپ غەرىپكە قىيسايغانلىقىنىمۇ سەزمەيدىغان كىشىلەر ، ھەممە ئۇيغۇر تازلىق ئىشچىسى بولۇپ كەتكەندەك تەسىر بېرىدىغان  سېرىق كېيىملىك تازلىق ئىشچىلىرى، كوچا ئاپتۇبۇسلىرىنى جەزبىدارلىق بىلەن ھەيداۋاتقان خانىم -قىزلار .... كۇچا كويلاردا پات- پات چىلىقىپ قالىدىغان ھەر خىل قەغەزلەرنى ساتقۇچى قۇرامىغا يەتمىگەن بالىلارنىڭ باشقىلار ئەيىپلەپ تىللاپ  كەتسىمۇ ھېچقانداق ئىنكاس قايتۇرمايلا سودىسىنى قېلىيۋېرىدىغان كۆرۈنۈشلىرىگىمۇ ھەيران قالمايدىغان بولدۇم. ئۇلارنىڭ غورورى ئۆلىۋاتامدۇ ياكى مېنىڭ كۆرۈش سەزگۈمدىن چاتاق چىقتىمۇ؟ ياكى ئۇلار شۇنداق پىشىپ - يېتىلەمدۇ؟ ياكى غورورى شۇنداق ھېچنىمىگە ئەرزىمەس نەرسىگە ئايلىنىپ ئىنسانىلىقىمۇ خىرىسقا ئۇچۇرامدۇ؟ ئېنىقسىز... ئۇلار ياشىماقتا ! ھەم ياشايدۇ.... eAKK uML  
ئۇ كۈنى مەن بۇ كۇتۇپخانىنىڭ تەكلىپلىك باشقۇرغۇچىلىقىنى تاپشۇرۋالدىم. كۇتۇپخانىدا ئىشلار بەكمۇ كۆپ ئەمەس. لېكىن يېڭىدىن بىر مەسىلىگە ئۇچۇرغان ئىدۇق. كۆچمە نوپۇستىكى نۇرغۇن بالىلار بۇ كۇتۇپخانىغا كىتاب ئوقۇغۇلى كىرەتتى. ئۇ بالىلارنىڭ ۋاراڭ - چۇرۇڭلىرى كۇتۇپخانى بىر ئالاتتى. ئۇلارنى قانداق قىلىپ تەرتىپكە سېلىش مەسلىسى بىزنىڭ بېشىمىزنى قاتتۇردى. ئادەمنىڭ ئېغىزى ئاجايىپ چوڭ تەشۋىقات قۇرالىكەن . بىر ھەپتىگە يەتمىگەن ۋاقت ئىچىدە كۆچمە نوپۇستىكى مەكتەپ سىرتىدىكى بالىلاردىن 50 - 60 نەپىرى يىغىلىپ كېتىپتۇ. بۇ بالىلارنىڭ ئىچىدە 9 يىللىق مەجبۇرىي مائارىپ يېشىدىكىسىمۇ، يەسلى يېشىدىكىلەرمۇ بار ئىدى. بالىلارنى مۇۋاپىق ئورۇنلاشتۇرۇش ئۈچۈن ئۇلارنى تەربىيلەيدىغان كىتاب ئوقۇپ بېرىدىغان «بالىلار تەربىيىچىسى »گە ئېھتىياجلىق بولدۇق. تورغا ئېلان بېرىپ بۇ مەسىلىنى ھەل قىلماقچى بولدۇق.كۇتۇپخانا قۇرغۇچىسى ئابلاجان ئېزىزنىڭ بۇ بالىلارنى تەربىيلەش يولىدا ماڭغان قەدەملىرىگە تۆلىگەن بەدىلىگە شاھىد سۈپىتىدە يۇقۇرى تۆۋەن مېڭىشىپ بەردىم......تەربىيچىلەر قوللانمىسى. تەربىيلەش پراگېراممىسى ، يۇقلىما قوللانمىسى تەربىيچىلەر ئۆلچەملىرى دېگەندەك ماتىريالللارنى ئىشلىدىم ... شۇنداق قېلىپ ئۇ بالىلارنى «بىلكۈچ بالىلار مەدەنىيەت كورژۇكى » نامىدا كىتاب ئوقۇش مۇنبىرى تەشكىللەپ يېتەكلەشنى باشلىدۇق. شىخەنزىدە ئوقۇش بىلەن بۇ ئىشنى تەڭ ئېلىپ بېرىش ئۇنچە ئاسانغا توختىمىدى لېكىن ياراتقۇچۇمنىڭ مېنى كىتابقا يېقىن، ياخشى ئىشلارغا يېقىن . غەيۋەت شىكايەتتىن خالى كۈپۈك ،شەكىلەن ئىشلاردىن خالىي قېلىپ مۇشۇ پۇرسەتنى بەرگىنىگە مىڭلاپ شۈكۈرلەر ئېيتتىم... بۇنداق ئىشنى قېلىش ھەممىلا ئادەمگە نىسىپ بولمايدۇ. بۇ قانداق ئۇلۇغ ئىش - ھە! بىر تەرەپتە تۇرمۇش ھەلەكچىلىكدە ئۈرۈمچىدە ئېقىپ يۈرگەن بىر توپ يەنى بىر تەرەپتە ساۋادسىز قالغان  سەبىلەر ، ئۇلار ئۈچۈن خىزمەت قېلىش شۇنداق تەس لېكىن ئۇلارمۇ بىزنىڭ بالىلىرىمىز! V\Oe] w  
تورغا بەرگەن ئېلان ئۆز كۈچىنى كۆرسەتتى. (داۋامى داۋاملىق يېزىلىدۇ )

uzqak 2014-03-26 17:56
بىز بالىلار تەربىيىچىلىرىنى قۇبۇل قىلىش ئۈچۈن يۈز تۇرانە ئىمتىھان ئالماقچى بولدۇق. بالىلارنىڭ مۇستەقىللىق ئېڭى ئۆزىنى سىناپ بېقىشقا بولغان قىزغىنلىقى يوقۇرىمۇ يا رېئاللىق ئۇلارنى قىستامدۇ بىر كۈندە 12 نەپەر ئاسپىرانت ،سىتودنېتلار كەلگەن ئىدى. ئەھۋالنى ئۇلارغا تەپسىلى چۈشەندۈرۈپ بۇ بالىلارنى تەربىيلەشنىڭ بىرقەدەر قىيىن ۋە ئالاھىدە ئەھۋال ئىكەنلىكىنى چۈشەندۈردۇق. ئاخىرىدا شەرقى شىمال مىللەتلەر ئۇنىۋېرسىتېتىنىڭ بالىلار مائارىپ ئىلمى فوكولىتىدىن كەلگەن بىر ئوقۇغۇچى (مەكتەپنى پۈتتۈرمىگەن ،ئۈرۈمچىگە جەمئىيەت تەكشۈرۈشكە كەلگەنىكەن) F02S(WWo;  
