| مىېھرىما |
2014-02-18 10:08 |
مىېھرىما: بەزىلەر
بەزىلەر
مىېھرىما
ئىش ئەپلەشكە بەك ماھېر ،
ئاسان ئىشنى ئىزدەيدۇ.
قىيىن ئىشقا دۇچ كەلسە ،
غەمدىن بېشى ئاغرىيدۇ.
ئامالىنى ئىزدەپ ئۇ،
زادى تىنىم تاپمايدۇ.
چۆنتىكىنى باشلىقنىڭ،
پۇل مال-بىلەن يوقلايدۇ.
ئەيشى- ئىشرەت بەزمىدىن،
ئالدىن خەۋەر تاپىدۇ.
باشلىق بىلەن ئولتۇرۇپ،
ئىمانىنى ساتىدۇ.
ئىشرەت ئىچرە باشلىقمۇ،
سەن ياخشى دەپ تۇرىدۇ.
مەس ئولتۇرۇپ ئىشلارغا ،
ياخشى چارە تاپدۇ.
ئامال قىلىپ باشلىقى،
كۆڭۈل بۆلۈپ تۇرىدۇ.
ئاسان قىلىپ ئىشىنى،
تەييار قىلىپ بېرىدۇ.
باشلىقلارنىڭ ئۆيىنى ،
ئۆز ئۆيىدەك بىلىدۇ.
نېمە بار يوق نېمە كەم،
تېپىپ تەييار قىلىدۇ.
ھېيت -بايرام بولسىغۇ،
تېرىسىگە پاتمايدۇ.
«ئەجەپ پۇرسەت كەلدى »دەپ
خىزمەت قىلىپ ھارمايدۇ.
ئائىلە ھەم بالام دەپ،
جاپا چېكىپ يۈرمەيدۇ.
ۋېجدانىنى ساتقانغا،
پۇشمان قىلىپ يۈرمەيدۇ.
قولى شۇنداق بەك ئەپچىل ،
زادى ھاردۇق يەتمەيدۇ.
شۇنداق ياشار بەزىلەر،
كۈننى كەچكە ئۇلايدۇ.
مەنبە : ئىجادىيىتىم |
|
