قەلب غەليىنى
ماڭا ھەم ئۆگەتتىڭ سېغىنماسلىقنى،
سېغىنىش ئازابى بىلمەيدىغانلار.
ھىجراننىڭ دەردىدە ئاغىرماسلىقنى،
كۆڭۈلگە ئېتىقاد قىلمايدىغانلار.
ئۆگەتتىڭ دۇنيادا سۆيمەسلىك سىرىن،
مۇھەببەت تۇيغۇسى بىلمەيدىغانلار.
ئاشىقى بەخش ئەتسە ئاتەشنى دىلدىن،
تاش كەبى نەزەرگە ئىلمەيدىغانلار.
ئۆگەتتىڭ ھېسسىيات ئاتلىق سەپەردە،
قەلبىمنى ئوتلارغا تاشلىماسلىقنى.
شۇ چاغدا بىلەرمەن بەلكى ھاياتتا،
تىرىك بولۇپ تۇرۇپ ياشىماسلىقنى.
ئـېھـ، مېـنىـڭ سۆيـگـۈم
ئەتىرگۈل مىسالى گۈزەلدۇر سۆيگۈم،
باھار گۈللىرىدەك نەپستۇر سۆيگۈم،
كۈزلۈك ياپراقلاردەك خازاندۇر سۆيگۈم،
قەلبتە پىنھان سۆيگۈم، بىچارە سۆيگۈم.
شاماللار چېچىمنى مەيىن سىلىسا،
غۇنچە لەۋلىرىمدىن سۆيۈشلەر ئالسا،
بۇ ئىشقىم مېنى ئۈنسىز چۇلغىسا،
قەلبدە پىنھان سۆيگۈم، ئۈمىدسىز سۆيگۈم.
قەلبىڭدە مەن ئەمەس ئۆزگىدۇر تەنھا،
يارىڭ جامالىغا كۆزلىرىڭ شەيدا،
يۈرىكىم خەستىدۇر سېنىڭ ئوتۇڭدا،
قەلبتە پىنھان سۆيگۈم، جاۋابسىز سۆيگۈم.
شەبنەمدەك تامچىلار كۆزدىكى يېشىم،
ھىجرانلار يۈرىكىمگە تىنماي سانجىلار،
بۇ دۇنيا ئۆتكۈنچى، ئۆتكۈنچى ھەممە،
قەلبتە پىنھان سۆيگۈم، پىنھاندۇر سۆيگۈم.
قەلبىمنىڭ تۆرىدە پىنھاندۇر سۆيگۈم،
زار - زار يىغلايدۇ كېچە يۇ كۈندۈز،
ئۇنى خۇش قىلماققا ئاجىزدۇر دىلىم،
قەلبتە پىنھان سۆيگۈم، ئەبەدىي سۆيگۈم.
ئەمدى سەن يىغلىغىن، مەن يىغلاپ بولدۇم
ھاياتىم مەنىسىز كۆرۈندى بۈگۈن،
ئازابىڭ دەستى مىڭ تىرىلىپ ئۆلدۈم.
ياش كەلمەس، ئۇرۇنما كۆزۈمگە بۇ تۈن،
ئەمدى سەن يىغلىغىن، مەن يىغلاپ بولدۇم.
شۇنچىلىك مېھىرسىزمىدى بۇ دۇنيا،
ياكى سەن، يا ھايات مەن بىلمەي قالدىم.
يىغلىدىم مىسالى توختىماس دەريا،
ئەمدى سەن يىغلىغىن، مەن يىغلاپ بولدۇم.
ياش تولۇپ كۆزۈمگە سېنى كۈتەتتىم،
ئۇنتارمەن، دېدىم ھەم يۈرىكىم تىلدىم.
نېمە دەرد بولسا ھەم ئىچىمگە يۈتتۈم،
ئەمدى سەن يىغلىغىن مەن يىغلاپ بولدۇم.
ئويلىسام بىر تامچە يېشىمغا ھەتتا،
ئەرزىمەس ئىكەنسەن، مەن ئەمدى بىلدىم.
سەن ئۈچۈن قىلغىنىم ھەممىسى خاتا،
ئەمدى سەن قىينالغىن، مەن كۆنۈپ قالدىم.
s a71Vh{
vKX
$Nf