شىنجاڭ ئېنىستوتىنىڭ ماگىستېر ئاسپىرانتلىقىدا ئوقۇۋاتقان بىر ئوقۇغۇچى  بولۇپ تۆت «تەربىيچى » تاللىدۇق. ئەگەر ئىمكانىيەت بولسا شۇ كۈندىكى ھېسلىرىمنى ئىسسىق پېتى يېزىۋەتكەن بولسام ھازىرقىدەك مۇزلىغان ئوي- خىياللىرىمنى قايتا قىزىتىشقا ۋاقت سەرىپ قىلماس بولغايتتىم. ئۇ كۈنى كەچكىچە ئۇيقۇم كەلمىدى. بۈگۈن ئىش ئىزدەپ كەلگەن بالىلارنىڭ ئىلتىجالىق كۆزلىرىنى ئۇنتۇيالمىدىم. بېرىلىدىغان ئازغىنە ئىش ھەققى ئۇلار ئۈچۈن زۆرۈر تۇرمۇش ۋاستىلىرىنى تەمىنلەيدىغان مەنبە . ئۇلار ئۇ پۇلغا شۇنداق ئېھتىياجلىق لېكىن سان چەكلىكلا...تەربىيىچىلەرنى ئانچە - مۇنچە يوللىغا سېلىپ قويۇپ يەنە شىخەنزىدىكى ئوقۇشقا ماڭدىم. بۇ ھەپتىنى تېزلا تاماملاپ يەنە ئۈرۈمچىگە قايتىپ كەلدىم. يېڭى قوبۇل قىلىنغان تەربىيىچىلەر پۈتۈن تىرىشچانلىقى بىلەن ئىشلاۋاتاتتى. بالىلارنى كەچتە سۆيۈپ ئۇزۇتۇش، ئەتىگەندە ئۇلارنى كۈتۈۋېلىش، دەرسنى ياخشى ئۆتۈش ئۈچۈن ئامال - چارە ئىزدەش، ئاتا- ئانىلارغا تېلفون قىلىپ ئەھۋال سوراش ... مائاشى چىققاندا مائاشىم ئاز دېمەستىن بالىلارغا كىچىك سوغاتلارنى تەييارلاش... ئۇلارنىڭ ۋۇجىدىدىن «سۆيۈش» دېگەن سۆزنىڭ ۋەزىنىنى كۆرگەندەك بولدۇم. ئۇلار سۆيۈش ئارقىلىق  بالىلارنىڭ قەلبىدە يېڭى قىزغىنلىق ،قىزىقىش ئويغاتتى. ئۇلار ئىش ھەققىنى ھېسابلاشتىن بۇرۇن ئۆزىنىڭ ئۆتكۈزگەن كەمچىلىكلىرى ھەققىدە بىرەر قۇر چۈشەندۈرۈش بېرەلىدى. ئۇلارنىڭ بىلىمى «تۈمۈر تاۋاق» قا ئىگە نۇرغۇن ئوقۇتقۇچىلارنىڭكىدىن يېڭى بولسىمۇ كۈندە بىلىم يېڭىلاپ تۇردى.ئۇلار خۇددى يېڭى بىر مائارىپنىڭ ئۇيغۇنىش ھارپىسىدىكى جەڭگىۋار قوشۇندەك بارلىقىنى شۇ ئاقما نوپۇس بالىلارغا بېرەلىدى. ئۇلارنى ئىنسانىي يۈكسەكلىكتە ھۆرمەتلىيەلىدى. .. كىمدۇر بىرىنىڭ «ئىنسان ھاياتى بىر پۇرسەت .ئۇ توغۇلۇشتىن بۇرۇنقى ھەم ئۆلگەندىن كېيىنكى ئىككى يوقلىقنىڭ ئوتتۇرسىدىكى بىردەملىك ۋاقىتنىڭ ئىلكىدە بولىدۇ .شۇڭا كىچىككىنە ۋاقىتنىمۇ قەدىرلە،ھاياتىڭنىڭ قىممىتى ئاشىدۇ » دېگىنىدەك ئۇلار ھاياتىنى ئامانەت ئورنىدا كۆرەلىدى. ئۇنىڭغا خىيانەت قىلىشقا بولمايدىغانلىقىنى ئەمەلىيىتى ئارقىلىق ئىسپاتلىدى . me]O  
  بالىلار بىلەن ئۆتكەن ئۈچ ئاي ۋاقىت ئىچىدىكى نۇرغۇن تەسىرلىك كۆرۈنىشلەردە ئەيساجان ئەمەت، ئامىنە، رىزۋانگۈل ، رابىيە ، زۇلفىيە ، مەدىنە قاتارلىق تەربىيىچىلەرنىڭ ئىزلىرى قالدى. ئۇلار« ياخشىلىق خالىسانە بولىدۇ ،بۇلارنى بىز ياخشىلىق ئۈچۈن قىلدۇق »دېگەچكىمۇ ئايرىم ئىشلارنى تەپسىلى يېزىشقا ئىمكانىيەت بولمىدى. ;\(Wz5Ok&J  
(داۋامى بار )

uzqak 2014-04-02 19:27
بۈگۈن ئازراق ۋاقت چىقىۋىدى بۇ تېمىنىڭ داۋامىنى يېزىۋېتىش ئۈچۈن ئولتۇردۇم.يازمىنى يازغاچ تەڭرىتاغ تورىغا يوللانغان   8- قېتىملىق ئىلمىي چېيىنى ئاڭلىماقچى  بولدۇم .ئەمدىلا فىلىمنى ئىچىپ تۇرۇشۇمغا قايەردىندۇر بىر ناخشا قويۇلۇپ ئىلىم چىيىدىكى ئاۋازلارنى ئاڭلاشقا ئىمكانىيەت بولمىدى. نىمىشقىدۇر ئۆز- ئۆزۈمگە پىچىرلاپ قويدۇم. ناخشا -ئۇسۇلنىڭ داۋراڭلىرى بەك يامانكەن جۇمۇ؟ رېئااللىقىمىزدىمۇ « بىر كىتاب بىر ئالەم » دەك ياخشى پېراگگىراملىرىغا خاتىمە بېرىپ ناخشا- ئۇسۇل ھەققىدىكى فىلىم كۆرنىشلەرنى ۋايىغا يەتكۈزۈپ قوللايمىز ئەمەسمۇ؟ NJJsg^'  
بۇ ھەقتە مۇلاھىزە كۆپ ،سۆزلەيدىغانلار كۆپ .سۆزلەشنىلا بىلىپ ھەركەت نىشانىنى تاللاشتا قىيلىنىپ ئىككى يۈزلۈمچى ئادەم بولۇشقا تەييارلىق قىلىۋاتقان نۇرغۇنلىرىمىزغا قانداق «دورا »كېسىلىدىغانلىقىنى بىلەلمىدىم. لېكىن نۇرغۇنلىرىمىزنىڭ يۈكسەك ئادەملەر ياكى پۈتۈن ئادەملەر قاتارىدىن ئورۇن ئالالماي يېرىم ئادەملىك سالاھىتى بىلەن ئۇ دۇنياغا كېتىپ قالساق ،ئىنسان يارىتىلغاندا ،ئىنسانغا سەجدە قىلغان پەرىشتىلەرنىڭ نەپرەت -قارغىشلىرىدىن «دورا » بېرىلەرمۇ؟ يەنىلا ئېنىقسىز ... مەن يەنىلا ئۆز نىشانىم بويىچە كۇتۇپخانىنىڭ كېيىنكى كەچمىشلىرى ھەققىدە توختىلاي... 5`mRrEA  
بالىلارنىڭ سانىنىڭ كۆپىيىشى بىلەن ئۇلارنى تېخىمۇ ياخشى بىخەتەر ئوقۇتۇش مۇھىتىغا ئىگە قىلىش ئۈچۈن مۇناسىۋەتلىك ئورۇنلارغا بالىلارنىڭ ئەھۋالىدىن تەكشۈرۈش دوكىلاتى سۇندۇق. ئەلۋەتتە ھەممە ئادەم 100% ساۋادلىق ، ئوقۇش يېشىدىكى ھەممە بالىلار مەكتەپتە دەپ قاراش ۋە دوكىلات بېرىش ئاساس ئېقىمغا ئايلانغان بۇ كۈنلەردە بىزنىڭ مەسلىنى كۆتۈرۈپ چىقىشىمىز مۇناسىۋەتلىك ئورۇنلارنى تەمتىرتىپ قويدى. ۋە بۇئىشقا دىققىتىنى ئاغدۇردى . مۇناسىۋەتلىك ئورۇنلارنىڭ كۆڭۈل بۆلىشى بىلەن بالىلار مەكتەپ قوينىغا قايتىيدىغان بولدى. ow:}NI  
بالىلارنى ئۇزۇتۇپ قويدۇق. شۇ كۈنى كۈندۈلۈك خاتىرەمگە نۇرغۇن قۇرلارنى يازدىم. U" eP>HHp  
«بالىرىم بۈگۈن سىلەرنى ئۇزۇتۇپ قويدۇق. بارلىق تەربىيچىلىرىڭلار سىلەر ئۈچۈن خۇشاللىق ياشلىرىنى تۆكتى ،ئۇلار سىلەرنىڭ كەلگۈسىڭلار ئۈچۈن ۋايىم يېمىسە مائاش ئۈچۈن سىلەرنى تۇتۇپ قالاتتى، ئاشكارلمايتتى. سىلەر ئۈچۈن باش قاتتۇرۇپ قوش تىلاد قالماشتۇرۇپ تەكشۈرۈش دوكىلاتى يازمىغان بولاتتى. لېكىن نىمىشقىدۇر سىلەردىن ۋايىم يەيمەن. ئەگەر بۇ 40 بالىنىڭ 40 ئائىلە ئىكەنلىكىنى نەزەردىن ساقىت قىلىپ ، چارەكلىك مەۋسۈملۈك ئىمتىھان نەتىجىسىنى ئاساس قىلغان قانداقتۇر بىر ئىلغارلىقلار ئۈچۈن جان تىكىپ ئېلىشۋاتقان يېرىم روھلۇق ئوقۇتقۇچىنىڭ قولىغا چۈشۈپ قالساڭلار بۇ يەردە سىلەر ئۈچۈن ۋايىم يېگەن تەربىيچىلىرىڭلارنىڭ يۈرۈكى يىغلارمۇ؟ سىلەرنى دەرستە يىتىشەلمەيدىكەن ،نەتىجەمگە تەسىر كۆرسىتىدىكەن دەپ قاراپ قانات ئاستىغا ئالماي قۇيارمۇ؟ سىلەرنى مەكتەپ قوينىغا قايتۇرۇش ئۈچۈن بىسىلغان يوللارنىڭ قىممىتى ئۇلارنىڭ ئوقۇتقۇچىلىق ۋىجدانى بىلەن بىرلىشەمۇ ؟» G=4Da~ 
يېزىپ مۇشۇ يەرگە كەلگەندە جون دېۋىينىڭ مۇنۇ بىر جۈملە سۆزى ئېسىمگە كېلىپ قالدى «مۇئەييەنلەشتۈرۈلگەن مەقسەت چوقۇم ھازىرقى ئەھۋالنىڭ مەھسولى بولۇشى كېرەك » 1M&n=s _  
(داۋامى بار)

uzqak 2014-04-13 20:41
كەلدى ]مۇئەييەنلەشتۈرۈلگەن مەقسەت چوقۇم ھازىرقى ئەھۋالنىڭ مەھسولى بولۇشى كېرەك » بۇ سۆزنى قايتا تەكرارلاپ قويدۇم. ئەلۋەتتە ھاياتلىقتا مەقسەت مۇددايىمىزنى بىرنەچچە قېتىم ئۆزگەرتىپ باقىدىكەنمىز. سىناپ باقىمىز، لېكىن بىز ياخشى كۆرىدىغان بىر نۇقتا بىزنى يەنىلا تارتىپ تۇرۇدۇ. ياراتقۇچۇم مېنى ئادەم تەربىيلەشكە باغلىۋەتتىمۇ ياكى مەن شۇ ئوقۇتۇشنى بەكلا ياخشى كۆرىمەنمۇ نەگىلا بارماي شۇ ئوقۇتۇشتىن مۇستەسنا ياشىماپتىمەن. كۈتۈپخانىغا ئەزا بولغان ئوتتۇرا مەكتەپ ئوقۇغۇچىلىرىنىڭ تىل - ئەدەبىيات دەرسىنى ئۆتۈشۈممۇ توختاپ قالمىدى. ئۈرۈمچىدىكى بىرنەچچە مەكتەپنىڭ ئوقۇغۇچىلىرى شەنبە ، يەكشەنبە كۈنى كۇتۇپخانىغا كېلەتتى. ئۇلار بىلەنمۇ چىقىشىپ كەتتىم. بەزىدە شىخەنزىدىكى تۇرمۇشۇمغا مەنە قوشۇپ ئۆزلىرىنىڭ ئۆگىنىشى ، بەزى كىچىك «مەخپىيەتلىك » لىرى ھەققىدە مەسلىھەت سوراپ تېلفونمۇ قىلىپ قۇياتتى. بۇ بىر مەۋسۈممۇ ئاخىرلىشىپ تەتىلمۇ بولدۇق. ئاتا- ئانىلارنىڭ تەلىۋى ۋە كۇتۇپخانا قۇرغۇچىسى  ئابلاجان مۇئەللىمنىڭ تەلىۋى بىلەن تەتىلنى ئۈرۈمچىدە ئۆتكۈزمەكچى بولدۇم. ئوغلۇم بىلەن قىزىمنى ئۈرۈمچىگە ئېلىپ كېلىپ ماتېماتىكا ۋە ئېنگىلىس تىلى كۇرسلىرىغا ئورۇنلاشتۇدۇم. ئوغلۇمغا نىسپەتەن بۇ بىر جەمئىيەت تەكشۈرۈش بولۇپ قالسا ئەجەپ ئەمەس. .. ui`xgR\6Rh  
ئوتتۇردا كۇتۇپخانىنىڭ ئورنى ئىتپاق يولىغا يۆتكەلدى. كۇتۇپخانا يۆتكىلىش جەريانىدا مېھرىبان ئاتىلاردىن ھەسەنجان ئەپەندىمنىڭ  « ياخشى ئىشنى قېلىش ئەسكى ئىشنى قېلىشتىنمۇ تەسكەن » دېگەن سۆزىنى ئەسلەپ قالدىم. بىرنەچچە قېتىم ئابلاجان مۇئەللىمگە : « كۇتۇپخانا ئاچىمەن دېگۈچە دىباخانا ئاچسىڭىز بوپتىكەن » دەپمۇ سالدىم. بۇ سۆزلەرنىڭ نېمە ئۈچۈن شۇنداق دېيىلگەنلىكى ھەققىدىكى تەپسىلاتلارنى يېزىشقا رايىم بارمىدىمۇ ياكى يازالمىدىممۇ ئۆزۈممۇ مۈجىمەل بىر تۇيغۇ ئىچىدە ... قىسقىسى بىز كۆچتۇق . Tz+2g&+  
يېڭى يىللىق پائالىيەت ئۆتكىزىش ۋە كۇتۇپخانا ئورننى تەشۋىق قېلىش يۈزىسىدىن بىر پائالىيەت تەشكىللىمەكچى بولدۇق. خەلق ئىشلار نازارىتى، مەدەنىيەت نازارىتى دېگەندەك ئورۇنلارغا نەچچە بېرىپ بۇ پائالىيەتنىمۇ ئۆتكۈزمەكچى بولدۇق. FyJI@PZdI-  
ئوقۇتقۇچىلارغا ۋە ئوقۇغۇچىلارغا تايىنىدىغان «مىننەتدارلىق » تېمىسىدىكى بۇ پائالىيەتنى مۇنبەردىكى ئۇستازلىرىمىزدىن ئۆزقان مۇئەللىم، بۇژغۇن مۇئەللىم ۋە« بىر كىتاب بىر ئالەم  »پراگراممىسى رېياسەتچىسى كۈرەش بارات مۇئەللىملەرنىڭ قوللىشى بىلەن مۇۋاپىقىيەتلىك ئۆتكىزىۋالدۇق. بۇ پائالىيەتنىڭ تەپسىلاتى مۇنبەرگە يوللانغانلىقى ئۈچۈن تەپسىلى توختالمىدىم.قەشقەردىن ئەنۋەر بوساق مۇئەللىمنىڭ بۇ پائالىيەتكە قاتنىشىشى پائالىيەتنى يېڭى بىر مەنىگە ئىگە قىلدى. <%<}];bmFL  
شۇ كۈنى ئامىنە بارات مۇئەللىملەر بىلەن بىللە تاماقتا بولدۇق. ئوقۇتقۇچى دېگەن ئاجايىپ بىر توپكەن . ئۇنىڭ يۈرۈكىنى ،ئوقۇتقۇچىلا ئوقۇپ چۈشىنەلەيدىكەن. تاماق ئۈستىدە يەنىلا بالىلارنىڭ ، مائارىپنىڭ غېمى. بۇنى تاماق يىدۇق دېگەندىن كۆرە «تەجىربە ئالماشتۇرۇش» دېگەن ياخشاراق. شۇ كۈنى كەچتە ئادىتىم بويىچە كۈندىلىك خاتىرەمگە يەنى بىرنېمىلەرنى جىجاپ باققۇم size]تۇرمۇش ئۈچبولۇڭ شەكلىگە ئوخشايدىكەن. ئۈچبولۇڭ بىر مۇقەددەس شەكىلكەن. مائارىپمۇ ئۈچ بولۇڭ ئاتا- ئانا. مەكتەپ ، جەمئىيەت ، ئائىلىمۇ ئۈچ بولۇڭ... ئۈچ بولۇڭلۇق مۇناسىۋەت داۋاملاشماقتا . بىر بولىڭىدا قوش تىل مائارىپى يەنى بىر بولىڭىدا ئوقۇتقۇچى يەنى بىر بولىڭىدا ئوقۇغۇچى . ئۇلارنىڭ ئوتتۇرسىدىكى مۇناسىۋەت بۇزۇلۇپ كەتتى . مېنىڭ سىزماقچى بولغۇنۇم لوگىكىغا، پەلسەپىگە، پىسخىكىغا قىسقىسى بىر ئادامنىڭ ئۆسۈپ يېتىلىشىگە چۈشىدىغان ئۈچ بولۇڭ ئىدى. لېكىن مەن ھېچقانداق مەنتىقىغە ئۇيغۇن كەلمەيدىغان بىر ئۈچ بولۇڭ سىزىپ قويدۇم . ئۇنىڭ ئۈچ نۇقتىسى  رولىنى يوقاتقان .بولۇڭلىرى ھېچقانداق تىيورمىغا چۈشمەيدۇ. تەرەپلىرى چېچىلغان ... تۇرۇپلا كۆز ئالدىمغا گۈدەك كىچىك بىر بالىنىڭ قالايماقان سىزغان شەكلى كەلدى . بىچارە گۈدەك سىزىۋاتاتتى... لېكىن ئۆزىنىڭ نېمە ئۈچۈن بۇ شەكىلنى سېزىۋاتقانلىقىنى بىلمەيتتى . ئۇ سىزىشقا ئۆلچەملىك سىزىشقا تىرىشاتتى . قولى كەلمەيتتى. ھەممىدىن مۇھىمى ئۇنىڭ قولىدا ئىشكاللىرى ئېنىق بولغان سىزغۇچ يوق... «گۈدەكلەرچە »«گۈدەكلەردەك»«گۈدەكلىك قىلىپ» بۇ سۆزلەرنىڭ مەنىسىدىمۇ ئاسمان- زېمىن پەرىق بارىكەن. گۈدەكلىك ئىچىدە تەمتىرەۋاتقان تەپەككۈرۈمىز ئىزچىل قالايماقان سىزىقلاردىن تۇتاشقان ئۆلچەمسىز ئۈچبولۇڭ سىزىپ كەپتۇ. شۇڭلاشقىمۇ ئىلىمنى ياقىلايدىغان ،ئىلىم تارقىتىغان ئورۇنلارنىڭ خېرىدارى ئاز. ئېلىمنىڭ قىممىتى ،ئىلىمدارنىڭ ھۆرمىتى خۇنىكلەشكەن ئۈچ بۈرجەك مۇناسىۋەتتە ھەممە خارلىققا قاراپ  ماڭىدىكەن. بۇ جۈملىلەرنى قايتا ئوقۇشقىمۇ رايىم يوق كۈندىلىك خاتىرەمنى يېپىپ قويدۇم. ئۆتمۈش خۇددى مۇشۇ خاتىرە يېپىلغاندەكلا يېپىلسا ئۇنىڭ مۇقاۋىسىدا يېڭى ،يېڭى شەيئىلەر ھاياتى كۈچىنى نامايەن قىلسا نەقەدەر ياخشى  بولاتتى! «ئۈمىدسىزلىك شەيتاننىڭ ئىشى » شەيتان بىر توپنى ئۈمىدىسزلىك قايناملىرىغاتاشلاش ئۈچۈن تىركەشمەكتە .لېكىن  غەپلەت ئۇيقۇسىدىن ئويغاتقۇچى  ئاۋازلار قوشمىسىدىن شەيتاننى تەمتىرتىدىغان بىر ئاۋاز پەيدا بولۇپ ئۇنىمۇ يېڭى ئويۇنلارنى ئويناشقا قىستىماقتا   . تىركىشىش  داۋاملاشماقتا. مومام :«شەيتان تاڭ يورۇقىدىن قورقۇدۇ. شۇڭا  تاڭ يورۇشتىن بورۇن تۇرۇپ ئىبادەت قىل ! » دەيتى! مەن ئوقۇتقۇچىلىق ئىبادىتىنى داۋاملاشتۇرماقچى بولدۇم......

uzqak 2014-04-13 20:50
داۋامى داۋاملىق يېزىلىدۇ

uzqak 2014-04-24 16:52
بۈگۈن ئازراق ۋاقىت چىقىۋىدى يازمىنىڭ ئاخىرىنى يېزىۋېتىشكە ئولتۇردۇم. كېيىنكى كۈنلەردە كۇتۇپخانىدا لېكسىيە سۆزلىتىش مۇناسىۋىتى بىلەن زۇلپىقار بارات ئۆزباش مۇئەللىم ئەرقال كاپىتالىنىڭ قۇرغۇچىسى قۇدرەت ياقۇپ ، ۋە ئارمان گوروھىنىڭ قۇرغۇچىسى رادىل ئابلا ، بۇغدا دوىتۇرخانىسىنىڭ قۇرغۇچىسى ئەركىن ھاشىم ئەپەندىم، شۇنداقلا  ئارسلان ئابدۇللا مۇئەللىم، ئازات سولتان مۇئەللىم ، ئابدۇقادىر جالالىدىن مۇئەللىم ، يالقۇن روزى مۇئەللىم ، ئابلەت ئابدىرىشىت بەرقى مۇئەللىم  ، مىجىت لېتىپ مۇئەللىم  ۋە ئىمىن ئەھمىدى مۇئەللىم قاتارلىق ئىلىم سساھىبىلىرى بىلەن ئۇچۇراشتىم .  بۇ يەردە  بۇ ئۇستازلىرىمىز بىلەن دىدارلىشىش ، پىكىر ئالماشتۇرۇش پۇرسىتى ياراتقان بىلكۈچ كۇتۇپخانسىغا  ئالاھىدە تەشەككۈرۈمنى بىلدۈرىمەن. M3K+;-n^  
يۇقۇردا تىلغا ئالغان بارلىق ئۇستازلارنى يېزىۋاتقان ،ئۆگىنۋاتقان ، يېتەكلاۋاتقان ھالەتتە ئۇچۇراتتىم . ئۇلارنىڭ ۋاقتىنى ئېلىش، زېھنىنى خورۇتىدىغان تۇترۇقسىز مۇنازىرىلەرگە باشلاش، قاراقۇيۇق باھا بېرىپ دىلىغا ئازار بېرىشنىڭ ئورنىغا ئۇلارنى قوللاشنىڭ نەقەدەر مۇھىملىقىنى كۆرگەندەك بولدۇم . شۇڭلاشقىمۇ كۆز بىلەن كۆرۈش مۇھىم بولسا كېرەك. چېچىغا ئاق سانجىغان ئارسلان ئابدۇللا مۇئەللىم بىز ئىشخانىسىغا كىرگەندە تەتقىقات تېمىسى تۇتۇۋاتقان بىر قانچە ئوقۇغۇچىلارنىڭ تېمىسىغا يېتەكچىلىك قىلىۋاتقانىكەن. بىلىمنىڭ، ئىزدىنىشنىڭ پۇرۇقى چىقىپلا تۇرۇدىغان بۇ ئىشخانىدا سەل قورۇنۇپ قالغىنىم راست . چۈنكى ئۇستاز ئېغىز ئېچىپلا مېنىڭ نېمە پەن ئوقۇتقۇچىلىقىمنى سوراپ قالدى. ئادەتتە خېلى سۆزمەن ،راۋان سۆزلەيتتىم . نېمىشقىدۇر سۆزلىرىم قوۋلاشمايۋاتقاندەك ئوڭايسىز ئەھۋالغا چۈشۈپ قالدىم.« تىل - ئەدەبىيات ئوقۇتقۇچىسى »-دەپ بولۇپ قىزىرىپ كەتكىنىمنى ھېس قىلدىم. VaJX,Q  
- تىل - ئەدەبىيات ئوقۇتقۇچىلىرىنىڭ مەسئولىيىتى ئېغىر ، سىلەر بىزنىڭ بۈگۈنىمىز ھەم ئەتىمىز! :RzcK>Gub=  
مەن بىر تىل تەتقىقاتچىسى «ئائىيلە مەدەنىيىتى ئىلمى مۇھاكىمە يىغىنىنى»  ئورۇنلاشتۇرغىنىڭلاردىن خۇشالمەن، بىزدە مۇشۇنداق ئىلمىي سورۇنلار كۆپىيىشى ، خەلقىمىزنى تەربىيلەيدىغان ئىلمىي سورۇن كۆپ بولىشى كېرەك... لېكىن مەن تىل تەتقىقاتچىسى بولغاچقا ئائىيلە مەدەنىيەت ئىلمىي مۇھاكىمە يىغىنىنى كۆنكېرت شەىسلەردىن باشلىساڭلار! خەلقىمىز ئارسىدا ئۆزى ئوقۇمىسىمۇ پەرزەنتلىرىنى ئاجايىپ ئىسىل تەربىيلىگەن كىشلىرىمىز بار! ئۇلارنى بۇ  مۇھاكىمە يىغىنىغا تەكلىپ قىلىشقا ئۆرنەك قىلىشقا بولىدۇ . ئۇلار خەلىققە يېقىن، تىلى ئىپادىلەش ئۇسۇلىدىن نۇرغۇن كىشىلەر نەپ ئالالايدۇ. .. [esjR`u  
سەمىيمى بېرىلگەن تەكلىپلەرنى بىرمۇ - بىر خاتىرلىدىم. xE;4#+_I  
مۇشۇنداق ئاددى ئەمما قىممەتلىك تەربىيلىنىش پۇرسىتىگە 30 قېتىم ئېرىشىپتىمەن. ئازات سولتان مۇئەللىمگە تەكلىپنامە ئاپارغان كۈنى ئۇ ئۆيدە يوقكەن. سالامەتلىكى ياخشى بولمىغاچقا ياتاقتا يېتىپ داۋالىنىۋېتىپتۇ. p+snBaAo}  
پەردە ئارقىسىدىكى نۇرغۇنلىغان مېڭىشلار بىلەن 2- ئاينىڭ 1- كۈنى بۇ «ئائىيلە مەدەنىيىتى » ئىلمى مۇھاكىمە يىغىنى ئېچىلىدىغان بولدى. ئازات سولتان مۇئەللىمدىن تارتىپ تاكى ھەر قايسى تور بېكەتلىرىنىڭ بېكەت باشلىقلىرىغىچە قاتناشقان بۇ مۇھاكىمە يىغىنىدا ئائىلە بىلەن ئانا تىلنىڭ مۇناسىۋىتى. ئائىلىنىڭ يوقۇرى ساپالىق زىيالىلارنى يېتىشتۈرۈشتىكى رولى ۋە ئائىلە نەسەپنامىسى ۋە ۋەسىيەتنامە ،ئائىلە ماجراسى كەينىدىكى ئىشلار، ئائىلىدىكى ساغلاملىق ساۋادلىرى دېگەندەك بىر قاتار مەزمونلار سۆزلەندى.  ئامىركىدىن كېلىپ  شىنجاڭ مۇقامچىلىقى تەتقىقاتىدا   ئوقىۋاتقان ئېلىسا ئىسىملىك قىزچاق ئۇيغۇر تىلىغا بولغان مۇھەببىتىنى ئۇيغۇر تىلىدا ئىپادىلەپ سورۇن كەيپىياتىنى بىر بالداق يوقۇرى كۆتۈردى. ئۇيغۇر خەلىق ماقال - تەمسىللەرنى بىر نەچچىنى مېسالغا ئېلىپ ئۇنىڭدا ئىپادىلەنگەن مەنىگە بولغان قايىللىق قاتارلىقتەرەپلەردىن سۆز قىلدى. بىزدە باشقىلارنىڭ باھاسىغا بەكرەك ئەھمىيەت بېرىش خاھىشى ئېغىرمۇ بىلمىدىم. ھەممىمىز ھاياجانلاندۇق. }EE   
شۇ كۈنى سايىپخان بولغانلىقىم ئۈچۈنمىكىن خاتىرە تۇتۇپ خاتىرلەشكە نەق مەيدان تەسىراتىمنى قالدۇرۇشقا ئامالسىز قالدىم. لېكىن قاتناشقۇچىلارنىڭ ھاياجانلىق بايانلىرى ،سۇئاللارنىڭ ئۆتكۈرلىكى ، سۆزلىگۈچىلەرنىڭ ئىلمىي ئاساسلاردىن پۈتكەن بايانلىرىدىن بۇ پائالىيەتنى تەشكىللەش ئۈچۈن ماڭغان قەدەملىرىمىزدىن رازى بولۇشتۇق .  DC]FY|ff  
جاپالىرىمىز ئۇنتۇلدى. vpv PRwJ  
كۇتۇپخانا ئۆز مەجبۇرىيىتىنى ئۆتەش ئۈچۈن تىرىشتى. بۇ مەسئولىيەت ئۈچۈن بەكمۇ ھالسىردى.  لېكىن شۇ كۈنلەردە بۇ قېتىملىق لېكسىيەنىڭ  قاتنىشىش ھەققى توغۇرسىدا تور بەتلىرىدە غۇل - غۇلا قىلىندى ، ھەتتا بەزىلەر ھېچقانداق تۈزۈت يوقلا نارازىلىق بىلدۈردى. سەنئەت نومۇرلىرىغا تالاي پۇللارنى چىقىرىدىغان كىشلىرىمىز ئۈچۈن بۇ ئىلمىي مۇھاكىمە يىغىنى ئارتۇقچە  بىلىندى. ئۇنى ئەيىپلىدى. ئۇلارنىڭ ئىنكاسلىرىنىڭ قانداق ئاقىۋەت ئېلىپ كېلىدىغانلىقىنى بىلىشكىمۇ رايى يوق بىر قىسىم كىشىلەر بىزگە خېلى  كۆپ ئاۋاارگەرچىلىك ئېلىپ كەلدى. &?9p\oY[  
شۇ كۈنى يېغىندا ئابلاجان مۇئەللىم : « بىرىنچى قېتىم قىلاي دەپ قىلالمىدىم، ئىككىنچى قېتىم قىلاي  دەپ قىلالمىدىم، ئۈچۈنچى قېتىممۇ ئىرادەمدىن  ۋاز كەچمەي ئاخىرى بۇ مۇھاكىمىنى ئۇيۇشتۇرالىدۇق ! » دەپ ئاۋازى تىتىرەپ چىققاننىڭ سەۋەبىنى ئۇنىڭ بىلەن ھەمكارلاشقان بىرنەچچىمىزلا ئەڭ چوڭقۇر ھېس قىلساق كېرەك؟ شۇڭلاشقىمۇ باشتىن ئۆتكىزىش مۇھىم بولسا كېرەك؟ تۇغۇتنىڭ دەردىنى ھەرقانچە تەسۋىرلىسىمۇ تۇغۇپ باققانلارلا بىلگەندەك ،ئۇنى سېزىدىغان يۈرەك بولمىسا ھەر قانداق ئىچىنىشلىق كۆرىنىشمۇ  ئىچىنىش ھېسىياتىمىزنى قوزغالمايدۇ ئەلۋەتتە !  شۇڭلاشقىمۇ ئادەمدە قەلىبتىن پۈتكەن ئۈچۈنچى كۆز بولۇش بۇ كۆز بىلەن باشقىلارنىڭ قەلبىنى ئوقۇپ چۈشىنىش ، باشقىلارنىڭ مەيدانىدا تۇرۇپ ئويلاپ كۆرۈشنى ئۆگىنىش ،بىزگە زۆرۈريەتتۇ! g (ZeGNV8  
شۇ كۈنى پائالىيەت تۈگۈگەندىن كېيىن كۇتۇپخانىدا بىر ھازاغىچە ھاياجانلىق كەيپىيات داۋاملاشتى. ئۆزۈمچە دۇنيانىڭ ئىشلىرىغا باش قاتتۇردىغىنى ئوقۇتقۇچىلا ئوخشايدۇ دەپ ئويلاپمۇ قالدىم . گەرچە سالامەتلىكى ياخشى بولمىسىمۇ ئازات سولتان مۇئەللىم كېلىپ باشلىنىش سۆزىنى قىلىپ بەردى. رەڭ - بۇياقلاردىن خالىي ئاددى سورۇندا ئائىيلە ۋە ئۇنىڭ بىلەن باغلانغان مەدەنىيەت  ھەققىدە نۇرغۇن سۆزلەر بۇلىندى. Z7JI4"  
كۇتۇپخانا يەنە بۇرۇنقى ھالىتىگە قايتىپ تېنىچلىنىپ قالدى. ئۇ جۇل - جۇل يىرتىلغان ، تىتما- تىتما بولغان كېپەننى سودىرەپ ئۇنى پۈتۈنلەش ئۈچۈن تىرىشۋاتقان ،  روھنى ئىزدەپ ماڭغان ئەرۋاھتەك كۆرىنىپ  كەتتى. ئۆزۈمنىڭ خىيالىدىن ئۆزۈم شۈركىنىپ كەتتىم. ئۇ ئېڭىرلاۋاتقاندەك ،ھالسىراۋاتقاندەك ،يىغلاۋاتقاندەك ، گېلى سىقىلىپ چىڭقىلۋاتقاندەك...ئۇنىڭ تەنھالىقىدا خەلقىنىڭ مەنىۋى دۇنياسىنى بېيىتىش ئىستىكى يانىدۇ، يالغۇزلىقىدا ماددى دۇنيانى مەنىۋىيەتتىنمۇ ئۈستىن قويغان بىر تۈركۈم كىشىلەرنىڭ روھى يىغلايدۇ... ئۇ شۇنداق يىگانە ! LV0 g *ng  
pJ6bX4QnDX  
مۇشۇ قۇرلارنى يېزىۋېتىپ كىمدۇر بىرىنىڭ «ئىدىيىمىزنى يۈكسەلدۈرۈشنى رەت قىلساق ،زەبون ھالغا چۈشۈپ قالىمىز.ئازاب - ئوقۇبەتتىن قۇتۇلالمايمىز» دېگىنىنى ئەسلەپ قالدىم. شۇ كۈنى كەچتە ئۇزاقتىن - ئۇزاق خىيال سۈردۈم . ئەتراپىمدىكى ھەممە نەرسە يوقلىق ئىچىدە پىقىراۋاتقاندەك. ئىزمۇ، تارىخمۇ ، خاتىرىمۇ، ئادەممۇ يوق! يېزىلۋاتقان يېزىلىشنى كۈتۈۋاتقان روھ چەشمىلىرىمۇ يوق! بۇ يوقلىقتىن يەنى نۇرغۇن يۇچۇقلارغا يول ئىچىلىدىكەن، بار بولسىمۇ يوق بولسىمۇ قەدىرى بولمايدىغان نۇرغۇن نەرسىلەر قاتارىغا كۇتۇپخانىنىمۇ تىزىپ قويدۇم! (داۋامى بار)

uzqak 2014-04-24 16:53
قايتا يولىنىپ كېتىپتىكەن........

ozqan 2014-04-24 19:17
يازمىنىڭ داۋامىنى قىزىقىپ ئوقۇدۇم ، بەزى قۇرلار مېنى ئويلاندۇردى ، بەزى قۇرلار كۆزلىرىمگە ياش كەلتۈردى ،  ئابلاجان مۇئەللىمگە تەشەككۈرلەر ئېيتقىم ھەم ئۇنى قوللاۋاتقان سىزدەك مەدەتكارلارغا تەشەككۈرۈمنى بىلدۈرگۈم كەلدى ... YCeE?S1gk3  
/ ]>&OSV  
ئۇزچاق :  تار قۇدۇقتىن كەڭ  ئالەمگە يۈزلەندىڭىز ،  تەپەككۈرىڭىز بىلەن بىزنى ئۇچراشتۇرۇپ تۇرمىسىڭىز ، ھەممىمىز ئۈچۈن يۈرىكى كۆيۈپ تۇرغان پەخىرلىك  كىشىلىرىمىزنىڭ ئىدىيلىرى بىلەن بىزنى ئۇچراشتۇرۇپ تۇرمىسڭىز ، بۇ ھېس ۋە تۇيغۇلىرىڭىز ھەم ئۇلار بىلەن دەرقەمدە بولغان مىنۇتلىرىڭىز ھەم يول قويمايدۇغۇ دەپ ئويلايمەن .... _q)`Y:2  
h K@1 s  
داۋاملىق يېزىپ تۇرۇڭ .... NqkR R$O  

uzqak 2014-04-26 20:53
يازمىنى يەنى يازاي. ئۆزقان ئېيتقاندەك  يېزىشىم كېرەككەن. يېزىشىم باشقىلار ئۈچۈن بولىشىدىنمۇ بەكرەك ئۆزۈم ئۈچۈن . چۈنكى يېزىش ئارقىلىق ئۆز- ئۆزۈم بىلەن سۆزلىشىمەن يۈرۈكۈمنىڭ پىنھانلىرىدىن   ئۆزۈمنى ئىزدەيمەن. يېڭىلىنىمەن. ھايات مۇساپەمنى سىزىمەن. بۇ ئوت يۈرەككە قانداق سىلىندى؟ نېمە ئۈچۈن ھەممە ئادەم ئوخشاش كەچمىشتە تۆرەلگەن بولسىمۇ ئۇنىڭ ئويلايدىغىنى ئىنتىلىدىغانلىقى ئوخشاش بولمايدۇ؟ بۇنى ياشىغان مۇھىت يەنى نۇرغۇن ئامىللارغا باغلىساقمۇ  مۇھىمۇ بۇ ئوتنىڭ نىسىپ بولۇش بولماسلىقىدا . شۇڭلاشقىمۇ قۇدىرەتلىك بىر كۈچ يەنى جىسمانىيىتىمىزگە بوي سۇنمايدىغان بۇ ئوتنىڭ يۈرۈكىمىزدە بولىشى تەغدىرنىڭ بىزگە ئاتا قىلغان ئالىي نېئىمىتى .مەسئولىيەت نېئىمىتى نىسىپ بولغان نۇرغۇن كىشىلەر ئۆزىنى ئۇنتۇغان ھالدا ئۆزى شۇغۇلىنىۋاتقان كەسىپ ئۈستىدە ئىزدىنىدۇ .ئۇ نىسىپ بولمىسا ئامال يوق ، ئۇ  ھەممىلا ئادەمگە نىسىپ بولماسلىقى بىلەن سۆيۈملۈك ۋە ئۇلۇغ! ئۇ  يۈرىكىمىزدە پەيدا بولمىسا مەسئولىيەت ئوتىدا كۆيىۋاتقانلارنى مەسخىرە قىلىمىز ، ئۇلارنىڭ ئىزدىنىشلىرىنى ئۆزىمىزنىڭ تار دۇنياسىغا قىستاپ ئېلىپ كىرىپ پۈچەك ئۆلچەملىرىمىزدە تاسقايمىز. تۇنجۇقتۇرىمىز.  تۇرۇپلا  ھاياتىممۇ قىستاپ قالغاندەك ، يېتىشەلمەيۋاتقاندەك تۇيغۇ ئىچىدە تەمتىرەپ قالدىم.  گەرچە ھازىرغىچە بولغان ھايات مۇساپەمدە ئۆزۈم توغرا دەپ قارىغان ئىشلارنى قېلىپ باققان بولساممۇ لېكىن يەنىلا تىرىشىشقا ،ئىزدىنىشقا تېگىشلىك تەرەپنىڭ بەكمۇ كۆپ ئىكەنلىكىنى ھېس قىلدىم. .m;1V6  
قايسى كۈنلىكى تازا ئېنىق ئىسىمدە يوق ، «سابا تىل تەربىيلەش مەركىزى » بىلەن «ئۈرۈمچى شەھەرلىك 19 - باشلانغۇچ مەكتەپ » ھەمكارلىشىپ ئۆتكىزگەن «يېڭى يۈزلىنىش ، يېڭى نىشان » تېمىسىدىكى لېكسىيە پائالىيىتىگە كۇتۇپخانىغا ۋاكالىتەن قاتناشتىم . . 2.$Rq  
ئازراق كىچىكىپ قالغاچقا ئولتۇرىدىغان ئورۇننىمۇ تەستەرەك تاپتىم. ئادەممۇ خېلى كۆپ ئىدى . لېكسىيە رەسىمىي سۆزلىنىشتىن بۇرۇن بىر سائەتلىك ئېنگىلىس تىلى دەرسى ئاڭلىدۇق. پائالىيەت خارەكتىرىنى ئالغان بۇ دەرسنى تىل جەھەتتىن تازا چۈشۈنەلمىسەممۇ مىتوت جەھەتتىكى ئارتۇقچىلىقىنى قوبۇل قىلدىم . لېكىن نېمىشقىدۇر مۇشۇنداق ئەقىللىق بالىلارنىڭ چوڭ بولغانچە ھېچنىمە خۇشاقمايدىغان مىشچان بولۇپ قالىدىغاندۇ- دەپ ،ئويلاپ قالدىم.لېكسىيە داۋامىدا نۇرغۇن نەرسىلەرنى ئويلىدىم .  بولۇپمۇ بارلىق پەرزەنتلىرىنىڭ ھەممىسىنى ياراملىق قىلىپ تەربىيلىيەلىگەن زۇلپىقار بارات ئۆزباش، كۈرەش بارات مۇئەللىملەرنىڭ ئانىسىغا ئۈنسىز تەشەككۈر ئېيتتىم. OrPIvP 
زۇلپىقار مۇئەللىمنىڭ تىل ئۆگىنىشنىڭ مۇھىملىقى ،ئانا تىلدىكى تەپەككۈرنىڭ مۇھىملىقى ھەققىدە توختىلىپ ،تىل ئۆگىنىش جەريانىدا 30 خاتىرىنى ئۇچۇرغان يېڭى سۆزلەرنى خاتىرلەش ۋە ئوقۇغان كىتابلىرىمدىن خاتىرە يېزىش بىلەن توشقازغانلىقىنى ئېيتقاندا قايىل بولماي تۇرالمىدىم. خاتىرە قالدۇرۇش ۋە يادىلاشقا سەل قارىلۋاتقان دەرسخانە ئوقۇتۇشىمىز بىلەن بۇ لېكسىيەنىڭ مەزمونى تەبىئىيلا باغلىنىپ كەتتى. 7xwS  .|  
بىر چاغلاردا ساپا مائارىپى توغۇرسىدىكى قىزغىنلىق سەۋەبىدىن بىر مەزگىل يادىلاشقا قارشى تۇردۇق. ئوقۇغۇچىلار خاتىرىمۇ قالدۇرمايدىغان ،يازمايدىغان بولۇپ كەتتى، يەنى بىر مەزگىلدىن كېيىن ئوقۇغۇچىلارنىڭ يۈكىنى يېنىكلىتىمىز دەپ ، تاپشۇرۇقمۇ بەرمەس بولدۇق .لېكىن ئوقۇتۇشنىڭ قانۇنيىتىنى يېڭىلىقلار بىلەن بىرلەشتۈرەلگەن نۇرغۇن ئوقۇتقۇچىلار  تىل ئۆگىنىشتە ئوقۇش ، يېزىش ، سۆزلەشنىڭ بېرىكىپ كېلىدىغانلىقىدىن ئىبارەت نۇقتىنى چىڭ تۇتۇپ  ئوقۇغۇچىلارنىڭ بۇ تەرەپتىكى تەربىيلىنىشىنى چىڭ تۇتتى. يەنى بىر مەزگىللەردىن كېيىن دەرسخانىدا «سۇئال ياغدۇرۇش ماھارىتى» كۆرسىتىشكە باشلىدۇق. سۇئاللار كەينى - كەينىدىن قۇيۇلىدۇ، ئوقۇغۇچىلار جاۋاب بېرىدۇ. كېڭەيتىشكە تېگىشلىك جۈملە، مۇھىم سۆز ۋە بۇ سۆزنىڭ جۈملە ئىچىدىكى رولى ھەققىدىكى ئوقۇتقۇچى سۆزلەپ چۈشەندۈرىشكە تېگىشلىك يەرلەر مۇنداقچە ئېيتقاندا دەرسنىڭ قىيىن نۇقتىلىرى تاشلىنىپ قېلىپ سۆز ئىشلىتىشتە ئىنتايىن نامرات بىر تۈركۈملەرگە يول ئاچتۇق. ئەلۋەتتە قوش تىل مۇھىتىدىكى « تىل - ئەدەبىيات دەرسى » بىلەن بۇ ھالەت قۇشۇلۇپ كەتتى.  قىسقىسى شۇ سۆزلەرنى چۈشىنىش ئۇنى قانداق يەتكۈزىش ھەققىدە مەن  خاتىرە يېزىپ باقماپتىمەن.  گەرچە لېكسىيە يازساممۇ بۇ نۇقتىلار تازا ئېنىق ئۆز ئىپادىسىنى تاپماپتۇ. گەرچە خاتىرە قالدۇرۇش ئادىتىم بولسىمۇ  يېتەرسىزلىكىم يەنىلا بەك كۆپكەن... 15iCJ p  
ئۇ كۈنى   ئوقۇغۇچىنىڭ ياكى ئۆزىمىزنىڭ ئائىيلىسىدىكى پەرزەنتىمىزنىڭ قىزىقىشىنى بايقاش، نىشان بېكىتىش ھەققىدە ئىزدىنىشنىڭ مۇھىملىقىنى  ، قىزىقىشىنى تاپالمىغان ئادەمنىڭ بەك بىچارە ئىكەنلىكىنى ، ئېقىمغا ئەگىشش خارەكتىرىدىكى ساقتا  ئۆگىنىش پۇزۇتسىيەسىنىڭ ئىنتايىن خەتەرلىك ئىكەنلىكى ، تېلۋىزورنى كۆرۈشنى پىلانلاش ،  چوڭلاردىكى ئۈندىدار قىزغىنلىقىنىڭ بالىلارغا كۆرسىتىدىغان تەسىرى  ھەققىدە ۋە بالىلارنىڭ قىزىقىشىنى يېتىلدۈرۈش ھەققىدە نۇرغۇن يېتەكلەش خارەكتىرىدىكى ئىسىل سۆزلەر بولدى . . بۇ لېكسىيەنى ئاڭلىغان نۇرغۇن ئاتا- ئانىلار ، ھەر كەسىپتىكى كىشىلەر ھاياجانلاندى، تەسىرلەندى، قىزغىن چاۋاكلارنى ياڭراتتى. لېكىن ئەمىلىيەت مەسلىسى قانداق بولىدۇ ؟ ئېنىقسىز... لېكىن مۇشۇنداق  يېڭى كۆزقاراش ،ئىدىيەلەرگە ئىشىك ئاچالغانلىقى بىلەن  بۇ ئۈرۈمچى! 9w11kut-!  
كەچتە لېكسىيە ھەققىدەئاچامغا قىسقىغىنە  دوكىلات بەردىم. ھەر قېتىم ماڭا تەسىر قىلغان ئىشلارنى ئۇنىڭغا سۆزلەپ بېرەتتىم . 9s73mu`Twg  
-- دېمىسىمۇ راست ! مەن 40 ياشتىن ئاشتىم ، قىزىقىشىمنىڭ نېمىلىكىنى تازا بىلەلمىدىم. ئۇنىڭ ئۈچۈن پىلان تۈزۈپ باقماپتىمەن..... m ~fqZK  
مەنمۇ تولۇقسىزدا  ئوقۇۋاتقىنىم بىلەن قىزىقىشىمنىڭ نېمىلىكىنى بىلمەيمەن--دىدى ، ئاچامنىڭ ئوغلىمۇ سوھپىتىمىزگە قۇشۇلۇپ .    EVgn^,  
شۇ كۈنى يەنە نېمىلەرنى دىيىشتۇق تازا ئىسىمدە يوق ، لېكىن بىر نۇقتا ئېنىق بولدى . ۋاقىتنى ھېسابلىشىمىز كېرەككەن. ئۇنىڭ دەقىيقىسىدە ئۆزىمىزنىڭ، پەرزەنتىمىزنىڭ ، بىز ياخشى كۆرىدىغان ۋە بىزنى ياخشى كۆرىدىغان بارلىق كىشىلەرنىڭ ھەققى بارىكەن، ئېھتىمال دەرسنى ياخشى ئۈتۈش ئۈچۈن ئاجىراتقان ۋاقتىمىزمۇ بىزگە ئېھتىياجلىقلار ئۈچۈن ،ۋاقىتىمىزدىن  ئايرىغان زاكىتىمىزدۇ؟  ( داۋامى بار )


查看完整版本: [-- روھ چاچقىنلىرى ________ بىلكۈچ كۇتۇپخانىسىدا ئۆتكەن كۈنلەر --] [-- top --]


Powered by phpwind v8.7 Code ©2003-2011 phpwind
Gzip enabled